Dr. K. Srikar Reddy Appointed as India’s Ambassador to Qatar ദോഹ: ഖത്തറിലെ ഇന്ത്യയുടെ അടുത്ത അംബാസഡറായി ഡോ. കെ. ശ്രീകര് റെഡ്ഡിയെ നിയമിക്കും. ഇന്ത്യയുടെ സാന്ഫ്രാന്സിസ്കോ കോണ്സല് ജനറലും ഇന്ത്യാ – യുഎഇ സമഗ്ര സാമ്പത്തിക പങ്കാളിത്ത കരാറിന്റെ മുഖ്യ ചര്ച്ചാ പ്രതിനിധിയുമാണ് ഡോ. കെ. ശ്രീകര് റെഡ്ഡി. 2023 ഓഗസ്റ്റ് മുതല് ദോഹയിലെ ഇന്ത്യന് എംബസിയെ നയിച്ചിരുന്ന വിപുലിന്റെ പകരക്കാരനായാണ്, 2001 ബാച്ച് ഇന്ത്യന് ഫോറിന് സര്വീസ് (ഐഎഫ്എസ്) ഉദ്യോഗസ്ഥനായ ശ്രീകര് റെഡ്ഡി നിയമിതനാകുക.
ശ്രീകര് റെഡ്ഡിയുടെ നിയമനം യാഥാര്ഥ്യമായാല്, ഇന്ത്യ ഖത്തര് സാമ്പത്തിക ബന്ധം കൂടുതല് ശക്തിപ്പെടുന്ന ഘട്ടത്തിലായിരിക്കും അദ്ദേഹം ചുമതലയേല്ക്കുക. സാന്ഫ്രാന്സിസ്കോയിലേക്ക് പോകുന്നതിന് മുമ്പ് വാണിജ്യ മന്ത്രാലയത്തില് ജോയിന്റ് സെക്രട്ടറിയായിരുന്ന അദ്ദേഹം ആഫ്രിക്ക, പശ്ചിമേഷ്യ എന്നിവയുമായുള്ള ഇന്ത്യയുടെ വ്യാപാര ബന്ധങ്ങള്ക്ക് നേതൃത്വം നല്കി.
നിയമനം സ്ഥിരീകരിക്കപ്പെട്ടാല് ഖത്തറിലെ ഇന്ത്യന് അംബാസഡറാകുന്ന തെലങ്കാനയില് നിന്നുള്ള രണ്ടാമത്തെ വ്യക്തിയാകും ശ്രീകര് റെഡ്ഡി. 1983 മുതല് 1986 വരെ ഒസ്മാനിയ സര്വകലാശാലയിലെ ജേണലിസം വിഭാഗം മുന് മേധാവി പ്രൊഫ. എസ്.ബഷീറുദ്ദീനാണ് ഖത്തറിലെ ഇന്ത്യന് അംബാസഡറായി സേവനമനുഷ്ഠിച്ച ആദ്യത്തെ തെലങ്കാന സ്വദേശി. ഏകദേശം എട്ട് ലക്ഷം ഇന്ത്യക്കാര് താമസിക്കുന്ന ഖത്തറില് ഏറ്റവും വലിയ പ്രവാസി സമൂഹം ഇന്ത്യക്കാരാണ്.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ ഇപ്പോൾ തന്നെ ഫോളോചെയ്യു
Summer Food Poisoning പൊള്ളുന്ന ചൂടാണ് ; ഖത്തറിൽ ഈ രോഗം 40 ശതാമാനത്തിലധികം കൂടി, ധാരാളം വെള്ളം കുടിക്കണമെന്ന് ആരോഗ്യ വിദഗ്ധർ
Qatar Greeshma Staff Editor — July 23, 2026 · 0 Comment
Summer Food Poisoning വേനൽക്കാലത്ത് ഉയർന്ന താപനില കാരണം ഭക്ഷണം വേഗത്തിൽ കേടാകാനുള്ള സാധ്യത വർധിക്കുന്നതിനാൽ ഭക്ഷ്യവിഷബാധയും ഗ്യാസ്ട്രോഎന്റൈറ്റിസ് (ആമാശയ-കുടൽ അണുബാധ) കേസുകളും വർധിക്കുന്നതായി ഡോക്ടർമാരും പോഷകാഹാര വിദഗ്ധരും മുന്നറിയിപ്പ് നൽകി. ഭക്ഷണം ശരിയായ രീതിയിൽ സംഭരിക്കാതിരിക്കുകയോ സുരക്ഷിതമല്ലാത്ത രീതിയിൽ കൊണ്ടുപോകുകയോ ചെയ്യുന്നത് ആരോഗ്യപ്രശ്നങ്ങൾക്ക് പ്രധാന കാരണമാണെന്ന് അവർ ചൂണ്ടിക്കാട്ടുന്നു.
