Qatar Passport Henley Passport Index 2026 : ദോഹ: 2026 ജൂലൈയിലെ ഹെൻലി പാസ്പോർട്ട് ഇൻഡക്സിൽ ഖത്തർ പാസ്പോർട്ട് അറബ് ലോകത്ത് രണ്ടാം സ്ഥാനവും ആഗോളതലത്തിൽ 48-ാം സ്ഥാനവും സ്വന്തമാക്കി.പുതിയ റാങ്കിംഗ് പ്രകാരം, ഖത്തർ പാസ്പോർട്ട് കൈവശമുള്ളവർക്ക് 112 രാജ്യങ്ങളിലേക്ക് മുൻകൂർ വിസയില്ലാതെയോ വിസ ഓൺ അറൈവലോടെയോ യാത്ര ചെയ്യാൻ കഴിയും.
ആഗോള പട്ടികയിൽ സിംഗപ്പൂർ 192 രാജ്യങ്ങളിലേക്കുള്ള വിസരഹിത പ്രവേശനവുമായി ഒന്നാം സ്ഥാനത്താണ്. യുഎഇ 188 രാജ്യങ്ങളിലേക്കുള്ള പ്രവേശനവുമായി രണ്ടാം സ്ഥാനവും നേടി. ജപ്പാനും ദക്ഷിണ കൊറിയയും ഇതേ സ്ഥാനത്താണ്. 187 രാജ്യങ്ങളിലേക്ക് പ്രവേശനം അനുവദിക്കുന്ന സ്വീഡൻ മൂന്നാം സ്ഥാനത്തും, 186 രാജ്യങ്ങളിലേക്കുള്ള പ്രവേശനവുമായി ബെൽജിയം, ഡെൻമാർക്ക്, ഫിൻലാൻഡ്, ഫ്രാൻസ്, ജർമ്മനി, അയർലൻഡ്, ഇറ്റലി, ലക്സംബർഗ്, നെതർലാൻഡ്സ്, നോർവേ, സ്പെയിൻ എന്നീ രാജ്യങ്ങൾ നാലാം സ്ഥാനത്തുമാണ്. 185 രാജ്യങ്ങളിലേക്ക് പ്രവേശനമുള്ള ഓസ്ട്രിയ, ഗ്രീസ്, മാൾട്ട, പോർച്ചുഗൽ, സ്വിറ്റ്സർലൻഡ് എന്നിവ അഞ്ചാം സ്ഥാനത്തുമെത്തി.
ഇന്റർനാഷണൽ എയർ ട്രാൻസ്പോർട്ട് അസോസിയേഷൻ (IATA) നൽകുന്ന യാത്രാ വിവരങ്ങളുടെ അടിസ്ഥാനത്തിലാണ് ഹെൻലി പാസ്പോർട്ട് ഇൻഡക്സ് തയ്യാറാക്കുന്നത്. ലോകത്തെ 199 പാസ്പോർട്ടുകളും 227 യാത്രാ ലക്ഷ്യസ്ഥാനങ്ങളും ഉൾപ്പെടുത്തിയാണ് റാങ്കിംഗ് പ്രസിദ്ധീകരിച്ചിരിക്കുന്നത്.
ഒരു യാത്രയ്ക്ക് ഏകദേശം 100 ഖത്തർ റിയാൽ വരെ ചെലവാകും ; കാർവ സേവനങ്ങളുടെ വില കുറയ്ക്കണം ; ആവശ്യമുയർത്തി ഭിന്നശേഷിക്കാർ
Qatar Greeshma Staff Editor — July 22, 2026 · 0 Comment
Karwa special transport services Qatar : ദോഹ: ഖത്തറിലെ കർവ (Karwa) പ്രത്യേക ഗതാഗത സേവനങ്ങളുടെ നിരക്ക് കുറയ്ക്കണമെന്നും സേവന നിലവാരം മെച്ചപ്പെടുത്തണമെന്നും ഭിന്നശേഷിക്കാർ ആവശ്യപ്പെട്ടു.
പ്രത്യേക പരിഗണന ആവശ്യമുള്ള യാത്രക്കാർക്ക് കർവയുടെ പ്രത്യേക വാഹന സേവനം ഉപയോഗിക്കേണ്ടി വരുന്ന സാഹചര്യത്തിൽ യാത്രാചെലവ് വളരെ കൂടുതലാണെന്ന് അവർ ചൂണ്ടിക്കാട്ടി. പാർക്കിംഗ്, കാത്തിരിപ്പ് ഫീസ് എന്നിവ കൂടി ഉൾപ്പെടുമ്പോൾ ഒരു യാത്രയ്ക്ക് ഏകദേശം 100 ഖത്തർ റിയാൽ വരെ ചെലവാകുന്നുവെന്നാണ് പരാതി.
ആശുപത്രികൾ, പുനരധിവാസ കേന്ദ്രങ്ങൾ, വിദ്യാഭ്യാസ സ്ഥാപനങ്ങൾ, ജോലിസ്ഥലങ്ങൾ എന്നിവിടങ്ങളിലേക്ക് സ്ഥിരമായി യാത്ര ചെയ്യേണ്ടിവരുന്ന ഭിന്നശേഷിക്കാർക്ക് ഈ ഉയർന്ന ചെലവ് വലിയ സാമ്പത്തിക ബാധ്യതയാണെന്നും അവർ പറഞ്ഞു.
