Feminichi Fathima wins national award Dubai connection ദുബായ്: മികച്ച മലയാളം സിനിമയ്ക്കുള്ള ദേശീയ പുരസ്‌കാരം ‘ഫെമിനിച്ചി ഫാത്തിമ’ സ്വന്തമാക്കിയപ്പോള്‍, അതില്‍ അഭിമാനിക്കാന്‍ പ്രവാസ ലോകത്തിനും വകയുണ്ട്. ദുബായില്‍ പ്രവാസിയായ തമറും സുധീഷ് കറിയയും ചേര്‍ന്ന് നിര്‍മിച്ച ഈ ചിത്രത്തില്‍ പ്രധാന വേഷത്തില്‍ അഭിനയിച്ച ഷംല ഹംസ മുന്‍ പ്രവാസിയാണ്.

മാത്രമല്ല, ഈ ചിത്രത്തിന്റെ തുടക്കം കുറിക്കുന്നത് ദുബായില്‍ തമര്‍ സംവിധാനം ചെയ്ത ‘ആയിരത്തൊന്ന് നുണകള്‍’ എന്ന ചിത്രത്തിന്റെ ചിത്രീകരണത്തിനിടെയായിരുന്നു എന്ന പ്രത്യേകതയുമുണ്ട്. തമര്‍ സംവിധാനം ചെയ്ത ‘ആയിരത്തൊന്ന് നുണകളിലൂടെ’യാണ് ദുബായില്‍ താമസിച്ചിരുന്ന ഷംല അഭിനയ രംഗത്തെത്തിയത്. ഓഡിഷനിലൂടെ ചിത്രത്തിലെ ഗര്‍ഭിണിയായ സല്‍മ എന്ന കഥാപാത്രത്തിന് തിരഞ്ഞെടുക്കപ്പെട്ട ഷംലയുടെ അഭിനയ മികവ് ആദ്യ റൗണ്ടില്‍ത്തന്നെ ഉറപ്പിച്ചിരുന്നുവെന്ന് തമര്‍ പറയുന്നു.

‘വളരെ ചെറിയ രീതിയില്‍ തുടങ്ങിയ ഒരു സിനിമയ്ക്കാണ് ഇപ്പോള്‍ ഈ വലിയ അംഗീകാരം തേടിയെത്തിയിരിക്കുന്നത്. സംസ്ഥാന അവാര്‍ഡിലെ തിളക്കത്തിന് പിന്നാലെ ഇപ്പോഴിതാ ദേശീയ പുരസ്‌കാരവും. ഒരുപാട് മികച്ച സിനിമകള്‍ മത്സരത്തിനുണ്ടായിരുന്ന വര്‍ഷമായിട്ടും മികച്ച മലയാള ചിത്രമായി ‘ഫെമിനിച്ചി ഫാത്തിമ’ തിരഞ്ഞെടുക്കപ്പെട്ടതില്‍ ഏറെ സന്തോഷമുണ്ട്. കൂടെ നിന്നവര്‍ക്കും വിശ്വസിച്ചവര്‍ക്കുമെല്ലാം ഈ വിജയം സമര്‍പ്പിക്കുന്നുവെന്നും ‘ ചിത്രത്തിന്റെ നിര്‍മാതാവുകൂടിയായ തമര്‍ പറഞ്ഞു.

ആയിരത്തൊന്ന് നുണകളുടെയും തമറിന്റെ രണ്ടാമത്തെ ചിത്രമായ സര്‍ക്കീട്ടിന്റെയും സ്‌പോട് എഡിറ്ററായിരുന്നു ഫാസില്‍ മുഹമ്മദ്. ഈ സൗഹൃദത്തില്‍ നിന്നാണ് മികച്ച നവാഗത സംവിധായകനുള്ള പുരസ്‌കാരം നേടിയ ഫാസില്‍ മുഹമ്മദിനെ വച്ച് ‘ഫെമിനിച്ചി ഫാത്തിമ’ നിര്‍മിക്കാന്‍ തമര്‍ തീരുമാനിക്കുന്നത്. ദുബായില്‍ മീഡിയാ
രംഗത്ത് പ്രവര്‍ത്തിക്കുന്ന തമര്‍ തന്റെ മൂന്നാമത്തെ ചിത്രത്തിന്റെ അണിയറപ്രവര്‍ത്തനങ്ങളിലാണ്.

