Ardiya food safety inspection കുവൈറ്റ് സിറ്റി, ഓഗസ്റ്റ് 26: അർദിയ ഇൻഡസ്ട്രിയൽ ഏരിയയിലെ ഭക്ഷ്യ സ്ഥാപനങ്ങളിൽ കുവൈറ്റ് പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷൻ പരിശോധന നടത്തി. ഭക്ഷ്യസുരക്ഷയും ആരോഗ്യ മാനദണ്ഡങ്ങളും പാലിക്കുന്നുണ്ടെന്ന് ഉറപ്പാക്കുന്നതിന്റെ ഭാഗമായാണ് പരിശോധന.
പരിശോധനയിൽ വിവിധ നിയമലംഘനങ്ങളുമായി ബന്ധപ്പെട്ട ഏഴ് കേസുകൾ കണ്ടെത്തി. ആരോഗ്യ, ശുചിത്വ മാനദണ്ഡങ്ങൾ പാലിക്കാത്തത്, കാലാവധി കഴിഞ്ഞ ആരോഗ്യ ലൈസൻസുകൾ ഉപയോഗിച്ചത്, ഭക്ഷ്യ ഉൽപ്പന്നങ്ങളുടെ വിൽപ്പനയുമായി ബന്ധപ്പെട്ട നിയമലംഘനങ്ങൾ എന്നിവ ഇതിൽ ഉൾപ്പെടുന്നു.
കൂടാതെ, സാധുവായ ആരോഗ്യ സർട്ടിഫിക്കറ്റുകളില്ലാത്ത തൊഴിലാളികളെ സ്ഥാപനങ്ങളിൽ ജോലിക്ക് നിയോഗിച്ചതായും കണ്ടെത്തി.
നിയമലംഘനം നടത്തിയ സ്ഥാപനങ്ങൾക്കെതിരെ നിലവിലെ ചട്ടങ്ങൾ അനുസരിച്ച് ആവശ്യമായ നിയമനടപടികൾ സ്വീകരിച്ചതായി അതോറിറ്റി അറിയിച്ചു.
ഭക്ഷ്യ സ്ഥാപനങ്ങളിൽ പരിശോധനയും നിരീക്ഷണവും തുടരുമെന്ന് പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷൻ വ്യക്തമാക്കി. ഉപഭോക്താക്കളുടെ സുരക്ഷ ഉറപ്പാക്കുകയും ഭക്ഷ്യസുരക്ഷാ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കുകയുമാണ് പരിശോധനകളുടെ പ്രധാന ലക്ഷ്യം.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
പ്രവാസികളെ….പുതിയ അടവുകൾ കാണിക്കും പല കള്ളത്തരം മെസ്സേജുകളും വരും!!! വീഴരുത്,, വീണാൽ ചതിയിൽ വീഴും; ജാഗ്രത മുന്നറിയിപ്പ്
UAE Nazia Staff Editor — August 27, 2026 · 0 Comment
ദുബായ്∙ പണം വാങ്ങി ജോലി, റസിഡൻസി, സന്ദർശന വീസകൾ വാഗ്ദാനം ചെയ്യുന്ന വ്യാജ പരസ്യങ്ങൾക്കും സന്ദേശങ്ങൾക്കുമെതിരെ ജാഗ്രത പുലർത്തണമെന്ന് ദുബായ് പൊലീസ്. ക്രിമിനൽ ഇൻവെസ്റ്റിഗേഷൻ ജനറൽ ഡിപ്പാർട്ട്മെന്റിന് കീഴിലുള്ള ആന്റി ഫ്രോഡ് സെന്ററാണ് പൊതുജനങ്ങൾക്ക് മുന്നറിയിപ്പ് നൽകിയത്.
സമൂഹമാധ്യമ പ്ലാറ്റ്ഫോമുകളിലും മെസേജിങ് ആപ്പുകളിലും ലൈസൻസില്ലാത്ത കമ്പനികളുടെയോ ഓഫീസുകളുടെയോ പേരിലും ഔദ്യോഗിക സ്ഥാപനങ്ങളുടെ പേര് ദുരുപയോഗം ചെയ്തുമാണ് ഇത്തരം തട്ടിപ്പു സംഘങ്ങൾ ഇരകളെ ആകർഷിക്കുന്നത്. ‘ബീ അവെയർ ഓഫ് ഫ്രോഡ്’ എന്ന ബോധവൽക്കരണ പ്രചാരണത്തിന്റെ ഭാഗമായാണ് പൊലീസ് മുന്നറിയിപ്പ് പുറപ്പെടുവിച്ചത്. എല്ലാ വീസ നടപടികളും ബന്ധപ്പെട്ട ഔദ്യോഗിക അധികാരികൾ വഴിയോ നിയമപരമായി അംഗീകാരമുള്ള ഓഫിസുകൾ വഴിയോ മാത്രം പൂർത്തിയാക്കണം. ഏജന്റുമാരെയും വിശ്വസിക്കാൻ കൊള്ളാത്ത ഇടനിലക്കാരെയും പൂർണമായും ഒഴിവാക്കണമെന്നും പൊലീസ് ആവശ്യപ്പെട്ടു.