അതേസമയം, ചില പുതിയ ഡ്രൈവർമാർക്ക് ദോഹയിലെയും മറ്റ് പ്രദേശങ്ങളിലെയും റോഡുകളെക്കുറിച്ചും വിലാസങ്ങളെക്കുറിച്ചും വേണ്ടത്ര പരിചയമില്ലെന്നും പരാതിയുണ്ട്. പലരും ഗൂഗിൾ മാപ്സ്, വേസ് തുടങ്ങിയ നാവിഗേഷൻ ആപ്പുകളെ പൂർണമായും ആശ്രയിക്കുകയോ യാത്രക്കാരുടെ സഹായം തേടുകയോ ചെയ്യുന്നതായി അവർ ചൂണ്ടിക്കാട്ടി. ഇത് പ്രത്യേകിച്ച് പ്രായമായവർക്കും ഭിന്നശേഷിക്കാർക്കും കൂടുതൽ ബുദ്ധിമുട്ടുണ്ടാക്കുന്നതായും വ്യക്തമാക്കി.
ജോലിയിൽ പ്രവേശിക്കുന്നതിന് മുമ്പ് ഡ്രൈവർമാർക്ക് മതിയായ പരിശീലനവും പ്രദേശപരിചയവും ഉറപ്പാക്കണമെന്ന് ബന്ധപ്പെട്ട അധികൃതരോട് ആവശ്യപ്പെട്ടു.
ഭിന്നശേഷിക്കാരുടെ സാമൂഹിക പങ്കാളിത്തവും യാത്രാസൗകര്യവും മെച്ചപ്പെടുത്തുന്നതിനായി പ്രത്യേക ഗതാഗത സേവനങ്ങളുടെ നിരക്ക് പുനഃപരിശോധിക്കണമെന്നും യാത്രാ, കാത്തിരിപ്പ് ഫീസുകൾ കുറയ്ക്കണമെന്നും സബ്സിഡിയോ പ്രത്യേക സബ്സ്ക്രിപ്ഷൻ പദ്ധതികളോ നടപ്പാക്കണമെന്നും അവർ കർവ അധികൃതരോടും ബന്ധപ്പെട്ട വകുപ്പുകളോടും ആവശ്യപ്പെട്ടു.
ബ്യൂട്ടി ട്രീറ്റ്മെന്റിലെ ഈ കുത്തിവയ്പ്പുകൾ എടുക്കാറുണ്ടോ ? ഭാവിയിൽ എടുക്കണമെന്ന് പ്ലാൻ ചെയ്യുന്നുണ്ടോ ? സുരക്ഷിതമല്ലെന്ന് ഖത്തർ ആരോഗ്യ അധികൃതർ മുന്നറിയിപ്പ് നൽകുന്നു
Qatar Greeshma Staff Editor — July 22, 2026 · 0 Comment
Qatar exosome injections : ദോഹ: സൗന്ദര്യവർദ്ധക ചികിത്സകളിലും മറ്റ് മെഡിക്കൽ ആവശ്യങ്ങൾക്കും എക്സോസോം (Exosome) കുത്തിവയ്പ്പുകൾ ഉപയോഗിക്കുന്നതിനെതിരെ ഖത്തറിലെ പൊതുജനാരോഗ്യ മന്ത്രാലയം മുന്നറിയിപ്പ് നൽകി. ഇത്തരം ഉപയോഗത്തിന് ഖത്തറിലോ അമേരിക്കൻ ഫുഡ് ആൻഡ് ഡ്രഗ് അഡ്മിനിസ്ട്രേഷനോ (FDA) ഇതുവരെ അനുമതി നൽകിയിട്ടില്ലെന്നും, സുരക്ഷയും ഫലപ്രാപ്തിയും ശാസ്ത്രീയമായി തെളിയിക്കപ്പെട്ടിട്ടില്ലെന്നും മന്ത്രാലയം അറിയിച്ചു.
എക്സോസോം കുത്തിവയ്പ്പുകൾ ആരോഗ്യത്തിന് അപകടസാധ്യത സൃഷ്ടിക്കാനിടയുള്ളതിനാൽ ചികിത്സാ ആവശ്യങ്ങൾക്കോ സൗന്ദര്യവർദ്ധക നടപടിക്രമങ്ങൾക്കോ ഇവ കുത്തിവയ്പ്പിലൂടെ ഉപയോഗിക്കുന്നത് നിരോധിച്ചതായി മന്ത്രാലയം പുറത്തിറക്കിയ പുതിയ സർക്കുലറിൽ വ്യക്തമാക്കുന്നു.
മാർക്കറ്റിൽ ലഭ്യമായ എക്സോസോം ഉൽപ്പന്നങ്ങൾ ബാഹ്യ ഉപയോഗത്തിന് (Topical Use) മാത്രമാണെന്നും, കുത്തിവയ്പ്പ് ഉൾപ്പെടെ മറ്റേതെങ്കിലും രീതിയിൽ ഉപയോഗിക്കരുതെന്നും അധികൃതർ വ്യക്തമാക്കി. ഇത്തരം ഉൽപ്പന്നങ്ങളെ ചികിത്സയ്ക്കോ സൗന്ദര്യ ചികിത്സയ്ക്കോ പ്രചരിപ്പിക്കുന്നതും അംഗീകൃത ഉപയോഗപരിധിക്ക് പുറത്തായി ഉപയോഗിക്കുന്നതും അനുവദിക്കില്ല.
നിയമം ലംഘിക്കുന്നവർക്കെതിരെ ആവശ്യമായ നിയമനടപടികൾ സ്വീകരിക്കുമെന്നും ബന്ധപ്പെട്ട എല്ലാ സ്ഥാപനങ്ങളും ആരോഗ്യപ്രവർത്തകരും മന്ത്രാലയത്തിന്റെ നിർദേശങ്ങൾ കർശനമായി പാലിക്കണമെന്നും പൊതുജനാരോഗ്യ മന്ത്രാലയം അറിയിച്ചു.
