ദുബൈ: യുഎഇയിൽ ജോലി ചെയ്യുന്ന പ്രവാസികൾക്ക് സ്വന്തം കുടുംബത്തെ റസിഡൻസ് വിസയിൽ ഒപ്പം താമസിപ്പിക്കാൻ ചില നിർദ്ദിഷ്ട മാനദണ്ഡങ്ങൾ പാലിക്കേണ്ടതുണ്ട്. തൊഴിൽ തസ്തികയ്ക്ക് ഉപരിയായി, നിശ്ചിത ശമ്പള പരിധിയും കൃത്യമായ യോഗ്യതകളും അടിസ്ഥാനമാക്കിയാണ് ഇമിഗ്രേഷൻ വിഭാഗം ആശ്രിത വിസകൾ അനുവദിക്കുന്നത്.

കുടുംബ വിസയ്ക്ക് അപേക്ഷിക്കുന്നതിന് മുൻപ് അറിഞ്ഞിരിക്കേണ്ട പ്രധാന യോഗ്യതകളും നിയമങ്ങളും താഴെ നൽകുന്നു.

ഫാമിലി വിസയ്ക്കുള്ള കുറഞ്ഞ ശമ്പള പരിധി

യുഎഇ സർക്കാരിന്റെ ഔദ്യോഗിക വിവരങ്ങൾ അനുസരിച്ച്, കുടുംബത്തെ സ്പോൺസർ ചെയ്യുന്നതിനായുള്ള നിലവിലെ ശമ്പള മാനദണ്ഡങ്ങൾ ഇവയാണ്.

4,000 ദിർഹം: പ്രതിമാസം കുറഞ്ഞത് 4,000 ദിർഹം ശമ്പളമുള്ള ഏതൊരു ജീവനക്കാരനും കുടുംബത്തെ സ്പോൺസർ ചെയ്യാം.

3,000 ദിർഹം: ശമ്പളത്തിന് പുറമെ കമ്പനി വക സൗജന്യ താമസസൗകര്യം ലഭിക്കുന്നവർക്ക് പ്രതിമാസ ശമ്പളം 3,000 ദിർഹമുണ്ടെങ്കിൽ കുടുംബത്തെ സ്പോൺസർ ചെയ്യാം.

ആരെയൊക്കെ സ്പോൺസർ ചെയ്യാം?

യുഎഇയിൽ ജോലി ചെയ്യുന്ന പുരുഷന്മാർക്കും സ്ത്രീകൾക്കും തങ്ങളുടെ തസ്തിക ഏതാണെങ്കിലും യോഗ്യമായ ശമ്പളമുണ്ടെങ്കിൽ താഴെ പറയുന്ന കുടുംബാംഗങ്ങൾക്ക് ‘ഡിപെൻഡന്റ് വിസ’ നൽകാവുന്നതാണ്:

ജീവിതപങ്കാളി (ഭർത്താവ് / ഭാര്യ)
അവിവാഹിതരായ പെൺമക്കൾ
25 വയസ്സിന് താഴെയുള്ള ആൺമക്കൾ
പ്രത്യേക പരിഗണന അർഹിക്കുന്ന കുട്ടികൾ (പ്രായപരിധി ബാധകമല്ല)

ഈ ശമ്പള പരിധി ഭാര്യയെയും കുട്ടികളെയും കൊണ്ടുപോകുന്നതിന് മാത്രമാണ് ബാധകമാകുന്നത്. മാതാപിതാക്കളെ റസിഡൻസ് വിസയിൽ കൊണ്ടുവരുന്നതിന് ഉയർന്ന ശമ്പള മാനദണ്ഡങ്ങളും വെവ്വേറെ നിബന്ധനകളും ബാധകമാണ്.

വിസ കാലാവധിയും റദ്ദാക്കൽ നിയമങ്ങളും

വിസ കാലാവധി

ആശ്രിതരുടെ വിസ കാലാവധി പൂർണ്ണമായും സ്പോൺസറുടെ വിസ കാലാവധിയുമായി ബന്ധപ്പെട്ടിരിക്കുന്നു. ഉദാഹരണത്തിന്, സ്പോൺസറുടെ തൊഴിൽ വിസ 2 വർഷത്തേക്കാണെങ്കിൽ കുടുംബാംഗങ്ങൾക്കും 2 വർഷത്തെ താമസ വിസയാണ് ലഭിക്കുക.

വിസ റദ്ദാക്കൽ

സ്പോൺസറുടെ റസിഡൻസ് വിസ റദ്ദാക്കപ്പെടുകയോ കാലാവധി കഴിയുകയോ ചെയ്താൽ, അതിന് കീഴിലുള്ള കുടുംബാംഗങ്ങളുടെ വിസകളും നിർബന്ധമായും റദ്ദാക്കേണ്ടതുണ്ട്.

6 മാസത്തെ ഗ്രേസ് പിരീഡ്

സ്പോൺസറുടെ വിസ റദ്ദാക്കിയ തീയതി മുതൽ കുടുംബാംഗങ്ങൾക്ക് പുതിയ താമസ വിസയിലേക്ക് മാറുന്നതിനോ അല്ലെങ്കിൽ മറ്റ് നിയമപരമായ നടപടികൾ പൂർത്തിയാക്കുന്നതിനോ 6 മാസത്തെ (180 ദിവസം) ഗ്രേസ് പിരീഡ് അനുവദിക്കും.

