Dubai Police Warns Against Risky Driving ദുബൈ: വാഹനമോടിക്കുന്നതിനിടെ കടുത്ത ക്ഷീണമോ തലകറക്കമോ മറ്റ് ആരോഗ്യപ്രശ്നങ്ങളോ അനുഭവപ്പെട്ടാൽ അപകടസാധ്യത അവഗണിച്ച് യാത്ര തുടരരുതെന്ന് ദുബൈ പൊലീസ്. ഉടൻ വാഹനം സുരക്ഷിതമായ സ്ഥലത്ത് നിർത്തി വിശ്രമിക്കണമെന്നാണ് അധികൃതരുടെ നിർദേശം.
ഉമ്മു സുഖീം സ്ട്രീറ്റിൽ ഡ്രൈവർക്ക് പെട്ടെന്ന് ബോധക്ഷയം സംഭവിക്കുകയും വാഹനം നിയന്ത്രണം വിട്ട് മറ്റൊരു വാഹനത്തിൽ ഇടിക്കുകയും ചെയ്ത സംഭവത്തിന് പിന്നാലെയാണ് ദുബൈ പൊലീസ് ഡ്രൈവർമാർക്ക് ജാഗ്രതാ നിർദേശം നൽകിയത്. സംഭവത്തിൽ റോഡിലുണ്ടായ തടസ്സങ്ങൾ പൊലീസ് സംഘവും ഗതാഗത വിദഗ്ധരും ചേർന്ന് നീക്കി ഗതാഗതം പുനഃസ്ഥാപിച്ചു.
ആരോഗ്യലക്ഷണങ്ങൾ അവഗണിക്കരുത്
ഡ്രൈവിങ്ങിനിടെ തുടക്കത്തിൽ ചെറിയതായി തോന്നുന്ന ആരോഗ്യപ്രശ്നങ്ങൾ പോലും ഗുരുതരമായ അപകടങ്ങൾക്ക് കാരണമാകാമെന്ന് ദുബൈ പൊലീസിന്റെ ട്രാഫിക് ജനറൽ ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ ജുമാ സലേം ബിൻ സുവൈദാൻ മുന്നറിയിപ്പ് നൽകി.
രക്തത്തിലെ പഞ്ചസാരയുടെ അളവിലെ വ്യതിയാനം, ഉയർന്ന രക്തസമ്മർദം, ഹൃദയസംബന്ധമായ പ്രശ്നങ്ങൾ, തലകറക്കം തുടങ്ങിയവ ഡ്രൈവർക്ക് പെട്ടെന്ന് വാഹനത്തിന്റെ നിയന്ത്രണം നഷ്ടപ്പെടാൻ ഇടയാക്കാം. ഏതാനും സെക്കൻഡുകൾക്കുള്ളിൽ ഉണ്ടാകുന്ന ബോധക്ഷയം പോലും ഡ്രൈവറുടെയും മറ്റ് റോഡ് ഉപയോക്താക്കളുടെയും ജീവന് ഗുരുതര ഭീഷണിയാകുമെന്നും പൊലീസ് ചൂണ്ടിക്കാട്ടി.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
ദീർഘയാത്രയ്ക്ക് മുമ്പ് വിശ്രമം ഉറപ്പാക്കണം
ദീർഘദൂര യാത്രകൾക്ക് പുറപ്പെടുന്നതിന് മുമ്പ് മതിയായ വിശ്രമം ഉറപ്പാക്കണമെന്ന് ദുബൈ പൊലീസ് നിർദേശിച്ചു. ആരോഗ്യപ്രശ്നങ്ങളോ വിട്ടുമാറാത്ത രോഗങ്ങളോ ഉള്ളവർ കൃത്യമായ വൈദ്യപരിശോധന നടത്തണമെന്നും അധികൃതർ വ്യക്തമാക്കി.
തുടർച്ചയായ ഡ്രൈവിങ് ശാരീരികവും മാനസികവുമായ ക്ഷീണത്തിന് കാരണമാകാം. യാത്രയ്ക്കിടെ അസാധാരണമായ ക്ഷീണം, തലകറക്കം അല്ലെങ്കിൽ മറ്റ് അസ്വസ്ഥതകൾ അനുഭവപ്പെട്ടാൽ വാഹനം സുരക്ഷിതമായ സ്ഥലത്തേക്ക് മാറ്റിനിർത്തി വിശ്രമിക്കണം.
