UAE to Introduce ‘Age Gate’ for Social Media ദുബായ്: 15 വയസ്സിന് താഴെയുള്ള കുട്ടികളുടെ സോഷ്യൽ മീഡിയ ഉപയോഗത്തിന് നിയന്ത്രണം ഏർപ്പെടുത്തുന്നതിന്റെ ഭാഗമായി യുഎഇയിൽ പുതിയ പ്രായപരിശോധന സംവിധാനം നടപ്പാക്കുന്നു. രാജ്യത്ത് പ്രവർത്തിക്കുന്ന സോഷ്യൽ മീഡിയ പ്ലാറ്റ്‌ഫോമുകൾ ഒരു വർഷത്തിനകം വിശ്വസനീയമായ ‘ഏജ് ഗേറ്റ്’ സംവിധാനം ഒരുക്കണമെന്നാണ് പുതിയ നിർദേശം.

ഇനി സോഷ്യൽ മീഡിയ അക്കൗണ്ട് തുറക്കുമ്പോൾ ജനനത്തീയതി സ്വയം രേഖപ്പെടുത്തിയാൽ മാത്രം മതിയാകില്ല. ഉപയോക്താവിന്റെ പ്രായം സ്ഥിരീകരിക്കുന്നതിന് സർക്കാർ ഡിജിറ്റൽ ഐഡി, ഔദ്യോഗിക തിരിച്ചറിയൽ രേഖ, ബയോമെട്രിക് വിവരങ്ങളുടെ പരിശോധന, എഐ അധിഷ്ഠിത പ്രായനിർണയം തുടങ്ങിയ അംഗീകൃത സംവിധാനങ്ങൾ ഉപയോഗിക്കാനാകും.

15 വയസ്സിന് താഴെയുള്ളവർക്ക് വ്യക്തിഗത അക്കൗണ്ട് അനുവദിക്കില്ല

പുതിയ ചട്ടപ്രകാരം 15 വയസ്സിന് താഴെയുള്ള കുട്ടികൾക്ക് വ്യക്തിഗത സോഷ്യൽ മീഡിയ അക്കൗണ്ടുകൾ സൃഷ്ടിക്കാനോ ഉപയോഗിക്കാനോ അനുവദിക്കരുതെന്ന ഉത്തരവാദിത്തം പ്ലാറ്റ്‌ഫോമുകൾക്കാണ്. പ്രായപരിശോധന മറികടക്കുന്നതിനുള്ള ശ്രമങ്ങൾ തടയുന്നതിനും നിലവിലുള്ള നിയമവിരുദ്ധ അക്കൗണ്ടുകൾ കണ്ടെത്തി ആവശ്യമായ നടപടി സ്വീകരിക്കുന്നതിനും പ്ലാറ്റ്‌ഫോമുകൾക്ക് ബാധ്യതയുണ്ടാകും.

15നും 16നും ഇടയിൽ പ്രായമുള്ളവർക്ക് അധിക നിയന്ത്രണങ്ങൾ

15 വയസ്സ് പൂർത്തിയായെങ്കിലും 16 വയസ്സ് തികയാത്തവർക്കായി സോഷ്യൽ മീഡിയ ഉപയോഗത്തിന് പ്രത്യേക സുരക്ഷാ സംവിധാനങ്ങളാണ് ഏർപ്പെടുത്തുക. അപരിചിതരുമായി ഇടപെടൽ, ചില ഉള്ളടക്കങ്ങളിലേക്കുള്ള പ്രവേശനം, ഉപയോഗ നിയന്ത്രണം തുടങ്ങിയ മേഖലകളിൽ അധിക സുരക്ഷാ നടപടികൾ ഉണ്ടായിരിക്കും. രക്ഷിതാക്കൾക്ക് ഉപയോഗം നിയന്ത്രിക്കുന്നതിനുള്ള പാരന്റൽ കൺട്രോൾ സംവിധാനങ്ങളും ലഭ്യമാക്കും.

കുട്ടികളുടെ സ്വകാര്യതയ്ക്കും സംരക്ഷണം

പ്രായം സ്ഥിരീകരിക്കുന്നതിനായി കുട്ടികളുടെ ആവശ്യത്തിലധികം വ്യക്തിഗത വിവരങ്ങൾ ശേഖരിക്കരുതെന്നും വിവരങ്ങൾ ആവശ്യമായതിലധികം കാലം സൂക്ഷിക്കരുതെന്നും ചട്ടം വ്യക്തമാക്കുന്നു. ഔദ്യോഗിക രേഖകളും ബയോമെട്രിക് വിവരങ്ങളും പ്രായപരിശോധന പൂർത്തിയാക്കാൻ ആവശ്യമായ പരിധിയിലും സമയത്തിലും മാത്രമേ സൂക്ഷിക്കാവൂ.

