Whale shark sighting Dubai coast UAE : ദുബായ്: ദുബായ് നഗരത്തിലെ തിരക്കേറിയ തീരപ്രദേശത്ത് കടൽ അതിഥിയായി ഭീമൻ തിമിംഗല സ്രാവ് (Whale Shark) എത്തിയതിന്റെ അപൂർവ്വ ദൃശ്യങ്ങൾ സോഷ്യൽ മീഡിയയിൽ തരംഗമാകുന്നു. പ്രശസ്തമായ ജുമൈറ ഫിഷിംഗ് ഹാർബറിലെ ‘3 ഫിൽസ്’ (3 Fils) റെസ്റ്റോറന്റിന് സമീപമാണ് ഈ അപൂർവ്വ പ്രതിഭാസം ദൃശ്യമായത്. റെസ്റ്റോറന്റ് അധികൃതർ തങ്ങളുടെ ഔദ്യോഗിക ഇൻസ്റ്റാഗ്രാം പേജിലൂടെ പങ്കുവെച്ച വീഡിയോ ഇതിനകം തന്നെ ലക്ഷക്കണക്കിന് ആളുകളാണ് കണ്ടത്.

“അപ്രതീക്ഷിത സന്ദർശകൻ! പോൾക്ക തിമിംഗല സ്രാവ്” (Unexpected visitor! Polka whale shark) എന്ന കൗതുകകരമായ അടിക്കുറിപ്പോടെയാണ് പിയറിനടുത്തുള്ള തെളിഞ്ഞ വെള്ളത്തിലൂടെ ഈ വലിയ പുള്ളി മത്സ്യം ശാന്തമായി തെന്നിനീങ്ങുന്ന വീഡിയോ റെസ്റ്റോറന്റ് ഇൻസ്റ്റാഗ്രാം സ്റ്റോറിയായി പോസ്റ്റ് ചെയ്തത്.

ഓൺലൈനിൽ തരംഗമായി ദൃശ്യങ്ങൾ

തിങ്കളാഴ്ച സോഷ്യൽ മീഡിയയിൽ പ്രത്യക്ഷപ്പെട്ട വീഡിയോ വളരെ പെട്ടെന്നാണ് യുഎഇയിലെ പ്രവാസികൾ ഉൾപ്പെടെയുള്ള കടൽ പ്രേമികൾക്കിടയിൽ ശ്രദ്ധ പിടിച്ചുപറ്റിയത്. തിമിംഗല സ്രാവുകളുടെ പ്രധാന സവിശേഷതകളായ വെളുത്ത പാടുകളും (White Spots) പരന്ന വീതിയേറിയ തലയും ദൃശ്യങ്ങളിൽ വളരെ വ്യക്തമായി കാണാം. വീഡിയോ കൃത്യമായി ഏത് സമയത്ത് റെക്കോർഡ് ചെയ്തതാണെന്ന് അധികൃതർ വ്യക്തമാക്കിയിട്ടില്ലെങ്കിലും, ജുമൈറ തീരത്ത് ഭക്ഷണം കഴിക്കാനെത്തിയവർക്കും വഴിയാത്രക്കാർക്കും ഈ ദൃശ്യം കൺകുളിർക്കുന്ന കാഴ്ചയായി മാറി. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

യുഎഇ ജലാശയങ്ങളിലെ സാന്നിധ്യം

ലോകത്തിലെ തന്നെ ഏറ്റവും വലിയ മത്സ്യ ഇനങ്ങളിൽ ഒന്നാണ് തിമിംഗല സ്രാവുകൾ. ഇവ വലിപ്പത്തിൽ ഭീമന്മാരാണെങ്കിലും മനുഷ്യർക്ക് ഒട്ടും ദോഷകരമല്ലാത്ത സൌമ്യ സ്വഭാവമുള്ള ജീവികളായാണ് കണക്കാക്കപ്പെടുന്നത്. യുഎഇ ജലാശയങ്ങളിൽ, പ്രത്യേകിച്ച് ഒമാൻ കടലിടുക്കിലും അറേബ്യൻ ഗൾഫ് തീരങ്ങളിലും ഇവയുടെ സാന്നിധ്യം മുൻപും റിപ്പോർട്ട് ചെയ്യപ്പെട്ടിട്ടുണ്ട്. കടലിലെ പ്ലവകങ്ങളും ചെമ്മീൻ വർഗ്ഗങ്ങളും (Plankton and krill) തേടിയാണ് ഇവ സാധാരണയായി തീരപ്രദേശങ്ങളിലേക്ക് ആകർഷിക്കപ്പെടുന്നത്.