സ്വന്തം ലെയ്ൻ പാലിക്കുകയും ഗതാഗത നിയമങ്ങൾ കർശനമായി പിന്തുടരുകയും ചെയ്യണമെന്നും ദുബൈ പൊലീസ് ആവശ്യപ്പെട്ടു. ഡ്രൈവർമാരുടെ ചെറിയ അശ്രദ്ധ പോലും വലിയ അപകടങ്ങളിലേക്ക് നയിക്കാമെന്നതിനാൽ ആരോഗ്യസ്ഥിതി മോശമാണെന്ന് തോന്നുന്ന സാഹചര്യങ്ങളിൽ ഡ്രൈവിങ് തുടരുന്നത് ഒഴിവാക്കണമെന്നും പൊലീസ് വ്യക്തമാക്കി.
യുഎഇയിൽ 15 വയസ്സിന് താഴെയുള്ളവർക്ക് സോഷ്യൽ മീഡിയ വിലക്ക്; പ്രായം പരിശോധിക്കാൻ 4 രീതികൾ, 15-16 പ്രായക്കാർക്ക് കടുത്ത നിയന്ത്രണങ്ങൾ
UAE nazia — September 27, 2026·0 Comment
ദുബൈ: യുഎഇയിൽ സോഷ്യൽ മീഡിയ പ്ലാറ്റ്‌ഫോമുകളിൽ കുട്ടികളുടെ ഉപയോഗം നിയന്ത്രിക്കുന്നതിന്റെ ഭാഗമായി നിർണ്ണായക മാർഗ്ഗനിർദ്ദേശങ്ങൾ പുറപ്പെടുവിച്ച് കുടുംബകാര്യ മന്ത്രാലയം. 15 വയസ്സിന് താഴെയുള്ള കുട്ടികൾ സോഷ്യൽ മീഡിയയിൽ പുതിയ അക്കൗണ്ടുകൾ ഉണ്ടാക്കുന്നതിന് പൂർണ്ണ വിലക്ക് ഏർപ്പെടുത്തി. ഈ പ്രായപരിധിയിലുള്ള നിലവിലുള്ള അക്കൗണ്ടുകൾ പ്ലാറ്റ്‌ഫോമുകൾ സ്വമേധയാ പ്രവർത്തനരഹിതമാക്കണം. പുതിയ മന്ത്രിസഭാ തീരുമാനത്തിന്റെ അടിസ്ഥാനത്തിലാണ് ഇന്റർനെറ്റ് പ്ലാറ്റ്‌ഫോമുകൾക്ക് കർശന നിർദ്ദേശം നൽകിയിരിക്കുന്നത്.
പ്രായം സ്ഥിരീകരിക്കാൻ 4 സാങ്കേതിക മാർഗ്ഗങ്ങൾ
സോഷ്യൽ മീഡിയ ആപ്പുകളിൽ അക്കൗണ്ട് ആരംഭിക്കുമ്പോഴും നിലവിലുള്ള അക്കൗണ്ടുകൾ പരിശോധിക്കുമ്പോഴും ഉപയോക്താക്കളുടെ യഥാർത്ഥ പ്രായം തിരിച്ചറിയാൻ നാല് പ്രധാനപ്പെട്ട മാർഗ്ഗങ്ങളാണ് പ്ലാറ്റ്‌ഫോമുകൾ ഉപയോഗിക്കേണ്ടത്:
- സർക്കാർ നൽകുന്ന ഡിജിറ്റൽ ഐഡികൾ (Digital IDs): യുഎഇ പാസ് ഉൾപ്പെടെയുള്ള ഔദ്യോഗിക ഡിജിറ്റൽ തിരിച്ചറിയൽ സംവിധാനങ്ങൾ.
ഐഡന്റിറ്റി വെരിഫിക്കേഷൻ (Identity Verification): ഔദ്യോഗിക രേഖകൾ അപ്‌ലോഡ് ചെയ്തുള്ള പരിശോധന.
ബയോമെട്രിക് മാച്ചിംഗ് (Biometric Matching): മുഖം അല്ലെങ്കിൽ മറ്റ് ബയോമെട്രിക് ഡാറ്റ വിശകലനം ചെയ്തുള്ള സാക്ഷ്യപ്പെടുത്തൽ.
AI അടിസ്ഥാനമാക്കിയുള്ള പ്രായ നിർണ്ണയം (AI-based Estimation): കൃത്രിമബുദ്ധി സാങ്കേതികവിദ്യ ഉപയോഗിച്ച് ഉപയോക്താവിന്റെ ഡിജിറ്റൽ പെരുമാറ്റവും സവിശേഷതകളും വിശകലനം ചെയ്ത് പ്രായം കണക്കാക്കൽ.