കുട്ടികളുടെ ഡിജിറ്റൽ സുരക്ഷ ശക്തിപ്പെടുത്തുന്നതിനും സോഷ്യൽ മീഡിയ ഉപയോഗവുമായി ബന്ധപ്പെട്ട അപകടസാധ്യതകൾ കുറയ്ക്കുന്നതിനുമുള്ള യുഎഇയുടെ വിപുലമായ നിയന്ത്രണ ചട്ടക്കൂടിന്റെ ഭാഗമായാണ് പുതിയ നടപടി.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

UAE National Day : യു.എ.ഇ ദേശീയ ദിനത്തിൽ 9 ദിവസം വരെ അവധി നേടാം; ഇങ്ങെനെയൊന്ന് പ്ലാൻ ചെയ്യൂ

UAE greeshma — September 27, 2026·0 Comment

UAE National Day : ദുബായ്: 2026-ലെ യു.എ.ഇയുടെ അവസാന പൊതു അവധിയായ ‘ഈദ് അൽ ഇത്തിഹാദ്’ (ദേശീയ ദിനം) ഡിസംബറിൽ എത്താനിരിക്കെ, കുറഞ്ഞ വാർഷിക ലീവുകൾ ഉപയോഗിച്ച് കൂടുതൽ ദിവസങ്ങൾ അവധി നേടിയെടുക്കാനുള്ള അവസരമൊരുങ്ങുന്നു. ഡിസംബർ 2, 3 (ബുധൻ, വ്യാഴം) ദിവസങ്ങളിലാണ് യു.എ.ഇ ദേശീയ ദിനത്തോട് അനുബന്ധിച്ചുള്ള ഔദ്യോഗിക പൊതു അവധി.

നിങ്ങളുടെ കൈവശമുള്ള വാർഷിക ലീവുകളുടെ (Annual Leave) എണ്ണമനുസരിച്ച് ഈ അവധി ദിനങ്ങൾ താഴെ പറയുന്ന രീതിയിൽ നീട്ടിയെടുക്കാം:

• 5 ദിവസത്തെ അവധി (1 ലീവ് മാത്രം ഉപയോഗിച്ചാൽ): ഡിസംബർ 2, 3 ദിവസങ്ങളിലെ പൊതു അവധിയോടൊപ്പം ഡിസംബർ 4 വെള്ളിയാഴ്ച വാർഷിക ലീവ് എടുക്കുകയാണെങ്കിൽ, ഡിസംബർ 2 ബുധനാഴ്ച മുതൽ ഡിസംബർ 6 ഞായറാഴ്ച വരെ തുടർച്ചയായി 5 ദിവസത്തെ അവധി ലഭിക്കും.
• 6 ദിവസത്തെ അവധി (2 ലീവുകൾ ഉപയോഗിച്ചാൽ): നവംബർ 30 (തിങ്കൾ), ഡിസംബർ 1 (ചൊവ്വ) എന്നീ ദിവസങ്ങളിൽ വാർഷിക ലീവ് എടുക്കുകയാണെങ്കിൽ, തൊട്ടുമുമ്പത്തെ വാരാന്ത്യം (ശനി, ഞായർ) കൂടി ചേർത്ത് നവംബർ 28 ശനിയാഴ്ച മുതൽ ഡിസംബർ 3 വ്യാഴാഴ്ച വരെ തുടർച്ചയായി 6 ദിവസം അവധി ആഘോഷിക്കാം.
• 9 ദിവസത്തെ അവധി (3 ലീവുകൾ ഉപയോഗിച്ചാൽ): നവംബർ 30, ഡിസംബർ 1, ഡിസംബർ 4 എന്നീ ദിവസങ്ങളിൽ 3 ലീവുകൾ കൂടി പ്ലാൻ ചെയ്താൽ നവംബർ 28 ശനിയാഴ്ച മുതൽ ഡിസംബർ 6 ഞായറാഴ്ച വരെ തുടർച്ചയായി 9 ദിവസത്തെ നീണ്ട ഇടവേള ലഭിക്കും.

ശ്രദ്ധിക്കുക: യാത്രാ പ്ലാനുകൾ തയ്യാറാക്കുന്നതിന് മുമ്പ് ജീവനക്കാർ തങ്ങളുടെ കമ്പനിയുടെ അവധി നയങ്ങൾ പരിശോധിച്ച് മുൻകൂട്ടി ലീവുകൾ അപേക്ഷിച്ച് അംഗീകാരം വാങ്ങേണ്ടതാണ്. കൂടാതെ, പൊതു അവധി ദിനങ്ങളിൽ മാറ്റങ്ങൾ വരാമെന്നതിനാൽ യു.എ.ഇ സർക്കാരിന്റെ ഔദ്യോഗിക പ്രഖ്യാപനവും പ്രാബല്യത്തിൽ വരേതുണ്ട്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഡ്രൈവിങ്ങിനിടെ അസ്വസ്ഥത തോന്നിയാൽ വാഹനം നിർത്തണം; ദുബൈ പൊലീസിന്റെ മുന്നറിയിപ്പ്

UAE drisya — September 27, 2026·0 Comment

Dubai Police Warns Against Risky Driving ദുബൈ: വാഹനമോടിക്കുന്നതിനിടെ കടുത്ത ക്ഷീണമോ തലകറക്കമോ മറ്റ് ആരോഗ്യപ്രശ്നങ്ങളോ അനുഭവപ്പെട്ടാൽ അപകടസാധ്യത അവഗണിച്ച് യാത്ര തുടരരുതെന്ന് ദുബൈ പൊലീസ്. ഉടൻ വാഹനം സുരക്ഷിതമായ സ്ഥലത്ത് നിർത്തി വിശ്രമിക്കണമെന്നാണ് അധികൃതരുടെ നിർദേശം.

