ദുബൈ: യുഎഇയുടെ ആഭ്യന്തര പേയ്‌മെന്റ് കാർഡായ ജയ്വാൻ (Jaywan) ഉപയോഗിച്ച് പ്രമുഖ എയർലൈനുകളിലും യാത്രാ പ്ലാറ്റ്‌ഫോമുകളിലും ഇനി കുറഞ്ഞ നിരക്കിൽ വിമാന ടിക്കറ്റുകളും ഹോട്ടലുകളും ബുക്ക് ചെയ്യാം. എമിറേറ്റ്‌സ്, ഇത്തിഹാദ്, ട്രിപ്പ്.കോം എന്നിവ കാർഡ് ഉടമകൾക്കായി പ്രത്യേക കിഴിവുകളും ആനുകൂല്യങ്ങളും പ്രഖ്യാപിച്ചു.

APPLY NOW FOR THE LATEST VACANCIES

എയർലൈനുകളിലെ പ്രധാന ഓഫറുകൾ

സെപ്റ്റംബർ 16 മുതൽ ദുബൈയിൽ നിന്നുള്ള എമിറേറ്റ്സിന്റെ വിമാന ബുക്കിംഗുകൾക്ക് ജയ്വാൻ കാർഡുകൾ ഉപയോഗിക്കാം. റോയൽ ഡെബിറ്റ്, പ്രസ്റ്റീജ് ഡെബിറ്റ്, പ്രീപെയ്ഡ് കാർഡ് ഉടമകൾക്ക് നിശ്ചിത സമയത്തേക്ക് എയർപോർട്ട് ലോഞ്ച് കിഴിവുകൾ ലഭിക്കും. 2026 സെപ്റ്റംബർ 16 മുതൽ 2027 ഓഗസ്റ്റ് 31 വരെ നടത്തുന്ന ബുക്കിംഗുകൾക്കാണ് ഈ ഓഫർ ബാധകം (2028 ഫെബ്രുവരി 29 വരെയുള്ള യാത്രകൾക്ക്).

ഇത്തിഹാദിന്റെ വെബ്‌സൈറ്റിൽ (etihad.com) ജയ്വാൻ പേയ്‌മെന്റ് ഓപ്ഷൻ നിലവിൽ വന്നു. ഇത്തിഹാദ് ഗസ്റ്റ് അംഗങ്ങളായ ജയ്വാൻ റോയൽ കാർഡ് ഉടമകൾക്ക് കംഫർട്ട്, ഡീലക്സ് ടിക്കറ്റ് നിരക്കുകളിൽ 10 ശതമാനം വരെ കിഴിവ് ലഭിക്കും.

മറ്റ് യാത്രാ ആനുകൂല്യങ്ങൾ

ട്രിപ്പ്.കോം (Trip.com): ജയ്വാൻ പ്രസ്റ്റീജ്, റോയൽ കാർഡ് ഉടമകൾക്ക് വിമാന ടിക്കറ്റുകളിലും ഹോട്ടൽ ബുക്കിംഗുകളിലും 7 ശതമാനം തുടർച്ചയായ ഇളവ് ലഭിക്കും.

അന്താരാഷ്ട്ര ഉപഭോഗം: യൂണിയൻ പേ ഇന്റർനാഷണലുമായി ചേർന്നുള്ള സംവിധാനം വഴി 183-ലധികം രാജ്യങ്ങളിലെ 100 ദശലക്ഷത്തിലധികം കടകളിലും 1.8 ദശലക്ഷം എടിഎമ്മുകളിലും ജയ്വാൻ കാർഡ് വിദേശ യാത്രകളിൽ ഉപയോഗിക്കാം.

