ദുബായ്∙ പരിചയക്കാരനല്ലേ എന്ന വിശ്വാസത്തിൽ സ്വന്തം എമിറേറ്റ്സ് ഐഡി മറ്റൊരാൾക്ക് ഉപയോഗിക്കാൻ നൽകിയ മലയാളി യുവതിക്ക് കിട്ടിയത് ‘എട്ടിന്റെ പണി’. ദുബായിലെ ഇൻഫ്ലുവൻസറായ ആഷ് ദേവ് റിയാസാണ് തനിക്കുണ്ടായ ദുരനുഭവം സമൂഹമാധ്യമത്തിലൂടെ വെളിപ്പെടുത്തി രംഗത്ത് വന്നിരിക്കുന്നത്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

എമിറേറ്റ്സ് ഐഡി ലഭിച്ച ആദ്യകാലത്താണ് സംഭവം നടന്നതെന്ന് യുവതി പറയുന്നു. ഐഡിയുടെ നിയമപരമായ പ്രാധാന്യത്തെക്കുറിച്ചോ അത് മറ്റൊരാൾക്ക് ഉപയോഗിക്കാൻ നൽകാൻ പാടില്ലെന്നതിനെക്കുറിച്ചോ അന്ന് വ്യക്തമായ ധാരണ ഉണ്ടായിരുന്നില്ല. അതിനിടെ പരിചയമുള്ള ഒരാൾ പുതിയ ഫ്ലാറ്റിലേക്ക് ഹോം ഇന്റർനെറ്റ് കണക്ഷൻ എടുക്കാൻ എമിറേറ്റ്സ് ഐഡി വേണമെന്ന് ആവശ്യപ്പെട്ടത്. വിശ്വാസത്തിന്റെ പേരിൽ യുവതി സ്വന്തം ഐഡി കൈമാറി. അതുപയോഗിച്ചാണ് അയാൾ ഇന്റർനെറ്റ് കണക്ഷൻ എടുത്തത്.

പിന്നീട് യുവതി താമസസ്ഥലം മാറുകയും ഇന്റർനെറ്റ് കണക്ഷൻ എടുത്തവർ ആ ഫ്ലാറ്റ് ഒഴിഞ്ഞുപോവുകയും ചെയ്തു. എന്നാൽ മൂന്ന് വർഷങ്ങൾക്ക് ശേഷം മറ്റൊരു ആവശ്യത്തിനായി യുവതി സ്വന്തം എമിറേറ്റ്സ് ഐഡി ഉപയോഗിച്ച് ഒരു സിം കാർഡ് എടുത്തു. സിമ്മുമായി ബന്ധപ്പെട്ട മൊബൈൽ ആപ്ലിക്കേഷൻ ഇൻസ്റ്റാൾ ചെയ്ത് പരിശോധിച്ചപ്പോൾ അക്കൗണ്ടിൽ 1,797.95 ദിർഹത്തിന്റെ കുടിശ്ശിക രേഖപ്പെടുത്തിയിരിക്കുന്നത് കണ്ടു.

എന്താണ് എമിറേറ്റ്സ് ഐഡി കാർഡ്?

എമിറേറ്റ്‌സ് ഐഡി കാർഡ് എന്നത് യുഎഇ ഗവൺമെന്‍റ് രാജ്യത്തെ പൗരന്മാർക്കും താമസക്കാർക്കും രാജ്യത്തെ ഐഡന്‍റിറ്റിയുടെയും റസിഡൻസി സ്റ്റാറ്റസിന്‍റെയും തെളിവായി നൽകുന്ന ഒരു തിരിച്ചറിയൽ കാർഡാണ്. എമിറേറ്റ്സ് ഐഡന്‍റിറ്റി അതോറിറ്റി (EIDA) ആണ് എമിറേറ്റ്സ് ഐഡി കാർഡ് നൽകുന്നത്. യുഎഇയിലെ ദേശീയ ഐഡന്‍റിറ്റി സിസ്റ്റം കൈകാര്യം ചെയ്യുന്നതിനുള്ള ഉത്തരവാദിത്തമുള്ള സർക്കാർ സ്ഥാപനമാണ് എമിറേറ്റ്സ് ഐഡി അതോറിറ്റി. കാർഡിൽ ഉടമയുടെ ബയോമെട്രിക് വിവരങ്ങളായ ഫോട്ടോ, വിരലടയാളം, ഒപ്പ് എന്നിവയും പേര്, ജനനത്തീയതി പോലുള്ള വ്യക്തിഗത വിവരങ്ങളും ഉൾപ്പെടുന്നു.