പൊന്നാനിയില്‍നിന്ന് രാജ്യാന്തര തലത്തിലേക്ക്

ജര്‍മനി, കിര്‍ഗിസ്ഥാന്‍, കാനഡ എന്നിവിടങ്ങളിലടക്കം ഒട്ടേറെ രാജ്യാന്തര ചലച്ചിത്രമേളകളില്‍ പ്രദര്‍ശിപ്പിച്ച് ശ്രദ്ധനേടിയ ചിത്രം പൊന്നാനിയിലെ ഒരു
കുഗ്രാമത്തില്‍ നിന്ന് ആരംഭിച്ച യാത്രയാണ് ആഗോള തലത്തിലേക്ക് വ്യാപിപ്പിച്ചത്. കേരളത്തിലെ മിക്ക നാടുകളിലും സംഭവിക്കുന്ന, നമ്മുടെ ചുറ്റുപാടുകളിലുള്ള പല സ്ത്രീകളുടെയും ജീവിതവുമായി ബന്ധമുള്ള കഥയാണ് ചിത്രം പറയുന്നത്.

പാലക്കാട് തൃത്താല സ്വദേശിനിയായ ഷംല ദുബായിലെ ഒരു കമ്പനിയില്‍ സെയില്‍സ് വിഭാഗത്തില്‍ ജോലി ചെയ്തിരുന്നയാളാണ്. ഈ പുരസ്‌കാരം സ്വപ്നം കാണുന്ന ഓരോ കലാകാരനും പ്രചോദനമാണെന്നും ഒരു നടിയെന്ന നിലയില്‍ തന്റെ ജീവിതം മാറ്റിമറിച്ച അവസരമാണിതെന്നും ഷംല പറയുന്നു. ജോലിയുടെ ഭാഗമായി ദുബായില്‍ എത്തിയ തനിക്ക് ഈ നഗരം വളരെ സുരക്ഷിതമായിരുന്നെന്നും ഇവിടുത്തെ ജീവിതം ആസ്വദിച്ചിരുന്നതായും ഷംല കൂട്ടിച്ചേര്‍ത്തു. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഇത്തിഹാദ് പാസഞ്ചറിൽ കയറുമ്പോൾ നിങ്ങൾക്ക് എത്ര ബാ​ഗുവരെ ടിക്കറ്റില്ലാതെ കൈയിൽ കരുതാമെന്ന് അറിയാമോ ? ദേ ഇത്ര ലഗേജുകൾ

UAE Greeshma Staff Editor — July 18, 2026 · 0 Comment

Etihad Rail baggage policy അബുദാബി: യുഎഇയിലെ ഇത്തിഹാദ് റെയിൽ പാസഞ്ചർ സർവീസുകളിൽ യാത്ര ചെയ്യുന്നവർക്ക് ഏത് ടിക്കറ്റ് എടുത്താലും രണ്ട് ലഗേജ് വരെ സൗജന്യമായി കൊണ്ടുപോകാമെന്ന് കമ്പനി അറിയിച്ചു. മൂന്ന് വയസും അതിൽ കൂടുതലുമുള്ള യാത്രക്കാർക്കാണ് ഈ ആനുകൂല്യം ലഭിക്കുക. ശിശുക്കൾക്ക് പ്രത്യേക ബാഗേജ് അലവൻസ് ഇല്ല.
അധിക ലഗേജ് കൊണ്ടുപോകേണ്ടവർ യാത്രയ്ക്ക് മുമ്പ് ഇത്തിഹാദ് റെയിലിന്റെ വെബ്സൈറ്റ്, മൊബൈൽ ആപ്പ്, കോൺടാക്ട് സെന്റർ അല്ലെങ്കിൽ റെയിൽവേ സ്റ്റേഷനുകൾ വഴി മുൻകൂട്ടി ബുക്ക് ചെയ്യണം.

എല്ലാ ബാഗുകളിലും യാത്രക്കാരുടെ പേരും ഫോൺ നമ്പരും വ്യക്തമായി രേഖപ്പെടുത്തണമെന്ന് കമ്പനി നിർദേശിച്ചു. സ്വന്തം സഹായത്തോടെ ഉയർത്താനും സൂക്ഷിക്കാനും കഴിയുന്ന ലഗേജ് മാത്രമേ കൊണ്ടുപോകാവൂ. സുരക്ഷാ കാരണങ്ങളാൽ ബാഗുകൾ ഇടനാഴികളിലോ അടിയന്തര എക്സിറ്റ് വാതിലുകൾക്കരികിലോ വയ്ക്കാൻ പാടില്ല. ഹാൻഡ് ബാഗുകളും ലാപ്ടോപ് ബാഗുകളും സീറ്റിനടിയിൽ വയ്ക്കണം. ക്യാബിൻ ബാഗേജിന്റെ പരമാവധി വലുപ്പം 55 x 40 x 23 സെന്റിമീറ്റർ ആണ്. ഇത് ഓവർഹെഡ് ലഗേജ് റാക്കിൽ സൂക്ഷിക്കണം.