15-ഉം 16-ഉം വയസ്സുള്ളവർക്ക് ബാധകമാകുന്ന അഞ്ച് മാറ്റങ്ങൾ
15 വയസ്സ് പൂർത്തിയായവർക്കും 16 വയസ്സുള്ളവർക്കും സോഷ്യൽ മീഡിയ അക്കൗണ്ടുകൾ ഉപയോഗിക്കാമെങ്കിലും ഇവർക്കായി അധിക സുരക്ഷാ മുൻകരുതലുകൾ (Safety Guardrails) ഏർപ്പെടുത്തും:
- സ്‌ക്രീൻ ടൈം പരിധി: ഉപയോഗ സമയം നിയന്ത്രിക്കാനുള്ള ‘യൂസേജ് മാനേജ്‌മെന്റ്’ ടൂളുകൾ നിർബന്ധമാക്കും.
അജ്ഞാത സന്ദേശങ്ങൾക്ക് തടസ്സം: പരിചയമില്ലാത്തവരും അജ്ഞാതരുമായ (Anonymous) ഉപയോക്താക്കളുമായുള്ള ആശയവിനിമയങ്ങൾക്ക് നിയന്ത്രണം.
ലൈവ് സ്ട്രീമിംഗ് നിയന്ത്രണം: തത്സമയ സ്ട്രീമിംഗ് സൗകര്യങ്ങളിൽ കടുത്ത പൊരുത്തക്കേടുകൾ ഒഴിവാക്കാൻ പരിധികൾ.
മെസ്സേജിംഗ് സുരക്ഷ: അനിയന്ത്രിതമായ ഡയറക്ട് സന്ദേശമയയ്ക്കലിന് തടയിടും.
അൽഗോരിതം ഫിൽട്ടറിംഗ്: കൗമാരക്കാരെ ആകർഷിക്കുന്ന രീതിയിലുള്ള തീവ്രമായ അൽഗോരിതം ശുപാർശകളും (Algorithmic Recommendations) ഉള്ളടക്കങ്ങളും പ്ലാറ്റ്‌ഫോമുകൾ പരിമിതപ്പെടുത്തും.പ്രായവിഭാഗങ്ങളും പ്രധാന നിയന്ത്രണങ്ങളും ഒറ്റനോട്ടത്തിൽ
| പ്രായവിഭാഗം | ആക്‌സസ് ലഭ്യത | പ്രധാന സുരക്ഷാ നിയന്ത്രണങ്ങൾ / നടപടികൾ |
| 15 വയസ്സിന് താഴെ | പൂർണ്ണമായി നിരോധിച്ചു | പുതിയ അക്കൗണ്ട് ഉണ്ടാക്കാൻ പാടില്ല; നിലവിലുള്ളവ പ്ലാറ്റ്‌ഫോമുകൾ ഡിആക്റ്റിവേറ്റ് ചെയ്യണം. |
| 15 – 16 വയസ്സ് | ഉപാധികളോടെ അനുമതി | ലൈവ് സ്ട്രീമിംഗ്, മെസ്സേജിംഗ്, അൽഗോരിതം ഉള്ളടക്കങ്ങൾ എന്നിവയിൽ നിയന്ത്രണം; സ്‌ക്രീൻ ടൈം ലിമിറ്റ്. |
| സോഫ്റ്റ്‌വെയർ പ്ലാറ്റ്‌ഫോമുകൾ | നിയമപരമായ ബാധ്യത | പ്രായ പരിശോധന ഉറപ്പാക്കൽ, വ്യാജ അക്കൗണ്ടുകൾ നീക്കം ചെയ്യൽ, സുരക്ഷാ മാനദണ്ഡങ്ങൾ പാലിക്കൽ. |
കുടുംബങ്ങൾക്കും സ്‌കൂളുകൾക്കുമുള്ള നിർദ്ദേശങ്ങൾ
കുട്ടികളെ സാങ്കേതികവിദ്യയിൽ നിന്ന് പൂർണ്ണമായി അകറ്റിനിർത്തുകയല്ല, മറിച്ച് യഥാർത്ഥ ലോകവുമായുള്ള അവരുടെ മാനസിക-സാമൂഹിക വികസനം ഉറപ്പാക്കുകയാണ് ഈ തീരുമാനത്തിന്റെ ലക്ഷ്യമെന്ന് മന്ത്രാലയം വ്യക്തമാക്കി.
