Indian Delivery Rider Honoured by Dubai Authorities ദുബൈ: റോഡിലേക്ക് വെള്ളം ഒഴുകിയെത്തി ഗതാഗത തടസ്സവും അപകടസാധ്യതയും സൃഷ്ടിച്ച സാഹചര്യം ശ്രദ്ധയിൽപ്പെട്ടതോടെ ഇടപെട്ട ഡെലിവറി റൈഡർക്ക് ദുബൈ അധികൃതരുടെ ആദരം. ഡെലിവറി ജോലിക്കിടെ റോഡിലെ ജലസേചന പൈപ്പിലെ ചോർച്ച തടയാൻ ശ്രമിച്ച മുഹമ്മദ് പർവേസിനെയാണ് ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിൻ അഫയേഴ്‌സ് (GDRFA) ദുബൈ ആദരിച്ചത്.
ഡെലിവറൂ റൈഡറായ പർവേസ് ഉപഭോക്താവിനുള്ള ഓർഡർ എത്തിക്കാൻ പോകുന്നതിനിടെയാണ് റോഡിൽ വെള്ളം ഒഴുകുന്നതും വാഹനങ്ങളുടെ ഗതാഗതം തടസ്സപ്പെടുന്നതും ശ്രദ്ധയിൽപ്പെട്ടത്. തുടർന്ന് വാഹനം നിർത്തി പരിശോധിച്ചപ്പോഴാണ് റോഡരികിലെ ജലസേചന പൈപ്പിന് കേടുപാടുണ്ടായതായി കണ്ടെത്തിയത്. പൈപ്പിൽനിന്ന് വലിയ തോതിൽ വെള്ളം റോഡിലേക്ക് ഒഴുകുകയായിരുന്നു.
റോഡ് ഉപയോഗിക്കുന്നവർക്ക് കൂടുതൽ ബുദ്ധിമുട്ടുണ്ടാകാതിരിക്കാനും അപകടസാധ്യത കുറയ്ക്കാനുമായി പർവേസ് ചോർച്ച തടയാൻ ശ്രമിച്ചു. തന്റെ ഔദ്യോഗിക ജോലിയുടെ ഭാഗമല്ലാതിരുന്നിട്ടും പ്രശ്നം പരിഹരിക്കാൻ അദ്ദേഹം മുന്നിട്ടിറങ്ങുകയായിരുന്നു.
സാമൂഹികമാധ്യമ ഇൻഫ്ലുവൻസറായ മിസ്റ്റർ ഹമദ് സംഭവത്തിന്റെ ദൃശ്യങ്ങൾ പകർത്തി പങ്കുവെച്ചതോടെ വീഡിയോ ശ്രദ്ധനേടി. ഉത്തരവാദിത്തബോധത്തോടെയുള്ള ഇടപെടലിന് നിരവധി പേർ പർവേസിനെ അഭിനന്ദിച്ചു. വീഡിയോ ശ്രദ്ധയിൽപ്പെട്ടതിനെത്തുടർന്ന് GDRFA ദുബൈ പർവേസിനെ ആസ്ഥാനത്തേക്ക് ക്ഷണിച്ചു. പൊതുസുരക്ഷയ്ക്കും സമൂഹത്തിന്റെ ക്ഷേമത്തിനുമായി നടത്തിയ ഇടപെടലിനെ മാനിച്ച് അധികൃതർ അദ്ദേഹത്തിന് പ്രശംസാപത്രവും സ്മാരക സമ്മാനവും നൽകി.
ചെറിയൊരു ഇടപെടലിലൂടെ സമൂഹത്തിന് ഗുണകരമായ മാറ്റമുണ്ടാക്കാൻ കഴിയുമെന്നതിന്റെ ഉദാഹരണമാണ് പർവേസിന്റെ പ്രവൃത്തിയെന്ന് അധികൃതർ വ്യക്തമാക്കി. GDRFA ദുബൈ ഡയറക്ടർ ജനറൽ ലെഫ്റ്റനന്റ് ജനറൽ മുഹമ്മദ് അഹമ്മദ് അൽ മർറി പർവേസിനെ നേരിൽ കണ്ട് അഭിനന്ദിക്കുമെന്നും റിപ്പോർട്ടിൽ പറയുന്നു.
ആദരവിന് പിന്നാലെ ദുബൈ നിവാസികൾക്കും അധികൃതർക്കും പർവേസ് നന്ദി അറിയിച്ചു. തന്റെ പ്രവൃത്തിക്ക് ലഭിച്ച സ്നേഹത്തിലും അംഗീകാരത്തിലും സന്തോഷമുണ്ടെന്നും അദ്ദേഹം പറഞ്ഞു. ഡെലിവറി ജോലിക്കിടെ റോഡിലെ പ്രശ്നം ശ്രദ്ധയിൽപ്പെട്ടപ്പോൾ സഹായിക്കാൻ മുന്നിട്ടിറങ്ങിയ പർവേസിന്റെ നടപടി സാമൂഹികമാധ്യമങ്ങളിൽ വ്യാപകമായ പ്രശംസയ്ക്ക് കാരണമായി.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
Abu Dhabi Court Orders Compensation for Wife Assaulted by Husband ഭാര്യയെ ആക്രമിച്ച ഭർത്താവിന് 50,000 ദിർഹം നഷ്ടപരിഹാരം; അബുദബി കോടതിയുടെ ഉത്തരവ്
UAE Drisya Staff Editor — September 30, 2026·2 Comments
Abu Dhabi Court Orders Compensation for Wife Assaulted by Husband അബുദബി: ഭാര്യയെ ക്രൂരമായി മർദിച്ച് ഗുരുതരമായ ശാരീരികവും മാനസികവുമായ പരുക്കുകൾ ഏൽപ്പിച്ച ഭർത്താവ് 50,000 ദിർഹം നഷ്ടപരിഹാരം നൽകണമെന്ന് അബുദബിയിലെ അൽ ദഫ്ര പ്രാഥമിക കോടതി ഉത്തരവിട്ടു. ശാരീരിക, മാനസിക, ധാർമ്മിക നാശനഷ്ടങ്ങൾക്ക് 1,00,000 ദിർഹം നഷ്ടപരിഹാരം ആവശ്യപ്പെട്ട് ഭാര്യ നൽകിയ സിവിൽ ഹർജിയിലാണ് കോടതി വിധി.
വാക്കുതർക്കത്തിനിടെ മുറിയിൽ കയറിയ ഭർത്താവ് ഭാര്യയുടെ മുഖത്തും ശരീരത്തിലും കൈകൊണ്ട് മർദിക്കുകയായിരുന്നുവെന്നാണ് കോടതി രേഖകളിലുള്ളത്. ആക്രമണത്തിൽ ഭാര്യയുടെ നാവിന് ആഴത്തിലുള്ള മുറിവേൽക്കുകയും മുൻവശത്തെ മുകളിലെ പല്ലുകൾക്ക് പൊട്ടലുണ്ടാകുകയും തോളിൽ ഗുരുതരമായി ചതവേൽക്കുകയും ചെയ്തു. മെഡിക്കൽ റിപ്പോർട്ടുകളും ഇവർക്ക് സംഭവിച്ച പരുക്കുകൾ സ്ഥിരീകരിച്ചു.
സംഭവവുമായി ബന്ധപ്പെട്ട് ഭർത്താവിനെതിരെ നേരത്തെ ക്രിമിനൽ കേസും രജിസ്റ്റർ ചെയ്തിരുന്നു. കേസിൽ ക്രിമിനൽ കോടതി രണ്ട് മാസത്തെ തടവും 10,000 ദിർഹം പിഴയും ശിക്ഷയായി വിധിച്ചിരുന്നു. ഇതിന് പിന്നാലെയാണ് ഭാര്യ നഷ്ടപരിഹാരം ആവശ്യപ്പെട്ട് സിവിൽ കോടതിയെ സമീപിച്ചത്.
ക്രിമിനൽ കോടതിയുടെ അന്തിമ വിധി ഭർത്താവിന്റെ കുറ്റം തെളിയിക്കുന്ന നിർണായക രേഖയാണെന്ന് സിവിൽ കോടതി വിലയിരുത്തി. ആക്രമണത്തെ തുടർന്ന് ഭാര്യയ്ക്ക് ഗുരുതരമായ ശാരീരിക പരുക്കുകൾക്കൊപ്പം മാനസികവും വൈകാരികവുമായ ബുദ്ധിമുട്ടുകളും നേരിടേണ്ടിവന്നതായി കോടതി കണ്ടെത്തി.
തുടർന്ന് 50,000 ദിർഹം നഷ്ടപരിഹാരം നൽകാനും കേസുമായി ബന്ധപ്പെട്ട കോടതി ചെലവുകൾ വഹിക്കാനും കൂടാതെ 200 ദിർഹം നിയമച്ചെലവായി നൽകാനും ഭർത്താവിനോട് കോടതി ഉത്തരവിട്ടു.
2 Comments