ദുബൈ: യുഎഇയില് ഇന്നും മഴയ്ക്ക് സാധ്യത. രാജ്യത്തിന്റെ കിഴക്കന്, തെക്കന് മേഖലകളില് ഉച്ചയ്ക്കുശേഷം മഴയ്ക്ക് അനുകൂലമായ മേഘങ്ങള് രൂപപ്പെടുമെന്ന് ദേശീയ കാലാവസ്ഥാ കേന്ദ്രം (എന്സിഎം) അറിയിച്ചു. അതേസമയം, രാജ്യത്തിന്റെ ചില ഉള്പ്രദേശങ്ങളില് താപനില 50 ഡിഗ്രി സെല്ഷ്യസ് വരെ ഉയര്ന്നേക്കും.
പൊതുവെ തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കും. കിഴക്കന്, തെക്കന് മേഖലകളില് ഉച്ചയ്ക്കുശേഷം രൂപപ്പെടുന്ന ഇടിമേഘങ്ങള് മഴയ്ക്ക് കാരണമാകാം. ഇന്നലെ രാജ്യത്തിന്റെ വിവിധ ഭാഗങ്ങളില് വേനല്മഴ ലഭിച്ചിരുന്നു.
APPLY NOW FOR THE LATEST VACANCIES
ഉള്പ്രദേശങ്ങളില് താപനില 45 മുതല് 50 ഡിഗ്രി സെല്ഷ്യസ് വരെയായിരിക്കും. തീരപ്രദേശങ്ങളിലും ദ്വീപുകളിലും 39 മുതല് 45 ഡിഗ്രി വരെയും പര്വത മേഖലകളില് 33 മുതല് 39 ഡിഗ്രി വരെയും താപനില രേഖപ്പെടുത്തും.
കാറ്റ് നേരിയതോ മിതമായതോ ആയിരിക്കുമെങ്കിലും ഇടയ്ക്കിടെ ശക്തമാകാന് സാധ്യതയുണ്ട്. ഇത് പൊടിപടലങ്ങള് ഉയരാന് ഇടയാക്കും. ഉള്പ്രദേശങ്ങളിലും പര്വത മേഖലകളിലും കാറ്റിന്റെ വേഗം മണിക്കൂറില് 40 കിലോമീറ്റര് വരെയും തീരപ്രദേശങ്ങളില് 35 കിലോമീറ്റര് വരെയും എത്താം.
ഇന്ന് രാത്രി മുതല് നാളെ രാവിലെ വരെ ചില തീരപ്രദേശങ്ങളില് ഈര്പ്പം ഉയരും. ഇതോടെ മൂടല്മഞ്ഞിനും സാധ്യതയുണ്ട്. അറേബ്യന് ഗള്ഫിലും ഒമാന് കടലിലും കടല് പൊതുവെ ശാന്തമായിരിക്കും.
വ്യാഴാഴ്ച താപനിലയില് കുറവുണ്ടാകുമെന്നാണ് പ്രവചനം. എന്നാല് പടിഞ്ഞാറന് മേഖലകളില് മണിക്കൂറില് 40 കിലോമീറ്റര് വരെ വേഗതയില് കാറ്റ് വീശുന്നതിനാല് പൊടിപടലങ്ങള് ഉയരാം. അറേബ്യന് ഗള്ഫിന്റെ പടിഞ്ഞാറന് ഭാഗങ്ങളില് കടല് ഇടയ്ക്കിടെ പ്രക്ഷുബ്ധമാകാനും സാധ്യതയുണ്ട്.
വെള്ളിയാഴ്ചയും ശനിയാഴ്ചയും കിഴക്കന് മേഖലകളില് ഉച്ചയ്ക്കുശേഷം ഇടിമേഘങ്ങള് രൂപപ്പെടാനുള്ള സാധ്യത തുടരും. കാറ്റിന്റെ വേഗം മണിക്കൂറില് 35 കിലോമീറ്റര് വരെ എത്താം. ഞായറാഴ്ച കാലാവസ്ഥ പൊതുവെ തെളിഞ്ഞതോ ഭാഗികമായി മേഘാവൃതമായതോ ആയിരിക്കുമെന്നും കാലാവസ്ഥാ കേന്ദ്രം അറിയിച്ചു.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
പ്രവാസികളെ അറിഞ്ഞോ???എത്തിഹാദ് റെയിൽ യാത്രക്കാർക്ക് ഇനി കാർ വാടകയ്ക്ക്; എങ്ങനെ ബുക്ക് ചെയ്യാം? അറിയാം
UAE August 18, 2026
Etihad Rail rent cars അബുദാബി: എത്തിഹാദ് റെയിൽ യാത്രക്കാർക്ക് ഇനി അബുദാബി, ഫുജൈറ സ്റ്റേഷനുകളിൽ നിന്ന് ദിവസേന 80 മുതൽ 200 ദിർഹം വരെ നിരക്കിൽ കാറുകൾ വാടകയ്ക്ക് എടുക്കാം. സുരക്ഷാ നിക്ഷേപം ആവശ്യമില്ല, ഇന്ധനച്ചെലവും നിരക്കിൽ ഉൾപ്പെടുത്തിയിട്ടുണ്ട്. കൂടാതെ ഓരോ പാക്കേജിലും 60 കിലോമീറ്റർ വരെ ഡ്രൈവിങ് അനുവദിക്കും. യാത്രക്കാർക്ക് ട്രെയിനിൽ ലക്ഷ്യസ്ഥാനത്തെത്തിയ ശേഷം തുടർയാത്രയ്ക്കായി വാഹനം ലഭ്യമാക്കുന്ന Rail to Road സേവനമാണ് ആരംഭിച്ചിരിക്കുന്നത്. Thrifty Car Rental-ന്റെ Flexy ഉൽപ്പന്നത്തിലൂടെയാണ് ഈ സേവനം ലഭ്യമാകുന്നത്. “യാത്രക്കാർക്ക് സുരക്ഷാ നിക്ഷേപം നൽകേണ്ട ബുദ്ധിമുട്ടോ കാർ തിരികെ നൽകുന്നതിന് മുമ്പ് ഇന്ധനം നിറയ്ക്കുന്നതിനെക്കുറിച്ചുള്ള ആശങ്കയോ ഉണ്ടാകില്ല,” Thrifty Car Rental ജനറൽ മാനേജർ അമിത് കുമാർ പറഞ്ഞു.