തുറന്ന കടലിൽ ഇവയെ കണ്ടെത്തുന്നത് സാധാരണമാണെങ്കിലും, ജുമൈറ ഹാർബർ പോലെ മനുഷ്യസാന്നിധ്യവും ബോട്ടുകളുടെ തിരക്കുമുള്ള ഒരു കമേർഷ്യൽ റെസ്റ്റോറന്റ് പരിസരത്ത് ഇവയെ കാണുന്നത് താരതമ്യേന വളരെ അപൂർവ്വമാണ്. യുഎഇയുടെ സമുദ്ര ആവാസവ്യവസ്ഥയുടെ ആരോഗ്യകരമായ നിലനിൽപ്പിന്റെ തെളിവുകൂടിയാണ് ഇത്തരം ദൃശ്യങ്ങളെന്ന് പരിസ്ഥിതി പ്രവർത്തകർ വിലയിരുത്തുന്നു.

പ്രവാസികൾക്കും സഞ്ചാരികൾക്കും സന്തോഷവാർത്ത; ദുബൈ ടൂറിസ്റ്റ് വിസ ഇനി 48 മണിക്കൂറിനുള്ളിൽ ലഭിക്കും

UAE Nazia Staff Editor — June 9, 2026 · 0 Comment

ദുബൈ: യുഎഇയിലേക്ക് യാത്ര തിരിക്കാൻ ആഗ്രഹിക്കുന്നവർക്ക് വലിയ ആശ്വാസമേകുന്ന പ്രഖ്യാപനവുമായി ദുബൈ ഭരണകൂടം. ആവശ്യമായ രേഖകളെല്ലാം കൃത്യമായി സമർപ്പിച്ചാൽ അപേക്ഷ നൽകി വെറും 48 പ്രവൃത്തി മണിക്കൂറിനുള്ളിൽ സിംഗിൾ എൻട്രി ടൂറിസ്റ്റ് വിസകൾ അനുവദിച്ച് നൽകുമെന്ന് ദുബൈയിലെ ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്‌സ് അഫയേഴ്‌സ് (GDRFA) അറിയിച്ചു. അന്താരാഷ്ട്ര സന്ദർശകർക്ക് ദുബൈയിലേക്കുള്ള പ്രവേശന നടപടികൾ കൂടുതൽ ലളിതമാക്കുന്നതിന്റെ ഭാഗമായാണ് പുതിയ നീക്കം.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

നിലവിൽ സന്ദർശകർക്ക് 30 ദിവസത്തേക്കോ 60 ദിവസത്തേക്കോ സാധുതയുള്ള സിംഗിൾ എൻട്രി വിസകൾക്കായി ഈ വേഗതയേറിയ സംവിധാനത്തിലൂടെ അപേക്ഷിക്കാവുന്നതാണ്.

വിസയ്ക്ക് എങ്ങനെ അപേക്ഷിക്കാം?

ലളിതവും സുഗമവുമായ പ്രക്രിയയിലൂടെ യാത്രാപ്രേമികൾക്ക് വിസ സ്വന്തമാക്കാമെന്ന് ജിഡിആർഎഫ്എ (GDRFA) തങ്ങളുടെ ഔദ്യോഗിക ഇൻസ്റ്റാഗ്രാം അക്കൗണ്ടിലൂടെ വ്യക്തമാക്കി.

യാത്രാ നടപടികൾ എളുപ്പമാക്കുന്നതിനായി യുഎഇ ഭരണകൂടം തരംതിരിച്ചിട്ടുള്ള അംഗീകൃത ടൂർ ഓഫീസുകൾ/ട്രാവൽ ഏജൻസികൾ വഴി അപേക്ഷകർക്ക് വിസ നടപടികൾ പൂർത്തിയാക്കാവുന്നതാണ്.