അതേസമയം, രാജ്യത്തെ മരുന്നുകളുടെ വിതരണ ശൃംഖല കൂടുതൽ സുരക്ഷിതമാക്കുന്നതിനായി പുതിയ ഡ്രഗ് ട്രാക്കിംഗ് സംവിധാനം നടപ്പാക്കുമെന്നും മന്ത്രാലയം പ്രഖ്യാപിച്ചു. 2026 ജൂൺ 18 മുതൽ ഇത് പ്രാബല്യത്തിൽ വന്നിട്ടുണ്ട്. മരുന്നുകളുടെ ഉൽപാദനം മുതൽ വിതരണവും ഉപയോഗവും വരെ ഓരോ ഘട്ടവും നിരീക്ഷിക്കാൻ ഈ സംവിധാനം സഹായിക്കും.
ഇതിനായി ഖത്തറിൽ വിതരണം ചെയ്യുന്ന എല്ലാ മരുന്നുകളുടെയും പാക്കേജുകളിൽ 2D ബാർകോഡ് (Data Matrix Code) നിർബന്ധമാക്കി. ഉൽപ്പന്നത്തിന്റെ തിരിച്ചറിയൽ നമ്പർ, സീരിയൽ നമ്പർ, ബാച്ച് നമ്പർ, കാലാവധി തുടങ്ങിയ വിവരങ്ങൾ ഇതിൽ ഉൾപ്പെടുത്തണം.
കൂടാതെ, ബോട്ടുലിനം ടോക്സിൻ (Botox) ഉൽപ്പന്നങ്ങൾ ലൈസൻസുള്ള ആരോഗ്യ സ്ഥാപനങ്ങളിലും മന്ത്രാലയത്തിന്റെ അനുമതിയുള്ള ഡോക്ടർമാരുടെ മേൽനോട്ടത്തിലും മാത്രമേ ഉപയോഗിക്കാവൂ എന്നും മന്ത്രാലയം നിർദേശിച്ചു. അനുമതിയില്ലാത്ത ഉൽപ്പന്നങ്ങളുടെ ഇറക്കുമതി, വിൽപ്പന, വിതരണം, പരസ്യം എന്നിവ കർശനമായി നിരോധിച്ചിട്ടുണ്ട്.
രോഗികളുടെ സുരക്ഷ ഉറപ്പാക്കുകയും രാജ്യത്തെ മരുന്നുകളുടെയും മെഡിക്കൽ ഉൽപ്പന്നങ്ങളുടെയും നിയന്ത്രണം കൂടുതൽ ശക്തമാക്കുകയും ചെയ്യുന്നതിന്റെ ഭാഗമായാണ് ഈ പുതിയ നടപടികളെന്ന് ഖത്തർ പൊതുജനാരോഗ്യ മന്ത്രാലയം വ്യക്തമാക്കി.
അബു സംറ അതിർത്തി കടന്ന് പോകുന്നുണ്ടോ ? എന്നാൽ വഴിയിൽ പെടാതിരിക്കാൻ മുൻകൂർ രജിസ്ട്രേഷൻ നിർബന്ധം , ഖത്തർ ആഭ്യന്തര മന്ത്രാലയം നൽകുന്ന മുന്നറിയിപ്പ്
Qatar Greeshma Staff Editor — July 21, 2026 · 0 Comment
Abu Samra Border Pre-Registration ദോഹ: അബു സംറ അതിർത്തി കടന്ന് യാത്ര ചെയ്യാനൊരുങ്ങുന്നവർ യാത്രയ്ക്ക് മുമ്പ് മെത്രാഷ് (Metrash) ആപ്പിലൂടെ മുൻകൂർ രജിസ്ട്രേഷൻ നടത്തണമെന്ന് ഖത്തർ ആഭ്യന്തര മന്ത്രാലയം നിർദേശിച്ചു.
ആഭ്യന്തര മന്ത്രാലയത്തിലെ പാസ്പോർട്ട് ജനറൽ ഡയറക്ടറേറ്റിന് കീഴിലുള്ള അബു സംറ പാസ്പോർട്ട് വിഭാഗം മേധാവി മേജർ മുഹമ്മദ് മുബാറക് അൽ-ബുഐനൈൻ ആണ് ഇക്കാര്യം അറിയിച്ചത്.
മുൻകൂർ രജിസ്ട്രേഷൻ സേവനം യാത്രക്കാരുടെ നടപടിക്രമങ്ങൾ വേഗത്തിലാക്കാനും അതിർത്തി കടക്കുമ്പോൾ ചെലവാകുന്ന സമയം കുറയ്ക്കാനുമാണ് ലക്ഷ്യമിടുന്നത്. യാത്രയ്ക്ക് മുമ്പ് തന്നെ യാത്രാ വിവരങ്ങളും വാഹനത്തിന്റെ വിവരങ്ങളും മെത്രാഷ് ആപ്പിൽ നൽകുന്നതിലൂടെ അതിർത്തി ചെക്ക്പോസ്റ്റിലെ പരിശോധനകൾ കൂടുതൽ വേഗത്തിൽ പൂർത്തിയാക്കാൻ സാധിക്കും.
മെത്രാഷ് ആപ്പിലൂടെ രജിസ്ട്രേഷൻ ചെയ്യുന്നത് വളരെ എളുപ്പമാണെന്നും യാത്രക്കാരൻ യാത്ര ചെയ്യുന്ന വാഹനത്തിന്റെ വിവരങ്ങളും ഒപ്പമുള്ള യാത്രക്കാരുടെ വിവരങ്ങളും നൽകി അപേക്ഷ സമർപ്പിച്ചാൽ മതിയെന്നും അദ്ദേഹം വ്യക്തമാക്കി.
