യുഎഇയിൽ വാഹനങ്ങളിൽ സ്ഥാപിക്കുന്ന ഡാഷ്‌ക്യാമിൽ രേഖപ്പെടുത്തിയ ദൃശ്യങ്ങൾ ഉപയോഗിച്ച് ട്രാഫിക് പിഴ ചോദ്യം ചെയ്യാൻ സാധിക്കുമെന്ന് ദുബായ് പൊലീസ്. എന്നാലിത് സ്വകാര്യതാ നിയമങ്ങൾ ലംഘിക്കാതിരിക്കണമെന്ന് മുന്നറിയിപ്പ് നൽകിയിട്ടുമുണ്ട്.

ഡാഷ്‌ക്യാം ഉപയോഗിക്കുന്നത് യുഎഇയിൽ നിയമവിരുദ്ധമല്ല. അപകടങ്ങൾ, ട്രാഫിക് നിയമലംഘനങ്ങൾ, റോഡിലെ സംഭവങ്ങൾ എന്നിവയുടെ തെളിവുകൾ ശേഖരിക്കാൻ ഇത് സഹായകരമാണെന്ന് പൊലീസ് വ്യക്തമാക്കിയിട്ടുണ്ട്. ട്രാഫിക് അപകടങ്ങളിലോ പിഴ സംബന്ധമായ തർക്കങ്ങളിലോ ഡാഷ്‌ക്യാം ദൃശ്യങ്ങൾ തെളിവായി ഉപയോഗിക്കാൻ സാധിക്കും.

എന്നാൽ വീഡിയോ വ്യക്തവും സംഭവത്തെ കൃത്യമായി കാണിക്കുന്നതുമായിരിക്കണം. അധികൃതർ ദൃശ്യങ്ങളുടെ ആധികാരികത പരിശോധിച്ച ശേഷം മാത്രമേ ഇത് തെളിവായി അംഗീകരിക്കുകയുള്ളു. ഡാഷ്‌ക്യാമിൽ രേഖപ്പെടുത്തിയ ദൃശ്യങ്ങൾ പൊലീസ് അന്വേഷണങ്ങൾക്കും ഇൻഷുറൻസ് ക്ലെയിം നടപടികൾക്കും സഹായകരമാണെന്നും അധികൃതർ വ്യക്തമാക്കിയിട്ടുണ്ട്. എന്നാൽ ഡാഷ്‌ക്യാം ഉപയോഗിക്കുമ്പോൾ മറ്റുള്ളവരുടെ സ്വകാര്യത ലംഘിക്കാതിരിക്കേണ്ടതും ശ്രദ്ധിക്കണം. വ്യക്തികളുടെ അനുമതിയില്ലാതെ ചിത്രീകരിച്ച ദൃശ്യങ്ങളോ വീഡിയോകളോ സാമൂഹിക മാധ്യമങ്ങളിൽ പങ്കുവെക്കുന്നത് ഗുരുതര നിയമപ്രശ്നങ്ങൾക്ക് ഇടയാക്കുകയും ചെയ്യും.

യുഎഇ സൈബർ ക്രൈം നിയമം, ശിക്ഷാനിയമം, പകർപ്പവകാശ നിയമം എന്നിവ പ്രകാരം സ്വകാര്യത ലംഘനത്തിന് തടവും കനത്ത പിഴയും ലഭിക്കാനും സാധ്യതയുണ്ട്. അതിനാൽ ഡാഷ്‌ക്യാം പ്രധാനമായും റോഡും വാഹന ഗതാഗത സാഹചര്യങ്ങളും രേഖപ്പെടുത്തുന്നതിനായി മാത്രം ഉപയോഗിക്കണമെന്ന് അധികൃതർ നിർദേശിക്കുന്നത്. ട്രാഫിക് നിയമലംഘനങ്ങളിൽ തെറ്റായി പിഴ ചുമത്തിയെന്ന് തോന്നുന്നുവെങ്കിൽ അതിന് തെളിവുണ്ടെങ്കിൽ വാഹന ഉടമയ്ക്ക് അപ്പീൽ നൽകാൻ സാധിക്കും. വിശ്വാസവും അതിന് തെളിവുമുണ്ടെങ്കിൽ വാഹന ഉടമകൾക്ക് അപ്പീൽ നൽകാം.