- ശിക്ഷാ നടപടികളില്ല: നിയമം ലംഘിക്കുന്ന കുട്ടികളുടെ കുടുംബങ്ങൾക്കെതിരെ ശിക്ഷാ നടപടികൾ സ്വീകരിക്കില്ല. പകരം മാതാപിതാക്കളെ ബോധവൽക്കരിക്കാനും സദൃശമായ മറ്റ് ബദലുകൾ കണ്ടെത്താനും പിന്തുണ നൽകും.
കായിക-സർഗ്ഗാത്മക പ്രവർത്തനങ്ങൾ: സോഷ്യൽ മീഡിയയ്ക്ക് പകരം സ്‌പോർട്‌സ്, സർഗ്ഗാത്മക പഠനങ്ങൾ, സുരക്ഷിതമായ മറ്റ് ഡിജിറ്റൽ അനുഭവങ്ങൾ എന്നിവയിലേക്ക് കുട്ടികളുടെ ശ്രദ്ധ തിരിക്കാൻ പ്രോത്സാഹനം നൽകും.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
ഈ കമ്പനിയിൽ ജോലി ഒഴിവുണ്ടോ?’; ജീവനക്കാർക്ക് ഐഫോൺ സമ്മാനിച്ച് യുഎഇയിലെ മലയാളി സംരംഭകൻ
UAE September 26, 2026
ദുബായ്: ജീവനക്കാർക്ക് പുത്തൻ ഐഫോണുകൾ സമ്മാനിച്ച് യു.എ.ഇയിലെ മലയാളി സംരംഭകൻ. യു.എ.ഇ ആസ്ഥാനമായി പ്രവർത്തിക്കുന്ന മാൻപവർ സപ്ലൈ കമ്പനിയായ ‘വേൾഡ് സ്റ്റാർ മാൻപവറിലെ മാനേജിംഗ് ഡയറക്ടറായ നിഷാദ് ഹുസൈൻ ആണ് ജീവനക്കാർക്ക് സമ്മാനം നൽകിയത്. ഇതിന്റെ വീഡിയോ സോഷ്യൽ മീഡിയയിൽ വൈറലാണ്. നിഷാദ് ഹുസൈന്റെ ഭാര്യ ഹസീന നിഷാദാണ് ഇൻസ്റ്റഗ്രാമിലൂടെ വീഡിയോ പങ്കുവച്ചത്.
മേശപ്പുറത്ത് സമ്മാനപ്പൊതികൾ നിരത്തി വച്ചശേഷം ജീവനക്കാർക്ക് ഓരോന്നായി അവ തിരഞ്ഞെടുക്കാൻ അവസരം നൽകുന്നതാണ് വീഡിയോയിലുള്ളത്. സമ്മാനപ്പൊതികളിൽ ചിലത് ഐഫോണായിരുന്നെങ്കിൽ മറ്റുചിലതിൽ ചോക്ലേറ്റ് ബാറുകൾ ആയിരുന്നു. ചോക്ലേറ്റ് ലഭിച്ച ജീവനക്കാർക്ക് പിന്നീട് മറ്റൊരു ജീവനക്കാരൻ ഐഫോണുകൾ സമ്മാനിച്ചതോടെ സമ്മാനവിതരണം കൂടുതൽ സന്തോഷകരമായി.
ജീവനക്കാരുടെ കഠിനാധ്വാനത്തെയും കൂട്ടായ പ്രവർത്തനത്തെയും അഭിനന്ദിച്ചാണ് നിഷാദ് സമ്മാനങ്ങൾ നൽകിയതെന്നാണ് വീഡിയോയ്‌ക്കൊപ്പമുള്ള കുറിപ്പിൽ വ്യക്തമാക്കിയത്. ജീവനക്കാരുടെ കൂട്ടായ ശക്തിയാണ് സ്ഥാപനത്തിന്റെ വളർച്ചയ്ക്ക് പിന്നിലെന്നും അദ്ദേഹം പറഞ്ഞു. ഓരോരുത്തരുടെയും കഴിവിൽ വിശ്വാസമർപ്പിക്കണമെന്നും വളരാനുള്ള അവസരങ്ങൾ പ്രയോജനപ്പെടുത്തണമെന്നും സഹപ്രവർത്തകരെ പിന്തുണച്ച് മുന്നോട്ട് പോകണമെന്നും നിഷാദ് ജീവനക്കാരോട് പറയുന്നു. വെല്ലുവിളികളെ ആത്മവിശ്വാസത്തോടെ നേരിട്ട് സ്ഥാപനത്തെ ഉയരത്തിലെത്തിക്കാൻ കൂട്ടായി പ്രവർത്തിക്കണമെന്നും അദ്ദേഹം പറഞ്ഞു.