യാത്രക്കാരൻ അതിർത്തിയിലെത്തുന്നതിന് മുമ്പ് തന്നെ ആവശ്യമായ വിവരങ്ങൾ അധികൃതർക്ക് ലഭ്യമാകുന്നതിനാൽ നടപടിക്രമങ്ങൾ വേഗത്തിൽ പൂർത്തിയാക്കാനും അവധി ദിവസങ്ങളിലെയും തിരക്കേറിയ സമയങ്ങളിലെയും കാത്തിരിപ്പ് കുറയ്ക്കാനും ഈ സേവനം സഹായിക്കുമെന്ന് അദ്ദേഹം പറഞ്ഞു.യാത്ര കൂടുതൽ സുഗമമാക്കാൻ യാത്രയ്ക്ക് ഏറെ മുമ്പ് തന്നെ മെത്രാഷ് ആപ്പിൽ മുൻകൂർ രജിസ്ട്രേഷൻ പൂർത്തിയാക്കണമെന്ന് ആഭ്യന്തര മന്ത്രാലയം യാത്രക്കാരോട് അഭ്യർഥിച്ചു.
ഖത്തറിൽ പാസ്പോർട്ട് വിവരങ്ങൾ ഇനി ഓൺലൈനായി പുതുക്കാം; നടപടിക്രമം വ്യക്തമാക്കി ആഭ്യന്തര മന്ത്രാലയം
Qatar Greeshma Staff Editor — July 21, 2026 · 0 Comment
Qatar Passport Update Online ദോഹ: ഖത്തറിൽ താമസ രേഖയുമായി (Residence Permit) ബന്ധപ്പെട്ട പാസ്പോർട്ട് വിവരങ്ങൾ ഓൺലൈനായി എളുപ്പത്തിൽ പുതുക്കാൻ കഴിയുമെന്ന് ആഭ്യന്തര മന്ത്രാലയം അറിയിച്ചു. ഇതിനുള്ള നടപടിക്രമങ്ങൾ വിശദീകരിച്ചുള്ള ബോധവത്കരണ വീഡിയോ മന്ത്രാലയം ഔദ്യോഗിക X അക്കൗണ്ടിലൂടെ പങ്കുവെച്ചു.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ ഇപ്പോൾ തന്നെ ഫോളോചെയ്യു
മന്ത്രാലയം വ്യക്തമാക്കിയ നടപടികൾ ഇവയാണ്:
- ഹോംപേജിൽ നിന്ന് ‘Residency’ (താമസസൗകര്യങ്ങൾ) വിഭാഗം തിരഞ്ഞെടുക്കുക.
- തുടർന്ന് ‘Change Data’ എന്ന ഓപ്ഷനിൽ ക്ലിക്ക് ചെയ്ത് ‘Passport Change’ സേവനം തിരഞ്ഞെടുക്കുക.
- സ്വന്തം പേഴ്സണൽ നമ്പറോ അല്ലെങ്കിൽ സ്പോൺസറുടെ നമ്പറോ നൽകുക.
- പാസ്പോർട്ടിന്റെ ആദ്യ പേജിന്റെ വ്യക്തമായ ചിത്രം അപ്ലോഡ് ചെയ്യുകയോ ഫോട്ടോ എടുക്കുകയോ ചെയ്യുക. കൂടാതെ വ്യക്തമായ ഒരു പാസ്പോർട്ട് സൈസ് ഫോട്ടോയും ചേർക്കണം.
- നൽകിയ വിവരങ്ങൾ ശരിയാണെന്ന് ഉറപ്പാക്കിയ ശേഷം അനുയോജ്യമായ പേയ്മെന്റ് മാർഗം തിരഞ്ഞെടുത്ത് ഫീസ് അടച്ചാൽ അപേക്ഷ വിജയകരമായി സമർപ്പിക്കാം.
അപേക്ഷ അംഗീകരിച്ച ശേഷം പുതുക്കിയ ഖത്തർ ഐഡി കാർഡ് (QID) ഖത്തർ പോസ്റ്റ് വഴി അപേക്ഷകന്റെ വിലാസത്തിലേക്ക് അയച്ചുതരുമെന്നും ആഭ്യന്തര മന്ത്രാലയം അറിയിച്ചു.
ഡർബ്’ മൊബൈൽ ആപ്പ് പുറത്തിറക്കി ഖത്തർ ഗതാഗത മന്ത്രാലയം; ഡിജിറ്റൽ സേവനങ്ങൾ ഇനി ഒറ്റ പ്ലാറ്റ്ഫോമിൽ
Qatar Greeshma Staff Editor — July 21, 2026 · 0 Comment
Qatar Darb App ദോഹ: പൊതുജനങ്ങൾക്ക് ഗതാഗത മന്ത്രാലയത്തിന്റെ ഡിജിറ്റൽ സേവനങ്ങൾ കൂടുതൽ എളുപ്പത്തിൽ ലഭ്യമാക്കുന്നതിനായി ‘ഡർബ്’ (Darb) എന്ന പുതിയ മൊബൈൽ ആപ്പ് ഗതാഗത മന്ത്രാലയം പുറത്തിറക്കി.ലളിതവും ഉപയോഗിക്കാൻ എളുപ്പമുള്ളതുമായ ഇന്റർഫേസോടെയാണ് ആപ്പ് തയ്യാറാക്കിയിരിക്കുന്നത്. ഇതിലൂടെ മന്ത്രാലയത്തിന്റെ വിവിധ ഇ-സേവനങ്ങൾ, മന്ത്രാലയത്തിന്റെ ദർശനം, ഏറ്റവും പുതിയ വാർത്തകൾ, പ്രധാന അറിയിപ്പുകൾ, ഇവന്റുകൾ എന്നിവ ഒറ്റ പ്ലാറ്റ്ഫോമിൽ നിന്ന് ലഭ്യമാകും.