അപേക്ഷ സമർപ്പിച്ച് കഴിഞ്ഞാൽ പ്രോസസ്സിംഗ് സമയം പരമാവധി 48 മണിക്കൂർ മാത്രമായിരിക്കും.

ആവശ്യമായ പ്രധാന രേഖകൾ എന്തൊക്കെ?

അതോറിറ്റിയുടെ മാർഗ്ഗനിർദ്ദേശ പ്രകാരം വിസ അപേക്ഷയ്ക്കൊപ്പം താഴെ പറയുന്ന രേഖകൾ സമർപ്പിക്കേണ്ടതുണ്ട്:

• അപേക്ഷകന്റെ പുതിയ പാസ്‌പോർട്ട് സൈസ് ഫോട്ടോ.
• പാസ്‌പോർട്ടിന്റെ വ്യക്തമായ പകർപ്പ് (Copy).
• ചില പ്രത്യേക രാജ്യങ്ങളിൽ നിന്നുള്ള പൗരന്മാർ ആണെങ്കിൽ, അവരുടെ മാതൃരാജ്യത്ത് നിന്നുള്ള ദേശീയ തിരിച്ചറിയൽ കാർഡ് (National ID).

ഈ ആവശ്യകതകളെല്ലാം പൂർത്തിയാക്കി അപേക്ഷ നൽകിയാൽ വളരെ ചുരുങ്ങിയ സമയത്തിനകം തന്നെ വിസ ലഭ്യമാകും.

ചിലർക്ക് വിസ ലഭിക്കുന്നത് വെറും 3 മണിക്കൂറിനുള്ളിൽ

എല്ലാ രേഖകളും കൃത്യമാണെങ്കിൽ ടൂറിസ്റ്റ് വിസകൾ മണിക്കൂറുകൾക്കകം തന്നെ അംഗീകരിക്കപ്പെടാറുണ്ടെന്ന് ദുബൈയിലെ പ്രമുഖ ട്രാവൽ ഏജൻസി പ്രതിനിധികൾ സാക്ഷ്യപ്പെടുത്തുന്നു. അപേക്ഷ നൽകി വെറും രണ്ടോ മൂന്നോ മണിക്കൂറിനുള്ളിൽ വിസ ലഭിക്കുന്ന സന്ദർശകരുമുണ്ടെന്ന് അവർ വ്യക്തമാക്കുന്നു. ഇത് പ്രവേശന നടപടികൾ പരമാവധി വേഗത്തിലാക്കാനുള്ള ദുബൈയുടെ ഡിജിറ്റൽ സംവിധാനങ്ങളുടെ മികവാണ് കാണിക്കുന്നത്.

ലോകത്തെ ഏറ്റവും പ്രമുഖ വിനോദസഞ്ചാര കേന്ദ്രമെന്ന ദുബൈയുടെ പദവി കൂടുതൽ ശക്തമാക്കാനും, അതിവേഗം വളരുന്ന ടൂറിസം-യാത്രാ മേഖലയ്ക്ക് കൂടുതൽ ഉണർവേകാനും വിസ പരിഷ്‌കരണത്തിലൂടെ സാധിക്കുമെന്നാണ് വിലയിരുത്തപ്പെടുന്നത്

Newborn family rescued Sharjah;തീപിടിച്ച ഫ്ലാറ്റിൽ കുടുങ്ങിയ കുഞ്ഞ്; ഷാർജയിൽ നടന്നത് സിനിമയെ വെല്ലുന്ന സംഭവം

