ദുബൈ: വെള്ളത്തിന് രുചിയോ മണമോ ഇല്ലെന്ന പരമ്പരാഗത ധാരണകളെ തിരുത്തിക്കുറിച്ചുകൊണ്ട് ‘വാട്ടർ ടേസ്റ്റിംഗ്’ എന്ന പുതിയ ലൈഫ്‌സ്റ്റൈൽ സംസ്‌കാരം യുഎഇയിൽ തരംഗമാകുന്നു. സാധാരണ കുപ്പിവെള്ളത്തിന് പുറമെ പ്രകൃതിദത്തമായി ലഭിക്കുന്ന അപൂർവ്വ മിനറൽ വാട്ടറുകളുടെ രുചിവൈവിധ്യങ്ങളും സങ്കീർണ്ണതകളും അനുഭവിച്ചറിയാൻ നിരവധിയാളുകളാണ് ദുബൈയിൽ താല്പര്യം കാണിക്കുന്നത്. 

കാപ്പിയും മറ്റ് പാനീയങ്ങളും ആസ്വദിക്കുന്നത് പോലെ വെള്ളത്തിന്റെ ഉറവിടത്തെയും അതിലടങ്ങിയിരിക്കുന്ന ധാതുക്കളെയും കുറിച്ച് പഠിക്കാനും ആസ്വദിക്കാനും ആളുകൾ സമയം കണ്ടെത്തുന്ന കാഴ്ചയാണിപ്പോൾ കാണാനാകുന്നത്.

ഓൺലൈൻ പ്ലാറ്റ്‌ഫോമുകളിൽ കുപ്പിക്ക് 9.50 ദിർഹം മുതൽ 40 ദിർഹം വരെ വിലമതിക്കുന്ന ഇത്തരം പ്രത്യേക വാട്ടർ ബ്രാൻഡുകൾക്ക് ദുബൈയിലെ പ്രീമിയം ഫൈൻ-ഡൈനിംഗ് റസ്റ്റോറന്റുകളിൽ എത്തുമ്പോൾ 80 മുതൽ 90 ദിർഹം വരെ ഈടാക്കുന്നുണ്ട്. ദുബൈ കേന്ദ്രീകരിച്ച് പ്രവർത്തിക്കുന്ന വാട്ടർ സോമിലിയറായ ടിമോ ബൗഷിന്റെയും മറ്റ് അന്താരാഷ്ട്ര വിദഗ്ദ്ധരുടെയും നേതൃത്വത്തിൽ കോർപ്പറേറ്റ് പാർട്ടികളിലും സുഹൃത്തുക്കളുടെ ഒത്തുചേരലുകളിലും ഇപ്പോൾ വാട്ടർ ടേസ്റ്റിംഗ് സെഷനുകൾ സജീവമായി നടക്കുന്നുണ്ട്. 

മദ്യത്തിന്റെയും പഞ്ചസാര അടങ്ങിയ കോക്ടെയിലുകളുടെയും അമിതോപയോഗത്തിൽ നിന്ന് മാറി കൂടുതൽ ആരോഗ്യകരവും ശുദ്ധവുമായ പാനീയ സംസ്കാരത്തിലേക്ക് ആളുകൾ ശ്രദ്ധകേന്ദ്രീകരിക്കുന്നതാണ് ഈ പ്രവണത ജനപ്രിയമാകാൻ പ്രധാന കാരണം.

വെള്ളത്തിന്റെ രുചിയും കാഠിന്യവും നിർണ്ണയിക്കുന്നതിൽ ശാസ്ത്രവും ഭൂമിശാസ്ത്രവും വലിയ പങ്കുവഹിക്കുന്നുണ്ട്. മഴവെള്ളം ഭൂമിയുടെ ആഴമേറിയ പാളികളിലൂടെ ഒഴുകിയിറങ്ങുമ്പോൾ ആഗിരണം ചെയ്യുന്ന ധാതുക്കളുടെ അളവാണ് അതിന് കയ്പ്പ്, മധുരം, ഉപ്പുരസം അല്ലെങ്കിൽ ലോഹങ്ങളുടെ സ്വഭാവമുള്ള രുചി നൽകുന്നത്. 