ട്രെയിനിൽ യാത്രക്കാർക്ക് സൗജന്യ വൈ-ഫൈ, എല്ലാ സീറ്റുകളിലും യുഎസ്ബി ചാർജിംഗ് പോയിന്റുകൾ, പവർ സോക്കറ്റുകൾ, അറബിയിലും ഇംഗ്ലീഷിലും തത്സമയ വിവര സ്ക്രീനുകൾ, ലഘുഭക്ഷണങ്ങളും ശീതളപാനീയങ്ങളും ലഭ്യമാക്കുന്ന ട്രോളി സേവനവും ഉണ്ടായിരിക്കും.
ഓരോ സർവീസിലും യാത്രക്കാരെ സഹായിക്കാൻ ഒരു ട്രെയിൻ മാസ്റ്റർ ഉണ്ടായിരിക്കും. സീറ്റ് അലോക്കേഷൻ യാത്രയ്ക്ക് 24 മണിക്കൂർ മുമ്പ് സ്വമേധയാ നടക്കും. വാല്യു, ഫ്ലെക്സ് ടിക്കറ്റ് ഉടമകൾക്ക് സൗജന്യമായി സീറ്റ് തിരഞ്ഞെടുക്കാം. സേവർ ടിക്കറ്റ് യാത്രക്കാർക്ക് അധിക ഫീസ് നൽകി സീറ്റ് മാറ്റാൻ കഴിയും. വളർത്തുമൃഗങ്ങളെ യാത്രയിൽ കൊണ്ടുപോകുന്നതിനും കമ്പനി മാർഗനിർദേശങ്ങൾ പുറത്തിറക്കിയിട്ടുണ്ട്.

അംഗീകൃത കാരിയറുകളിൽ നായ്ക്കളെയും ഫാൽക്കണുകളെയും കൊണ്ടുപോകാൻ അനുമതിയുണ്ട്. ഒരു യാത്രക്കാരന് ഒരു പെറ്റ് കാരിയർ മാത്രമേ അനുവദിക്കൂ. സർട്ടിഫൈഡ് അസിസ്റ്റൻസ് നായ്ക്കളെ മുൻകൂട്ടി ബുക്ക് ചെയ്താൽ യാത്രയ്ക്ക് അനുവദിക്കും.വികലാംഗർക്കും പ്രത്യേക സഹായം ആവശ്യമുള്ള യാത്രക്കാർക്കും സൗകര്യപ്രദമായ യാത്ര ഉറപ്പാക്കാൻ സ്റ്റേഷനുകളിൽ വീൽചെയർ സൗകര്യം, സ്റ്റെപ്പ്-ഫ്രീ പ്രവേശനം, ടാക്ടൈൽ പാതകൾ, പ്രത്യേക ശുചിമുറികൾ, മുൻഗണനാ സീറ്റുകൾ എന്നിവ ഒരുക്കിയിട്ടുണ്ട്. വീൽചെയർ ഉപയോഗിക്കുന്നവർ ബുക്കിംഗ് സമയത്ത് വിവരം അറിയിക്കണമെന്നും കമ്പനി നിർദേശിച്ചു.
അതേസമയം, സൈക്കിളുകൾ, ഇ-ബൈക്കുകൾ, ഇലക്ട്രിക് സ്കൂട്ടറുകൾ എന്നിവ ട്രെയിനിൽ അനുവദിക്കില്ല. അബുദാബി സ്റ്റേഷനിലേക്ക് യാത്രക്കാരെ എത്തിക്കുന്നതിനായി പ്രത്യേക ഷട്ടിൽ ബസ് സർവീസുകളും ഇത്തിഹാദ് റെയിൽ ഒരുക്കിയിട്ടുണ്ട്.
പാസഞ്ചർ സർവീസ് ഔദ്യോഗികമായി ആരംഭിക്കുന്നതിന് മുമ്പ് തന്നെ 10,000-ത്തിലധികം ടിക്കറ്റുകൾ വിറ്റഴിഞ്ഞതായും സർവീസിന് മികച്ച പ്രതികരണമാണ് ലഭിക്കുന്നതെന്നും കമ്പനി അറിയിച്ചു. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