UAE June 8, 2026

Newborn family rescued Sharjah ഷാർജ: ഷാർജയിലെ അൽ നസ്സിരിയ മേഖലയിലെ പാർപ്പിട സമുച്ചയത്തിലുണ്ടായ ശക്തമായ തീപിടിത്തത്തിൽ നിന്ന് നവജാത ശിശുവിനെ സിവിൽ ഡിഫൻസ് സംഘം സുരക്ഷിതമായി രക്ഷപെടുത്തി. വെള്ളിയാഴ്ച പുലർച്ചെയായിരുന്നു സംഭവം. ആർക്കും പരിക്കുകളൊന്നും റിപ്പോർട്ട് ചെയ്തിട്ടില്ല. പ്രാദേശിക മാധ്യമമായ അൽ ബയാൻ പത്രത്തിന്റെ റിപ്പോർട്ട് അനുസരിച്ച്, പുലർച്ചെ 1.35-ഓടെയാണ് രണ്ടാമത്തെ നിലയിലെ ഫ്ലാറ്റിൽ തീപിടിത്തമുണ്ടായതായി ഷാർജ സിവിൽ ഡിഫൻസ് കൺട്രോൾ റൂമിൽ വിവരം ലഭിക്കുന്നത്. ഉടൻ തന്നെ സംനാൻ, അൽ മിന എന്നീ ഫയർ സ്റ്റേഷനുകളിൽ നിന്നുള്ള അഗ്നിശമന-രക്ഷാസേനാംഗങ്ങൾ സംഭവസ്ഥലത്തേക്ക് കുതിച്ചെത്തി. ഫ്ലാറ്റിനുള്ളിലെ എയർകണ്ടീഷണർ യൂണിറ്റിൽ നിന്നാണ് തീ പടർന്നതെന്ന് ഷാർജ സിവിൽ ഡിഫൻസ് വ്യക്തമാക്കി.

സ്വർണവില കുത്തനെ കുറയും? കോളടിച്ചത് പ്രവാസികൾക്ക്; പവന് കുറഞ്ഞത് പതിനായിരത്തോളം രൂപ

UAE Nazia Staff Editor — June 9, 2026 · 0 Comment

Gold rate in uae: ദുബായ്: പശ്ചിമേഷ്യൻ സംഘർഷത്തിന്റെ പശ്ചാത്തലത്തിൽ എണ്ണവില ഉയർന്നതും യുഎസ് പലിശനിരക്ക് വർദ്ധിച്ചതും കാരണം യുഎഇയിൽ സ്വർണവിലയിൽ വൻ ഇടിവ് തുടരുന്നു. ഇന്ന് 24 കാരറ്റ് സ്വർണം ഗ്രാമിന് 519.74 ദിർഹമായി (13,487 രൂപ) കുറഞ്ഞു. ശനിയാഴ്‌ച ഇത് 521.75 ദി‌ർഹമായിരുന്നു (13,539 രൂപ). കഴിഞ്ഞ ഒരു മാസത്തിനിടെ 24 കാരറ്റ് സ്വർണം ഗ്രാമിന് 48.5 ദിർഹവും (1,258രൂപ) ജൂണിൽ മാത്രം ഇതുവരെ 27.75 ദിർഹവുമാണ് (720 രൂപ) കുറഞ്ഞത്. അതായത് കഴിഞ്ഞ ഒരു മാസത്തിനിടെ പവന് പതിനായിരം രൂപയോളം വില കുറഞ്ഞു.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

22 കാരറ്റിന് 481.25 ദിർഹം (12,488 രൂപ), 21 കാരറ്റ് സ്വർണത്തിന് 461.25 ദിർഹം (11,969 രൂപ), 18 കാരറ്റിന് 395.5 ദിർഹം (10,263.16 രൂപ), 14 കാരറ്റിന് 308.5 ദിർഹം ( 8,005രൂപ) എന്നിങ്ങനെയാണ് ഇന്നത്തെ വില. ആഗോളതലത്തിൽ സ്വർണം ഔൺസിന് 0.45 ശതമാനം വിലകുറഞ്ഞ് 4,310 ഡോളറിലാണ് വ്യാപാരം നടക്കുന്നത്. പശ്ചിമേഷ്യൻ സംഘർഷം അനിശ്ചിതത്വത്തിലായതിനാൽ സ്വർണവിലയിൽ ചാഞ്ചാട്ടം തുടരാനാണ് സാദ്ധ്യതയെന്ന് വിദഗ്ദ്ധർ പറഞ്ഞു. അതിനാൽത്തന്നെ സ്വർണത്തിൽ നിക്ഷേപം നടത്തിയവർ വലിയ ആശങ്കയിലാണ്. ഭാവിയിൽ സ്വർണവില കുത്തനെ ഇടിയുമോ എന്നും ആശങ്ക ഉയരുന്നുണ്ട്.

