Jleeb Al-Shuyoukh security campaign കുവൈത്ത് സിറ്റി: കുവൈത്തിലെ ജലീബ് അൽ ഷുയൂഖ് പ്രദേശത്ത് ആഭ്യന്തര മന്ത്രാലയം നടത്തിയ വിപുലമായ സുരക്ഷാ പരിശോധനയിൽ 386 നിയമലംഘനങ്ങൾ കണ്ടെത്തി. വിവിധ കേസുകളിൽ അധികൃതർ അന്വേഷിച്ചിരുന്ന 47 പേരെയും അറസ്റ്റ് ചെയ്തു.
പ്രദേശത്തെ നിയമലംഘനങ്ങൾ തടയുന്നതിനും സുരക്ഷ ശക്തമാക്കുന്നതിനുമായി വിവിധ സുരക്ഷാ വിഭാഗങ്ങളുടെ സഹകരണത്തോടെയാണ് പരിശോധന നടത്തിയത്.
താമസ, തൊഴിൽ നിയമങ്ങൾ ലംഘിച്ചവരെയും വിവിധ കേസുകളിൽ അധികൃതർ അന്വേഷിച്ചുകൊണ്ടിരുന്നവരെയും കണ്ടെത്തുന്നതിനായിരുന്നു പരിശോധനയിൽ പ്രധാനമായും ശ്രദ്ധ കേന്ദ്രീകരിച്ചത്.
അറസ്റ്റിലായവരെ തുടർ നിയമനടപടികൾക്കായി ബന്ധപ്പെട്ട വിഭാഗങ്ങൾക്ക് കൈമാറി. രാജ്യത്ത് സുരക്ഷ ഉറപ്പാക്കുന്നതിനും നിയമലംഘനങ്ങൾ തടയുന്നതിനുമായി വിവിധ പ്രദേശങ്ങളിൽ പരിശോധനകൾ തുടരുമെന്ന് ആഭ്യന്തര മന്ത്രാലയം അറിയിച്ചു.
