ദുബൈ: വാഹന ഇൻഷുറൻസ് പുതുക്കുന്നവരെയും പുതിയ പോളിസികൾ എടുക്കുന്നവരെയും ലക്ഷ്യമിട്ട് നടക്കുന്ന ഓൺലൈൻ സാമ്പത്തിക തട്ടിപ്പുകൾക്കെതിരെ മുന്നറിയിപ്പുമായി ദുബൈ പൊലിസ്. വ്യാജ ഇൻഷുറൻസ് ലിങ്കുകളും ആകർഷകമായ പരസ്യങ്ങളും നൽകി ബാങ്ക് വിവരങ്ങളും പണവും കവരുന്ന തട്ടിപ്പുസംഘങ്ങൾ സജീവമാണെന്ന് ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്റിന് (CID) കീഴിലുള്ള ആന്റി-ഫ്രോഡ് സെന്റർ വ്യക്തമാക്കി.

ഏതെങ്കിലും തരത്തിലുള്ള സാമ്പത്തിക ഇടപാടുകൾ നടത്തുന്നതിന് മുൻപ് പണം സ്വീകരിക്കുന്ന സ്ഥാപനത്തിന്റെ വിശ്വസനീയത ഉറപ്പാക്കണമെന്ന് വാഹന ഉടമകളോട് പൊലിസ് അഭ്യർത്ഥിച്ചു.

തട്ടിപ്പുകളിൽ നിന്ന് രക്ഷപ്പെടാൻ ദുബൈ പൊലിസ് നൽകുന്ന 10 മാർഗ്ഗനിർദ്ദേശങ്ങൾ

കമ്പനിയുടെ ലൈസൻസ് പരിശോധിക്കുക: പണം കൈമാറുന്നതിന് മുൻപ് ഇൻഷുറൻസ് കമ്പനിയുടെ പേരും അതിന് ഔദ്യോഗിക ലൈസൻസും അംഗീകാരവും ഉണ്ടെന്നും ഉറപ്പുവരുത്തുക.

ബാങ്ക് അക്കൗണ്ട് ഉറപ്പുവരുത്തുക: പണം അടയ്ക്കുന്ന അക്കൗണ്ട് ഇൻഷുറൻസ് കമ്പനിയുടേത് തന്നെയാണെന്ന് ഉറപ്പാക്കുക. വ്യക്തിഗത അക്കൗണ്ടുകളിലേക്കോ ബന്ധമില്ലാത്ത സ്ഥാപനങ്ങളിലേക്കോ പണം അയക്കരുത്.

ഓൺലൈൻ പരസ്യങ്ങളിൽ ജാഗ്രത: സോഷ്യൽ മീഡിയ വഴിയോ വ്യാജ പരസ്യങ്ങൾ വഴിയോ ലഭിക്കുന്ന ഇൻഷുറൻസ് ഓഫറുകൾ ഔദ്യോഗികമായി പരിശോധിക്കാതെ വിശ്വസിക്കരുത്.

പോളിസി വിവരങ്ങൾ ഒത്തുനോക്കുക: പോളിസി രേഖകളിൽ നൽകിയിരിക്കുന്ന ബ്രോക്കറുടെയും ഇൻഷുറൻസ് കമ്പനിയുടെയും వివరങ്ങൾ ഔദ്യോഗിക വിവരങ്ങളുമായി പൊരുത്തപ്പെടുന്നുണ്ടോയെന്ന് പരിശോധിക്കുക.

അജ്ഞാത ലിങ്കുകൾ ഒഴിവാക്കുക: ഇൻഷുറൻസ് പുതുക്കാനോ ഓഫറുകൾ നേടാനോ എന്ന പേരിൽ അജ്ഞാത സന്ദേശങ്ങളിലൂടെ എത്തുന്ന ലിങ്കുകളിൽ ക്ലിക്ക് ചെയ്യരുത്.

അസാധാരണമായ കുറഞ്ഞ നിരക്കുകൾ സംശയിക്കുക: വിപണി നിരക്കിനേക്കാൾ വളരെ കുറഞ്ഞ തുക വാഗ്ദാനം ചെയ്യുന്നത് ഇരകളെ ആകർഷിക്കാനുള്ള തട്ടിപ്പുകാരുടെ പ്രധാന തന്ത്രമാണ്.

ബാങ്കിംഗ് വിവരങ്ങൾ സുരക്ഷിതമാക്കുക: ഇൻഷുറൻസ് പ്രതിനിധിയെന്ന വ്യാജേന വിളിക്കുന്നവർക്ക് ഒ.ടി.പി (OTP), ബാങ്ക് കാർഡ് വിവരങ്ങൾ, പാസ്‌വേഡുകൾ എന്നിവ കൈമാറരുത്.