ഒരു ടിക്കറ്റ്, ഒരു രാത്രി; മലയാളി പ്രവാസിയുടെ ജീവിതം മാറ്റിമറിച്ച് ബിഗ് ടിക്കറ്റ് ഭാഗ്യം!മലയാളികൾക്ക് നേട്ടം, സമ്മാനം ‘തൂക്കിയത്’ മുഴുവൻ ഇന്ത്യക്കാർ

UAE June 9, 2026

അബുദാബി∙ യുഎഇ ബിഗ് ടിക്കറ്റിന്റെ ബിഗ് വിൻ നറുക്കെടുപ്പിൽ ഭാഗ്യം തുണച്ച നാല് വിജയികളിൽ മലയാളിയടക്കം രണ്ട് ഇന്ത്യക്കാർ. യുഎഇ, ലെബനൻ എന്നിവിടങ്ങളിൽ നിന്നുള്ളവരാണ് മറ്റു രണ്ട് പേർ. നാല് പേർക്കുമായി ആകെ 5,90,000 ദിർഹത്തിന്റെ (ഒന്നേകാൽ കോടിയിലധികം ഇന്ത്യൻ രൂപ) സമ്മാനത്തുകയാണ് ബിഗ് ടിക്കറ്റ് സീരീസ് 287-ൽ വിതരണം ചെയ്തത്. പഞ്ചാബ് സ്വദേശിയാണ് രണ്ടാമത്തെ ഇന്ത്യൻ ഭാഗ്യവാൻ.

ഒരു ലക്ഷം ദിർഹത്തിലധികം സ്വന്തമാക്കി മലയാളി
ഖത്തറിൽ മെക്കാനിക്കൽ സൂപ്പർവൈസറായി ജോലി ചെയ്യുന്ന മലയാളി അഭിലാഷ് ഉത്തമനെ(38)യാണ് ഭാഗ്യദേവതയുടെ അനുഗ്രഹം തേടിയെത്തിയത്. 1,40,000 ദിർഹമാണ് (37 ലക്ഷത്തോളം ഇന്ത്യൻ രൂപ) അഭിലാഷ് ഉൾപ്പെട്ട സംഘത്തിന് സമ്മാനമായി ലഭിച്ചത്. കഴിഞ്ഞ അഞ്ചുവർഷമായി കുടുംബത്തോടൊപ്പം ഖത്തറിലാണെങ്കിലും മുൻപ് ദുബായിൽ ജോലി ചെയ്തിരുന്നു. പത്തുവർഷം മുൻപാണ് അഭിലാഷ് ബിഗ് ടിക്കറ്റ് എടുത്തുതുടങ്ങിയത്. ഖത്തറിലേക്ക് മാറിയ ശേഷവും ടിക്കറ്റ് എടുക്കുന്നത് തുടർന്നു. ഒടുവിൽ സഹപ്രവർത്തകരായ 22 പേർക്കൊപ്പം ചേർന്നടുത്ത ടിക്കറ്റിനാണ് ഇപ്പോൾ സമ്മാനം ലഭിച്ചിരിക്കുന്നത്. സമ്മാനത്തുക തന്റെ കുടുംബത്തിന്റെ ആവശ്യങ്ങൾക്കായി ഉപയോഗിക്കുമെന്ന് അഭിലാഷ് പറഞ്ഞു.