താൻ ഉപയോഗിക്കാത്ത സിമ്മിന് എങ്ങനെയാണ് ഇത്രയും തുക വന്നതെന്ന് അറിയാൻ ടെലികോം അധികൃതരുമായി ബന്ധപ്പെട്ടപ്പോഴാണ് പഴയ ‘സഹായത്തിന്റെ’ കഥ പുറത്തുവരുന്നത്. ഇത് മൊബൈൽ ബില്ലല്ലെന്നും, വർഷങ്ങൾക്ക് മുമ്പ് എടുത്ത ഹോം ഇന്റർനെറ്റ് കണക്ഷന്റെ കുടിശ്ശികയാണെന്നും അധികൃതർ വ്യക്തമാക്കി. തുടർന്ന് യുവതി ബിൽ അടയ്ക്കാതെ പോയ പരിചയക്കാരനെ ബന്ധപ്പെടാൻ ശ്രമിച്ചു. എന്നാൽ ആദ്യം തന്നെ യുവതിയെ അറിയില്ലെന്ന നിലപാടാണ് ഇയാൾ സ്വീകരിച്ചത്. പിന്നീട് യുവതി കള്ളം പറയുകയാണെന്ന് വരുത്തിത്തീർക്കാനും ശ്രമിച്ചതായി യുവതി പറയുന്നു.

UAE worker accommodation rules യുഎഇയിൽ തൊഴിലാളികൾക്ക് വൻ ആശ്വാസം; ക്യാമ്പുകളിൽ ഇനി സൗജന്യ വൈഫൈയും 24 മണിക്കൂർ ക്ലിനിക്കും

UAE June 24, 2026

UAE worker accommodation rules യുഎഇയിൽ തൊഴിലാളികളുടെ ക്ഷേമം മെച്ചപ്പെടുത്തുന്നതിനായി പുതിയ മാർഗ്ഗനിർദ്ദേശങ്ങൾ പുറത്തിറക്കി. തൊഴിലാളി താമസകേന്ദ്രങ്ങളിലെ സുരക്ഷ, ശുചിത്വം, ആരോഗ്യസൗകര്യങ്ങൾ എന്നിവ ഉയർത്തുന്നതാണ് പുതിയ നിയമങ്ങളുടെ ലക്ഷ്യം.

പുതിയ നിർദേശങ്ങൾ പ്രകാരം, തൊഴിലാളി താമസകേന്ദ്രങ്ങൾ കുടുംബങ്ങൾ താമസിക്കുന്ന പ്രദേശങ്ങളിൽ നിന്ന് കുറഞ്ഞത് അഞ്ച് കിലോമീറ്റർ അകലെയായിരിക്കണം. വെള്ളപ്പൊക്ക സാധ്യതയുള്ളതോ മലിനീകരണം കൂടുതലുള്ളതോ ആയ സ്ഥലങ്ങളിൽ പുതിയ ക്യാമ്പുകൾ അനുവദിക്കില്ല.

ആയിരത്തിലധികം തൊഴിലാളികൾ താമസിക്കുന്ന ക്യാമ്പുകളിൽ 24 മണിക്കൂറും പ്രവർത്തിക്കുന്ന ക്ലിനിക്കുകൾ നിർബന്ധമാക്കും. കൂടാതെ എല്ലാ തൊഴിലാളികൾക്കും സൗജന്യ ഇന്റർനെറ്റ് സൗകര്യം ലഭ്യമാക്കണമെന്നും നിർദേശമുണ്ട്.

കായിക-വിനോദ സൗകര്യങ്ങൾ, ബാങ്കിംഗ് കിയോസ്കുകൾ, ആവശ്യമായ പാർക്കിംഗ് സൗകര്യങ്ങൾ എന്നിവയും ക്യാമ്പുകളിൽ ഒരുക്കണം. ശമ്പളവും മറ്റ് സാമ്പത്തിക ഇടപാടുകളും എളുപ്പമാക്കുന്നതിനാണ് ബാങ്കിംഗ് സേവനങ്ങൾ ഉൾപ്പെടുത്തുന്നത്.

