ദുബൈ: യുഎഇയിലെ സർക്കാർ, അർദ്ധ സർക്കാർ, പ്രമുഖ സ്വകാര്യ സ്ഥാപനങ്ങൾ എന്നിവയുടെ ഡിജിറ്റൽ സേവനങ്ങൾ പേപ്പർവർക്കുകളില്ലാതെ വേഗത്തിൽ ലഭ്യമാക്കുന്ന വിപ്ലവകരമായ സംവിധാനമാണ് ‘യുഎഇ പാസ്’ (UAE Pass). മുൻപ് യുഎഇ നിവാസികൾക്ക് (എമിറേറ്റ്സ് ഐഡി ഉള്ളവർക്ക്) മാത്രമായി പരിമിതപ്പെടുത്തിയിരുന്ന ഈ ഡിജിറ്റൽ ഐഡന്റിറ്റി സേവനം ഇപ്പോൾ വിനോദസഞ്ചാരികൾക്കും ജിസിസി സന്ദർശകർക്കും ലഭ്യമാണ്.
സന്ദർശക വിസയിൽ രാജ്യത്തെത്തുന്നവർക്ക് എമിറേറ്റ്സ് ഐഡിക്ക് പകരം പാസ്പോർട്ടോ ദേശീയ ഐഡിയോ ഉപയോഗിച്ച് യുഎഇ പാസിൽ രജിസ്റ്റർ ചെയ്യാം.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
സന്ദർശകർക്ക് യുഎഇ പാസ് എന്തിനൊക്കെ ഉപയോഗിക്കാം?
യുഎഇ പാസ് ലഭിക്കുന്നതിലൂടെ ഒരു സന്ദർശകന് താഴെ പറയുന്ന സൗകര്യങ്ങൾ ലഭ്യമാകും:
വിസ വിവരങ്ങൾ അറിയാം: ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി (ICP) വെബ്സൈറ്റ് വഴി സന്ദർശന വിസയുടെ കാലാവധി, പുതുക്കൽ തീയതി എന്നിവ എളുപ്പത്തിൽ പരിശോധിക്കാം.
ഡിജിറ്റൽ ഒപ്പുകൾ: ബിസിനസ്സ് ആവശ്യങ്ങൾക്കായി എത്തുന്നവർക്ക് ഔദ്യോഗിക കരാറുകളിലും ഡിജിറ്റൽ രേഖകളിലും ആപ്പ് വഴി നിയമപരമായി ഒപ്പിടാം.
സാമ്പത്തിക സേവനങ്ങൾ: കറൻസി എക്സ്ചേഞ്ച് ആപ്പുകൾ വഴി പണം അയക്കാനും, ടൂറിസ്റ്റ് ബാങ്ക് അക്കൗണ്ടുകൾ വേഗത്തിൽ തുറക്കാനും ബില്ലുകൾ അടയ്ക്കാനും സാധിക്കും.
വിനോദ അനുമതികൾ: പൊതു ബീച്ചുകളിലെ കാരവാൻ ക്യാമ്പിംഗ് ബുക്കിംഗ്, ഫിഷിംഗ് (ചൂണ്ടയിടൽ) പെർമിറ്റുകൾ, ദുബായ് അൽ മംസാർ പാർക്കിലെ ഷാലെ വാടകയ്ക്കെടുക്കൽ തുടങ്ങിയവയ്ക്ക് അപേക്ഷിക്കാം.
ദുബൈ പൊലിസ് സേവനങ്ങൾ: വിനോദസഞ്ചാരികൾക്കുള്ള സഹായങ്ങൾ, സാധനങ്ങൾ നഷ്ടപ്പെടുകയോ കണ്ടെത്തുകയോ ചെയ്താലുള്ള അന്വേഷണങ്ങൾ, പരാതികൾ എന്നിവ വേഗത്തിൽ സമർപ്പിക്കാം.
രജിസ്റ്റർ ചെയ്യേണ്ടത് എങ്ങനെ?