ആദ്യ ടിക്കറ്റിൽ തന്നെ ലക്ഷപ്രഭുവായി പഞ്ചാബ് സ്വദേശി
പഞ്ചാബിൽ നിന്നുള്ള ലോവി പ്രീത് സിങ്ങിനാണ് നറുക്കെടുപ്പിൽ 1,50000 ദിർഹം (39 ലക്ഷത്തിലേറെ ഇന്ത്യൻ രൂപ) സമ്മാനമായി ലഭിച്ചത്. നിലവിൽ ബഹ്റൈനിൽ ജോലി ചെയ്യുന്ന ലോവി പ്രീത് കഴിഞ്ഞ മാസമാണ് ബിഗ് ടിക്കറ്റിൽ ആദ്യമായി അക്കൗണ്ട് തുടങ്ങിയത്. മേയ് ആദ്യവാരം ഓൺലൈൻ വഴി പത്ത് സുഹൃത്തുക്കളുടെ ഗ്രൂപ്പായി എടുത്ത ആദ്യ ടിക്കറ്റിന് (ടിക്കറ്റ് നമ്പർ: 135709) തന്നെ സമ്മാനം ലഭിച്ചതിന്റെ ആഹ്ലാദത്തിലാണ് ഇദ്ദേഹം. ഗ്രൂപ്പിലെ പലരുടെയും സാമ്പത്തിക ബാധ്യതകൾ തീർക്കാൻ ഈ തുക വലിയ സഹായമാകുമെന്ന് ലോവി പ്രീത് വ്യക്തമാക്കി. മറ്റ് രണ്ട് വിജയികളിൽ ഒരാൾ അബുദാബിയിൽ താമസിക്കുന്ന 79 കാരനായ ലെബനൻ സ്വദേശി മാജെദ് ആൽബർട്ട് ഗുൽമിയയും (1,50,000 ദിർഹം), ദുബായ് കസ്റ്റംസ് ഉദ്യോഗസ്ഥനായ യുഎഇ പൗരൻ ജാസിം മുഹമ്മദ് ഒബൈദ് അൽയാസിയുമാണ് (1,50,000 ദിർഹം).

ജൂലൈയിൽ കാത്തിരിക്കുന്നത് 2.5 കോടി ദിർഹം
വേനൽക്കാലത്തോടനുബന്ധിച്ച് ജൂണിൽ വലിയ സമ്മാനങ്ങളാണ് ബിഗ് ടിക്കറ്റ് ഉപയോക്താക്കൾക്കായി ഒരുക്കിയിരിക്കുന്നത്. ജൂലൈ 3-ന് നടക്കുന്ന തത്സമയ നറുക്കെടുപ്പിൽ ഒന്നാം സമ്മാനമായി 2.5 കോടി ദിർഹം (65 കോടിയിലേറെ ഇന്ത്യൻ രൂപ) ഒരാൾക്ക് ലഭിക്കും. കൂടാതെ അഞ്ച് പേർക്ക് ഒരു ദശലക്ഷം ദിർഹം വീതം ആശ്വാസ സമ്മാനവും ലഭിക്കും. ഇതിന് പുറമെ പ്രതിവാര ഇ-നറുക്കെടുപ്പിലൂടെ നാല് പേർക്ക് 25,000 ദിർഹം വീതവും സ്വന്തമാക്കാം. ബിഎംഡബ്ല്യു എക്സ്6, മാസെരാട്ടി ഗ്രെകലെ എന്നീ ആഡംബര കാറുകളും ഈ സീസണിൽ സമ്മാനമായി നൽകുന്നുണ്ട്. അബുദാബി, അൽ ഐൻ എന്നിവിടങ്ങളിലെ കൗണ്ടറുകൾ വഴിയും വെബ്‌സൈറ്റ് വഴിയും ടിക്കറ്റുകൾ ലഭ്യമാണ്.