പിഴ ഒഴിവാക്കാൻ

അനുവദിച്ചിട്ടുള്ള സമയപരിധിക്കുള്ളിൽ ആശ്രിതരുടെ വിസ പുതുക്കുകയോ കൃത്യമായി റദ്ദാക്കുകയോ ചെയ്യാതിരുന്നാൽ സ്പോൺസർ ഇമിഗ്രേഷൻ വകുപ്പിന് പിഴ ഒടുക്കേണ്ടിവരും.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഈ കമ്പനിയിൽ ജോലി ഒഴിവുണ്ടോ?’; ജീവനക്കാർക്ക് ഐഫോൺ സമ്മാനിച്ച് യുഎഇയിലെ മലയാളി സംരംഭകൻ

UAE September 26, 2026

ദുബായ്: ജീവനക്കാർക്ക് പുത്തൻ ഐഫോണുകൾ സമ്മാനിച്ച് യു.എ.ഇയിലെ മലയാളി സംരംഭകൻ. യു.എ.ഇ ആസ്ഥാനമായി പ്രവർത്തിക്കുന്ന മാൻപവർ സപ്ലൈ കമ്പനിയായ ‘വേൾഡ് സ്റ്റാർ മാൻപവറിലെ മാനേജിംഗ് ഡയറക്ടറായ നിഷാദ് ഹുസൈൻ ആണ് ജീവനക്കാർക്ക് സമ്മാനം നൽകിയത്. ഇതിന്റെ വീഡിയോ സോഷ്യൽ മീഡിയയിൽ വൈറലാണ്. നിഷാദ് ഹുസൈന്റെ ഭാര്യ ഹസീന നിഷാദാണ് ഇൻസ്റ്റഗ്രാമിലൂടെ വീഡിയോ പങ്കുവച്ചത്.
മേശപ്പുറത്ത് സമ്മാനപ്പൊതികൾ നിരത്തി വച്ചശേഷം ജീവനക്കാർക്ക് ഓരോന്നായി അവ തിരഞ്ഞെടുക്കാൻ അവസരം നൽകുന്നതാണ് വീഡിയോയിലുള്ളത്. സമ്മാനപ്പൊതികളിൽ ചിലത് ഐഫോണായിരുന്നെങ്കിൽ മറ്റുചിലതിൽ ചോക്ലേറ്റ് ബാറുകൾ ആയിരുന്നു. ചോക്ലേറ്റ് ലഭിച്ച ജീവനക്കാർക്ക് പിന്നീട് മറ്റൊരു ജീവനക്കാരൻ ഐഫോണുകൾ സമ്മാനിച്ചതോടെ സമ്മാനവിതരണം കൂടുതൽ സന്തോഷകരമായി.

ജീവനക്കാരുടെ കഠിനാധ്വാനത്തെയും കൂട്ടായ പ്രവർത്തനത്തെയും അഭിനന്ദിച്ചാണ് നിഷാദ് സമ്മാനങ്ങൾ നൽകിയതെന്നാണ് വീഡിയോയ്‌ക്കൊപ്പമുള്ള കുറിപ്പിൽ വ്യക്തമാക്കിയത്. ജീവനക്കാരുടെ കൂട്ടായ ശക്തിയാണ് സ്ഥാപനത്തിന്റെ വളർച്ചയ്ക്ക് പിന്നിലെന്നും അദ്ദേഹം പറഞ്ഞു. ഓരോരുത്തരുടെയും കഴിവിൽ വിശ്വാസമർപ്പിക്കണമെന്നും വളരാനുള്ള അവസരങ്ങൾ പ്രയോജനപ്പെടുത്തണമെന്നും സഹപ്രവർത്തകരെ പിന്തുണച്ച് മുന്നോട്ട് പോകണമെന്നും നിഷാദ് ജീവനക്കാരോട് പറയുന്നു. വെല്ലുവിളികളെ ആത്മവിശ്വാസത്തോടെ നേരിട്ട് സ്ഥാപനത്തെ ഉയരത്തിലെത്തിക്കാൻ കൂട്ടായി പ്രവർത്തിക്കണമെന്നും അദ്ദേഹം പറഞ്ഞു.

APPLY NOW FOR THE LATEST VACANCIES

വീഡിയോ പുറത്തുവന്നതിന് പിന്നാലെ സോഷ്യൽ മീഡിയയിൽ നിരവധി പേരാണ് പ്രതികരണവുമായി എത്തിയത്. മില്യൺ കണക്കിന് കാഴ്ചക്കാരാണ് ഇതിനകം വീഡിയോ കണ്ടത്. ജീവനക്കാരോട് മാനേജ്‌മെന്റ് കാണിക്കുന്ന പരിഗണനയെ അഭിനന്ദിച്ചായിരുന്നു പലരുടെയും പ്രതികരണം. ‘ജോലി ഒഴിവുണ്ടോ? ഈ കമ്പനിയിൽ ചേരാൻ എനിക്കും ആഗ്രഹമുണ്ട്’ എന്നായിരുന്നു ഒരാളുടെ കമന്റ്. ‘എന്റെ ബോസ് ഇത് എ.ഐ. ആണെന്നാണ് പറയുന്നത്’ മറ്റൊരാൾ കുറിച്ചു. ഐഫോൺ ലഭിച്ചതുകൊണ്ടുമാത്രമല്ല, മാനേജ്‌മെന്റ് ജീവനക്കാരോട് കാണിക്കുന്ന സമീപനമാണ് ഇവരെ ഭാഗ്യവാന്മാരാക്കുന്നതെന്നായിരുന്നു ഒരാളുടെ പ്രതികരണം. ജീവനക്കാരുടെ സംഭാവനകളെ അംഗീകരിച്ചുള്ള ഇത്തരം സമീപനം മാതൃകാപരമാണെന്നും പലരും അഭിപ്രായപ്പെട്ടു.