കോഫി ലോകത്ത് പുതിയ ഹീറോ; ഐസ്ഡ് ലാറ്റെയെ പിന്തള്ളി യു എയിൽ യുവാക്കൾക്കിടയിൽ തരം​ഗമായി ഡേർട്ടി എസ്പ്രസ്സോ കോഫി

UAE Greeshma Staff Editor — July 18, 2026 · 0 Comment

Dirty Espresso UAE : ദുബായ്, ജൂലൈ 18: യുഎഇയിലെ കാപ്പി പ്രേമികൾക്കിടയിൽ പുതിയൊരു കോഫി ട്രെൻഡിന് വലിയ സ്വീകാര്യത ലഭിക്കുകയാണ്. സാധാരണ ഐസ്ഡ് ലാറ്റെയ്ക്ക് പകരം ഇപ്പോൾ പലരും തിരഞ്ഞെടുക്കുന്നത് ‘ഡേർട്ടി എസ്പ്രസ്സോ’ എന്ന പ്രത്യേക കോഫി പാനീയമാണ്.പേരിൽ “ഡേർട്ടി” ഉണ്ടെങ്കിലും ഇത് ഒരു പ്രത്യേക രീതിയിൽ തയ്യാറാക്കുന്ന കോഫിയാണ്. തണുത്ത പാലിന് മുകളിലേക്ക് ചൂടുള്ള എസ്പ്രസ്സോ ഒഴിച്ചാണ് ഇത് തയ്യാറാക്കുന്നത്. ഇതിലൂടെ കോഫിയിൽ മനോഹരമായ പാളികൾ രൂപപ്പെടുകയും ഓരോ സിപ്പിലും വ്യത്യസ്തമായ രുചി അനുഭവപ്പെടുകയും ചെയ്യുന്നു.

അബുദാബിയിലെ Between Two Palms എന്ന ഹോം കഫേയുടെ ഉടമകൾ പറയുന്നതനുസരിച്ച്, യുവതലമുറയ്ക്ക് വെറും കോഫി കുടിക്കുക മാത്രമല്ല, പുതിയൊരു അനുഭവം ആസ്വദിക്കാനാണ് കൂടുതൽ താൽപര്യം. ആദ്യ സിപ്പിലെ രുചി വ്യത്യാസമാണ് ഈ പാനീയത്തിന്റെ പ്രധാന ആകർഷണമെന്നും അവർ പറയുന്നു.ദുബായിലെ Brewed എന്ന ഹോം കഫേയും സമാന അനുഭവമാണ് പങ്കുവെക്കുന്നത്. ആദ്യം ഒരു ദിവസത്തെ സ്പെഷ്യലായി അവതരിപ്പിച്ച ഡേർട്ടി എസ്പ്രസ്സോയ്ക്ക് മികച്ച പ്രതികരണം ലഭിച്ചതോടെ അത് സ്ഥിരം മെനുവിൽ ഉൾപ്പെടുത്തുകയായിരുന്നു. പിന്നീട് സിനമൺ റോൾ ഡേർട്ടി, കുക്കി മോൺസ്റ്റർ ഡേർട്ടി തുടങ്ങിയ പുതിയ രുചികളും അവതരിപ്പിച്ചു.

TikTok, Instagram പോലുള്ള സോഷ്യൽ മീഡിയ പ്ലാറ്റ്‌ഫോമുകളാണ് ഈ കോഫി ട്രെൻഡിനെ കൂടുതൽ ജനപ്രിയമാക്കിയത്. തണുത്ത പാലിലേക്ക് എസ്പ്രസ്സോ ഒഴിക്കുന്ന ദൃശ്യങ്ങൾ ലക്ഷക്കണക്കിന് ആളുകൾ കണ്ടതോടെ നിരവധി പേർ ഈ പാനീയം പരീക്ഷിക്കാൻ കഫേകളിലെത്തുന്നുവെന്ന് കഫേ ഉടമകൾ പറയുന്നു.പല സ്ഥിരം ഉപഭോക്താക്കളും ഇപ്പോൾ ഐസ്ഡ് ലാറ്റെയ്ക്ക് പകരം ഡേർട്ടി എസ്പ്രസ്സോയാണ് ഓർഡർ ചെയ്യുന്നതെന്നും കഫേകൾ പറയുന്നു. കൂടുതൽ ക്രീമിയായ രുചിയും വ്യത്യസ്തമായ അനുഭവവുമാണ് ഇതിന് കാരണം.