അബുദാബിയിലാണെങ്കിൽ പൊലീസിന്റെ e-complaint portal വഴി പരാതി നൽകാം. ട്രാഫിക് വകുപ്പ് പരാതി പരിശോധിച്ച് ആവശ്യമായാൽ കൂടുതൽ വിവരങ്ങൾ തേടുകയും പിഴ തെറ്റായി ചുമത്തിയതാണെന്ന് കണ്ടെത്തിയാൽ അത് റദ്ദാക്കുകയും ചെയ്യും. ദുബായിലാണെങ്കിൽ ദുബായ് അൽ ബർഷയിലെ ജനറൽ ഡയറക്ടറേറ്റ് ഓഫ് ട്രാഫിക് ആസ്ഥാനത്തോ സമീപത്തെ പൊലീസ് സ്റ്റേഷനിലോ നേരിട്ട് പരാതി നൽകാം. ദുബായ് പബ്ലിക് പ്രോസിക്യൂഷൻ വെബ്സൈറ്റ് വഴിയും ഓൺലൈനായും എതിർപ്പ് രേഖപ്പെടുത്താം. ഷാർജ, അജ്‌മാൻ, റാസൽ ഖൈമ, ഉമ്മ് അൽ ഖുവൈൻ, ഫുജൈറ എന്നീ മറ്റ് എമിറേറ്റ്സുകളിലാണെങ്കിൽ ആഭ്യന്തര മന്ത്രാലയത്തിന്റെ MOI മൊബൈൽ ആപ്പ് വഴിയും പരാതി നൽകാം. ഡാഷ്‌ക്യാം ദൃശ്യങ്ങൾ ശരിയായ രീതിയിൽ ഉപയോഗിച്ചാൽ ട്രാഫിക് തർക്കങ്ങൾ വേഗത്തിൽ പരിഹരിക്കാനും തെറ്റായ പിഴകളിൽ നിന്ന് രക്ഷപ്പെടാനും സഹായിക്കും എന്നും അധികൃതർ അറിയിച്ചു.

യുഎഇയിലെ ഇന്ത്യൻ പ്രവാസികൾക്ക് ആശ്വാസം; പാസ്‌പോർട്ട് ശേഖരിക്കുന്നതിന് ഇനി അവധി എടുക്കേണ്ട

UAE drisya — September 21, 2026·0 Comment

ICAC Sunday Passport Collection Facility ദുബൈ: യുഎഇയിലെ ഇന്ത്യൻ പ്രവാസികൾക്ക് പാസ്‌പോർട്ട് ശേഖരിക്കുന്നതിനായി ഇനി പ്രവൃത്തിദിവസങ്ങളിൽ അവധി എടുക്കേണ്ട സാഹചര്യമില്ല. രാജ്യത്തെ 16 ഇന്ത്യൻ കോൺസുലർ ആപ്ലിക്കേഷൻ സെന്ററുകളിലും (ICAC) ഞായറാഴ്ച പാസ്‌പോർട്ട് ശേഖരണ സൗകര്യം ആരംഭിച്ചതായി അൽഹിന്ദ് ഗ്ലോബൽ സർവീസസ് അറിയിച്ചു.

ഞായറാഴ്ച രാവിലെ 10 മുതൽ ഉച്ചയ്ക്ക് 12 വരെ പാസ്‌പോർട്ട് ശേഖരണ കൗണ്ടറുകൾ പ്രവർത്തിക്കും. ജോലി സമയത്ത് കേന്ദ്രങ്ങളിലെത്താൻ സാധിക്കാത്ത പ്രവാസികൾക്ക് പുതിയ സംവിധാനം ഏറെ പ്രയോജനകരമാകും. പാസ്‌പോർട്ട് വീട്ടിലെത്തിക്കുന്നതിനായി അധികമായി കൊറിയർ സേവനം ഉപയോഗിക്കേണ്ട സാഹചര്യം ഒഴിവാക്കാനും ഇതിലൂടെ സാധിക്കും.

APPLY NOW FOR THE LATEST VACANCIES

16 കേന്ദ്രങ്ങളിലും ഞായറാഴ്ച സേവനം

യുഎഇയിലെ വിവിധ എമിറേറ്റുകളിലായി പ്രവർത്തിക്കുന്ന 16 ഇന്ത്യൻ കോൺസുലർ ആപ്ലിക്കേഷൻ സെന്ററുകളിലാണ് ഞായറാഴ്ച പാസ്‌പോർട്ട് ശേഖരിക്കാൻ സൗകര്യം ഒരുക്കിയിരിക്കുന്നത്. ജോലി ചെയ്യുന്ന പ്രവാസികൾക്ക് സ്വന്തം സൗകര്യത്തിനനുസരിച്ച് ഞായറാഴ്ച കേന്ദ്രത്തിലെത്തി പാസ്‌പോർട്ട് കൈപ്പറ്റാം.

പാസ്‌പോർട്ട് പുതുക്കൽ, രേഖകളുടെ അറ്റസ്റ്റേഷൻ തുടങ്ങിയ കോൺസുലർ സേവനങ്ങൾക്കായി അൽഹിന്ദ് ഗ്ലോബൽ സർവീസസ് ജൂലൈ 22 മുതൽ പ്രവർത്തനം ആരംഭിച്ചിരുന്നു. 2025 നവംബറിൽ സേവനങ്ങൾ നടത്തുന്നതിനുള്ള ടെൻഡർ ലഭിച്ചിരുന്നെങ്കിലും നടപടിക്രമങ്ങളുമായി ബന്ധപ്പെട്ട നിയമനടപടികൾ കാരണം പ്രവർത്തനം ആരംഭിക്കുന്നത് വൈകുകയായിരുന്നു.

