ദുബായ്: ദുബായിലെ പ്രശസ്തമായ മ്യൂസിയം ഓഫ് ദി ഫ്യൂച്ചര്‍ സെപ്റ്റംബര്‍ 1 മുതല്‍ താല്‍ക്കാലികമായി അടയ്ക്കും. 2027ല്‍ മ്യൂസിയത്തിന്റെ അഞ്ചാം വാര്‍ഷികത്തോടനുബന്ധിച്ച് കൂടുതല്‍ ആഴത്തിലുള്ളതും സംവേദനാത്മകവുമായ പുതിയ അനുഭവങ്ങള്‍ സന്ദര്‍ശകര്‍ക്കായി ഒരുക്കാനാണ് പദ്ധതി. ലോകത്തിന്റെ വിവിധ ഭാഗങ്ങളില്‍ നിന്നുള്ള ആളുകള്‍ നല്‍കിയ ആശയങ്ങളും നിര്‍ദേശങ്ങളും പരിഗണിച്ചാണ് പുതിയ അനുഭവങ്ങള്‍ വികസിപ്പിക്കുന്നത്.

പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ

https://chat.whatsapp.com/JndIF128tKCKclIOnUsERL?mode=gi_t

പുതിയ ഘട്ടത്തില്‍ ശാസ്ത്ര-സാങ്കേതിക രംഗത്തെ മാറ്റങ്ങളും ഭാവിയില്‍ സമൂഹത്തെയും സമ്പദ്വ്യവസ്ഥയെയും ദൈനംദിന ജീവിതത്തെയും സ്വാധീനിക്കുന്ന സാധ്യതകളും കൂടുതല്‍ ആഴത്തില്‍ പരിചയപ്പെടുത്തുന്ന പ്രദര്‍ശനങ്ങളായിരിക്കും ഒരുക്കുക. പുതിയ അനുഭവങ്ങളും പരിപാടികളും സംബന്ധിച്ച കൂടുതല്‍ വിവരങ്ങള്‍ വരും മാസങ്ങളില്‍ മ്യൂസിയം അധികൃതര്‍ പ്രഖ്യാപിക്കും.

ഗള്‍ഫ് രാജ്യങ്ങളെ ആക്രമിക്കുകയല്ല, അവരുമായി സഹകരിക്കുകയാണ് ഇറാന്‍ ചെയ്യേണ്ടത്

ലോകത്തെ മുള്‍മുനയിലാക്കി അമേരിക്കയും ഇറാനും തമ്മിലുള്ള സംഘര്‍ഷം പുതിയ ഘട്ടത്തിലേക്ക് കടന്ന സാഹചര്യത്തില്‍, ഗള്‍ഫ് രാജ്യങ്ങളുമായി സഹകരിച്ച് രാഷ്ട്രീയ പരിഹാരം കണ്ടെത്താന്‍ ഇറാന്‍ തയ്യാറാകണമെന്ന് യു.എ.ഇ പ്രസിഡന്റിന്റെ നയതന്ത്ര ഉപദേഷ്ടാവ് ഡോ. അന്‍വര്‍ ഗര്‍ഗാഷ്.

ഗള്‍ഫ് രാജ്യങ്ങളെ ആക്രമിക്കുന്നതിന് പകരം അവരുമായി ചേര്‍ന്ന് പ്രവര്‍ത്തിക്കുകയാണ് ഇറാന്‍ ചെയ്യേണ്ടതെന്ന് അദ്ദേഹം വ്യക്തമാക്കി. നിലവിലെ യുദ്ധസാഹചര്യത്തിന് സൈനിക പരിഹാരത്തേക്കാള്‍ രാഷ്ട്രീയ മാര്‍ഗത്തിലൂടെയാണ് പരിഹാരം കണ്ടെത്തേണ്ടതെന്നും ഗര്‍ഗാഷ് അഭിപ്രായപ്പെട്ടു. ഗള്‍ഫ് രാജ്യങ്ങളുടെ സുരക്ഷയും സ്ഥിരതയും ഉറപ്പാക്കുന്നതിനൊപ്പം, മേഖലയിലെ സംഘര്‍ഷം അവസാനിപ്പിക്കാന്‍ രാഷ്ട്രീയ ചര്‍ച്ചകള്‍ക്ക് പ്രാധാന്യം നല്‍കണമെന്നും അദ്ദേഹം അഭിപ്രായപ്പെട്ടു.