Fraud ദുബായിൽ ഉയർന്ന ശമ്പളത്തിൽ ജോലി വാഗ്ദാനംചെയ്ത് പണം തട്ടാൻ ശ്രമം, വ്യാജ ഓഫർ ലെറ്റർ നൽകി; മലയാളി രക്ഷപ്പെട്ടത് തലനാരിഴയ്ക്ക്
beware of Fake job offer
വ്യാജ ഓഫർ ലെറ്റർ നൽകി ദുബായിലേക്ക് ആളുകളെ കടത്തിവിടുന്ന സംഘങ്ങൾ സജീവമാകുന്നു. എറണാകുളം ഫോർട്ട് കൊച്ചി സ്വദേശി സനീറിനാണ് തട്ടിപ്പുകാർ ജോലി വാഗ്ദാനം ചെയ്തത്. ദുബായിലെ ഒരു അമേരിക്കൻ ആശുപത്രിയുടെ പേരിൽ തയാറാക്കിയ വ്യാജ ഓഫർ ലെറ്റർ നൽകിയാണ് ഇദ്ദേഹത്തെ പറ്റിച്ചത്. തിരുവനന്തപുരം ശാസ്താനഗർ സ്വദേശി മുജീബ് ഇബ്രാഹീമിന്‍റെ പേരിൽ കരാർ ഉടമ്പടി തയ്യറാക്കി ശേഷം പണം ആവശ്യപ്പെടുകയായിരുന്നു. മുജീബ് ഇബ്രാഹീം ഒരു ട്രാവൽസ് ഉടമയാണ് എന്നാണ് ഉടമ്പടിയിൽ പറയുന്നത്. കരാറിനൊപ്പം ആണ് ഇവർ വ്യാജ ഓഫർ ലെറ്റർ നൽകിയത്
ഓഫർ ലെറ്ററിന്‍റെ ആധികാരികത ഉറപ്പുവരുത്താനായി ദുബായിലെ പരിചയക്കാരുമായി ഒരു പരിശോധന നടത്തി. അപ്പോഴാണ് സംഭവം തട്ടിപ്പാണെന്ന് മനസിലായത്. ആശുപത്രി അധികൃതരുമായി ബന്ധപ്പെട്ടു. അപ്പോഴാണ് വ്യാജ ഓഫർ ലെറ്ററാണെന്ന് മനസ്സിലായത്. നേരിട്ട് മാത്രം റിക്രൂട്ട്മെൻറ് നടത്തുന്ന സ്ഥാപനമാണ് അമേരിക്കൻ ആശുപത്രി എന്ന വിവരം ആണ് ലഭിച്ചത്. 1800 ദിർഹം ശമ്പളത്തോടെയുള്ള ജോലിയാണ് ലഭിച്ച ലെറ്ററിർ പറയുന്നത്. ഓഫർ ലെറ്ററിൽ പലയിടങ്ങളിലും അക്ഷരത്തെറ്റുകൾ കണ്ടു ഇതാണ് സംശയത്തിന് ഇടയാക്കിയതും അന്വേഷിക്കാൻ കാരണമായതും.
ആവശ്യപ്പെട്ട പണം നൽകിയാൽ കരാർ ഉടമ്പടി മുദ്രക്കടലാസിൽ ഒപ്പിട്ട് തിരിച്ചയക്കാമെന്നാണ് മുജീബ് പറഞ്ഞതായി സനീർ പറയുന്നു. തനിക്കാറിയാവുന്ന 5 പേർക്ക് ഇത്തരത്തിൽ വിസ നടപടികൾ നടക്കുന്നുണ്ട്. അവരും ഇത്തരത്തിൽ വ‍ഞ്ചിക്കപ്പെടാൻ സാധ്യതയുണ്ടെന്ന് ഇദ്ദേഹം പറയുന്നു. ബന്ധുവിന്‍റെ സുഹൃത്ത് വഴിയാണ് ഏജന്റിനെ പരിജയപ്പെടുന്നത്. സർക്കാർ തലത്തിൽ നടപടികൾ വേണം എന്നാണ് ഇവർ ആവശ്യപ്പെടുന്നത്. ഉദ്യോഗാർഥികൾ ജാഗ്രത പാലിക്കണം എന്നും ഇദ്ദേഹം പറഞ്ഞു.
കേരള പൊലീസും നോര്‍ക്കയും വിദേശകാര്യ മന്ത്രാലയത്തിലെ പ്രൊട്ടക്ടര് ഓഫ് എമിഗ്രന്‍സും സംയുക്തമായി നടപ്പാക്കുന്ന ഓപറേഷന്‍ ശുഭയാത്രയുടെ ഭാഗമായി 24 മണിക്കൂറും പ്രവർത്തിക്കുന്ന ഹെൽപ് ലൈൻ നമ്പറും ഇ-മെയിൽ ഐഡികളും നിലവിലുണ്ട്. ഇതിൽ വിസയുമായി ബന്ധപ്പെട്ട കാര്യങ്ങൾക്ക് പരാതി നൽകാം. 0471-2721547 എന്ന ഹെല്‍പ് ലൈന്‍ നമ്പറിൽ വിളിക്കാവുന്നതാണ്.
യുഎഇയിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാവുക
Comments (0)