എല്ലാ വാടക പാക്കേജുകളിലും മുൻകൂട്ടി അടച്ച ഇന്ധനച്ചെലവും 60 കിലോമീറ്റർ ഡ്രൈവിങ്ങും ഉൾപ്പെടും. അധിക ദൂരം സഞ്ചരിക്കുന്നതിന് പ്രത്യേകം നിരക്ക് നൽകി കൂടുതൽ കിലോമീറ്റർ വാങ്ങാം. എത്തിഹാദ് റെയിൽ യാത്രക്കാർക്കായി നിലവിൽ പ്രത്യേക ആമുഖ ഓഫറും ലഭ്യമാണ്. എന്നാൽ ഓഫറിന്റെ വിശദാംശങ്ങൾ Thrifty വ്യക്തമാക്കിയിട്ടില്ല. കാർ വാടക 24 മണിക്കൂർ അടിസ്ഥാനത്തിലാണ് കണക്കാക്കുന്നത്. ട്രെയിൻ എത്തുന്ന സമയത്തോടോ പുറപ്പെടുന്ന സമയത്തോടോ നേരിട്ട് ബന്ധിപ്പിച്ചിട്ടില്ല. അതിനാൽ യാത്രാ സമയത്തിൽ മാറ്റമുണ്ടായാലും ഉപഭോക്താക്കൾക്ക് കൂടുതൽ സൗകര്യത്തോടെ വാഹനം ഉപയോഗിക്കാം
മൂന്ന് വാടക വിഭാഗങ്ങൾ
ആദ്യ ഘട്ടത്തിൽ മൂന്ന് വിഭാഗങ്ങളിലാണ് വാഹനങ്ങൾ ലഭ്യമാക്കുന്നത്.
Essential: Toyota Yaris, Baleno, Hyundai Accent തുടങ്ങിയ ഹാച്ച്ബാക്കുകളും ചെറിയ സെഡാനുകളും.
Comfort: വലിയ സെഡാനുകളും കോംപാക്ട് എസ്യുവികളും. Mazda CX-3, Hyundai Creta, Mazda 6 തുടങ്ങിയ മോഡലുകൾ ഈ വിഭാഗത്തിൽ ഉൾപ്പെടുന്നു.
Stretch: കൂടുതൽ വലുപ്പമുള്ളതും പ്രീമിയം വിഭാഗത്തിലുള്ളതുമായ വാഹനങ്ങൾ. Audi A3, Mazda CX-90, Jeep Cherokee, Nissan Patrol, Jeep Wrangler തുടങ്ങിയവ ഇതിൽ ഉൾപ്പെടുന്നു.
കാർ വാടകയ്ക്ക് എടുക്കുന്നതിന് ഡെപ്പോസിറ്റ് നൽകേണ്ടതില്ല. പണമിടപാട് നടത്തുന്നതിനായി ഉപഭോക്താക്കളുടെ പേയ്മെന്റ് കാർഡ് വിവരങ്ങൾ ടോക്കണൈസ് ചെയ്യുന്നതാണ് രീതിയെന്ന് Thrifty അറിയിച്ചു. കാർ മുൻകൂട്ടി ബുക്ക് ചെയ്യുന്നതിന് കുറഞ്ഞ സമയപരിധിയും ഇല്ല. യാത്രയ്ക്ക് മുമ്പ് ബുക്ക് ചെയ്യാം, സ്റ്റേഷനിലെത്തിയ ശേഷം ബുക്ക് ചെയ്യാം, അല്ലെങ്കിൽ നേരിട്ട് സ്റ്റേഷനിലെത്തി walk-in ആയി കാർ വാടകയ്ക്കെടുക്കുകയും ചെയ്യാം. യാത്രക്കാർ എത്തുന്ന സ്റ്റേഷനിൽ നിന്ന് കാർ എടുത്ത് തുടർയാത്രയ്ക്ക് ഉപയോഗിച്ച് അതേ സ്റ്റേഷനിൽ തന്നെ തിരികെ നൽകുന്നതിനാണ് പ്രധാനമായും സേവനം രൂപകൽപ്പന ചെയ്തിരിക്കുന്നത്.എന്നാൽ ഉപഭോക്താക്കൾക്ക് ആവശ്യമെങ്കിൽ Thriftyയുടെ മറ്റൊരു ശാഖയിലും കാർ തിരികെ നൽകാം. ഇതിനായി നാമമാത്രമായ one-way rental fee ഈടാക്കും.