അടിയന്തര സാഹചര്യങ്ങളിൽ ആംബുലൻസിനും സിവിൽ ഡിഫൻസ് വാഹനങ്ങൾക്കും എളുപ്പത്തിൽ എത്തിച്ചേരാൻ ആവശ്യമായ റോഡ് സൗകര്യങ്ങളും ഉറപ്പാക്കണം. എല്ലാ താമസകേന്ദ്രങ്ങൾക്കും ബന്ധപ്പെട്ട സർക്കാർ വകുപ്പുകളുടെ അനുമതിയും നിർബന്ധമാണ്.

തൊഴിലാളികളുടെ ജീവിതനിലവാരം ഉയർത്തുന്നതിനൊപ്പം അവരുടെ മാനസികവും സാമൂഹികവുമായ ക്ഷേമവും മെച്ചപ്പെടുത്തുകയാണ് പുതിയ നടപടികളുടെ ലക്ഷ്യമെന്ന് അധികൃതർ വ്യക്തമാക്കി. അവധി ദിവസങ്ങളിൽ വിനോദ പരിപാടികൾ സംഘടിപ്പിക്കാനും തൊഴിലാളികൾക്ക് മികച്ച താമസ അന്തരീക്ഷം ഒരുക്കാനും തൊഴിലുടമകൾക്ക് നിർദേശം നൽകിയിട്ടുണ്ട്.

രാജ്യത്തിന്റെ വികസനത്തിൽ തൊഴിലാളികളുടെ പങ്ക് നിർണായകമാണെന്നും അതിനാൽ ലോകോത്തര നിലവാരത്തിലുള്ള തൊഴിലാളി ക്ഷേമ സംവിധാനങ്ങളാണ് യുഎഇ നടപ്പിലാക്കുന്നതെന്നും അധികൃതർ വ്യക്തമാക്കി.

ഇത്തിഹാദ് റെയിൽ സർവീസ് ഈ ​ദിവസം മുതൽ ; ഉദ്ഘാടന ദിവസത്തെ ടിക്കറ്റുകൾ വിറ്റുതീർന്നു, ടിക്കറ്റ് നിരക്കിൽ ഈ വിഭാ​ഗക്കാർക്ക് ഇളവുകൾ

UAE Greeshma Staff Editor — June 24, 2026 · 0 Comment

Etihad Rail Passenger Service ദുബായ്: യുഎഇയുടെ ഏറെ പ്രതീക്ഷയോടെ കാത്തിരുന്ന പാസഞ്ചർ ട്രെയിൻ സർവീസായ ഇത്തിഹാദ് റെയിൽ ജൂൺ 30 മുതൽ അബുദാബിയെയും ഫുജൈറയെയും ബന്ധിപ്പിച്ച് സർവീസ് ആരംഭിക്കും. ഉദ്ഘാടന ദിവസത്തേക്കുള്ള ടിക്കറ്റുകൾ ഇതിനോടകം വിറ്റുതീർന്നതായി അധികൃതർ അറിയിച്ചു.

സർവീസ് ആരംഭിക്കുന്നതിന്റെ ഭാഗമായി യാത്രക്കാർക്ക് ടിക്കറ്റ് നിരക്കിൽ 50 ശതമാനം വരെ ഇളവും പ്രഖ്യാപിച്ചിട്ടുണ്ട്. കുട്ടികൾ, മുതിർന്ന പൗരന്മാർ, ശിശുക്കൾ എന്നിവർക്കായി പ്രത്യേക നിരക്കുകളും ലഭ്യമാണ്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ടിക്കറ്റ് നിരക്കുകൾ

മുതിർന്നവർക്ക്
സ്റ്റാൻഡേർഡ് ക്ലാസിൽ ഒരു വൺവേ ടിക്കറ്റിന് നിലവിൽ 55 ദിർഹമാണ് നിരക്ക്. പ്രീമിയം ക്ലാസ് ടിക്കറ്റിന് 180 ദിർഹം നൽകണം.

17 വയസ്സിന് താഴെയുള്ള കുട്ടികൾക്ക്
മുതിർന്നവർക്കൊപ്പം യാത്ര ചെയ്യുമ്പോൾ ഇളവുള്ള നിരക്കിൽ ടിക്കറ്റ് ലഭിക്കും. കുട്ടികൾക്ക് ഒറ്റയ്ക്ക് ടിക്കറ്റ് ബുക്ക് ചെയ്യാനാവില്ല.

