ദുബൈ: യുഎഇയിൽ സ്വർണവിലയിൽ വൻ കുതിച്ചുചാട്ടം. ആറ് ദിവസത്തിനുള്ളിൽ ഗ്രാമിന് 29 ദിർഹത്തിന്റെ വർധനവാണ് രേഖപ്പെടുത്തിയത്. വ്യാഴാഴ്ച ഉച്ചകഴിഞ്ഞ് 24 കാരറ്റ് സ്വർണത്തിന്റെ വില ഗ്രാമിന് 516.25 ദിർഹമായി ഉയർന്നു.
APPLY NOW FOR THE LATEST VACANCIES
ഓഗസ്റ്റ് ഒന്നിന് 487.25 ദിർഹമായിരുന്ന 24 കാരറ്റ് സ്വർണത്തിനാണ് ഏതാനും ദിവസങ്ങൾക്കുള്ളിൽ ഏകദേശം 6 ശതമാനത്തോളം വില ഉയർന്നത്. നിലവിലെ നിരക്കനുസരിച്ച് പണിക്കൂലിയും നികുതിയും ഒഴികെ 10 ഗ്രാം സ്വർണം വാങ്ങാൻ 5,163 ദിർഹത്തോളം (ഏകദേശം 5,162.5 ദിർഹം) ചെലവാകും.
മറ്റ് കാരറ്റുകളിലെ മാറ്റങ്ങൾ
24 കാരറ്റിന് പുറമെ മറ്റ് വിഭാഗങ്ങളിലും വില വർധിച്ചിട്ടുണ്ട്. 22 കാരറ്റ് സ്വർണത്തിന് ഗ്രാമിന് 478 ദിർഹവും, 21 കാരറ്റിന് 458.25 ദിർഹവും, 18 കാരറ്റ് സ്വർണത്തിന് 392.75 ദിർഹവുമാണ് നിലവിലെ നിരക്ക്. ഓഗസ്റ്റ് ആദ്യവാരം 22 കാരറ്റിന് ഗ്രാമിന് 451.25 ദിർഹമായിരുന്ന സ്ഥാനത്താണ് 26.75 ദിർഹത്തിന്റെ വർധനവുണ്ടായത്.
ആഗോള വിപണിയും കാരണങ്ങളും
അന്താരാഷ്ട്ര വിപണിയിൽ സ്വർണവില ഔൺസിന് 4,300 ഡോളറിന് മുകളിലേക്ക് ഉയർന്നതാണ് പ്രാദേശിക വിപണിയിലും പ്രതിഫലിച്ചത്. യുഎസ് ഡോളറിന്റെ മൂല്യത്തിലുണ്ടായ ഇടിവ്, ട്രഷറി ആദായം കുറഞ്ഞത്, യുഎസിലെ തൊഴിൽ സൂചകങ്ങളിലെ മന്ദഗതി എന്നിവയാണ് വില വർധനവിന് പ്രധാന കാരണങ്ങളെന്ന് സാമ്പത്തിക വിദഗ്ധർ ചൂണ്ടിക്കാട്ടുന്നു. യുഎസ് ഫെഡറൽ റിസർവ് പലിശനിരക്ക് വീണ്ടും വർദ്ധിപ്പിക്കാനുള്ള സാധ്യത കുറഞ്ഞതും സ്വർണത്തിന് അനുകൂലമായ അന്തരീക്ഷമൊരുക്കി.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
സിനിമയെ വെല്ലും ഹീറോയിസം!!‘സഹോദരാ, ഞാനീ കവലയിലുണ്ട്…’: യുവതിയുടെ അർധരാത്രിയിലെ ആ ഫോൺ കോൾ, ഉടനെ ദുബായ് പൊലീസ് ചെയ്തത് സിനിമയെ വെല്ലും
UAE August 5, 2026
ദുബായ്∙ കഴിഞ്ഞ ദിവസം പുലർച്ചെ 3.30. ദുബായ് പൊലീസ് ഓപ്പറേഷൻസ് റൂമിലെ ഫോൺ ബെല്ലടിച്ചു. അറബികിൽ വളരെ പതറിയ ശബ്ദത്തോടെ ഒരു യുവതി പറഞ്ഞു: ‘സഹോദരാ, ഞാനീ കവലയിലുണ്ട്…’ ഇത്രയും പറഞ്ഞ് ലൈൻ നിശ്ശബ്ദമായി. പിന്നീട് കേട്ടത് അവ്യക്തമായ ചില മൂളലുകൾ മാത്രം. അപായസൂചന തിരിച്ചറിഞ്ഞ കോൾ ഹാൻഡ്ലർ സമയം പാഴാക്കാതെ ദുബായ് പൊലീസിന്റെ അത്യാധുനിക എമർജൻസി കോൾ ലൊക്കേഷൻ സിസ്റ്റം ഉപയോഗിച്ച് ഫോൺ ലൊക്കേഷൻ ട്രാക്ക് ചെയ്തു.
APPLY NOW FOR THE LATEST VACANCIES
ഷെയ്ഖ് മുഹമ്മദ് ബിൻ സായിദ് റോഡിന് സമീപമുള്ള നാദ് അൽ ഷെബ മേഖലയിലാണ് ഫോൺ സന്ദേശം എത്തിയതെന്ന് മനസ്സിലായതോടെ പ്രദേശത്തെ മുഴുവൻ പൊലീസ് പട്രോളിങ് സംഘങ്ങൾക്കും സന്ദേശമയച്ചു. മിനിറ്റുകൾക്കകം റോഡരികിലെ മണൽത്തിട്ടയിൽ നിർത്തിയിട്ട പൂട്ടിയ കാറിനുള്ളിൽ അബോധാവസ്ഥയിൽ യുവതിയെ പൊലീസ് കണ്ടെത്തി. രക്തത്തിലെ പഞ്ചസാരയുടെ അളവ് പെട്ടെന്ന് താഴ്ന്നതിനെ തുടർന്ന് (ബ്ലഡ് ഷുഗർ ഡ്രോപ്പ്) യുവതിക്ക് ബോധം നഷ്ടപ്പെടുകയായിരുന്നു.
വാഹനത്തിനുള്ളിൽ കടന്ന റെസ്ക്യൂ ടീം യുവതിയെ ഉടൻ ആശുപത്രിയിലേക്ക് മാറ്റി. ദുബായ് പൊലീസ് ലഫ്. ജനറൽ ധാഹി ഖൽഫാൻ തമീം എഴുതിയ ‘ഓപ്പറേഷൻസ് മാനേജ്മെന്റ് ഇൻ ക്രിട്ടിക്കൽ ഇൻസിഡന്റ്സ്, ക്രൈസിസ് ആൻഡ് ഡിസാസ്റ്റേഴ്സ്’ എന്ന പുസ്തകത്തിലാണ് ഈ സംഭവം വിവരിക്കുന്നത്. ധാഹി ഖൽഫാൻ നേരിട്ട് ഇടപെട്ട് യുവതിയുടെ ആരോഗ്യാവസ്ഥ അന്വേഷിക്കുകയും ഉറപ്പാക്കുകയും ചെയ്തിരുന്നു.