ഡേർട്ടി എസ്പ്രസ്സോ ഒരു താൽക്കാലിക സോഷ്യൽ മീഡിയ ട്രെൻഡ് മാത്രമല്ലെന്നും, മികച്ച രുചിയും ഗുണനിലവാരവും കാരണം ഇത് ഇനി യുഎഇയിലെ കോഫി സംസ്കാരത്തിന്റെ സ്ഥിരം ഭാഗമാകുമെന്നുമാണ് കഫേ ഉടമകളുടെ വിലയിരുത്തൽ.കോഫി പ്രേമികൾക്ക് ഈ പുതിയ ട്രെൻഡ് പരീക്ഷിക്കാൻ താൽപര്യമുണ്ടെങ്കിൽ ആദ്യം ക്ലാസിക് ഡേർട്ടി എസ്പ്രസ്സോയിൽ നിന്ന് തുടങ്ങാമെന്നാണ് വിദഗ്ധരുടെ നിർദേശം. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

യുഎഇയിൽ ജോലി തേടുന്നവർ ജാഗ്രത! വ്യാജ വിസ ഓഫറുകളെക്കുറിച്ച് ദുബായ് പോലീസിന്റെ മുന്നറിയിപ്പ്

UAE Greeshma Staff Editor — July 18, 2026 · 0 Comment

ദുബായ്, ജൂലൈ 18: ജോലി, റെസിഡൻസ് വിസ, വിസിറ്റ് വിസ എന്നിവ വാഗ്ദാനം ചെയ്ത് പണം തട്ടുന്ന വ്യാജ പരസ്യങ്ങളെയും സന്ദേശങ്ങളെയും കുറിച്ച് ദുബായ് പോലീസിന്റെ ആന്റി-ഫ്രോഡ് സെന്റർ പൊതുജനങ്ങൾക്ക് മുന്നറിയിപ്പ് നൽകി.സോഷ്യൽ മീഡിയ, വാട്ട്സ്ആപ്പ്, മറ്റ് മെസേജിംഗ് ആപ്പുകൾ എന്നിവ വഴിയാണ് ഇത്തരം തട്ടിപ്പ് സന്ദേശങ്ങൾ കൂടുതലായും പ്രചരിക്കുന്നതെന്ന് അധികൃതർ അറിയിച്ചു. ലൈസൻസില്ലാത്ത കമ്പനികളുടെ പേരിലോ സർക്കാർ സ്ഥാപനങ്ങളുടെ പേരിൽ വ്യാജമായി അഭിനയിച്ചോ ആളുകളിൽ നിന്ന് പണം തട്ടാനുള്ള ശ്രമങ്ങളാണ് നടക്കുന്നതെന്നും മുന്നറിയിപ്പിൽ പറയുന്നു.

ദുബായ് പോലീസിന്റെ “Beware of Fraud” (വഞ്ചനയിൽ ജാഗ്രത പാലിക്കുക) എന്ന ബോധവത്കരണ ക്യാമ്പയിന്റെ ഭാഗമായാണ് ഈ മുന്നറിയിപ്പ്.

എല്ലാ വിസ നടപടികളും അംഗീകൃത സർക്കാർ സംവിധാനങ്ങളിലൂടെയോ നിയമപരമായി അംഗീകൃത ടൈപ്പിംഗ് സെന്ററുകളിലൂടെയോ മാത്രമേ നടത്താവൂ എന്നും, ഇടനിലക്കാരെയോ സ്ഥിരീകരിക്കാത്ത വ്യക്തികളെയോ സ്ഥാപനങ്ങളെയോ വിശ്വസിച്ച് പണം കൈമാറരുതെന്നും ദുബായ് പോലീസ് വ്യക്തമാക്കി.വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ജോലിയോ വിസയോ സംബന്ധിച്ച ഏതെങ്കിലും ഓഫർ ലഭിച്ചാൽ, അത് സ്വീകരിക്കുന്നതിന് മുമ്പ് ഔദ്യോഗിക മാർഗങ്ങളിലൂടെ വിവരങ്ങൾ പരിശോധിക്കണമെന്നും അധികൃതർ നിർദേശിച്ചു.വ്യാജ ജോലി വാഗ്ദാനങ്ങളും വിസ ഓഫറുകളും ഉപയോഗിച്ച് നിരവധി പേരാണ് തട്ടിപ്പിന് ഇരയാകുന്നതെന്നും, ഇത്തരം തട്ടിപ്പുകളിൽ നിന്ന് രക്ഷപ്പെടാൻ ബോധവൽക്കരണവും വിവരങ്ങളുടെ പരിശോധനയും തന്നെയാണ് ഏറ്റവും വലിയ പ്രതിരോധം എന്നും ആന്റി-ഫ്രോഡ് സെന്റർ അറിയിച്ചു.

