ഇൻഡോർ: മരിച്ചവർക്ക് അന്ത്യയാത്രയിൽ പുതപ്പിക്കുന്ന വസ്ത്രങ്ങൾ മോഷ്ടിച്ച് വിപണിയിലെത്തിക്കുന്ന വൻ റാക്കറ്റിനെക്കുറിച്ച് ഞെട്ടിക്കുന്ന വിവരങ്ങൾ പുറത്ത്. മധ്യപ്രദേശിലെ ഇൻഡോർ കേന്ദ്രീകരിച്ച് പ്രവർത്തിക്കുന്ന ഈ മാഫിയ സംഘം, ശ്മശാനങ്ങളിൽ നിന്ന് മോഷ്ടിക്കുന്ന വസ്ത്രങ്ങൾ അലക്കി ഇസ്തിരിയിട്ട് പുതിയതെന്ന വ്യാജേനയാണ് വിൽക്കുന്നത്. ഇൻഡോർ മുതൽ ഗുജറാത്തിലെ അഹമ്മദാബാദ് വരെ വ്യാപിച്ചു കിടക്കുന്ന വലിയൊരു ശൃംഖലയാണ് ഇതിന് പിന്നിലെന്ന് വെളിപ്പെട്ടിരിക്കുന്നു.

ദൈനിക് ഭാസ്‌കർ സ്റ്റിംഗ് ഓപ്പറേഷനിലൂടെ പുറത്തുവന്ന വിവരങ്ങൾ

പ്രമുഖ മാധ്യമമായ ദൈനിക് ഭാസ്‌കർ നടത്തിയ സ്റ്റിംഗ് ഓപ്പറേഷനിലൂടെയാണ് ഈ ക്രൂരമായ തട്ടിപ്പ് പുറംലോകമറിഞ്ഞത്. ഹൈന്ദവ ആചാരപ്രകാരം മൃതദേഹങ്ങളിൽ സമർപ്പിക്കുന്ന കോടി വസ്ത്രങ്ങളും മറ്റ് വിലപിടിപ്പുള്ള തുണിത്തരങ്ങളുമാണ് ഇവർ ലക്ഷ്യമിടുന്നത്. ശ്മശാന ജീവനക്കാരും ഏജന്റുമാരും അടങ്ങുന്ന സംഘം ഒത്തുകളിച്ചാണ് ഈ വസ്ത്രങ്ങൾ കടത്തുന്നത്.

മൃതദേഹത്തിൽ നിന്ന് വിപണിയിലേക്ക്; പ്രവർത്തന രീതി ഇങ്ങനെ:

സംസ്കാര ചടങ്ങുകൾക്ക് ശേഷം മൃതദേഹത്തിനൊപ്പം ഉപേക്ഷിക്കുന്നതോ മൃതദേഹത്തിൽ ചാർത്തിയതോ ആയ വസ്ത്രങ്ങൾ ശ്മശാന ജീവനക്കാർ ശേഖരിക്കുന്നു.ശേഖരിക്കുന്ന വസ്ത്രങ്ങൾ ഏജന്റുമാർക്ക് ശ്മശാനത്തിൽ വെച്ച് തന്നെ നിസ്സാര വിലയ്ക്ക് ലേലം ചെയ്ത് നൽകുന്നു.ഏജന്റുമാർ ഈ വസ്ത്രങ്ങൾ കഴുകി വൃത്തിയാക്കി പുതിയ പാക്കിംഗിലാക്കി വിപണിയിലെത്തിക്കുന്നു. വലിയ ലാഭത്തിനാണ് ഇവ കടകളിൽ വിൽക്കുന്നത്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

വില്പന നിരക്ക് ഇങ്ങനെ (ലേലത്തിൽ നൽകുന്നത്):

ശ്മശാനങ്ങളിൽ ഏജന്റുമാർക്ക് നൽകുന്ന വസ്ത്രങ്ങളുടെ നിരക്ക് കേട്ടാൽ ആരും അമ്പരക്കും:

• ഷാൾ: വലിപ്പമനുസരിച്ച് 20 മുതൽ 40 രൂപ വരെ.
• ഷർട്ട് – പാന്റ്: 50 രൂപ.
• കുർത്ത പൈജാമ: 45 രൂപ.
• സാരികൾ: ലെയ്‌സ് ഇല്ലാത്തവ 70 രൂപയ്ക്കും ലെയ്‌സുള്ളവ 80 രൂപയ്ക്കും.

