Kuwait Army to Hold Live-Fire Drills കുവൈത്ത് സിറ്റി: കുവൈത്തിന്റെ വടക്കുപടിഞ്ഞാറൻ മേഖലയിൽ സൈന്യം തത്സമയ വെടിക്കോപ്പുകൾ ഉപയോഗിച്ചുള്ള പരിശീലനം നടത്തും. ഒക്ടോബർ 30 വെള്ളിയാഴ്ച മുതൽ നവംബർ 3 ചൊവ്വാഴ്ച വരെയാണ് പരിശീലനം നടത്തുകയെന്ന് കുവൈത്ത് സൈനിക ആസ്ഥാനത്തെ ജനറൽ സ്റ്റാഫ് അറിയിച്ചു. സൈന്യത്തിന്റെ മോറൽ ഗൈഡൻസ് ആൻഡ് പബ്ലിക് റിലേഷൻസ് ഡയറക്ടറേറ്റാണ് ഇതുസംബന്ധിച്ച പ്രസ്താവന പുറത്തിറക്കിയത്.
പരിശീലനത്തിൽ കുവൈത്ത് സൈന്യത്തിലെ ചില യൂണിറ്റുകൾ പങ്കെടുക്കും. സൈനികരുടെ പരിശീലനവും പ്രവർത്തനസജ്ജതയും മെച്ചപ്പെടുത്തുന്നതിന്റെ ഭാഗമായാണ് വെടിവയ്പ് അഭ്യാസം നടത്തുന്നത്.
പരിശീലന മേഖലയുമായി ബന്ധപ്പെട്ട കൂടുതൽ വിവരങ്ങളും പൊതുജനങ്ങൾ പാലിക്കേണ്ട സുരക്ഷാ നിർദേശങ്ങളും അധികൃതരുടെ ഔദ്യോഗിക അറിയിപ്പുകൾ വഴി ശ്രദ്ധിക്കണം. വെടിവയ്പ് പരിശീലനം നടക്കുന്ന പ്രദേശത്തേക്ക് പോകാൻ ഉദ്ദേശിക്കുന്നവർ സുരക്ഷാ മുന്നറിയിപ്പുകൾ അവഗണിക്കരുത്.