യുഎഇ പാസ് ആപ്പിൽ ഒരു സന്ദർശകനായി അക്കൗണ്ട് തുറക്കാൻ താഴെ പറയുന്ന ഘട്ടങ്ങൾ പാലിക്കുക:
ആപ്പ് ഡൗൺലോഡ് ചെയ്യുക: ഗൂഗിൾ പ്ലേ സ്റ്റോറിൽ നിന്നോ ആപ്പിൾ ആപ്പ് സ്റ്റോറിൽ നിന്നോ UAE Pass ആപ്ലിക്കേഷൻ ഡൗൺലോഡ് ചെയ്യുക.
വിസിറ്റർ ഓപ്ഷൻ തിരഞ്ഞെടുക്കുക: ആപ്പ് തുറക്കുമ്പോൾ ലഭിക്കുന്ന ഓപ്ഷനുകളിൽ നിന്ന് ‘Visitor’ എന്നത് തിരഞ്ഞെടുക്കുക (‘Resident’ ഓപ്ഷൻ ഒഴിവാക്കുക).
രേഖകൾ സ്കാൻ ചെയ്യുക: നിങ്ങളുടെ തിരിച്ചറിയൽ രേഖ സ്കാൻ ചെയ്യാൻ ആപ്പ് ആവശ്യപ്പെടും. നിങ്ങൾ ജിസിസി പൗരനാണെങ്കിൽ ദേശീയ ഐഡി കാർഡും, മറ്റ് വിദേശികളാണെങ്കിൽ നിങ്ങളുടെ പാസ്പോർട്ടും സ്കാൻ ചെയ്യുക.
വിവരങ്ങൾ നൽകുക: നിങ്ങളുടെ പൂർണ്ണമായ പേര്, ദേശീയത, ജനനത്തീയതി എന്നിവയ്ക്ക് ഒപ്പം മൊബൈൽ നമ്പറും (യുഎഇ നമ്പറോ അല്ലെങ്കിൽ നിങ്ങളുടെ മാതൃരാജ്യത്തെ നമ്പറോ നൽകാം) രേഖപ്പെടുത്തുക.
പിൻ കോഡും ഫേസ് വെരിഫിക്കേഷനും: ലോഗിൻ സുരക്ഷയ്ക്കായി ഒരു പിൻ (PIN) കോഡ് നിർമ്മിക്കുക. തുടർന്ന് ആപ്പിലെ ഫേസ് സ്കാൻ (Face Verification) ഫീച്ചർ ഉപയോഗിച്ച് നിങ്ങളുടെ മുഖം സ്കാൻ ചെയ്ത് ഐഡന്റിറ്റി പരിശോധന പൂർത്തിയാക്കുക.
യുഎഇക്ക് പുറത്തുനിന്നാണ് അപേക്ഷിക്കുന്നതെങ്കിൽ പരിമിതമായ സേവനങ്ങൾ മാത്രമുള്ള ഒരു ‘ബേസിക് അക്കൗണ്ട്’ മാത്രമേ ലഭിക്കൂ. എല്ലാ സേവനങ്ങളിലേക്കുമുള്ള പൂർണ്ണമായ ആക്സസ് (Verified Account) നിലവിൽ യുഎഇയിലെ റസിഡന്റ് വിസയും എമിറേറ്റ്സ് ഐഡിയും ഉള്ളവർക്ക് മാത്രമാണ് അനുവദിച്ചിട്ടുള്ളത്.