ഉദാഹരണത്തിന്, കാൽസ്യം കൂടുതലുള്ള വെള്ളം വീര്യമുള്ളതും വായ വരണ്ടതാക്കുന്നതുമായ അനുഭവം നൽകുമ്പോൾ, മഗ്നീഷ്യം അടങ്ങിയ വെള്ളത്തിന് നാവിൽ ചെറിയ രീതിയിലുള്ള കയ്പ്പ് രുചിയാണുണ്ടാകുക. അതേസമയം, അഗ്നിപർവ്വത മേഖലകളിൽ നിന്നുള്ള വെള്ളത്തിൽ കൂടുതൽ ധാതുക്കൾ അടങ്ങിയിരിക്കുന്നതിനാൽ അവയ്ക്ക് തീവ്രമായ രുചിയുണ്ടാകും; എന്നാൽ മണ്ണോ പർവ്വതങ്ങളോ തൊടാത്ത ഹിമജലത്തിന് വളരെ ലളിതവും ശുദ്ധവുമായ സ്വാദായിരിക്കും ഉണ്ടാകുക.

വാട്ടർ ടേസ്റ്റിംഗ് പ്രക്രിയ പൂർണ്ണമായും ആസ്വദിക്കുന്നതിനായി പ്രത്യേക നിർദ്ദേശങ്ങളാണ് വിദഗ്ദ്ധർ പങ്കുവെക്കുന്നത്. ടേസ്റ്റിംഗിന് മുന്നോടിയായി എരിവുള്ള ഭക്ഷണങ്ങളും കാപ്പിയും ഒഴിവാക്കുകയും വെള്ളം മുറിയുടെ താപനിലയിലേക്ക് മാറ്റുകയും ചെയ്യേണ്ടതുണ്ട്. വേഗത്തിൽ കുടിച്ചിറക്കാതെ വെള്ളം നാവിൽ ഉണ്ടാക്കുന്ന സംവേദനങ്ങളും കനവും മനസ്സിലാക്കി പതുക്കെ കുടിക്കുന്ന രീതിയാണ് ഇവിടെ സ്വീകരിക്കുന്നത്. 

കൂടാതെ, എരിവുള്ള ഭക്ഷണങ്ങൾക്കൊപ്പം പെരിയർ അല്ലെങ്കിൽ സാൻ പെല്ലെഗ്രിനോ പോലുള്ള സ്‌പാർക്ലിംഗ് വാട്ടർ ഉപയോഗിക്കുന്നത് എരിവ് കുറയ്ക്കാനും ഭക്ഷണത്തിന്റെ സ്വാദ് വർദ്ധിപ്പിക്കാനും സഹായിക്കുമെന്നും സോമിലിയർമാർ ചൂണ്ടിക്കാണിക്കുന്നു

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഈ കമ്പനിയിൽ ജോലി ഒഴിവുണ്ടോ?’; ജീവനക്കാർക്ക് ഐഫോൺ സമ്മാനിച്ച് യുഎഇയിലെ മലയാളി സംരംഭകൻ

UAE September 26, 2026

ദുബായ്: ജീവനക്കാർക്ക് പുത്തൻ ഐഫോണുകൾ സമ്മാനിച്ച് യു.എ.ഇയിലെ മലയാളി സംരംഭകൻ. യു.എ.ഇ ആസ്ഥാനമായി പ്രവർത്തിക്കുന്ന മാൻപവർ സപ്ലൈ കമ്പനിയായ ‘വേൾഡ് സ്റ്റാർ മാൻപവറിലെ മാനേജിംഗ് ഡയറക്ടറായ നിഷാദ് ഹുസൈൻ ആണ് ജീവനക്കാർക്ക് സമ്മാനം നൽകിയത്. ഇതിന്റെ വീഡിയോ സോഷ്യൽ മീഡിയയിൽ വൈറലാണ്. നിഷാദ് ഹുസൈന്റെ ഭാര്യ ഹസീന നിഷാദാണ് ഇൻസ്റ്റഗ്രാമിലൂടെ വീഡിയോ പങ്കുവച്ചത്.
മേശപ്പുറത്ത് സമ്മാനപ്പൊതികൾ നിരത്തി വച്ചശേഷം ജീവനക്കാർക്ക് ഓരോന്നായി അവ തിരഞ്ഞെടുക്കാൻ അവസരം നൽകുന്നതാണ് വീഡിയോയിലുള്ളത്. സമ്മാനപ്പൊതികളിൽ ചിലത് ഐഫോണായിരുന്നെങ്കിൽ മറ്റുചിലതിൽ ചോക്ലേറ്റ് ബാറുകൾ ആയിരുന്നു. ചോക്ലേറ്റ് ലഭിച്ച ജീവനക്കാർക്ക് പിന്നീട് മറ്റൊരു ജീവനക്കാരൻ ഐഫോണുകൾ സമ്മാനിച്ചതോടെ സമ്മാനവിതരണം കൂടുതൽ സന്തോഷകരമായി.