സെക്യൂരിറ്റി ഗാർഡിൽ നിന്ന് കോടീശ്വരനായി; ഒരു ഇ-മെയിൽ തുറന്നപ്പോൾ ജീവിതം മാറി!ത്വയ്യിബിന്റെ ‘ഥാർ’ സ്വപ്നങ്ങൾക്ക് ഇനി കോടിയുടെ തിളക്കം

UAE June 9, 2026

അബുദാബി ∙ യുഎഇ ലോട്ടറിയുടെ ചരിത്രത്തിലെ ഏറ്റവും വലിയ ഭാഗ്യവാൻ മെച്ചപ്പെട്ടൊരു ഭാവി തേടി നാല് വർഷം മുൻപ് യുഎഇയിലെത്തിയ നേപ്പാൾ സ്വദേശിയായ സുരക്ഷാ ജീവനക്കാരൻ. 26കാരനായ ത്വയ്യിബ് ഖാൻ്റെ പേരിൽ 5 സുഹൃത്തുക്കളുമായി ചേർന്നെടുത്ത ടിക്കറ്റിനാണ് ലോട്ടറിയുടെ ചരിത്രത്തിൽ ഇതാദ്യമായി മൂന്ന് കോടി ദിർഹത്തിന്റെ (78 കോടിയിലേറെ ഇന്ത്യൻ രൂപ) ഒന്നാം സമ്മാനം ലഭിച്ചത്. അബുദാബിയിൽ താമസിക്കുന്ന ത്വയ്യിബ്, നറുക്കെടുപ്പ് തത്സമയം കണ്ടിരുന്നില്ല. പിന്നീട് ഇമെയിൽ സന്ദേശം വന്നപ്പോഴാണ് കോടീശ്വരനായ വിവരം അറിഞ്ഞത്.

മുൻപും ചെറിയ സമ്മാനങ്ങൾ അടിക്കുമ്പോൾ ഇമെയിൽ വരാറുള്ളതിനാൽ ആദ്യമൊന്നും ത്വയ്യിബ് ഇത് ഗൗരവമായി എടുത്തിരുന്നില്ല. എന്നാൽ മെയിൽ തുറന്ന് മൂന്ന് കോടി ദിർഹം എന്ന് കണ്ടപ്പോൾ കൈകാലുകൾ വിറയ്ക്കാൻ തുടങ്ങിയെന്നും ഒരു സ്വപ്നം പോലെയാണ് തോന്നിയതെന്നും ത്വയ്യിബ് പറഞ്ഞു. അഞ്ച് സുഹൃത്തുക്കൾ ചേർന്ന് പണം പങ്കിട്ടെടുത്ത ടിക്കറ്റിനാണ് ഈ അപൂർവ്വ ഭാഗ്യം കൈവന്നിരിക്കുന്നത്. സമ്മാനത്തുക തുല്യമായി വീതിക്കുന്നതിലൂടെ ഓരോരുത്തർക്കും ആറ് ദശലക്ഷം ദിർഹം (15 കോടിയിലേറെ ഇന്ത്യൻ രൂപ) വീതം ലഭിക്കും. 2024-ന്റെ തുടക്കത്തിലാണ് ഇവർ ഈ ലോട്ടറിയെക്കുറിച്ച് അറിയുന്നത്.

തുടർന്ന് പതിവായി പണം പങ്കിട്ട് ടിക്കറ്റുകൾ എടുക്കാൻ തുടങ്ങി. ഓരോ ആഴ്ചയും ഓരോരുത്തരുടെ താല്പര്യപ്രകാരമുള്ള നമ്പറുകളാണ് എടുത്തിരുന്നത്. മുൻപ് ചില ചെറിയ സമ്മാനങ്ങൾ ലഭിച്ചതാണ് പ്രതീക്ഷ കൈവിടാതെ ടിക്കറ്റെടുക്കാൻ ഇവർക്ക് പ്രോത്സാഹനമായത്. താൻ യുഎഇയിൽ എത്തുന്നതിനായി എല്ലാ സഹായങ്ങളും ചെയ്ത നേപ്പാളിലുള്ള വലിയച്ഛനെയാണ് ത്വയ്യിബ് ഈ സന്തോഷവാർത്ത ആദ്യം അറിയിച്ചത്. വിവരമറിഞ്ഞ് അദ്ദേഹം വികാരാധീനനായി കരയുകയായിരുന്നുവെന്ന് ത്വയ്യിബ് ഓർക്കുന്നു.