APPLY NOW FOR THE LATEST VACANCIES
സേവനങ്ങളുടെ ഉറവിടം കൃത്യമായി പരിശോധിക്കുന്നത് തട്ടിപ്പുകളിൽ നിന്ന് രക്ഷപ്പെടാനുള്ള ആദ്യ പ്രതിരോധമാണ്. അനധികൃത മാർഗങ്ങളിലൂടെ വീസയോ ജോലിയോ വാഗ്ദാനം ചെയ്യുന്ന വ്യാജ വാഗ്ദാനങ്ങളിൽ കബളിപ്പിക്കപ്പെടരുതെന്നും പൊതുജനങ്ങൾ ജാഗ്രത പാലിക്കണമെന്നും ആന്റി ഫ്രോഡ് സെന്റർ വ്യക്തമാക്കി. എന്തെങ്കിലും തരത്തിലുള്ള തട്ടിപ്പുകളോ തട്ടിപ്പ് ശ്രമങ്ങളോ ശ്രദ്ധയിൽപ്പെട്ടാൽ ദുബായ് പൊലീസിന്റെ സ്മാർട് ആപ്പ് വഴിയോ, സൈബർ കുറ്റകൃത്യങ്ങൾ റിപ്പോർട്ട് ചെയ്യുന്നതിനുള്ള ‘ഇ-ക്രൈം’ (eCrime) പ്ലാറ്റ്ഫോം വഴിയോ 901 എന്ന നമ്പറിലോ ഉടൻ തന്നെ വിവരമറിയിക്കണമെന്നും അധികൃതർ അഭ്യർഥിച്ചു.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
യുഎഇയിലെ പ്രധാന റോഡിൽ ഒക്ടോബർ അഞ്ചുവരെ ഗതാഗത നിയന്ത്രണം;ബദൽ മാർഗം ഉപയോഗിക്കാൻ മുന്നറിയിപ്പ്
ഷാർജ: ഇത്തിഹാദ് റെയിൽ പദ്ധതിയുടെ നിർമാണ പ്രവർത്തനങ്ങളുമായി ബന്ധപ്പെട്ട് ഷാർജ യൂനിവേഴ്സിറ്റി ബ്രിഡ്ജ് പരിസരത്ത് ഗതാഗത നിയന്ത്രണം ഏർപ്പെടുത്തിയതായി റോഡ്സ് ആൻഡ് ട്രാൻസ്പോർട്ട് അതോറിറ്റി അറിയിച്ചു. നിർമാണ ജോലികൾ നടക്കുന്ന സാഹചര്യത്തിൽ വരുന്ന ഒക്ടോബർ അഞ്ചുവരെ ഈ നിയന്ത്രണങ്ങൾ തുടരും.
ഇതിന്റെ ഭാഗമായി ഇൻഡസ്ട്രിയൽ ഏരിയ 17ൽ നിന്ന് തുടങ്ങി യൂനിവേഴ്സിറ്റി ബ്രിഡ്ജ് വഴി യൂനിവേഴ്സിറ്റി സിറ്റി വരെയുള്ള റോഡിൽ ഇരുവശങ്ങളിലേക്കും രണ്ട് ലെയ്ൻ വീതം ഗതാഗതത്തിനായി ഭാഗികമായി തുറന്നുകൊടുത്തിട്ടുണ്ട്. എന്നാൽ, ആഗസ്റ്റ് 26 മുതൽ ഇൻഡസ്ട്രിയൽ ഏരിയ 17ൽനിന്ന് മലീഹ റോഡിലേക്ക് പോകുന്ന വഴിയിൽ ഭാഗികമായി റോഡ് അടച്ചിടും.
APPLY NOW FOR THE LATEST VACANCIES
ഷാർജ ഇംഗ്ലീഷ് സ്കൂൾ, നെസ്റ്റോ ഹൈപ്പർമാർക്കറ്റ്, സമീപപ്രദേശങ്ങൾ എന്നിവിടങ്ങളിലേക്ക് പോകുന്ന വാഹന ഉടമകൾ അതോറിറ്റി നിർദേശിച്ചിട്ടുള്ള ബദൽ വഴികൾ വേണം ഉപയോഗിക്കാൻ. യാത്രക്കാർ റോഡിലെ ദിശാസൂചകങ്ങളും സുരക്ഷാ ബോർഡുകളും കൃത്യമായി ശ്രദ്ധിക്കണമെന്നും അധികൃതർ അഭ്യർഥിച്ചു
