ദുബൈ: ദുബൈ അന്താരാഷ്ട്ര വിമാനത്താവളത്തിൽ (DXB) സുരക്ഷാ പരിശോധനകൾ കൂടുതൽ വേഗത്തിലാക്കാൻ നൂതന സാങ്കേതികവിദ്യയിലുള്ള സുരക്ഷാ സ്കാനറുകൾ സ്ഥാപിച്ചു തുടങ്ങി. ഇതോടെ ഇനി മുതൽ ഹാൻഡ് ലഗേജിനുള്ളിൽ സൂക്ഷിച്ചിരിക്കുന്ന ലാപ്‌ടോപ്പുകൾ, ദ്രാവകങ്ങൾ തുടങ്ങിയവ സ്ക്രീനിംഗിനായി പുറത്തെടുത്ത് വെക്കേണ്ടി വരില്ലെന്ന് ദുബൈ എയർപോർട്ട്സ് സി.ഇ.ഓ പോൾ ഗ്രിഫിത്ത്സ് അറിയിച്ചു.

APPLY NOW FOR THE LATEST VACANCIES

പഴയ സാങ്കേതികവിദ്യയിലുള്ള ഉപകരണങ്ങൾക്ക് പകരം അത്യാധുനിക സാങ്കേതികവിദ്യയിലുള്ള സുരക്ഷാ മെഷീനുകളിൽ വീണ്ടും നിക്ഷേപം നടത്തുകയാണെന്ന് അദ്ദേഹം വ്യക്തമാക്കി. ബാഗുകൾ പൂർണ്ണമായും അൺപാക്ക് ചെയ്യാതെ തന്നെ ഉള്ളിലുള്ള വസ്തുക്കൾ കൃത്യമായി സ്കാൻ ചെയ്യാൻ പുതിയ സാങ്കേതികവിദ്യയ്ക്ക് കഴിയും. നിലവിൽ ടെർമിനൽ 1, കോൺകോഴ്‌സ് ബി എന്നിവയുൾപ്പെടെ വിമാനത്താവളത്തിന്റെ വിവിധ ഭാഗങ്ങളിൽ ഈ മെഷീനുകൾ ഘട്ടം ഘട്ടമായി സ്ഥാപിച്ച് വരികയാണ്.

യാത്രക്കാരുടെ എണ്ണം വർദ്ധിക്കുന്ന പശ്ചാത്തലത്തിൽ, അധിക ഭൗതിക അടിസ്ഥാന സൗകര്യങ്ങൾ നിർമ്മിക്കുന്നതിന് പകരം നിലവിലുള്ള സൗകര്യങ്ങൾ കൂടുതൽ കാര്യക്ഷമമാക്കുക എന്ന തന്ത്രത്തിന്റെ ഭാഗമായാണ് ദുബൈ എയർപോർട്ട്സ് ഈ മാറ്റം കൊണ്ടുവരുന്നത്. കഴിഞ്ഞ 10 വർഷത്തിനിടെ അധിക സൗകര്യങ്ങൾ ഇല്ലാതെ തന്നെ 20 ശതമാനം വളർച്ച കൈവരിക്കാൻ വിമാനത്താവളത്തിന് സാധിച്ചിട്ടുണ്ട്.

ഭാവിയിൽ സുരക്ഷാ പരിശോധനകൾക്കായി ഷൂസും ബെൽറ്റും ഊരിമാറ്റുന്നതും, നീണ്ട ക്യൂകളിൽ കാത്തുനിൽക്കുന്നതും പൂർണ്ണമായി ഒഴിവാക്കാനാണ് ലക്ഷ്യമിടുന്നത്. പാസ്‌പോർട്ട്, സെക്യൂരിറ്റി പരിശോധനകളിലെ അനാവശ്യ തടസ്സങ്ങൾ ഒഴിവാക്കി യാത്രക്കാർക്ക് സുഗമവും കൂടുതൽ സൗകര്യപ്രദവുമായ യാത്രാനുഭവം നൽകാൻ ഈ പുതിയ സാങ്കേതികവിദ്യ സഹായിക്കും.

പ്രവാസികൾക്ക് വമ്പൻ സന്തോഷവാർത്ത! ഇനി എത്ര തവണ വേണമെങ്കിലും ദുബായിലേക്ക് പറക്കാം; ഈ ഒരു കാര്യം മാത്രം ചെയ്താൽ മതി!

UAE August 28, 2026

Stock Travel 192d79ae17d original ratio 2

ദുബായ്∙ ദുബായിലേക്ക് നിരന്തരം യാത്ര ചെയ്യുന്നവർക്ക് ആശ്വാസമായി അഞ്ച് വർഷത്തെ മൾട്ടിപ്പിൾ എൻട്രി ടൂറിസ്റ്റ് വീസയുടെ യോഗ്യതകളും അപേക്ഷാ നടപടികളും വ്യക്തമാക്കി ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ) ദുബായ്. ആവശ്യമായ രേഖകളും അപേക്ഷാ രീതികളും വിശദീകരിക്കുന്ന അവബോധ വിഡിയോ ജിഡിആർഎഫ്എ ഔദ്യോഗിക സമൂഹമാധ്യമ പ്ലാറ്റ്‌ഫോമുകളിലൂടെ പങ്കുവച്ചു.