ലഭിച്ച തുക ഉപയോഗിച്ച് നാട്ടിൽ കുടുംബത്തിനായി എല്ലാ സൗകര്യങ്ങളുമുള്ള നല്ലൊരു വീട് നിർമിക്കുകയാണ് ത്വയ്യിബിന്റെ ആദ്യ ലക്ഷ്യം. നാല് വർഷം മറ്റൊരാളുടെ കീഴിൽ ജോലി ചെയ്ത തനിക്ക് ഇനി സ്വന്തമായി ബിസിനസ്സ് രംഗത്തേക്ക് കടക്കണമെന്ന ആഗ്രഹവുമുണ്ട്. ഇതിനൊപ്പം വർഷങ്ങളായി മനസ്സിൽ കൊണ്ടുനടക്കുന്ന ‘മഹീന്ദ്ര ഥാർ’ ജീപ്പും ഒരു ‘റോളക്സ്’ വാച്ചും സ്വന്തമാക്കണമെന്നും ഈ യുവാവ് ആഗ്രഹിക്കുന്നു. സമ്മാനം ലഭിച്ച അഞ്ച് കൂട്ടുകാരുടെയും ജീവിതത്തിലെ വിവിധ പ്രതിസന്ധികൾക്ക് ഈ തുക വലിയൊരു പരിഹാരമാകുമെന്ന സന്തോഷത്തിലാണ് ഈ സുഹൃദ്സംഘം.

യുഎഇയിൽ വാഹനമോടിക്കുന്നവർ ശ്രദ്ധിക്കുക; ഈ ഒരു തെറ്റ് ചെയ്യരുത് പോക്കറ്റും ലൈസൻസും ഒരുപോലെ പണിയാകും;പിഴയും ഉറപ്പ്

UAE June 9, 2026

അബുദാബി ∙ ഓടിക്കുന്നതിനിടെ വാഹനത്തിന്റെ വാതിൽ തുറന്നാൽ 2000 ദിർഹം പിഴ ചുമത്തുമെന്നു അബുദാബി പൊലീസ് അറിയിച്ചു. ഡ്രൈവർമാരുടെ ലൈസൻസിൽ 23 ബ്ലാക്ക് മാർക്കും വീഴും. വാതിൽ കൃത്യമായി അടയ്ക്കാത്തതു മൂലമുള്ള അപകടങ്ങൾ തടയുന്നതിന്റെ ഭാഗമായാണു നിയമം കർശനമാക്കുന്നത്. മൊബൈലിൽ ചിത്രം പകർത്താനും സാഹസിക പ്രകടനത്തിനുമായി വാതിൽ തുറക്കുന്നതു ഗുരുതര നിയമ ലംഘനമാണ്

വാഹനമോടിക്കുമ്പോൾ വാതിലുകൾ ഭദ്രമാണോ എന്നു പരിശോധിക്കേണ്ടതു ഡ്രൈവറുടെ ഉത്തരവാദിത്തമാണ്. ഓടുന്ന വാഹനത്തിൽ നിന്ന് ഡോർ തുറന്നതു മൂലം കഴിഞ്ഞ വർഷം 2 അപകടങ്ങളും ശരിയായി വാതിൽ അടയ്ക്കാത്തതിനാൽ ഒരു അപകടവും ഉണ്ടായതായി ആഭ്യന്തരമന്ത്രാലയത്തിന്റെ വാർഷിക റിപ്പോർട്ടിലുണ്ട്.

Lഅശ്രദ്ധമായി വാഹനങ്ങൾ പിന്നിലേക്ക് എടുത്ത് 98 അപകടങ്ങളുണ്ടായി. സമൂഹമാധ്യമങ്ങളിൽ ഫോളോവേഴ്സിനായി ഓടുന്ന വാഹനത്തിന്റെ ഡോറ് തുറന്ന് ദൃശ്യങ്ങൾ പകർത്തുന്നതും പ്രചരിപ്പിക്കുന്നതും കുറ്റകരമാണ്. വാഹനം 60 ദിവസത്തേക്കു കസ്റ്റഡിയിലെടുക്കും. വാഹനം വിട്ടുകിട്ടണമെങ്കിൽ 50000 ദിർഹം കെട്ടിവയ്ക്കണം.