Air Suvidha 2.0 പാസ്പോർട്ടും ടിക്കറ്റും മാത്രം പോരാ; ഇന്ത്യയിലേക്ക് പോകുന്നവർക്ക് ഇനി ഇത് കൂടി വേണം, യാത്ര എളുപ്പമാക്കാൻ ആദ്യം ചെയ്യേണ്ട കാര്യം ഇതാണ് കേട്ടോ
UAE July 7, 2026
Air Suvidha 2.0 ദുബായ്: ഇന്ത്യയിലേക്ക് യാത്ര ചെയ്യുന്ന എല്ലാ അന്താരാഷ്ട്ര യാത്രക്കാർക്കും ഇനി എയർ സുവിധ 2.0 (Air Suvidha 2.0) പോർട്ടലിലൂടെ ഓൺലൈനായി ആരോഗ്യ പ്രഖ്യാപനം സമർപ്പിക്കുന്നത് നിർബന്ധമാക്കി. ഇന്ത്യൻ പൗരന്മാർ ഉൾപ്പെടെ ഇന്ത്യയിലെത്തുന്ന എല്ലാവർക്കും ഈ പുതിയ സംവിധാനം ബാധകമാണ്.യാത്ര തുടങ്ങുന്നതിന് മുമ്പ് പാസ്പോർട്ട്, ഫ്ലൈറ്റ് നമ്പർ, യാത്രാ തീയതി തുടങ്ങിയ വിവരങ്ങൾ തയ്യാറാക്കി വയ്ക്കണം. തുടർന്ന് എയർ സുവിധ 2.0 പോർട്ടലിൽ പ്രവേശിച്ച് വ്യക്തിഗത വിവരങ്ങളും യാത്രാ വിവരങ്ങളും പൂരിപ്പിക്കണം. മൊബൈൽ നമ്പറിലേക്ക് ലഭിക്കുന്ന ഒ.ടി.പി. നൽകി രജിസ്ട്രേഷൻ സ്ഥിരീകരിക്കേണ്ടതുമുണ്ട്.
അടുത്ത ഘട്ടത്തിൽ കഴിഞ്ഞ 21 ദിവസത്തെ യാത്രാ വിവരങ്ങളും ആരോഗ്യവുമായി ബന്ധപ്പെട്ട ചോദ്യങ്ങൾക്കും മറുപടി നൽകണം. ഇബോള ബാധിത രാജ്യങ്ങളായ ഡെമോക്രാറ്റിക് റിപ്പബ്ലിക് ഓഫ് കോംഗോ, ഉഗാണ്ട, ദക്ഷിണ സുഡാൻ എന്നിവിടങ്ങളിൽ സന്ദർശിച്ചിട്ടുണ്ടോ, രോഗലക്ഷണങ്ങളോ സമ്പർക്കമോ ഉണ്ടായിട്ടുണ്ടോ തുടങ്ങിയ വിവരങ്ങളാണ് ചോദിക്കുന്നത്. ഇതൊന്നും ബാധകമല്ലെങ്കിൽ അതും രേഖപ്പെടുത്തി മുന്നോട്ട് പോകാം.ഫോം സമർപ്പിച്ച ശേഷം ലഭിക്കുന്ന സ്ഥിരീകരണ നമ്പറും അംഗീകാര രേഖയും ഡൗൺലോഡ് ചെയ്യുകയോ സ്ക്രീൻഷോട്ട് എടുത്ത് സൂക്ഷിക്കുകയോ വേണം. ഇന്ത്യയിൽ എത്തുമ്പോൾ ഇമിഗ്രേഷൻ ഉദ്യോഗസ്ഥർ ആവശ്യപ്പെട്ടാൽ ഇത് കാണിക്കേണ്ടിവരും.
വിമാനത്തിൽ കയറുന്നതിന് മുമ്പ് അല്ലെങ്കിൽ വെബ് ചെക്ക്-ഇൻ സമയത്ത് തന്നെ ഈ നടപടിക്രമം പൂർത്തിയാക്കുന്നതാണ് ഉചിതമെന്ന് അധികൃതർ അറിയിച്ചു.ലോകാരോഗ്യ സംഘടന ഇബോള വൈറസ് വ്യാപനത്തെ തുടർന്ന് ആരോഗ്യ ജാഗ്രത പ്രഖ്യാപിച്ചതിന്റെ പശ്ചാത്തലത്തിലാണ് ഇന്ത്യ സർക്കാർ എയർ സുവിധ 2.0 വീണ്ടും നടപ്പിലാക്കിയത്. ഇന്ത്യയിൽ എത്തിയ ശേഷം 21 ദിവസത്തിനുള്ളിൽ ഇബോളയുമായി ബന്ധപ്പെട്ട രോഗലക്ഷണങ്ങൾ കണ്ടാൽ ഉടൻ തന്നെ വൈദ്യസഹായം തേടുകയും ആരോഗ്യ അധികൃതരെ വിവരം അറിയിക്കുകയും ചെയ്യണമെന്ന് നിർദേശിച്ചിട്ടുണ്ട്.