അഞ്ച് വർഷം കാലാവധിയുള്ള ഈ വീസ ഉപയോഗിച്ച് വിദേശികൾക്ക് എത്ര തവണ വേണമെങ്കിലും യുഎഇയിലേക്ക് പ്രവേശിക്കാം. ഓരോ പ്രവേശനത്തിലും പരമാവധി 90 ദിവസം വരെ രാജ്യത്ത് തങ്ങാൻ സാധിക്കും. ആവശ്യമെങ്കിൽ നിബന്ധനകൾക്ക് വിധേയമായി 90 ദിവസത്തേക്ക് കൂടി താമസം നീട്ടിയെടുക്കാവുന്നതാണ്. എന്നാൽ ഒരു വർഷത്തിനുള്ളിലെ ആകെ താമസദൈർഘ്യം 180 ദിവസത്തിൽ കവിയരുത്.

∙ യോഗ്യതകളും ആവശ്യമായ രേഖകളുംഈ വീസയ്ക്ക് അപേക്ഷിക്കാൻ കൃത്യമായ മാനദണ്ഡങ്ങൾ ജിഡിആർഎഫ്എ മുന്നോട്ടുവയ്ക്കുന്നു.പാസ്‌പോർട്ട്: അപേക്ഷിക്കുന്ന വ്യക്തിക്ക് കുറഞ്ഞത് ആറ് മാസത്തെ കാലാവധിയുള്ള പാസ്‌പോർട്ട് ഉണ്ടായിരിക്കണം.

സാമ്പത്തിക ഭദ്രത: കഴിഞ്ഞ ആറ് മാസത്തെ കാലയളവിൽ അക്കൗണ്ടിൽ കുറഞ്ഞത് 4,000 യുഎസ് ഡോളറോ (ഏകദേശം 14,692 യുഎഇ ദിർഹം) തത്തുല്യമായ തുകയോ ബാങ്ക് ബാലൻസായി ഉണ്ടെന്ന് തെളിയിക്കുന്ന ബാങ്ക് സ്റ്റേറ്റ്‌മെന്റ് നിർബന്ധമാണ്.

മറ്റു രേഖകൾ: വ്യക്തിഗത ഫോട്ടോ, യുഎഇയിൽ കവറേജുള്ള സാധുവായ ആരോഗ്യ ഇൻഷുറൻസ്, യുഎഇയിൽ നിന്നുള്ള മടക്കയാത്രാ ടിക്കറ്റ് അല്ലെങ്കിൽ തുടർയാത്രാ ടിക്കറ്റ്, താമസിക്കുന്ന സ്ഥലത്തിന്റെ (ഹോട്ടൽ ബുക്കിങ് അല്ലെങ്കിൽ വിലാസം) വിവരങ്ങൾ.

അപേക്ഷ സമർപ്പിക്കേണ്ട വിധം
ജിഡിആർഎഫ്എ ദുബായിയുടെ ഡിജിറ്റൽ സേവന സംവിധാനത്തിലൂടെ വളരെ എളുപ്പത്തിൽ ഓൺലൈനായി അപേക്ഷിക്കാം:
∙ ജിഡിആർഎഫ്എ സ്മാർട്ട് സർവീസ് സംവിധാനത്തിൽ യുഎഇ പാസ് അല്ലെങ്കിൽ യൂസർനെയിം ഉപയോഗിച്ച് ലോഗിൻ ചെയ്യുക.
∙ സേവനങ്ങളുടെ പട്ടികയിൽ നിന്ന് അഞ്ച് വർഷത്തെ മൾട്ടിപ്പിൾ എൻട്രി ടൂറിസ്റ്റ് വീസ തിരഞ്ഞെടുക്കുക.
∙ അപേക്ഷാ ഫോം കൃത്യമായി പൂരിപ്പിച്ച് ആവശ്യമായ രേഖകൾ അപ്‌ലോഡ് ചെയ്ത് നിശ്ചിത ഫീസ് അടയ്ക്കുക.
∙ ഓൺലൈൻ വഴി അപേക്ഷിക്കാൻ ബുദ്ധിമുട്ടുള്ളവർക്ക് ആമർ സെന്ററുകൾ വഴിയും അപേക്ഷ സമർപ്പിക്കാവുന്നതാണ്.

ഡിജിറ്റൽ ചാനലുകൾ വഴി 24 മണിക്കൂറും സേവനം ലഭ്യമാണ്. അപേക്ഷ സമർപ്പിച്ച് 48 മണിക്കൂറിനുള്ളിൽ നടപടികൾ പൂർത്തിയായി ഇ-വീസ ഇമെയിൽ വഴി ലഭിക്കും. ഓരോ തവണയും ദുബായിലേക്ക് വരുമ്പോൾ പുതിയ ടൂറിസ്റ്റ് വീസയ്ക്ക് അപേക്ഷിക്കുന്ന പ്രയാസം ഒഴിവാക്കാൻ ഈ സംവിധാനം സഹായിക്കും. കൂടുതൽ വിവരങ്ങൾ ജിഡിആർഎഫ്എയുടെ ഔദ്യോഗിക വെബ്സൈറ്റിൽ ലഭ്യമാണ്