ഇവിടെ നിന്ന് വാങ്ങുന്ന വസ്ത്രങ്ങൾ ഇസ്തിരിയിട്ട് നാലിരട്ടി വിലയ്ക്കാണ് വിപണിയിൽ സാധാരണക്കാർക്ക് വിൽക്കുന്നത്.

സമൂഹമാധ്യമങ്ങളിൽ കടുത്ത പ്രതിഷേധം

വാർത്ത പുറത്തുവന്നതോടെ വലിയ രീതിയിലുള്ള പ്രതിഷേധമാണ് ഉയരുന്നത്. പൊലിസും സർക്കാരും ഇത്തരം മാഫിയകൾക്കെതിരെ കണ്ണടയ്ക്കുകയാണെന്ന് ആക്ഷേപമുണ്ട്. മരിച്ചവരോട് പോലും ആദരവ് കാണിക്കാത്ത ഇത്തരം സംഘങ്ങൾക്കെതിരെ കർശന നടപടി വേണമെന്നാണ് ജനങ്ങളുടെ ആവശ്യം. മാസംതോറും ലക്ഷക്കണക്കിന് രൂപയാണ് ഈ ‘മൃതദേഹ വസ്ത്ര വിപണി’യിലൂടെ ഇവർ സമ്പാദിക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.

UAE Residents Prioritize Visa;ടിക്കറ്റ് ചെലവും കുറവ്, വിസയും വേണ്ട;കുറഞ്ഞ ചിലവിൽ കിടിലൻ ട്രിപ്പ്; ബലിപെരുന്നാൾ അവധി പൊളിക്കാൻ പ്രവാസികളുടെ പുതിയ യാത്രാ ട്രെൻഡ് വൈറൽ

UAE Residents Prioritize Visa;ദുബൈ: ഈ മാസാവസാനം എത്തുന്ന ബലിപെരുന്നാൾ അവധി ആഘോഷമാക്കാൻ യു.എ.ഇയിലെ പ്രവാസികൾ തയ്യാറെടുക്കുന്നു. ഈ 26ന് അറഫാ ദിനവും തുടർന്ന് മൂന്ന് ദിവസത്തെ പൊതുഅവധിയും വരുന്നതോടെ, ശനി-ഞായർ വാരാന്ത്യ അവധി കൂടി ചേർത്ത് ആറ് ദിവസത്തെ നീണ്ട അവധിക്കാലമാണ് പ്രവാസികൾക്ക് മുന്നിലുള്ളത്. ഇത്തവണ വിസ നടപടികൾ ലളിതമായ രാജ്യങ്ങളിലേക്കും കുറഞ്ഞ യാത്രാദൂരമുള്ള ഇടങ്ങളിലേക്കുമാണ് സഞ്ചാരികൾ ഏറെയും താൽപ്പര്യം പ്രകടിപ്പിക്കുന്നത്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

സഞ്ചാരികളുടെ ഇഷ്ടകേന്ദ്രങ്ങൾ

വിസ ലഭിക്കാനുള്ള കാലതാമസവും നൂലാമാലകളും ഒഴിവാക്കാൻ ‘വിസ ഓൺ അറൈവൽ’, ‘വിസ ഫ്രീ’ സൗകര്യമുള്ള രാജ്യങ്ങളാണ് ട്രാവൽ ഏജൻസികൾ പ്രധാനമായും ശുപാർശ ചെയ്യുന്നത്.