നേരിട്ട് ബന്ധപ്പെടുക: പണം അയക്കുന്നതിന് മുൻപ് ഇൻഷുറൻസ് കമ്പനിയുടെ ഔദ്യോഗിക ഫോൺ നമ്പറിലോ വെബ്‌സൈറ്റിലോ ബന്ധപ്പെട്ട് ഓഫറുകൾ സ്ഥിരീകരിക്കുക.

രേഖകൾ സൂക്ഷിച്ചുവെക്കുക: തട്ടിപ്പ് പരാതി നൽകേണ്ടി വന്നാൽ തെളിവായി ഉപയോഗിക്കാൻ പണമിടപാട് രസീതുകളും സന്ദേശങ്ങളും സൂക്ഷിക്കുക.

തട്ടിപ്പ് സംശയിച്ചാൽ ഇടപാട് നിർത്തുക: എന്തെങ്കിലും ക്രമക്കേട് സംശയം തോന്നിയാൽ ഉടൻ പണമിടപാട് നിർത്തിവെച്ച് ബാങ്കിനെയും അധികാരികളെയും വിവരം അറിയിക്കുക.

വ്യാജ ഓഫറുകൾ വഴി ആൾമാറാട്ടം നടത്തി പണം തട്ടുന്ന പ്രവണത വർദ്ധിച്ചുവരുന്ന സാഹചര്യത്തിലാണ് വാഹന ഉടമകൾക്കായി പൊലിസ് ബോധവൽക്കരണം നടത്തുന്നത്

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

യു.എ.ഇ ദേശീയ ദിനത്തിൽ 9 ദിവസം വരെ അവധി നേടാം; ഇങ്ങെനെയൊന്ന് പ്ലാൻ ചെയ്യൂ

UAE greeshma — September 27, 2026·2 Comments

UAE National Day : ദുബായ്: 2026-ലെ യു.എ.ഇയുടെ അവസാന പൊതു അവധിയായ ‘ഈദ് അൽ ഇത്തിഹാദ്’ (ദേശീയ ദിനം) ഡിസംബറിൽ എത്താനിരിക്കെ, കുറഞ്ഞ വാർഷിക ലീവുകൾ ഉപയോഗിച്ച് കൂടുതൽ ദിവസങ്ങൾ അവധി നേടിയെടുക്കാനുള്ള അവസരമൊരുങ്ങുന്നു. ഡിസംബർ 2, 3 (ബുധൻ, വ്യാഴം) ദിവസങ്ങളിലാണ് യു.എ.ഇ ദേശീയ ദിനത്തോട് അനുബന്ധിച്ചുള്ള ഔദ്യോഗിക പൊതു അവധി.

നിങ്ങളുടെ കൈവശമുള്ള വാർഷിക ലീവുകളുടെ (Annual Leave) എണ്ണമനുസരിച്ച് ഈ അവധി ദിനങ്ങൾ താഴെ പറയുന്ന രീതിയിൽ നീട്ടിയെടുക്കാം:

• 5 ദിവസത്തെ അവധി (1 ലീവ് മാത്രം ഉപയോഗിച്ചാൽ): ഡിസംബർ 2, 3 ദിവസങ്ങളിലെ പൊതു അവധിയോടൊപ്പം ഡിസംബർ 4 വെള്ളിയാഴ്ച വാർഷിക ലീവ് എടുക്കുകയാണെങ്കിൽ, ഡിസംബർ 2 ബുധനാഴ്ച മുതൽ ഡിസംബർ 6 ഞായറാഴ്ച വരെ തുടർച്ചയായി 5 ദിവസത്തെ അവധി ലഭിക്കും.
• 6 ദിവസത്തെ അവധി (2 ലീവുകൾ ഉപയോഗിച്ചാൽ): നവംബർ 30 (തിങ്കൾ), ഡിസംബർ 1 (ചൊവ്വ) എന്നീ ദിവസങ്ങളിൽ വാർഷിക ലീവ് എടുക്കുകയാണെങ്കിൽ, തൊട്ടുമുമ്പത്തെ വാരാന്ത്യം (ശനി, ഞായർ) കൂടി ചേർത്ത് നവംബർ 28 ശനിയാഴ്ച മുതൽ ഡിസംബർ 3 വ്യാഴാഴ്ച വരെ തുടർച്ചയായി 6 ദിവസം അവധി ആഘോഷിക്കാം.
• 9 ദിവസത്തെ അവധി (3 ലീവുകൾ ഉപയോഗിച്ചാൽ): നവംബർ 30, ഡിസംബർ 1, ഡിസംബർ 4 എന്നീ ദിവസങ്ങളിൽ 3 ലീവുകൾ കൂടി പ്ലാൻ ചെയ്താൽ നവംബർ 28 ശനിയാഴ്ച മുതൽ ഡിസംബർ 6 ഞായറാഴ്ച വരെ തുടർച്ചയായി 9 ദിവസത്തെ നീണ്ട ഇടവേള ലഭിക്കും.

ശ്രദ്ധിക്കുക: യാത്രാ പ്ലാനുകൾ തയ്യാറാക്കുന്നതിന് മുമ്പ് ജീവനക്കാർ തങ്ങളുടെ കമ്പനിയുടെ അവധി നയങ്ങൾ പരിശോധിച്ച് മുൻകൂട്ടി ലീവുകൾ അപേക്ഷിച്ച് അംഗീകാരം വാങ്ങേണ്ടതാണ്. കൂടാതെ, പൊതു അവധി ദിനങ്ങളിൽ മാറ്റങ്ങൾ വരാമെന്നതിനാൽ യു.എ.ഇ സർക്കാരിന്റെ ഔദ്യോഗിക പ്രഖ്യാപനവും പ്രാബല്യത്തിൽ വരേതുണ്ട്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഡ്രൈവിങ്ങിനിടെ അസ്വസ്ഥത തോന്നിയാൽ വാഹനം നിർത്തണം; ദുബൈ പൊലീസിന്റെ മുന്നറിയിപ്പ്

UAE drisya — September 27, 2026·0 Comment

Dubai Police Warns Against Risky Driving ദുബൈ: വാഹനമോടിക്കുന്നതിനിടെ കടുത്ത ക്ഷീണമോ തലകറക്കമോ മറ്റ് ആരോഗ്യപ്രശ്നങ്ങളോ അനുഭവപ്പെട്ടാൽ അപകടസാധ്യത അവഗണിച്ച് യാത്ര തുടരരുതെന്ന് ദുബൈ പൊലീസ്. ഉടൻ വാഹനം സുരക്ഷിതമായ സ്ഥലത്ത് നിർത്തി വിശ്രമിക്കണമെന്നാണ് അധികൃതരുടെ നിർദേശം.

ഉമ്മു സുഖീം സ്ട്രീറ്റിൽ ഡ്രൈവർക്ക് പെട്ടെന്ന് ബോധക്ഷയം സംഭവിക്കുകയും വാഹനം നിയന്ത്രണം വിട്ട് മറ്റൊരു വാഹനത്തിൽ ഇടിക്കുകയും ചെയ്ത സംഭവത്തിന് പിന്നാലെയാണ് ദുബൈ പൊലീസ് ഡ്രൈവർമാർക്ക് ജാഗ്രതാ നിർദേശം നൽകിയത്. സംഭവത്തിൽ റോഡിലുണ്ടായ തടസ്സങ്ങൾ പൊലീസ് സംഘവും ഗതാഗത വിദഗ്ധരും ചേർന്ന് നീക്കി ഗതാഗതം പുനഃസ്ഥാപിച്ചു.

ആരോഗ്യലക്ഷണങ്ങൾ അവഗണിക്കരുത്

ഡ്രൈവിങ്ങിനിടെ തുടക്കത്തിൽ ചെറിയതായി തോന്നുന്ന ആരോഗ്യപ്രശ്നങ്ങൾ പോലും ഗുരുതരമായ അപകടങ്ങൾക്ക് കാരണമാകാമെന്ന് ദുബൈ പൊലീസിന്റെ ട്രാഫിക് ജനറൽ ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ ജുമാ സലേം ബിൻ സുവൈദാൻ മുന്നറിയിപ്പ് നൽകി.

രക്തത്തിലെ പഞ്ചസാരയുടെ അളവിലെ വ്യതിയാനം, ഉയർന്ന രക്തസമ്മർദം, ഹൃദയസംബന്ധമായ പ്രശ്നങ്ങൾ, തലകറക്കം തുടങ്ങിയവ ഡ്രൈവർക്ക് പെട്ടെന്ന് വാഹനത്തിന്റെ നിയന്ത്രണം നഷ്ടപ്പെടാൻ ഇടയാക്കാം. ഏതാനും സെക്കൻഡുകൾക്കുള്ളിൽ ഉണ്ടാകുന്ന ബോധക്ഷയം പോലും ഡ്രൈവറുടെയും മറ്റ് റോഡ് ഉപയോക്താക്കളുടെയും ജീവന് ഗുരുതര ഭീഷണിയാകുമെന്നും പൊലീസ് ചൂണ്ടിക്കാട്ടി.