അടിയന്തര ചികിത്സാ വിഭാഗങ്ങളിൽ നടത്തിയ വിലയിരുത്തലിൽ, മറ്റ് മാസങ്ങളെ അപേക്ഷിച്ച് വേനൽക്കാലത്ത് ഗ്യാസ്ട്രോഎന്റൈറ്റിസ് കേസുകൾ 30 മുതൽ 40 ശതമാനം വരെ വർധിച്ചതായി കണ്ടെത്തി. മൊത്തം എമർജൻസി കേസുകളിൽ 55 മുതൽ 60 ശതമാനം വരെ ഇത്തരം രോഗങ്ങളുമായി ബന്ധപ്പെട്ടതാണെന്നും വിദഗ്ധർ പറയുന്നു.
എമർജൻസി മെഡിസിൻ വിദഗ്ധനായ ഡോ. താരെക് ഫൗഡിന്റെ അഭിപ്രായത്തിൽ, ഉയർന്ന ചൂട് കാരണം പ്രത്യേകിച്ച് മയോണൈസ്, ക്രീം സോസ്, അസംസ്കൃത ഭക്ഷണങ്ങൾ എന്നിവ എളുപ്പത്തിൽ കേടാകാൻ സാധ്യതയുണ്ട്. ഇവ തെറ്റായ രീതിയിൽ സൂക്ഷിക്കുകയോ ദീർഘനേരം ചൂടിൽ വെക്കുകയോ ചെയ്താൽ ഭക്ഷ്യവിഷബാധയ്ക്ക് കാരണമാകും.
ഗ്യാസ്ട്രോഎന്റൈറ്റിസ് ബാധിച്ചാൽ ശരീരത്തിൽ നിന്ന് വെള്ളവും ലവണങ്ങളും ധാതുക്കളും നഷ്ടപ്പെടുന്നതിനാൽ നിർജ്ജലീകരണം ഉണ്ടാകാം. കുട്ടികൾ, പ്രായമായവർ, ഗർഭിണികൾ, പ്രമേഹം, ഉയർന്ന രക്തസമ്മർദ്ദം തുടങ്ങിയ രോഗങ്ങളുള്ളവർ കൂടുതൽ ശ്രദ്ധിക്കണമെന്ന് ഡോക്ടർമാർ നിർദേശിക്കുന്നു.
വീട്ടിൽ തയ്യാറാക്കുന്ന ഭക്ഷണമാണ് കൂടുതൽ സുരക്ഷിതം
ചികിത്സാ പോഷകാഹാര വിദഗ്ധയായ ഡോ. ഐഷ സഖർ പറയുന്നതനുസരിച്ച്, ഭക്ഷ്യവിഷബാധയുടെ ഭൂരിഭാഗം സംഭവങ്ങളും ഭക്ഷണം തെറ്റായ രീതിയിൽ സംഭരിക്കുകയോ കൊണ്ടുപോകുകയോ ചെയ്യുന്നതാണ് കാരണം. മത്സ്യം, കടൽവിഭവങ്ങൾ, മുട്ട, പാൽ എന്നിവ പോലുള്ള ഭക്ഷണങ്ങൾ ചൂടുകാലത്ത് വളരെ വേഗത്തിൽ കേടാകാൻ സാധ്യതയുള്ളതിനാൽ കൂടുതൽ ശ്രദ്ധ വേണം.