ജീവനക്കാരുടെ കഠിനാധ്വാനത്തെയും കൂട്ടായ പ്രവർത്തനത്തെയും അഭിനന്ദിച്ചാണ് നിഷാദ് സമ്മാനങ്ങൾ നൽകിയതെന്നാണ് വീഡിയോയ്‌ക്കൊപ്പമുള്ള കുറിപ്പിൽ വ്യക്തമാക്കിയത്. ജീവനക്കാരുടെ കൂട്ടായ ശക്തിയാണ് സ്ഥാപനത്തിന്റെ വളർച്ചയ്ക്ക് പിന്നിലെന്നും അദ്ദേഹം പറഞ്ഞു. ഓരോരുത്തരുടെയും കഴിവിൽ വിശ്വാസമർപ്പിക്കണമെന്നും വളരാനുള്ള അവസരങ്ങൾ പ്രയോജനപ്പെടുത്തണമെന്നും സഹപ്രവർത്തകരെ പിന്തുണച്ച് മുന്നോട്ട് പോകണമെന്നും നിഷാദ് ജീവനക്കാരോട് പറയുന്നു. വെല്ലുവിളികളെ ആത്മവിശ്വാസത്തോടെ നേരിട്ട് സ്ഥാപനത്തെ ഉയരത്തിലെത്തിക്കാൻ കൂട്ടായി പ്രവർത്തിക്കണമെന്നും അദ്ദേഹം പറഞ്ഞു.

APPLY NOW FOR THE LATEST VACANCIES

വീഡിയോ പുറത്തുവന്നതിന് പിന്നാലെ സോഷ്യൽ മീഡിയയിൽ നിരവധി പേരാണ് പ്രതികരണവുമായി എത്തിയത്. മില്യൺ കണക്കിന് കാഴ്ചക്കാരാണ് ഇതിനകം വീഡിയോ കണ്ടത്. ജീവനക്കാരോട് മാനേജ്‌മെന്റ് കാണിക്കുന്ന പരിഗണനയെ അഭിനന്ദിച്ചായിരുന്നു പലരുടെയും പ്രതികരണം. ‘ജോലി ഒഴിവുണ്ടോ? ഈ കമ്പനിയിൽ ചേരാൻ എനിക്കും ആഗ്രഹമുണ്ട്’ എന്നായിരുന്നു ഒരാളുടെ കമന്റ്. ‘എന്റെ ബോസ് ഇത് എ.ഐ. ആണെന്നാണ് പറയുന്നത്’ മറ്റൊരാൾ കുറിച്ചു. ഐഫോൺ ലഭിച്ചതുകൊണ്ടുമാത്രമല്ല, മാനേജ്‌മെന്റ് ജീവനക്കാരോട് കാണിക്കുന്ന സമീപനമാണ് ഇവരെ ഭാഗ്യവാന്മാരാക്കുന്നതെന്നായിരുന്നു ഒരാളുടെ പ്രതികരണം. ജീവനക്കാരുടെ സംഭാവനകളെ അംഗീകരിച്ചുള്ള ഇത്തരം സമീപനം മാതൃകാപരമാണെന്നും പലരും അഭിപ്രായപ്പെട്ടു.