PRAVASI NEWS DAILY

ബാച്ചിലർമാർ താമസിക്കുന്ന ഏഴ് പ്രോപ്പർട്ടികളിലെ വൈദ്യുതി വിച്ഛേദിച്ചതായി ഹവല്ലി ഗവർണറേറ്റ് മുനിസിപ്പാലിറ്റി ബ്രാഞ്ച് ഡയറക്ടർ എഞ്ചിനീയർ ഹമ്മൂദ് അൽ മുതൈരി അറിയിച്ചു, ജാബ്രിയ, സൽവ മേഖലകളിൽ നടത്തിയ പരിശോധനകളെ തുടർന്നാണ് നടപടി.

ഹവല്ലി ഗവർണറേറ്റിലെ എഞ്ചിനീയറിംഗ് ഓഡിറ്റ് ആൻഡ് ഫോളോ അപ്പ് ഡിപ്പാർട്ട്‌മെൻ്റിൽ നിന്നുള്ള സൂപ്പർവൈസറി ടീമുകൾ ഫീൽഡ് ടൂറുകൾ പരിശോധനകൾ തുടരുമെന്ന് കുവൈത്ത് മുനിസിപ്പാലിറ്റിയിലെ പബ്ലിക് റിലേഷൻസ് ഡിപ്പാർട്ട്‌മെൻ്റ് വ്യക്തമാക്കി.

എഞ്ചിനീയർ ഹമ്മൂദ് അൽ മുതൈരി നേരിട്ട് മേൽനോട്ടം വഹിക്കുന്ന ഈ ടൂറുകൾ, വൈദ്യുതി മന്ത്രാലയം, ആഭ്യന്തര മന്ത്രാലയം, സിവിൽ ഇൻഫർമേഷൻ പബ്ലിക് അതോറിറ്റി എന്നിവയുൾപ്പെടെ ബന്ധപ്പെട്ട സർക്കാർ ഏജൻസികളുമായി സഹകരിച്ച് ആസൂത്രിതമായ ഷെഡ്യൂൾ ചെയ്താണ് നടത്തുന്നത്.

സ്വകാര്യ റെസിഡൻഷ്യൽ ഏരിയകളിൽ താമസിക്കുന്ന ബാച്ചിലർമാരെ കുറിച്ച് റിപ്പോർട്ട് ചെയ്തുകൊണ്ട് ബന്ധപ്പെട്ട വകുപ്പുകളുമായി പൗരന്മാരും താമസക്കാരും സഹകരിക്കണമെന്നും അധികൃതർ പറഞ്ഞു.