വീട്ടിൽ പാചകം ചെയ്ത ഭക്ഷണം കഴിക്കുന്നതാണ് ഏറ്റവും സുരക്ഷിതമെന്നും പുറത്തുനിന്ന് ഭക്ഷണം വാങ്ങുമ്പോൾ ആരോഗ്യ മാനദണ്ഡങ്ങൾ പാലിക്കുന്ന വിശ്വസനീയമായ സ്ഥാപനങ്ങൾ തിരഞ്ഞെടുക്കണമെന്നും അവർ ഉപദേശിച്ചു.
ഭക്ഷണം കേടായതിന്റെ ലക്ഷണങ്ങൾ ശ്രദ്ധിക്കണം
ഭക്ഷണത്തിന്റെ മണം, രുചി, നിറം, ഘടന എന്നിവയിൽ മാറ്റം വരിക, പൂപ്പൽ കാണുക തുടങ്ങിയവ ഭക്ഷണം കേടായതിന്റെ പ്രധാന ലക്ഷണങ്ങളാണ്. ഇത്തരത്തിലുള്ള ഭക്ഷണം ഒരിക്കലും ഉപയോഗിക്കരുതെന്നും വിദഗ്ധർ മുന്നറിയിപ്പ് നൽകി.
ഡെലിവറി ഭക്ഷണം സ്വീകരിക്കുമ്പോൾ ശ്രദ്ധിക്കേണ്ട കാര്യങ്ങൾ
ക്ലിനിക്കൽ പോഷകാഹാര വിദഗ്ധർ പറയുന്നതനുസരിച്ച്, ഡെലിവറി ചെയ്യുന്ന ഭക്ഷണം സുരക്ഷിതമായ താപനിലയിൽ എത്തിച്ചിട്ടുണ്ടെന്ന് ഉറപ്പാക്കണം. തണുത്ത ഭക്ഷണം ദീർഘനേരം പുറത്തുവെക്കരുത്. ചൂടുള്ള ഭക്ഷണവും രണ്ട് മണിക്കൂറിലധികം പുറത്തുവെക്കുന്നത് ഒഴിവാക്കണം.
ഭക്ഷണം ലഭിച്ച ഉടൻ തന്നെ കഴിക്കുകയോ അല്ലെങ്കിൽ ഉടൻ ഫ്രിഡ്ജിൽ സൂക്ഷിക്കുകയോ ചെയ്യണം. പ്രത്യേകിച്ച് മയോണൈസ്, വെളുത്തുള്ളി പേസ്റ്റ്, ക്രീം സോസ്, ഫ്രഷ് സലാഡുകൾ എന്നിവ അടങ്ങിയ വിഭവങ്ങൾ ഏറെ ശ്രദ്ധയോടെ കൈകാര്യം ചെയ്യേണ്ടതാണ്.
ഭക്ഷ്യസുരക്ഷ എല്ലാവരുടെയും ഉത്തരവാദിത്തം
ഭക്ഷ്യസുരക്ഷ റസ്റ്റോറന്റിന്റെയും ഡെലിവറി കമ്പനിയുടെയും ഉപഭോക്താവിന്റെയും സംയുക്ത ഉത്തരവാദിത്തമാണെന്ന് വിദഗ്ധർ ഓർമ്മിപ്പിക്കുന്നു. റസ്റ്റോറന്റുകൾ സുരക്ഷിതമായി ഭക്ഷണം തയ്യാറാക്കുകയും സൂക്ഷിക്കുകയും വേണം. ഡെലിവറി കമ്പനികൾ ഇൻസുലേറ്റഡ് ബാഗുകൾ ഉപയോഗിച്ച് വേഗത്തിൽ ഭക്ഷണം എത്തിക്കണം. ഉപഭോക്താക്കൾ ഭക്ഷണം ലഭിച്ച ഉടൻ പരിശോധിച്ച് മണമോ നിറമോ ഘടനയിലോ മാറ്റമുണ്ടെങ്കിൽ അത് ഉപയോഗിക്കരുത്.
വേനൽക്കാലത്ത് ഭക്ഷ്യവിഷബാധ ഒഴിവാക്കാൻ വീട്ടിൽ പാചകം ചെയ്ത ഭക്ഷണത്തിന് മുൻഗണന നൽകുകയും ഭക്ഷ്യസുരക്ഷാ മാർഗനിർദേശങ്ങൾ കൃത്യമായി പാലിക്കുകയും ചെയ്യണമെന്ന് ഡോക്ടർമാരും പോഷകാഹാര വിദഗ്ധരും നിർദേശിച്ചു.