ഉമ്മു സുഖീം സ്ട്രീറ്റിൽ ഡ്രൈവർക്ക് പെട്ടെന്ന് ബോധക്ഷയം സംഭവിക്കുകയും വാഹനം നിയന്ത്രണം വിട്ട് മറ്റൊരു വാഹനത്തിൽ ഇടിക്കുകയും ചെയ്ത സംഭവത്തിന് പിന്നാലെയാണ് ദുബൈ പൊലീസ് ഡ്രൈവർമാർക്ക് ജാഗ്രതാ നിർദേശം നൽകിയത്. സംഭവത്തിൽ റോഡിലുണ്ടായ തടസ്സങ്ങൾ പൊലീസ് സംഘവും ഗതാഗത വിദഗ്ധരും ചേർന്ന് നീക്കി ഗതാഗതം പുനഃസ്ഥാപിച്ചു.

ആരോഗ്യലക്ഷണങ്ങൾ അവഗണിക്കരുത്

ഡ്രൈവിങ്ങിനിടെ തുടക്കത്തിൽ ചെറിയതായി തോന്നുന്ന ആരോഗ്യപ്രശ്നങ്ങൾ പോലും ഗുരുതരമായ അപകടങ്ങൾക്ക് കാരണമാകാമെന്ന് ദുബൈ പൊലീസിന്റെ ട്രാഫിക് ജനറൽ ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ ജുമാ സലേം ബിൻ സുവൈദാൻ മുന്നറിയിപ്പ് നൽകി.

രക്തത്തിലെ പഞ്ചസാരയുടെ അളവിലെ വ്യതിയാനം, ഉയർന്ന രക്തസമ്മർദം, ഹൃദയസംബന്ധമായ പ്രശ്നങ്ങൾ, തലകറക്കം തുടങ്ങിയവ ഡ്രൈവർക്ക് പെട്ടെന്ന് വാഹനത്തിന്റെ നിയന്ത്രണം നഷ്ടപ്പെടാൻ ഇടയാക്കാം. ഏതാനും സെക്കൻഡുകൾക്കുള്ളിൽ ഉണ്ടാകുന്ന ബോധക്ഷയം പോലും ഡ്രൈവറുടെയും മറ്റ് റോഡ് ഉപയോക്താക്കളുടെയും ജീവന് ഗുരുതര ഭീഷണിയാകുമെന്നും പൊലീസ് ചൂണ്ടിക്കാട്ടി.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ദീർഘയാത്രയ്ക്ക് മുമ്പ് വിശ്രമം ഉറപ്പാക്കണം

ദീർഘദൂര യാത്രകൾക്ക് പുറപ്പെടുന്നതിന് മുമ്പ് മതിയായ വിശ്രമം ഉറപ്പാക്കണമെന്ന് ദുബൈ പൊലീസ് നിർദേശിച്ചു. ആരോഗ്യപ്രശ്നങ്ങളോ വിട്ടുമാറാത്ത രോഗങ്ങളോ ഉള്ളവർ കൃത്യമായ വൈദ്യപരിശോധന നടത്തണമെന്നും അധികൃതർ വ്യക്തമാക്കി.

തുടർച്ചയായ ഡ്രൈവിങ് ശാരീരികവും മാനസികവുമായ ക്ഷീണത്തിന് കാരണമാകാം. യാത്രയ്ക്കിടെ അസാധാരണമായ ക്ഷീണം, തലകറക്കം അല്ലെങ്കിൽ മറ്റ് അസ്വസ്ഥതകൾ അനുഭവപ്പെട്ടാൽ വാഹനം സുരക്ഷിതമായ സ്ഥലത്തേക്ക് മാറ്റിനിർത്തി വിശ്രമിക്കണം.

സ്വന്തം ലെയ്ൻ പാലിക്കുകയും ഗതാഗത നിയമങ്ങൾ കർശനമായി പിന്തുടരുകയും ചെയ്യണമെന്നും ദുബൈ പൊലീസ് ആവശ്യപ്പെട്ടു. ഡ്രൈവർമാരുടെ ചെറിയ അശ്രദ്ധ പോലും വലിയ അപകടങ്ങളിലേക്ക് നയിക്കാമെന്നതിനാൽ ആരോഗ്യസ്ഥിതി മോശമാണെന്ന് തോന്നുന്ന സാഹചര്യങ്ങളിൽ ഡ്രൈവിങ് തുടരുന്നത് ഒഴിവാക്കണമെന്നും പൊലീസ് വ്യക്തമാക്കി.