അപേക്ഷാ കെട്ടിക്കിടപ്പ് പരിഹരിച്ചു

സേവനം ഏറ്റെടുത്ത് പ്രവർത്തനം ആരംഭിച്ച സമയത്ത് ഉണ്ടായിരുന്ന അപേക്ഷകളുടെ കെട്ടിക്കിടപ്പ് ഇപ്പോൾ പൂർണമായും പരിഹരിച്ചതായി അൽഹിന്ദ് അറിയിച്ചു. നിലവിൽ 16 കേന്ദ്രങ്ങളിലും അപ്പോയിന്റ്മെന്റുകൾ ലഭ്യമാണെന്നും സേവനങ്ങൾ സുഗമമായും സമയബന്ധിതമായും മുന്നോട്ടുപോകുന്നുണ്ടെന്നും കമ്പനി വ്യക്തമാക്കി.

കോൺസുലർ സേവനങ്ങൾക്കായി നേരത്തെ ഉണ്ടായിരുന്ന കാലതാമസം കുറയ്ക്കുന്നതിനും അപേക്ഷകർക്ക് കൂടുതൽ സൗകര്യം ഒരുക്കുന്നതിനുമാണ് പുതിയ സംവിധാനങ്ങൾ നടപ്പാക്കുന്നതെന്ന് അധികൃതർ അറിയിച്ചു.

ഏകീകൃത നിരക്ക് 19 ദിർഹം

അപേക്ഷയുമായി ബന്ധപ്പെട്ട അടിസ്ഥാന സേവനങ്ങൾക്കായി അൽഹിന്ദ് 19 ദിർഹം ഏകീകൃത നിരക്കാണ് ഈടാക്കുന്നത്. ഫോം പൂരിപ്പിക്കൽ, ഫോട്ടോ എടുക്കൽ, ഫോട്ടോകോപ്പി, കൊറിയർ തുടങ്ങിയ സേവനങ്ങൾ ഇതിൽ ഉൾപ്പെടുന്നു.

അപേക്ഷാ നടപടികൾക്കായി പുറത്തുള്ള ഏജൻസികളെ ആശ്രയിക്കേണ്ട സാഹചര്യം കുറയ്ക്കാനും ഈ സംവിധാനം സഹായിക്കും. അപേക്ഷകർക്ക് ആവശ്യമായ സേവനങ്ങൾ കോൺസുലർ ആപ്ലിക്കേഷൻ സെന്ററുകളിൽ തന്നെ ലഭ്യമാക്കുകയാണ് ലക്ഷ്യം.

ഓൺലൈൻ അപ്പോയിന്റ്മെന്റ്

അപ്പോയിന്റ്മെന്റുകൾ ഓൺലൈനായി ബുക്ക് ചെയ്യാനുള്ള സൗകര്യവും നിലവിലുണ്ട്. തിങ്കൾ മുതൽ ശനി വരെ രാവിലെ 9 മുതൽ രാത്രി 9 വരെ പുതിയ അപ്പോയിന്റ്മെന്റ് സ്ലോട്ടുകൾ ലഭ്യമാക്കും.

16 കേന്ദ്രങ്ങളും രാവിലെ 8 മുതൽ വൈകിട്ട് 6 വരെ പ്രവർത്തിക്കും. തിരക്ക് നിയന്ത്രിക്കുന്നതിന്റെ ഭാഗമായി അപ്പോയിന്റ്മെന്റ് സമയത്തിന് 15 മിനിറ്റ് മുമ്പ് മാത്രമേ അപേക്ഷകരെ കേന്ദ്രത്തിനുള്ളിലേക്ക് പ്രവേശിപ്പിക്കൂ.

ബുർ ദുബൈ കേന്ദ്രത്തിൽ 45 കൗണ്ടറുകൾ

ബുർ ദുബൈയിലെ അൽഹിന്ദ് കേന്ദ്രത്തിൽ മാത്രം 45 കൗണ്ടറുകൾ പ്രവർത്തിക്കുന്നുണ്ട്. കൂടുതൽ കൗണ്ടറുകൾ പ്രവർത്തിപ്പിക്കുന്നതിലൂടെ അപേക്ഷകരുടെ കാത്തിരിപ്പ് സമയം കുറയ്ക്കാൻ സാധിക്കുമെന്ന് അധികൃതർ വ്യക്തമാക്കി.

പ്രവൃത്തിദിവസങ്ങളിൽ ജോലി ചെയ്യുന്നവർക്ക് പ്രത്യേകിച്ച് ഗുണകരമാകുന്ന തരത്തിലാണ് ഞായറാഴ്ച പാസ്‌പോർട്ട് ശേഖരണ സൗകര്യം ഒരുക്കിയിരിക്കുന്നത്. പുതിയ സംവിധാനം യുഎഇയിലെ ഇന്ത്യൻ പ്രവാസികൾക്ക് കോൺസുലർ സേവനങ്ങൾ കൂടുതൽ എളുപ്പത്തിലും സൗകര്യപ്രദമായും ലഭ്യമാക്കാൻ സഹായിക്കുമെന്നാണ് പ്രതീക്ഷിക്കുന്നത്.