Free Medical Camp Kuwait കുവൈത്ത് സിറ്റി: എം.ഇ.എസ് കുവൈത്തും ബദർ മെഡിക്കൽ സെന്ററും സംയുക്തമായി സൗജന്യ മെഡിക്കൽ പരിശോധനാ ക്യാമ്പ് സംഘടിപ്പിക്കുന്നു. ഒക്ടോബർ 16 വെള്ളിയാഴ്ച രാവിലെ 8 മുതൽ ഉച്ചയ്ക്ക് 12 വരെ ഫർവാനിയയിലെ ബദർ മെഡിക്കൽ സെന്ററിലാണ് ക്യാമ്പ് നടക്കുക.
ജനങ്ങളുടെ ആരോഗ്യനില വിലയിരുത്തുക, വിവിധ ആരോഗ്യപ്രശ്നങ്ങൾ പ്രാരംഭഘട്ടത്തിൽ കണ്ടെത്തുക, ആരോഗ്യസംരക്ഷണത്തെക്കുറിച്ച് അവബോധം വളർത്തുക എന്നിവയാണ് ക്യാമ്പിന്റെ ലക്ഷ്യം.
അഞ്ച് പ്രധാന പരിശോധനകൾ സൗജന്യം
ക്യാമ്പിൽ പങ്കെടുക്കുന്നവർക്ക് താഴെപ്പറയുന്ന അഞ്ച് പ്രധാന ആരോഗ്യപരിശോധനകൾ സൗജന്യമായി ലഭിക്കും:
- ഫാസ്റ്റിങ് ബ്ലഡ് ഷുഗർ പരിശോധന
- രക്തസമ്മർദ പരിശോധന
- ടോട്ടൽ കൊളസ്‌ട്രോൾ പരിശോധന
- കരൾ പരിശോധന
- വൃക്ക പരിശോധന
ഇതിനുപുറമേ ജനറൽ പ്രാക്ടീഷണർ, ഓർത്തോപീഡിക് ഡോക്ടർ, പീഡിയാട്രിക് ഡോക്ടർ എന്നിവരുടെ കൺസൾട്ടേഷൻ സൗകര്യവും ഒരുക്കിയിട്ടുണ്ട്. ക്യാമ്പിൽ പങ്കെടുക്കുന്നവർക്ക് ഈ വിഭാഗങ്ങളിലെ ഡോക്ടർമാരുടെ സേവനം തുടർപരിശോധനയ്ക്കായി 10 ദിവസത്തേക്ക് സൗജന്യമായി ലഭിക്കുമെന്നും സംഘാടകർ അറിയിച്ചു.
ആരോഗ്യപരിശോധനകൾ പ്രയോജനപ്പെടുത്താൻ താൽപര്യമുള്ളവർ മുൻകൂട്ടി ബന്ധപ്പെടണമെന്ന് സംഘാടകർ അഭ്യർഥിച്ചു.
രജിസ്ട്രേഷനും കൂടുതൽ വിവരങ്ങൾക്കും:
- 65997088
- 97298588
- 67779379