സംരക്ഷിത-ജൈവ കൃഷി രീതികള് വ്യാപകമാക്കി കാര്ഷിക രംഗത്ത് ഖത്തറിന്റെ കുതിപ്പ്
Qatar Merlin Staff Editor — July 22, 2026 · 0 Comment
Qatar’s leap in the agricultural sector ദോഹ: രാജ്യത്തിന്റെ ഭക്ഷ്യസുരക്ഷ ശക്തിപ്പെടുത്തുന്നതിനും സുസ്ഥിര കാര്ഷിക രീതികള് പ്രോത്സാഹിപ്പിക്കുന്നതിനുമുള്ള തീവ്രശ്രമങ്ങളുടെ ഭാഗമായി സംരക്ഷിത കൃഷി വ്യാപകമായി വികസിപ്പിച്ചതായി മുനിസിപ്പാലിറ്റി മന്ത്രാലയത്തിന്റെ വാര്ഷിക റിപ്പോര്ട്ട്. 2025-ലെ വാര്ഷിക റിപ്പോര്ട്ട് പ്രകാരം, തുറസ്സായ 6.54 ലക്ഷം ചതുരശ്ര മീറ്റര് (654 ഡോനം) തുറസ്സായ ഇടം സംരക്ഷിത കൃഷിയിടങ്ങളാക്കി മാറ്റി. കൂടാതെ, കീടങ്ങളുടെ ശല്യം തടയുന്നതിനായി കര്ഷകര്ക്ക് 1,864 ഇന്സെക്റ്റ് പ്രൂഫ് നെറ്റ് ഹൗസുകളും വിതരണം ചെയ്തു.
പരിസ്ഥിതി സൗഹൃദ -ആധുനിക കൃഷിരീതികള് പ്രോത്സാഹിപ്പിക്കുന്നതിന്റെ ഭാഗമായി സംരക്ഷിത കൃഷി വര്ധിപ്പിക്കുകയും ജൈവ കൃഷിക്ക് കൂടുതല് പ്രാധാന്യം നല്കുകയും ചെയ്തു. ജൈവകൃഷി വിസ്തൃതി 813 ഡോനം (8.13 ലക്ഷം ചതുരശ്ര മീറ്റര്) ആയി ഉയര്ന്നതായും റിപ്പോര്ട്ട് വ്യക്തമാക്കുന്നു.
പരിസ്ഥിതി സൗഹൃദ കൃഷിയും ഉയര്ന്ന ഗുണനിലവാരമുള്ള കാര്ഷിക ഉല്പന്നങ്ങളും ലക്ഷ്യമിട്ടാണ് ഈ വികസനം. കര്ഷകരെ പിന്തുണക്കുന്നതിനായി കാര്ഷിക സേവന കേന്ദ്രങ്ങള് 2,03,600 വിത്ത് പാക്കറ്റുകള്, 21,421 കാര്ഷിക ഉപകരണങ്ങള്, 10,176 യൂണിറ്റ് വളം, 9,780 തൈകള് എന്നിവയും വിതരണം ചെയ്തു.
ഡിജിറ്റല് സേവനങ്ങളിലും ശ്രദ്ധേയമായ പുരോഗതിയാണ് രേഖപ്പെടുത്തിയത്. കാര്ഷിക ലൈസന്സിങ് സംവിധാനത്തിലൂടെ 83,145 അപേക്ഷകള് ലഭിച്ചപ്പോള്, അതില് 82,151 അപേക്ഷകള് പൂര്ത്തിയാക്കി. കാര്ഷിക പെര്മിറ്റ് സംവിധാനത്തിലൂടെ 63,936 അപേക്ഷകള് സ്വീകരിക്കുകയും 25,537 പെര്മിറ്റുകള് അനുവദിക്കുകയും ചെയ്തു. ആകെ 5.76 ലക്ഷത്തിലധികം ഡിജിറ്റല് ഇടപാടുകള് കാര്ഷിക പെര്മിറ്റ് സംവിധാനത്തിലൂടെ പൂര്ത്തിയാക്കി. ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ ഇപ്പോൾ തന്നെ ഫോളോചെയ്യു