രണ്ട് വയസ്സിന് താഴെയുള്ള കുട്ടികൾക്ക്
മുതിർന്നവരുടെ മടിയിൽ ഇരുന്ന് യാത്ര ചെയ്യുന്ന ഒരു കുഞ്ഞിന് സൗജന്യ യാത്ര അനുവദിക്കും.

60 വയസും അതിൽ കൂടുതലുമുള്ളവർക്ക്
മുതിർന്ന പൗരന്മാർക്ക് സ്റ്റാൻഡേർഡ് ക്ലാസിൽ 44 ദിർഹത്തിനും പ്രീമിയം ക്ലാസിൽ 96 ദിർഹത്തിനും യാത്ര ചെയ്യാം.

യാത്രാ ക്ലാസുകൾ

പ്രീമിയം ക്ലാസ്
കൂടുതൽ സൗകര്യമുള്ള സീറ്റുകൾ, സൗജന്യ വൈ-ഫൈ, ചാർജിങ് പോർട്ടുകൾ, ലഘുഭക്ഷണങ്ങൾ, പാനീയങ്ങൾ എന്നിവ ലഭിക്കും.

കംഫർട്ട് ക്ലാസ്
സൗജന്യ വൈ-ഫൈ, ചാർജിങ് സൗകര്യം, ഭക്ഷണ-പാനീയ സേവനങ്ങൾ എന്നിവ ലഭ്യമാകും.

ടിക്കറ്റ് ഓപ്ഷനുകൾ

സേവർ ടിക്കറ്റ്
കുറഞ്ഞ നിരക്കിലുള്ള ടിക്കറ്റാണിത്. റദ്ദാക്കാനോ മാറ്റങ്ങളോ അനുവദിക്കില്ല.

വാല്യു ടിക്കറ്റ്
പുറപ്പെടുന്നതിന് 72 മണിക്കൂർ മുമ്പ് വരെ സൗജന്യമായി മാറ്റം വരുത്താം.

ഫ്ലെക്സ് ടിക്കറ്റ്
പരമാവധി സൗകര്യങ്ങളുള്ള ടിക്കറ്റാണിത്. യാത്രയ്ക്ക് മുമ്പ് മാറ്റങ്ങളോ റദ്ദാക്കലുകളോ ചെയ്യാനും ചില സാഹചര്യങ്ങളിൽ റീഫണ്ട് ലഭിക്കാനും കഴിയും.

ടിക്കറ്റ് ബുക്കിങ്

ഇത്തിഹാദ് റെയിൽ വെബ്സൈറ്റ്, മൊബൈൽ ആപ്പ്, സ്റ്റേഷൻ ടിക്കറ്റ് മെഷീനുകൾ, ഉപഭോക്തൃ സേവന കേന്ദ്രങ്ങൾ എന്നിവ വഴി ടിക്കറ്റുകൾ ബുക്ക് ചെയ്യാം.

യാത്രാ പദ്ധതികളിൽ മാറ്റമുണ്ടെങ്കിൽ ടിക്കറ്റ് ഭേദഗതി ചെയ്യാനോ റദ്ദാക്കാനോ സൗകര്യമുണ്ടെങ്കിലും പുറപ്പെടുന്ന സ്റ്റേഷനും ലക്ഷ്യസ്ഥാനവും പിന്നീട് മാറ്റാൻ കഴിയില്ലെന്ന് അധികൃതർ അറിയിച്ചു.

യുഎഇയിലെ പൊതുഗതാഗത രംഗത്ത് വലിയ മാറ്റമുണ്ടാക്കുമെന്ന് പ്രതീക്ഷിക്കുന്ന ഇത്തിഹാദ് റെയിൽ സർവീസിന് യാത്രക്കാരിൽ നിന്ന് മികച്ച പ്രതികരണമാണ് ലഭിക്കുന്നത്.

