യുഎഇയിലെ ഈദുൽ ഫിത്തർ നമസ്കാര സമയം
ദുബായ്: റമദാനിൽ ഒരു മാസത്തെ വ്രതാനുഷ്ഠാനത്തിന് ശേഷംവൈവിധ്യമാർന്ന വിനോദങ്ങളും ഭക്ഷണങ്ങളും കുടുംബവും സുഹൃത്തുക്കളുമൊത്ത് ഇസ്ലാമിക ഉത്സവമായ ഈദ് അൽ ഫിത്തറിനായി വിശ്വാസികൾ ഒരുങ്ങിക്കഴിഞ്ഞു. യുഎഇയിലുടനീളം ഏപ്രിൽ 10ന് ഈദ് ആഘോഷിക്കും.
യുഎയിലെ വിവരങ്ങളെല്ലാം വിരല്ത്തുമ്പിലെത്താന് ഈ ഗ്രൂപ്പിൽ അംഗമാവുകhttps://chat.whatsapp.com/FvjH2GWdxOVBPCvKNLtaCA
ഇസ്ലാമിലെ എല്ലാ കാര്യങ്ങളെയും പോലെ, ഈദും ഒരു പ്രത്യേക നമസ്കാരത്തോടെ ആരംഭിക്കുന്നു. ഈദിൻ്റെ ആദ്യ ദിവസം, പള്ളികളിലും ഓപ്പൺ എയർ ആരാധനാലയങ്ങളിലും പ്രത്യേക പ്രാർത്ഥനകൾക്കായി സൂര്യോദയത്തിന് തൊട്ടുപിന്നാലെ ഏറ്റവും മികച്ച പെരുന്നാൾ വസ്ത്രം ധരിച്ച വിശ്വാസികളെത്തും.
യുഎഇയിലുടനീളമുള്ള പ്രാർത്ഥന സമയങ്ങൾ :
ദുബായ്
ദുബായിലെ ഇസ്ലാമിക് അഫയേഴ്സ് ആൻഡ് ചാരിറ്റബിൾ ആക്റ്റിവിറ്റീസ് ഡിപ്പാർട്ട്മെൻ്റ് തയ്യാറാക്കിയ രേഖ പ്രകാരം രാവിലെ 6.20നാണ് പ്രാർത്ഥന നടക്കുക.
ഷാർജ
ഷാർജയിലെ പ്രാർത്ഥനകയുടെ സമയം ഇസ്ലാമിക് അഫയേഴ്സ് ഡിപ്പാർട്ട്മെൻ്റ് പോസ്റ്റ് ചെയ്തു:
- ഷാർജ സിറ്റിയും ഹംരിയയും: രാവിലെ 6.17
- അൽ ദൈദും അൽ ബത്തേയും: രാവിലെ 6.16
- അൽ മദാമും മ്ലീഹയും: രാവിലെ 6.16
- കിഴക്കൻ മേഖല: രാവിലെ 6.14
അബുദാബി
ദുബായിൽ നിന്ന് രണ്ടോ നാലോ മിനിറ്റ് കഴിഞ്ഞാണ് പൊതുവെ പ്രാർത്ഥന സമയം. ഷെയ്ഖ് സായിദ് ഗ്രാൻഡ് മോസ്ക് സെൻ്റർ പ്രസിദ്ധീകരിക്കുന്ന ഇസ്ലാമിക് ഹിജ്റി കലണ്ടർ പ്രകാരം ഈദ് നമസ്കാരം രാവിലെ 6.22ന് അബുദാബി നഗരത്തിലും 6.15ന് അൽ ഐനിലും നടക്കും.
അജ്മാനും ഉമ്മുൽ ഖുവൈനും
സാധാരണയായി, ഈ എമിറേറ്റുകളിലെ സമയക്രമം ഷാർജയ്ക്ക് തുല്യമാണ്. അതായത് രാവിലെ 6.17.
റാസൽഖൈമയും ഫുജൈറയും
ഈ എമിറേറ്റ്സിലെ സമയം ഷാർജയേക്കാൾ രണ്ട് മിനിറ്റ് പിന്നിലാണ്. അത് രാവിലെ 6.15 ആയിരിക്കും.
ഫജ്ർ നിസ്കാരത്തിന് ശേഷം ഉടൻ തന്നെ പ്രത്യേക പ്രാർത്ഥനയ്ക്കായി പള്ളികളിലേക്ക് പുറപ്പെടുന്നതാണ് നല്ലത്.
പെരുന്നാൾ നമസ്കാരം എങ്ങനെയാണ് നടത്തുന്നത്
ഈദ് നമസ്കാരം ഒരു കൂട്ടായ്മയാണ്, അതിൽ രണ്ട് റകഅത്ത് അടങ്ങിയിരിക്കുന്നു. ആദ്യത്തേതിൽ, സൂറത്ത് ഫാത്തിഹയും വിശുദ്ധ ഖുർആനിലെ മറ്റൊരു അധ്യായവും പാരായണം ചെയ്യുന്നതിന് മുമ്പ് ഇമാം ഒന്നിലധികം തക്ബീറുകൾ അർപ്പിക്കുന്നതിൽ ആരാധകരെ നയിക്കും. രണ്ടാമത്തെ റകഅത്തിലും തക്ബീറുകൾ ചൊല്ലാറുണ്ട്. നമസ്കാരത്തിനൊടുവിൽ ഇമാം പ്രഭാഷണം നടത്തും.