സേവനങ്ങൾ വേഗത്തിലും കാര്യക്ഷമമായും ലഭ്യമാക്കുകയും ഉപയോക്താക്കളുടെ സമയവും പരിശ്രമവും ലാഭിക്കുകയും ചെയ്യുക എന്നതാണ് ആപ്പിന്റെ പ്രധാന ലക്ഷ്യമെന്ന് മന്ത്രാലയം അറിയിച്ചു.ആപ്പ് സ്റ്റോറിലും ഗൂഗിൾ പ്ലേയിലും ലഭ്യമായ ‘ഡർബ്’ ആപ്പ് ഡൗൺലോഡ് ചെയ്ത് സേവനങ്ങൾ പ്രയോജനപ്പെടുത്തണമെന്ന് മന്ത്രാലയം പൊതുജനങ്ങളോട് അഭ്യർഥിച്ചു.
ചുമ്മാ ഡ്രോൺ പറത്തി പണി വാങ്ങരുതേ ; ജയിലിലാവും, ഖത്തറിൽ ഡ്രോൺ നിയമം പ്രാബല്യത്തിൽ
Qatar Greeshma Staff Editor — July 21, 2026 · 0 Comment
Qatar Drone Law 2026 : ദോഹ: ഡ്രോണുകളുടെ ഉപയോഗവും അതുമായി ബന്ധപ്പെട്ട എല്ലാ പ്രവർത്തനങ്ങളും നിയന്ത്രിക്കുന്ന പുതിയ നിയമം ഖത്തർ സർക്കാർ ഔദ്യോഗിക ഗസറ്റിൽ പ്രസിദ്ധീകരിച്ചു. 2026-ലെ അമീരി ഡിക്രി നമ്പർ 10 പ്രകാരമുള്ള നിയമമാണ് നിലവിൽ വന്നത്. ഡ്രോണുകളുടെ ലൈസൻസിംഗ്, പ്രവർത്തനം, സുരക്ഷാ മാനദണ്ഡങ്ങൾ എന്നിവയ്ക്കായി സമഗ്രമായ നിയന്ത്രണങ്ങളാണ് പുതിയ നിയമത്തിൽ ഉൾപ്പെടുത്തിയിരിക്കുന്നത്.
നിയമപ്രകാരം, ലൈസൻസോ പെർമിറ്റോ ഉള്ള വ്യക്തിയോ സ്ഥാപനമോ നിയമ വ്യവസ്ഥകൾ ലംഘിച്ചാൽ ബന്ധപ്പെട്ട അധികാരികൾ ആദ്യം നിയമലംഘനം തിരുത്താൻ നിർദേശിക്കും. നിർദേശിച്ച സമയത്തിനുള്ളിൽ വീഴ്ച പരിഹരിക്കാത്ത പക്ഷം വിവിധ ഭരണനടപടികൾ സ്വീകരിക്കാം.
ഇതിൽ മുന്നറിയിപ്പ് നൽകൽ, മൂന്ന് മാസം വരെ ലൈസൻസോ പെർമിറ്റോ സസ്പെൻഡ് ചെയ്യൽ എന്നിവ ഉൾപ്പെടുന്നു. ആവർത്തിച്ചുള്ള നിയമലംഘനമുണ്ടെങ്കിൽ സസ്പെൻഷൻ കാലാവധി ഇരട്ടിയാക്കാനും കഴിയും.
ഡ്രോൺ പ്രവർത്തനവുമായി ബന്ധപ്പെട്ട കമ്പനികൾ, സ്വകാര്യ സ്ഥാപനങ്ങൾ, ക്ലബ്ബുകൾ എന്നിവ 15 ദിവസം വരെ അടച്ചുപൂട്ടാനും അധികാരികൾക്ക് അധികാരമുണ്ട്. ഈ സമയത്തിനുള്ളിൽ നിയമലംഘനം പരിഹരിക്കാത്ത പക്ഷം അടച്ചുപൂട്ടൽ വീണ്ടും നീട്ടാനും വ്യവസ്ഥയുണ്ട്.
ഗുരുതരമായ നിയമലംഘനങ്ങൾ നടത്തുന്നവർക്ക് ഏഴ് വർഷം വരെ തടവും മൂന്ന് ലക്ഷം ഖത്തർ റിയാൽ വരെ പിഴയും, അല്ലെങ്കിൽ രണ്ടിൽ ഏതെങ്കിലും ഒരു ശിക്ഷയും ലഭിക്കും. കുറ്റകൃത്യത്തിൽ ഉപയോഗിച്ച ഡ്രോണുകളും അനുബന്ധ ഉപകരണങ്ങളും കോടതി കണ്ടുകെട്ടാനും ഉത്തരവിടും.
നിയമത്തിലെ ചില പ്രത്യേക വകുപ്പുകൾ ലംഘിക്കുന്നവർക്ക് രണ്ട് ലക്ഷം റിയാൽ വരെ പിഴ ചുമത്തുമെന്നും നിയമത്തിൽ പറയുന്നു. കമ്പനിയിലെ ഉത്തരവാദിത്തപ്പെട്ട മാനേജരുടെ അറിവോടെയോ അശ്രദ്ധ മൂലമോ നിയമലംഘനം നടന്നതായി തെളിഞ്ഞാൽ, മാനേജർക്കും സമാന ശിക്ഷ ലഭിക്കും. ജീവനക്കാരുടെ നിയമലംഘനവുമായി ബന്ധപ്പെട്ട പിഴയും നഷ്ടപരിഹാരവും സ്ഥാപനവും ചേർന്ന് വഹിക്കേണ്ടിവരും.
അതേസമയം, ചില കേസുകളിൽ അന്തിമ കോടതി വിധിക്ക് മുമ്പ് ഒത്തുതീർപ്പ് അനുവദിക്കാനും നിയമത്തിൽ വ്യവസ്ഥയുണ്ട്. ഇതിനായി സർക്കാർ നിശ്ചയിച്ച തുക അടയ്ക്കുകയും നിയമലംഘനം പരിഹരിക്കുകയും വേണം.