ഷാർജയിൽ പാർക്കിംഗ് ഫീസ് സമയം അർധരാത്രിവരെ; പുതിയ നിയമം ജൂലൈ 1 മുതൽ

UAE Greeshma Staff Editor — June 24, 2026 · 0 Comment

Sharjah paid parking hours : ഷാർജയിൽ പാർക്കിംഗ് ഫീസ് സമയം അർധരാത്രിവരെ; പുതിയ നിയമം ജൂലൈ 1 മുതൽ ഷാർജയിൽ പൊതുപാർക്കിംഗ് ഉപയോഗിക്കുന്നവർക്ക് പ്രധാന അറിയിപ്പ്. എമിറേറ്റിലുടനീളമുള്ള പണമടച്ചുള്ള (Paid Parking) പാർക്കിംഗ് മേഖലകളിലെ ഫീസ് ഈടാക്കുന്ന സമയം അർധരാത്രിവരെ നീട്ടിയതായി ഷാർജ മുനിസിപ്പാലിറ്റി അറിയിച്ചു.പുതിയ നിയമം ജൂലൈ 1 മുതൽ പ്രാബല്യത്തിൽ വരും. ഇതോടെ ഷാർജ നഗരം, കൽബ, ഖോർഫക്കാൻ, അൽ ദൈദ് എന്നിവിടങ്ങളിലെ എല്ലാ പെയ്ഡ് പാർക്കിംഗ് സോണുകളിലും രാവിലെ 8 മണി മുതൽ രാത്രി 12 മണിവരെ പാർക്കിംഗ് ഫീസ് ബാധകമാകും.

മുമ്പ് മഞ്ഞ നിറത്തിലുള്ള ബോർഡുകളുള്ള പാർക്കിംഗ് മേഖലകളിൽ ഫീസ് സമയം കുറവായിരുന്നു. പുതിയ തീരുമാനത്തോടെ മഞ്ഞയും നീലയും അടയാളപ്പെടുത്തിയ എല്ലാ പെയ്ഡ് പാർക്കിംഗ് മേഖലകളിലും ഒരേ സമയക്രമം നിലവിൽ വരും.എന്നാൽ വെള്ളിയാഴ്ചകളിലും ഔദ്യോഗിക പൊതുഅവധി ദിവസങ്ങളിലും പൊതുപാർക്കിംഗ് സൗജന്യമായി തുടരും. അവധി ദിവസങ്ങളിലും ആഴ്ചയിൽ ഏഴ് ദിവസവും ഫീസ് ഈടാക്കുന്ന പ്രത്യേക പാർക്കിംഗ് മേഖലകൾക്ക് ഈ ഇളവ് ബാധകമല്ല.

എമിറേറ്റിൽ പാർക്കിംഗ് ആവശ്യകത വർധിച്ചതും നഗര, ജനസംഖ്യ, ടൂറിസം വളർച്ചയും കണക്കിലെടുത്താണ് പുതിയ തീരുമാനം സ്വീകരിച്ചതെന്ന് ഷാർജ മുനിസിപ്പാലിറ്റി അധികൃതർ വ്യക്തമാക്കി.നിലവിൽ ഷാർജയിൽ ഏകദേശം 1.24 ലക്ഷം പെയ്ഡ് പാർക്കിംഗ് സ്ഥലങ്ങളുണ്ട്. പുതിയ സമയക്രമം നടപ്പിലാക്കിയാലും സീസണൽ പാർക്കിംഗ് സബ്സ്ക്രിപ്ഷൻ ഫീസിൽ വർധനയുണ്ടാകില്ലെന്നും അധികൃതർ അറിയിച്ചു.

രാത്രി സമയങ്ങളിൽ പാർക്കിംഗ് ലഭ്യത വർധിപ്പിക്കാനും ക്രമരഹിത പാർക്കിംഗ് കുറയ്ക്കാനും വ്യാപാര-വിനോദ മേഖലകളിലെ വാഹന തിരക്ക് നിയന്ത്രിക്കാനുമാണ് പുതിയ നടപടിയിലൂടെ ലക്ഷ്യമിടുന്നത്.

പാർക്കിംഗ് ഫീസ് എസ്‌എം‌എസ് സേവനം, ഡിജിറ്റൽ ഷാർജ ആപ്പ് എന്നിവ വഴി അടയ്ക്കാമെന്നും, സ്ഥിരമായി പാർക്കിംഗ് ഉപയോഗിക്കുന്നവർക്ക് സീസണൽ സബ്സ്ക്രിപ്ഷൻ സൗകര്യവും ലഭ്യമാണെന്നും മുനിസിപ്പാലിറ്റി അറിയിച്ചു.