നിയമവിരുദ്ധമായ രീതിയിൽ ജോലി അല്ലെങ്കിൽ വിസ വാഗ്ദാനം ചെയ്യുന്ന പരസ്യങ്ങളിലും സന്ദേശങ്ങളിലും വിശ്വസിക്കാതെ ജാഗ്രത പാലിക്കണമെന്നും, സംശയാസ്പദമായ ഓഫറുകൾ ലഭിച്ചാൽ ഉടൻ ബന്ധപ്പെട്ട അധികൃതരെ അറിയിക്കണമെന്നും ദുബായ് പോലീസ് പൊതുജനങ്ങളോട് അഭ്യർഥിച്ചു. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

150 more smart radars on Dubai roads ട്രാഫിക് നിയമം ലംഘിച്ചാല്‍ പണി ഉറപ്പ്; കൂടുതല്‍ സ്മാര്‍ട്ട് റഡാറുകളുമായി ദുബായിലെ ട്രാഫിക് പോലീസ്

UAE Merlin Staff Editor — July 18, 2026 · 0 Comment

150 more smart radars on Dubai roads ദുബായ്: റോഡുകളില്‍ സുരക്ഷ വര്‍ധിപ്പിക്കുന്നതിനായി 150 അത്യാധുനിക സ്മാര്‍ട്ട് റഡാറുകള്‍ സ്ഥാപിച്ചതായി ദുബായ് പോലീസ് ട്രാഫിക് വിഭാഗം ഡയറക്ടര്‍ ബ്രിഗേഡിയര്‍ ജുമാ സലീം ബിന്‍ സുവൈദാന്‍ അറിയിച്ചു.

2020 ല്‍ ആരംഭിച്ച ഈ പദ്ധതി റോഡപകടങ്ങളും മരണനിരക്കും കുറക്കുന്നതില്‍ വലിയ പങ്കുവഹിക്കുന്നുണ്ട്. വേഗപരിധി ലംഘിക്കുന്നത് കണ്ടുപിടിക്കുന്നതിനൊപ്പം, വരി മാറുന്നത്, മൊബൈല്‍ ഉപയോഗം, സീറ്റ് ബെല്‍റ്റ് ധരിക്കാതിരിക്കല്‍ തുടങ്ങിയ നിയമലംഘനങ്ങളും ഇവ കൃത്യമായി കണ്ടെത്തുന്നു.

അനാവശ്യമായി റോഡിന് നടുവില്‍ വാഹനം നിര്‍ത്തുക, കാല്‍നടയാത്രക്കാര്‍ക്ക് മുന്‍ഗണന നല്‍കാതിരിക്കുക, വാഹനം തൊട്ടുരുമ്മി ഓടിക്കുക, ഗതാഗതം തടസ്സപ്പെടുത്തുക എന്നിവയും ഈ സ്മാര്‍ട്ട് കാമറകള്‍ നിരീക്ഷിക്കും. തുടക്കത്തില്‍ ഇത്തരം നിയമ ലംഘനങ്ങള്‍ കൂടുതല്‍ റിപ്പോര്‍ട്ട് ചെയ്തിരുന്നു. എന്നാല്‍, ആളുകള്‍ നിയമങ്ങള്‍ പാലിക്കാന്‍ തുടങ്ങിയതോടെ ലംഘനങ്ങളുടെ എണ്ണം വളരെ കുറഞ്ഞിട്ടുണ്ട്.

കൂടുതല്‍ അപകടങ്ങള്‍ നടക്കുന്ന പ്രധാന റോഡുകളിലും ജനവാസ മേഖലകളിലും സ്മാര്‍ട്ട് റഡാറുകളുടെ സാന്നിധ്യം ശക്തമാക്കാനാണ് തീരുമാനം. വിവിധ റിയല്‍ എസ്റ്റേറ്റ് കമ്പനികളുമായി സഹകരിച്ച് റെസിഡന്‍ഷ്യല്‍ കമ്യൂണിറ്റികളിലും ടൂറിസ്റ്റ് കേന്ദ്രങ്ങളിലും കൂടുതല്‍ കാമറകള്‍ സ്ഥാപിച്ചു വരുന്നുണ്ട്. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക