Kuwait child kidnapping case കുവൈത്ത് സിറ്റി: ഒമ്പത് വയസുകാരനായ സിറിയൻ ബാലനെ തട്ടിക്കൊണ്ടുപോയി ലൈംഗികമായി പീഡിപ്പിച്ച കേസിൽ കുവൈത്ത് പൗരന് വിധിച്ച രണ്ട് വധശിക്ഷകൾ അപ്പീൽ കോടതി ശരിവച്ചു.

ജഡ്ജി നസർ സാലിം അൽ ഹെയ്ദിന്റെ അധ്യക്ഷതയിലുള്ള മൂന്നംഗ ബെഞ്ചാണ് ശിക്ഷ ശരിവച്ചത്. മിതബ് അൽ അർദിയും സൗദ് അൽ സനയുമായിരുന്നു ബെഞ്ചിലെ മറ്റ് അംഗങ്ങൾ.

കേസിലെ വിവരങ്ങൾ പ്രകാരം, മൈദാൻ ഹവല്ലിയിൽ നിന്ന് പെരുന്നാൾ നമസ്കാരത്തിനായി പോകുകയായിരുന്ന ഒമ്പത് വയസുകാരനെയാണ് പ്രതി തട്ടിക്കൊണ്ടുപോയത്. കുട്ടിയെ മർദിച്ച ശേഷം പ്രതി സ്വന്തം താമസസ്ഥലത്തേക്ക് കൊണ്ടുപോയി ലൈംഗികമായി പീഡിപ്പിച്ചതായാണ് കേസ്.

സംഭവം നടന്ന് 24 മണിക്കൂറിനുള്ളിൽ ക്യാപിറ്റൽ ഗവർണറേറ്റ് അന്വേഷണ വിഭാഗം പ്രതിയെ പിടികൂടി. റൗദയിലെ ഒരു സ്കൂളിന് മുന്നിലുള്ള റോഡിൽ വസ്ത്രമില്ലാത്ത നിലയിലാണ് കുട്ടിയെ കണ്ടെത്തിയത്.

അന്വേഷണത്തിൽ പ്രതിക്ക് നേരത്തെയും തട്ടിക്കൊണ്ടുപോകൽ, ലൈംഗിക പീഡനം ഉൾപ്പെടെയുള്ള കുറ്റകൃത്യങ്ങളിൽ ക്രിമിനൽ പശ്ചാത്തലമുണ്ടായിരുന്നതായി കണ്ടെത്തി.

തുടർന്ന് കീഴ്ക്കോടതി വിധിച്ച വധശിക്ഷയാണ് ഇപ്പോൾ അപ്പീൽ കോടതിയും ശരിവച്ചത്.

വിമാന സർവീസുമായി ബന്ധപ്പെട്ട ആ വാർത്ത തെറ്റ്; വിശദീകരണവുമായി കുവൈത്ത് സിവിൽ ഏവിയേഷൻ അധികൃതർ

Kuwait drisya — September 24, 2026·0 Comment

Reports of Transit Services Launching Are False കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ പ്രവർത്തിക്കുന്ന ഒരു വിമാനക്കമ്പനി ഒക്ടോബർ 1 മുതൽ ട്രാൻസിറ്റ് വിമാന സർവീസുകൾ ആരംഭിക്കുമെന്ന തരത്തിൽ പ്രചരിച്ച റിപ്പോർട്ടുകൾ തെറ്റാണെന്ന് കുവൈത്ത് സിവിൽ ഏവിയേഷൻ അധികൃതർ അറിയിച്ചു.

പബ്ലിക് അതോറിറ്റി ഫോർ സിവിൽ ഏവിയേഷന്റെ ഔദ്യോഗിക വക്താവ് അബ്ദുല്ല അൽ റജ്ഹിയാണ് ഇക്കാര്യം വ്യക്തമാക്കിയത്. ഒക്ടോബർ 1 മുതൽ ട്രാൻസിറ്റ് സർവീസുകൾ ആരംഭിക്കുന്നതുമായി ബന്ധപ്പെട്ട് വിമാനക്കമ്പനികൾക്ക് യാതൊരു ഔദ്യോഗിക അറിയിപ്പും ലഭിച്ചിട്ടില്ലെന്ന് അദ്ദേഹം പറഞ്ഞു.

കുവൈറ്റിലെ പുതിയ തൊഴിൽ അവസരങ്ങൾ അറിയാൻ ഇവിടെ ക്ലിക്ക് ചെയ്യൂ

വിമാന സർവീസുകളുമായി ബന്ധപ്പെട്ട വിവരങ്ങൾ പുറത്തുവിടുന്നതിന് മുമ്പ് വിമാനക്കമ്പനികൾ ബന്ധപ്പെട്ട അധികൃതരിൽനിന്ന് ഔദ്യോഗിക സ്ഥിരീകരണം തേടണമെന്നും അദ്ദേഹം ആവശ്യപ്പെട്ടു.

തെറ്റായ വിവരങ്ങൾ യാത്രക്കാർക്കിടയിലും പൊതുജനങ്ങൾക്കിടയിലും ആശയക്കുഴപ്പം സൃഷ്ടിക്കുമെന്ന് അധികൃതർ മുന്നറിയിപ്പ് നൽകി. ട്രാൻസിറ്റ് വിമാന സർവീസുകളുമായി ബന്ധപ്പെട്ട് ഭാവിയിൽ എന്തെങ്കിലും തീരുമാനമുണ്ടായാൽ പബ്ലിക് അതോറിറ്റി ഫോർ സിവിൽ ഏവിയേഷന്റെ ഔദ്യോഗിക ചാനലുകളിലൂടെ അറിയിക്കുമെന്നും അധികൃതർ വ്യക്തമാക്കി.

Fake Shoes and Jackets Seized ചൈനയിൽ നിന്നെത്തിയ ചരക്കിൽ 568 വ്യാജ ഷൂസും ജാക്കറ്റുകളും; കുവൈത്ത് കസ്റ്റംസ് പിടികൂടി

Kuwait drisya — September 24, 2026·0 Comment

Fake Shoes and Jackets Seized കുവൈത്ത് സിറ്റി: ചൈനയിൽനിന്ന് വിമാനമാർഗം കുവൈത്തിലെത്തിയ ചരക്കിൽ നിന്ന് 568 വ്യാജ ഷൂസുകളും ജാക്കറ്റുകളും കുവൈത്ത് കസ്റ്റംസ് പിടികൂടി. എയർ കാർഗോ ടെർമിനലിൽ നടത്തിയ പരിശോധനയിലാണ് ട്രേഡ്‌മാർക്ക് ലംഘിക്കുന്ന വ്യാജ ഉൽപ്പന്നങ്ങൾ കണ്ടെത്തിയത്.

ഷിപ്പ്‌മെന്റ് രേഖകളിൽ ഫർണിച്ചറും കസേരകളും എന്നാണ് ചരക്കിന്റെ ഉള്ളടക്കം രേഖപ്പെടുത്തിയിരുന്നത്. ബിൽ ഓഫ് ലേഡിങിൽ ചരക്കിന്റെ ആകെ ഭാരം 883 കിലോഗ്രാം എന്നും രേഖപ്പെടുത്തിയിരുന്നു. കസ്റ്റംസ് ഇൻവെസ്റ്റിഗേഷൻ ആൻഡ് സെർച്ച് വിഭാഗത്തിന് സംശയം തോന്നിയതിനെ തുടർന്ന് നടത്തിയ വിശദമായ പരിശോധനയിലാണ് യഥാർഥത്തിൽ വ്യാജ ഉൽപ്പന്നങ്ങളാണ് ചരക്കിലുള്ളതെന്ന് കണ്ടെത്തിയത്.

ബൗദ്ധിക സ്വത്തവകാശം സംരക്ഷിക്കുന്നതിനും വ്യാജ ഉൽപ്പന്നങ്ങളുടെ വ്യാപനം തടയുന്നതിനുമുള്ള കുവൈത്തിലെ നിയമങ്ങൾ ലംഘിച്ചതിനെ തുടർന്ന് പിടിച്ചെടുത്ത ചരക്കിനെതിരെ ആവശ്യമായ കസ്റ്റംസ്, നിയമ നടപടികൾ സ്വീകരിച്ചതായി അധികൃതർ അറിയിച്ചു. കുവൈത്തിലേക്ക് എത്തുന്ന ചരക്കുകളുടെ പരിശോധന കൂടുതൽ ശക്തമാക്കുമെന്നും വ്യാജ ഉൽപ്പന്നങ്ങളും മറ്റ് നിയമവിരുദ്ധ വസ്തുക്കളും കടത്താനുള്ള ശ്രമങ്ങൾ തടയുമെന്നും ജനറൽ അഡ്മിനിസ്ട്രേഷൻ ഓഫ് കസ്റ്റംസ് വ്യക്തമാക്കി.

Kuwait imported chemicals inspection കുവൈത്തിൽ ഇറക്കുമതി ചെയ്യുന്ന രാസവസ്തുക്കൾക്ക് കർശന പരിശോധന; കസ്റ്റംസ് നടപടിക്രമങ്ങൾ വിശദീകരിച്ച് പരിസ്ഥിതി അതോറിറ്റി

Kuwait greeshma — September 24, 2026·0 Comment

Kuwait imported chemicals inspection കുവൈത്ത് സിറ്റി, സെപ്റ്റംബർ 23: പരിസ്ഥിതി സംരക്ഷണത്തിന്റെയും അപകടകരമായ വസ്തുക്കളുടെ സുരക്ഷിതമായ കൈകാര്യം ചെയ്യലിന്റെയും ഭാഗമായി കുവൈത്തിലെ കസ്റ്റംസ് തുറമുഖങ്ങളിൽ ഇറക്കുമതി ചെയ്യുന്ന രാസവസ്തുക്കൾക്ക് ഏർപ്പെടുത്തിയിട്ടുള്ള പരിശോധനാ നടപടികൾ ജനറൽ എൻവയോൺമെന്റ് അതോറിറ്റി വിശദീകരിച്ചു.

രാസവസ്തുക്കൾ കസ്റ്റംസിൽ നിന്ന് വിട്ടുനൽകുന്നതിന് മൂന്ന് പ്രധാന ഘട്ടങ്ങളാണ് നിലവിലുള്ളത്. സുരക്ഷ, നിയമാനുസൃതത, സുതാര്യത എന്നിവ ഉറപ്പാക്കുന്നതിനാണ് ഈ സംവിധാനം.

ആദ്യ ഘട്ടത്തിൽ രേഖകളുടെ പരിശോധനയാണ് നടത്തുന്നത്. ഇറക്കുമതി ചെയ്യുന്ന രാസവസ്തുക്കളുടെ വിവരങ്ങളും അനുബന്ധ രേഖകളും അധികൃതർ പരിശോധിക്കും. ഇറക്കുമതി ലൈസൻസ്, മെറ്റീരിയൽ സേഫ്റ്റി ഡാറ്റ ഷീറ്റ് (MSDS) തുടങ്ങിയ രേഖകൾ ഇതിൽ ഉൾപ്പെടും.

രണ്ടാം ഘട്ടത്തിൽ ലബോറട്ടറി പരിശോധന നടത്തും. ഇറക്കുമതി ചെയ്യുന്ന രാസവസ്തുക്കളുടെ സാമ്പിളുകൾ ശേഖരിച്ച് അതോറിറ്റി അംഗീകരിച്ച ലബോറട്ടറികളിൽ പരിശോധിക്കും. രാസവസ്തുക്കൾ നിശ്ചയിച്ചിട്ടുള്ള മാനദണ്ഡങ്ങളും പരിസ്ഥിതി, ആരോഗ്യ സുരക്ഷാ ആവശ്യകതകളും പാലിക്കുന്നുണ്ടോയെന്ന് ഇതിലൂടെ ഉറപ്പാക്കും.

രാസവസ്തുക്കളുടെ ഇറക്കുമതിയും കൈകാര്യം ചെയ്യലും സുരക്ഷിതവും നിയമാനുസൃതവുമാക്കുന്നതിനാണ് ഈ നടപടിക്രമങ്ങൾ നടപ്പാക്കുന്നതെന്ന് അതോറിറ്റി വ്യക്തമാക്കി.

കുവൈത്തിൽ മിന്നൽ പരിശോധന; 100 കിലോ കേടായ ഭക്ഷണം പിടികൂടി, സ്ഥാപനങ്ങൾക്കെതിരെ നടപടി!

Kuwait anuja — September 23, 2026·0 Comment

കുവൈത്ത് സിറ്റി: ഭക്ഷ്യസുരക്ഷ ഉറപ്പാക്കുന്നതിനായി കുവൈത്തിൽ അധികൃതർ നടത്തിയ പരിശോധനയിൽ ഉപഭോഗത്തിന് അനുയോജ്യമല്ലാത്ത 100 കിലോഗ്രാം ഭക്ഷ്യവസ്തുക്കൾ പിടികൂടി നശിപ്പിച്ചു. അഹമ്മദി ഗവർണറേറ്റിലെ ഇൻസ്പെക്ഷൻ ഡിപ്പാർട്ട്മെന്റിന്റെ നേതൃത്വത്തിലായിരുന്നു പരിശോധന.

ഭക്ഷ്യവിൽപ്പന കേന്ദ്രങ്ങൾ, ഭക്ഷണശാലകൾ തുടങ്ങി വിവിധ സ്ഥാപനങ്ങളിലായിരുന്നു ഉദ്യോഗസ്ഥരുടെ വ്യാപക പരിശോധന. ഭക്ഷ്യവസ്തുക്കൾ ആരോഗ്യ മാനദണ്ഡങ്ങൾ പാലിച്ച് സൂക്ഷിക്കുന്നുണ്ടോ, ഉപഭോക്താക്കൾക്ക് സുരക്ഷിതമായ ഭക്ഷണം മാത്രമാണോ വിതരണം ചെയ്യുന്നത് തുടങ്ങിയ കാര്യങ്ങളാണ് പ്രധാനമായും പരിശോധിച്ചത്.

Seven Top Specialist Doctors to Visit Kuwait കുവൈത്തിൽ ഏഴ് പ്രമുഖ വിദഗ്ധ ഡോക്ടർമാർ ‘വിസിറ്റിം​ഗ് ഡോക്ടേഴ്സ്’ പദ്ധതിയുടെ ഭാഗമായി എത്തും

Kuwait drisya — September 24, 2026·0 Comment

Seven Top Specialist Doctors to Visit Kuwait കുവൈത്ത് സിറ്റി: കുവൈത്ത് ആരോഗ്യ മന്ത്രാലയത്തിന്റെ ‘വിസിറ്റിം​ഗ് ഡോക്ടേഴ്സ്’ പദ്ധതിയുടെ ഭാഗമായി വിവിധ രാജ്യങ്ങളിൽ നിന്നുള്ള ഏഴ് പ്രമുഖ വിദഗ്ധ ഡോക്ടർമാർ ഒക്ടോബറിൽ കുവൈത്തിലെത്തും. അൽ-റാസി, ജാബർ, അൽ-ബാബ്തൈൻ, ഇബ്നു സീന, മുബാറക് അൽ-കബീർ തുടങ്ങിയ ആശുപത്രികളിലാണ് ഇവർ രോഗികൾക്ക് കൺസൾട്ടേഷൻ നൽകുക.

സൗദി അറേബ്യയിൽ നിന്നുള്ള ഡോ. ജമാൽ അലി അൽ-അസീരി കാൽപ്പാദം, കണങ്കാൽ എന്നിവയുമായി ബന്ധപ്പെട്ട ഓർത്തോപീഡിക് ശസ്ത്രക്രിയാ വിദഗ്ധനാണ്. ഒക്ടോബർ 4 മുതൽ 8 വരെ അൽ-റാസി ആശുപത്രിയിൽ സേവനം നൽകും.

യുകെയിൽ നിന്നുള്ള ഡോ. ബോറിസ് ടർക്കർ റോബോട്ടിക് കൊളോറെക്ടൽ സർജറി വിദഗ്ധനാണ്. ഒക്ടോബർ 10 മുതൽ 13 വരെ ജാബർ ആശുപത്രിയിലായിരിക്കും.

ജർമനിയിൽ നിന്നുള്ള ഡോ. നിക്കോളാസ് ജോഹന്നസ് വെഷ്നർ എൻഡോസ്കോപിക് ഓർത്തോപീഡിക് ഡിഫോർമിറ്റി സർജറി വിദഗ്ധനാണ്. ഒക്ടോബർ 10 മുതൽ 14 വരെ അൽ-റാസി ആശുപത്രിയിൽ കൺസൾട്ടേഷൻ നൽകും.

ജർമനിയിൽ നിന്നുള്ള ഡോ. റയീദ് റേദ മുസ്തഫ അബു ഹുസൈൻ സ്പൈനൽ എൻഡോസ്കോപ്പി വിദഗ്ധനാണ്. ഒക്ടോബർ 11 മുതൽ 15 വരെ അൽ-റാസി ആശുപത്രിയിൽ സേവനം നൽകും.

ബെൽജിയത്തിൽ നിന്നുള്ള ഡോ. മുസ്തഫ ഹംദി പ്ലാസ്റ്റിക്, ബേൺ സർജറി വിദഗ്ധനാണ്. ഒക്ടോബർ 20 മുതൽ 25 വരെ അൽ-ബാബ്തൈൻ ആശുപത്രിയിൽ രോഗികളെ പരിശോധിക്കും.

കുവൈറ്റിലെ പുതിയ തൊഴിൽ അവസരങ്ങൾ അറിയാൻ ഇവിടെ ക്ലിക്ക് ചെയ്യൂ

ദക്ഷിണ കൊറിയയിൽ നിന്നുള്ള ഡോ. ജോൺ ബിയോ-ഹോങ് മൈക്രോസർജറി, പ്ലാസ്റ്റിക് സർജറി, ലിംഫഡീമ ചികിത്സ എന്നിവയിലെ വിദഗ്ധനാണ്. ഒക്ടോബർ 24 മുതൽ 28 വരെ ഇബ്നു സീന ആശുപത്രിയിൽ സേവനം നൽകും.

അമേരിക്കയിൽ നിന്നുള്ള ഡോ. ഒമർ ആദെൽ റഹീം യൂറോളജി വിദഗ്ധനാണ്. ഒക്ടോബർ 28 മുതൽ 31 വരെ മുബാറക് അൽ-കബീർ ആശുപത്രിയിൽ കൺസൾട്ടേഷൻ നൽകും.

വിജിറ്റിംഗ് ഡോക്ടർമാരുടെ സേവനവുമായി ബന്ധപ്പെട്ട കൂടുതൽ വിവരങ്ങളും അപ്പോയിന്റ്മെന്റ് ബുക്കിങ് സൗകര്യങ്ങളും Salem ആപ്പിലൂടെയും ഏകീകൃത സർക്കാർ ആപ്ലിക്കേഷനായ Sahel-ലൂടെയും ലഭ്യമാകുമെന്ന് ആരോഗ്യ മന്ത്രാലയം അറിയിച്ചു.