Abu Dhabi Warehouse Fire:അബുദാബി: യുഎഇയിലെ അൽ ദഫ്റ മേഖലയിലെ ഗോഡൗണിലുണ്ടായ തീപിടിത്തം അധികൃതർ നിയന്ത്രണവിധേയമാക്കി. ഞായറാഴ്ച (ഒക്ടോബർ 11) വൈകുന്നേരമാണ് തീപിടിത്തമുണ്ടായത്. സംഭവത്തിൽ ആർക്കും പരിക്കേറ്റിട്ടില്ലെന്ന് അധികൃതർ അറിയിച്ചു.
തീപിടിത്തത്തെ തുടർന്ന് അബുദാബി പൊലീസും അബുദാബി സിവിൽ ഡിഫൻസ് അതോറിറ്റിയും സ്ഥലത്തെത്തി രക്ഷാപ്രവർത്തനങ്ങൾ നടത്തി. തീ നിയന്ത്രണവിധേയമാക്കിയതിനു പിന്നാലെ പ്രദേശത്ത് തണുപ്പിക്കൽ നടപടികളും പുക നീക്കം ചെയ്യുന്ന പ്രവർത്തനങ്ങളും പുരോഗമിച്ചതായി അധികൃതർ വ്യക്തമാക്കി.
തീപിടിത്തത്തിന്റെ കാരണം സംബന്ധിച്ച കൂടുതൽ വിവരങ്ങൾ പുറത്തുവിട്ടിട്ടില്ല.
സംഭവവുമായി ബന്ധപ്പെട്ട വിവരങ്ങൾക്കായി ഔദ്യോഗിക സ്രോതസ്സുകളെ മാത്രം ആശ്രയിക്കണമെന്ന് അബുദാബി പൊലീസ് പൊതുജനങ്ങളോട് അഭ്യർഥിച്ചു. സ്ഥിരീകരിക്കാത്ത വിവരങ്ങൾ പ്രചരിപ്പിക്കുന്നത് ഒഴിവാക്കണമെന്നും അധികൃതർ മുന്നറിയിപ്പ് നൽകി.