ലോഞ്ച് പ്രവേശനം, യാത്രാ ഇൻഷുറൻസ്: പ്രയോറിറ്റി പാസ് വഴി ലോകമെമ്പാടുമുള്ള 1,800-ലധികം എയർപോർട്ട് ലോഞ്ചുകളിലേക്ക് റോയൽ കാർഡ് ഉടമകൾക്ക് പ്രവേശനം ലഭിക്കും. കൂടാതെ, സുകൂൺ (Sukoon) മുഖേന മെഡിക്കൽ അടിയന്തിരാവസ്ഥകൾ, യാത്ര റദ്ദാക്കൽ, ബാഗേജ് വൈകൽ എന്നിവയ്‌ക്കെതിരെയുള്ള യാത്രാ ഇൻഷുറൻസ് കവറേജും ലഭ്യമാണ്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ആ വഴി പോവേണ്ട :യുഎഇയിലെ ഈ പ്രധാന റോഡിൽ ഗതാഗത നിയന്ത്രണം

UAE September 15, 2026

ദുബൈ: ദുബൈയിലെ സിറ്റി വാക്ക്, അൽ സഫ പ്രദേശങ്ങളിലെ അൽ സഫ സ്ട്രീറ്റിൽ വൻ റോഡ് വികസന പദ്ധതിയുമായി ആർ.ടി.എ. പദ്ധതിക്ക് തുടക്കമായതോടെ പുതിയ ഗതാഗത നിയന്ത്രണങ്ങൾ നിലവിൽ വന്നു. നിർമാണം നടക്കുന്ന ഭാഗത്തിന് സമാന്തരമായി പുതുതായി നിർമിച്ച പാതകളിലൂടെയാണ് നിലവിൽ ഇരുവശത്തേക്കുമുള്ള വാഹനങ്ങൾ തിരിച്ചുവിട്ടിരിക്കുന്നത്.

APPLY NOW FOR THE LATEST VACANCIES

അൽ സത്വ, അൽ മുൽതഖ സ്ട്രീറ്റുകൾ കൂടിച്ചേരുന്ന കവലയിലെ ട്രാഫിക് സിഗ്നൽ ഒഴിവാക്കി തടസ്സമില്ലാത്ത യാത്രാസൗകര്യം ഒരുക്കിയിട്ടുണ്ട്. ഇതിനുപുറമെ അൽ സഫ സ്ട്രീറ്റിൽ യു-ടേൺ സൗകര്യങ്ങളും വിപുലീകരിച്ചു.
ശൈഖ് സായിദ് റോഡ് ജങ്ഷൻ മുതൽ അൽ വസൽ സ്ട്രീറ്റ് വരെയുള്ള 1,500 മീറ്റർ ദൂരത്തിലാണ് പദ്ധതി നടപ്പാക്കുന്നത്. പദ്ധതി പൂർത്തിയാകുന്നതോടെ ഈ പാതയിലെ യാത്രാസമയം 12 മിനിറ്റിൽ നിന്ന് വെറും മൂന്നുമിനിറ്റായി കുറയും. റോഡിന്‍റെ ഇരുവശങ്ങളിലേക്കുമുള്ള വരികളുടെ എണ്ണം മൂന്നിൽ നിന്ന് നാലാക്കി ഉയർത്തുന്നതോടെ മണിക്കൂറിൽ 6,000 വാഹനങ്ങളിൽ നിന്ന് 12,000 ആയി ശേഷി ഇരട്ടിക്കും. മൊത്തം 3,120 മീറ്റർ നീളമുള്ള രണ്ട് മേൽപ്പാലങ്ങളും രണ്ട് തുരങ്കങ്ങളും ഉൾപ്പെടുന്നതാണ് ഈ വൻകിട പദ്ധതി. അൽ വസൽ റോഡിൽനിന്ന് ശൈഖ് സായിദ് റോഡിലേക്കുള്ള നാല് വരി മേൽപ്പാലവും അൽ സത്വയിൽ നിന്നുള്ള രണ്ടുവരി പാലവുമാണ് ഇതിൽ പ്രധാനം. കൂടാതെ അൽ വസൽ സ്ട്രീറ്റിലേക്ക് ബന്ധിപ്പിക്കുന്ന രണ്ട് പ്രധാന തുരങ്കങ്ങളും ഇവിടെ നിർമിക്കുന്നുണ്ട്. കാൽനടയാത്രക്കാർക്കും സൈക്കിൾ യാത്രക്കാർക്കുമായി പ്രത്യേക പാതകളും പദ്ധതി പ്രദേശത്ത് ഒരുക്കും.