പുതിയ നിയമത്തിലൂടെ ഖത്തറിൽ ഡ്രോണുകളുടെ ഉപയോഗം കൂടുതൽ സുരക്ഷിതവും കർശനമായ നിയന്ത്രണങ്ങൾക്കുള്ളിലുമാക്കുകയാണ് ലക്ഷ്യമിടുന്നത്.
എക്സോസോം അടങ്ങിയ ഉൽപന്നങ്ങൾ ഉപയോഗിക്കാറുണ്ടോ? അടിയന്തിര മുന്നറിയിപ്പുമായി ഖത്തർ ആരോഗ്യ മന്ത്രാലയം
Qatar Drisya Staff Editor — July 20, 2026 · 0 Comment
Qatar Bans All Products Containing Exosomesദോഹ: ഖത്തറിൽ ഇൻജക്ഷൻ രൂപത്തിലുള്ള എക്സോസോം ഉൽപ്പന്നങ്ങളുടെ ഉപയോഗം പൂർണമായി നിരോധിച്ചു. ഇതുമായി ബന്ധപ്പെട്ട്ഫാർമസി ആൻഡ് ഡ്രഗ് കൺട്രോൾ ഡിപ്പാർട്ട്മെന്റ് പ്രത്യേക സർക്കുലർ പുറത്തിറക്കി. മെഡിക്കൽ അല്ലെങ്കിൽ സൗന്ദര്യവർദ്ധക ആവശ്യങ്ങൾക്കായി ഇത്തരം ഉൽപ്പന്നങ്ങൾ ഇഞ്ചക്ഷൻ രൂപത്തിൽ ഉപയോഗിക്കരുതെന്ന് സർക്കുലറിൽ പറയുന്നു.
വിപണിയിലും സോഷ്യൽ മീഡിയയിലും എക്സോസോം അടങ്ങിയ ഉൽപന്നങ്ങളുടെ വ്യാപകമായ പ്രചാരണം ശ്രദ്ധയിൽപ്പെട്ടതിനെത്തുടർന്നാണ് മന്ത്രാലയത്തിന്റെ അടിയന്തര ഇടപെടൽ. രാജ്യത്ത് പൊതുജനാരോഗ്യ മന്ത്രാലയത്തിന് കീഴിലുള്ള ഫാർമസി ആൻഡ് ഡ്രഗ് കൺട്രോൾ ഡിപ്പാർട്ട്മെന്റോ, യു.എസ് ഫുഡ് ആൻഡ് ഡ്രഗ് അഡ്മിനിസ്ട്രേഷനോ മെഡിക്കൽ -സൗന്ദര്യവർദ്ധക ആവശ്യങ്ങൾക്കായി ഒരുവിധ എക്സോസോം കുത്തിവെപ്പുകൾക്കും അനുമതി നൽകിയിട്ടില്ല. എക്സോസോം ഉൽപ്പന്നങ്ങൾക്ക് ചർമ്മത്തിന് പുറത്ത് ഉപയോഗിക്കാൻ മാത്രമാണ് അനുമതിയുള്ളത്.
കുത്തിവെപ്പ് രൂപത്തിലുള്ള ഇത്തരം ഉൽപന്നങ്ങളുടെ സുരക്ഷിതത്വവും ഫലപ്രാപ്തിയും ശാസ്ത്രീയമായി തെളിയിക്കപ്പെട്ടിട്ടില്ലെന്നും, ഇവ ഗുരുതരമായ ആരോഗ്യപ്രശ്നങ്ങൾക്ക് കാരണമായേക്കാമെന്നും മന്ത്രാലയം വ്യക്തമാക്കി. നിർദേശങ്ങൾ ലംഘിക്കുന്ന വ്യക്തികൾക്കെതിരെയും സ്ഥാപനങ്ങൾക്കെതിരെയും കർശനമായ നടപടികൾ സ്വീകരിക്കുമെന്ന് മന്ത്രാലയം മുന്നറിയിപ്പ് നൽകി. പൊതുജനാരോഗ്യവും സുരക്ഷയും മുൻനിർത്തി എല്ലാവരും ഈ നിർദേശങ്ങൾ കൃത്യമായി പാലിക്കണമെന്ന് മന്ത്രാലയം അഭ്യർത്ഥിച്ചു.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ ഇപ്പോൾ തന്നെ ഫോളോചെയ്യു
Qatar Government School Admissions: Registration Centres Open for a Few More Days ഖത്തർ സർക്കാർ സ്കൂളുകളിലെ പ്രവേശനം; രജിസ്ട്രേഷൻ കേന്ദ്രങ്ങൾ ഏതാനും ദിവസങ്ങൾക്കൂടെ
Qatar Drisya Staff Editor — July 20, 2026 · 0 Comment
Qatar Government School Admissions: Registration Centres Open for a Few More Daysദോഹ: 2026-27 അധ്യയന വർഷത്തേക്കുള്ള സർക്കാർ സ്കൂളുകളിലെ പുതിയ പ്രവേശനത്തിനും വിദ്യാർത്ഥി സ്ഥലം മാറ്റത്തിനുമായി തുറന്ന രജിസ്ട്രേഷൻ കേന്ദ്രങ്ങൾ ഓഗസ്റ്റ് 13 വരെ പ്രവർത്തിക്കും. എല്ലാ പ്രവൃത്തി ദിവസങ്ങളിലും രാവിലെ 8 മുതൽ ഉച്ചയ്ക്ക് 2 വരെ കേന്ദ്രങ്ങൾ പ്രവർത്തിക്കുമെന്ന് ഖത്തറിലെ വിദ്യാഭ്യാസ-ഉന്നത വിദ്യാഭ്യാസ മന്ത്രാലയം അറിയിച്ചു.