ഏറ്റവും കൂടുതൽ ബുക്കിംഗ് 

ജോർജിയ, അസർബൈജാൻ, കസാക്കിസ്ഥാൻ, അർമേനിയ, മാൽഡീവ്സ്, ശ്രീലങ്ക, തായ്‌ലൻഡ്, സീഷെൽസ് എന്നിവിടങ്ങളിലേക്ക് ആണ് ഏറ്റവും കൂടുതൽ ബുക്കിംഗ് നടക്കുന്നത്.

വിയറ്റ്‌നാം, ഉസ്‌ബെക്കിസ്ഥാൻ തുടങ്ങിയ രാജ്യങ്ങൾക്കും ഇത്തവണ ആവശ്യക്കാർ ഏറെയാണ്.

ചിലവ് ചുരുങ്ങിയ യാത്രകൾ

അഫോർഡബിൾ പാക്കേജുകൾ അന്വേഷിക്കുന്നവർക്ക് ഒരാൾക്ക് ഏകദേശം 3,500 മുതൽ 4,500 ദിർഹം വരെ ചിലവഴിച്ചാൽ 4-5 ദിവസത്തെ യാത്ര പ്ലാൻ ചെയ്യാമെന്ന് ട്രാവൽ ഏജന്റുമാർ വ്യക്തമാക്കുന്നു. അർമേനിയ, ജോർജിയ, കിർഗിസ്ഥാൻ, ബാക്കു തുടങ്ങിയ ഇടങ്ങളിൽ ഈ ബജറ്റിൽ യാത്ര സാധ്യമാകും.

ഫാമിലി പാക്കേജുകൾ

തുർക്കി, ഈജിപ്ത്, തായ്‌ലൻഡ് എന്നിവിടങ്ങളിലേക്ക് 5,000 മുതൽ 7,000 ദിർഹം വരെയാണ് ശരാശരി പാക്കേജ് നിരക്ക്. യൂറോപ്പ്, സിംഗപ്പൂർ, ജപ്പാൻ തുടങ്ങിയ രാജ്യങ്ങളിലേക്ക് 10,000 ദിർഹത്തിന് മുകളിലാണ് ചിലവ് വരുന്നത്.

മാറുന്ന യാത്രാ രീതികൾ

പഴയതുപോലെ വെറും 2-3 ദിവസത്തെ ചെറിയ ട്രിപ്പുകൾക്ക് പകരം 4 മുതൽ 5 രാത്രികൾ വരെ നീളുന്ന യാത്രകൾക്കാണ് പ്രവാസികൾ മുൻഗണന നൽകുന്നത്. വിമാന ടിക്കറ്റ് നിരക്ക് പെരുന്നാൾ സമയത്ത് കൂടുതലായതിനാൽ, ചിലവഴിക്കുന്ന പണത്തിന് അനുസൃതമായ അനുഭവം ലഭിക്കാൻ ദീർഘദൂര യാത്രകൾ തിരഞ്ഞെടുക്കുന്നു.

കുറഞ്ഞ ചിലവിൽ മികച്ച സൗകര്യങ്ങൾ

അസർബൈജാനിലെ ബാക്കു പോലുള്ള നഗരങ്ങൾ കുറഞ്ഞ ചിലവിൽ മികച്ച സൗകര്യങ്ങൾ നൽകുന്നതിനാൽ സഞ്ചാരികളുടെ പ്രിയപ്പെട്ട ഇടമായി തുടരുന്നു. തിരക്ക് ഒഴിവാക്കാൻ ആഗ്രഹിക്കുന്നവർ ജോർജിയയിലെ കസ്ബെഗി, അസർബൈജാനിലെ ഷെക്കി തുടങ്ങിയ ഓഫ്-ബീറ്റ് സ്ഥലങ്ങളും ഇത്തവണ തിരഞ്ഞെടുക്കുന്നുണ്ട്. അയൽരാജ്യമായ ഒമാനും ചുരുങ്ങിയ അവധിക്ക് അനുയോജ്യമായ കേന്ദ്രമായി പട്ടികയിലുണ്ട്