സ്ത്രീകൾക്കായുള്ള രജിസ്ട്രേഷൻ കേന്ദ്രമായി മൊസ ബിന്റ് മുഹമ്മദ് പ്രിപ്പറേറ്ററി സ്കൂൾ ഫോർ ഗേൾസും പുരുഷന്മാർക്കായി അബു ഹനീഫ മോഡൽ സ്കൂൾ ഫോർ ബോയ്സ്, അൽ-അഹ്നഫ് ബിൻ ഖൈസ് പ്രിപ്പറേറ്ററി സ്കൂൾ ഫോർ ബോയ്സ്, അലി ബിൻ അബി താലിബ് പ്രിപ്പറേറ്ററി സ്കൂൾ ഫോർ ബോയ്സ് എന്നിവയും പ്രവർത്തിക്കും. പുതിയ വിദ്യാർത്ഥികളുടെ പ്രവേശനവും സർക്കാർ സ്കൂളുകൾ തമ്മിലെയും സ്വകാര്യ സ്കൂളുകളിൽ നിന്നുള്ള സർക്കാർ സ്കൂളുകളിലേക്കുമുള്ള സ്ഥലംമാറ്റ നടപടികളും ഈ കേന്ദ്രങ്ങൾ വഴി പൂർത്തിയാക്കാം.
സ്വകാര്യ സ്കൂളുകൾ ഇല്ലാത്ത പ്രദേശങ്ങളിൽ താമസിക്കുന്ന അർഹരായ സ്വകാര്യ മേഖല ജീവനക്കാരുടെ മക്കൾക്കും സർക്കാർ സ്കൂളുകളിൽ പ്രവേശനം ലഭിക്കും. അറബിക് മാതൃഭാഷയല്ലാത്ത വിദ്യാർത്ഥികൾക്ക് അറബിക് ഭാഷാ പ്രാവീണ്യ പരിശോധന നിർബന്ധമാണ്. പരിശോധനാഫലത്തിന്റെ അടിസ്ഥാനത്തിൽ ആവശ്യമായ ഭാഷാപരിശീലനവും നൽകുമെന്ന് മന്ത്രാലയം അറിയിച്ചു.
ഖത്തർ പൗരന്മാരുടെ മക്കൾ, ഖത്തർ വനിതകളുടെ മക്കൾ, ജിസിസി രാജ്യങ്ങളിലെ പൗരന്മാരുടെ മക്കൾ, ഖത്തർ രേഖകളുള്ള കുട്ടികൾ, സർക്കാർ മന്ത്രാലയങ്ങൾ, പൊതുസ്ഥാപനങ്ങൾ, ചാരിറ്റബിൾ സ്ഥാപനങ്ങൾ, അംഗീകൃത സ്വകാര്യ സ്ഥാപനങ്ങൾ എന്നിവിടങ്ങളിൽ ജോലി ചെയ്യുന്ന വിദേശികളുടെ മക്കൾ, സ്ഥിര താമസാനുമതിയുള്ളവരുടെ മക്കൾ, യോഗ്യമായ റിയൽ എസ്റ്റേറ്റ് റെസിഡൻസി വിസയുള്ളവരുടെ മക്കൾ, എംബസികളിലെ നയതന്ത്ര-ഭരണ വിഭാഗം ജീവനക്കാരുടെ മക്കൾ എന്നിവർക്കാണ് പ്രവേശനത്തിന് അർഹത.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ ഇപ്പോൾ തന്നെ ഫോളോചെയ്യു
Hamad Medical corporation Leads Major Digital Transformation in Healthcare ഡിജിറ്റൽ സാങ്കേതിക വിദ്യയും സ്മാർട്ട് ഹെൽത്ത് സംവിധാനങ്ങളും ശക്തമാക്കി ഹമദ് മെഡിക്കൽ കോർപ്പറേഷൻ
Qatar Drisya Staff Editor — July 20, 2026 · 0 Comment
Hamad Medical corporation Leads Major Digital Transformation in Healthcare ദോഹ: ആരോഗ്യമേഖലയിൽ വൻ ഡിജിറ്റൽ പരിവർത്തനവുമായി ഹമദ് മെഡിക്കൽ കോർപ്പറേഷന്റെ കുതിപ്പ്. ഹമദ് മെഡിക്കൽ കോർപ്പറേഷന്റെ (എച്ച്.എം.സി) ലബോറട്ടറി രോഗനിർണയ -ജനിതക പരിശോധനകളിൽ വലിയ നവീകരണമാണ് ഒരുക്കിയിട്ടുള്ളത്.ആരോഗ്യ മേഖലയിൽ ഡിജിറ്റൽ സാങ്കേതികവിദ്യയും സ്മാർട്ട് ഹെൽത്ത് സംവിധാനങ്ങളും ശക്തമാക്കുന്നതിന്റെ ഭാഗമായാണിത്.
എച്ച്.എം.സി ലാബുകളിൽ പ്രതിവർഷം രണ്ട് കോടിയിലധികം പരിശോധനകൾ വിജയകരമായി പൂർത്തിയാക്കുന്നുണ്ടെന്ന് ലബോറട്ടറി മെഡിസിൻ ആൻഡ് പത്തോളജി ചെയർപേഴ്സൻ ഡോ. ഐനാസ് അൽ കുവാരി ഖത്തർ ന്യൂസ് ഏജൻസിക്ക് (ക്യു.എൻ.എ) നൽകിയ അഭിമുഖത്തിൽ വ്യക്തമാക്കി.
ഖത്തർ നാഷണൽ വിഷൻ 2030ന്റെ ലക്ഷ്യങ്ങൾക്ക് അനുസൃതമായാണ് ആരോഗ്യ മേഖലയിലെ ഡിജിറ്റൽ പരിവർത്തനം. ലബോറട്ടറി പ്രവർത്തനങ്ങൾ പൂർണ്ണമായും ഡിജിറ്റലൈസ് ചെയ്തതിലൂടെ പരിശോധനാ ഫലങ്ങൾ പൂർണ്ണ സുരക്ഷിതത്വത്തോടെയും കൃത്യതയോടെയും ഉടനടി രോഗികളുടെ മെഡിക്കൽ റെക്കോർഡുകളിലേക്ക് ലഭ്യമാക്കാൻ പുതിയ സംവിധാനത്തിലൂടെ സാധിക്കുന്നുണ്ട്. ഇത് ഡോക്ടർമാർക്ക് വേഗത്തിൽ തീരുമാനങ്ങളെടുക്കാനും രോഗികൾക്ക് മികച്ച സേവനം നൽകാനും സഹായിക്കുന്നു. ഇത് രോഗനിർണ്ണയത്തിനുള്ള സമയപരിധി ഗണ്യമായി കുറയ്ക്കാൻ സഹായിക്കും.
ആരോഗ്യ സംവിധാനത്തിന്റെ പ്രധാന ഘടകമായ മെഡിക്കൽ ലബോറട്ടറികളിൽ ആവശ്യമായ ഡിജിറ്റൽ മുന്നേറ്റങ്ങൾ നടത്തി, മികച്ച പുരോഗതി കൈവരിക്കാൻ സാധിച്ചു. എച്ച്.എം.സി ലബോറട്ടറികളിൽ പ്രതിവർഷം നടക്കുന്ന പരിശോധനകളിൽ, 1,53,000 ജനിതക പരിശോധനകളും ഉൾപ്പെടുന്നു.
പാരമ്പര്യ രോഗങ്ങൾ, ബ്ലഡ് കാൻസർ, ലിംഫ് നോഡുകളിലെ ജനിതക വ്യതിയാനങ്ങൾ എന്നിവ കണ്ടെത്താനുള്ള പരിശോധനകളും വിവാഹപൂർവ -നവജാത ശിശു പരിശോധനകളും ഇതിൽ ഉൾപ്പെടും. ഖത്തറിൽ ആദ്യമായി എച്ച്.എം.സി സ്വന്തമായി ‘ക്ലിനിക്കൽ ഹോൾ എക്സോം സീക്വൻസിങ്’ സേവനവും ആരംഭിച്ചിട്ടുണ്ട്. ഇതോടൊപ്പം ഫാർമകോജെനോമിക്സ്, ത്രോംബോഫീലിയ പരിശോധനകളും ആരംഭിച്ചതോടെ ഓരോ രോഗിക്കും അനുയോജ്യമായ പ്രത്യേക ചികിത്സ ഉറപ്പാക്കാൻ സാധിക്കും.
Possible Changes to Qatar Flight Schedulesഖത്തർ വിമാന സർവീസ് ഷെഡ്യൂളുകളിൽ മാറ്റങ്ങൾക്ക് സാധ്യത; യാത്ര പുറപ്പെടും മുൻപ് ഇക്കാര്യങ്ങൾ ശ്രദ്ധിക്കാൻ മറക്കരുത്
Qatar Drisya Staff Editor — July 20, 2026 · 0 Comment
Possible Changes to Qatar Flight Schedules ദോഹ: ഗൾഫ് മേഖലയിലെ വ്യോമഗതാഗതം സുരക്ഷാ നിരീക്ഷണത്തിൽ തുടരുന്നതിനിടെ ദോഹയിലെ ഹമദ് അന്താരാഷ്ട്ര വിമാനത്താവളത്തിൽ നിന്നുള്ള വിമാന സർവീസുകൾ നിലവിൽ തുടരുകയാണ്. വ്യോമപാതകളിലെ സുരക്ഷാ സാഹചര്യം കണക്കിലെടുത്ത് ചില റൂട്ടുകളിലും സർവീസ് ഷെഡ്യൂളുകളിലും മാറ്റങ്ങൾ വരാൻ സാധ്യതയുണ്ടെന്ന് ഖത്തർ എയർവേയ്സും വ്യോമയാന അധികൃതരും അറിയിച്ചു.
യാത്ര പുറപ്പെടുന്നതിന് യാത്രക്കാർ മുമ്പ് വിമാനത്തിന്റെ ഏറ്റവും പുതിയ സ്റ്റാറ്റസ് ഖത്തർ എയർവേയ്സിന്റെ ഔദ്യോഗിക വെബ്സൈറ്റ്, മൊബൈൽ ആപ്പ്, അല്ലെങ്കിൽ ട്രാവൽ ഏജൻസികൾ വഴി പരിശോധിക്കണമെന്ന് നിർദേശമുണ്ട്. വിമാനങ്ങളുടെ സമയക്രമം സുരക്ഷാ, പ്രവർത്തന, നിയന്ത്രണ സാഹചര്യങ്ങൾ അനുസരിച്ച് ഏത് സമയത്തും മാറ്റങ്ങൾക്ക് വിധേയമാകാമെന്നും കമ്പനി അറിയിച്ചു.
അമേരിക്ക–ഇറാൻ സംഘർഷം ശക്തമായതിനെ തുടർന്ന് ഖത്തർ ഉൾപ്പെടെയുള്ള ഗൾഫ് രാജ്യങ്ങളുടെ വ്യോമാതിർത്തികളിലൂടെ സർവീസ് നടത്തുന്നതിൽ യൂറോപ്യൻ യൂണിയൻ ഏവിയേഷൻ സേഫ്റ്റി ഏജൻസി (EASA) വിമാനക്കമ്പനികൾക്ക് പുതുക്കിയ സുരക്ഷാ മുന്നറിയിപ്പ് നൽകിയിട്ടുണ്ട്. ഖത്തർ, യുഎഇ, ബഹ്റൈൻ, കുവൈത്ത്, ഒമാൻ എന്നിവിടങ്ങളിലെ വ്യോമാതിർത്തികളിൽ അധിക ജാഗ്രത പാലിക്കണമെന്നാണ് നിർദേശം.
