Kuwait marble work fraud കുവൈത്ത് സിറ്റി: അഹ്മദി ഗവർണറേറ്റിൽ വീട്ടിലെ മാർബിൾ സ്ഥാപിക്കുന്നതിനായി 3,000 കുവൈത്തി ദിനാർ വാങ്ങിയ ശേഷം ജോലി പൂർത്തിയാക്കാതെ പോയതായി അറബ് പ്രവാസിക്കെതിരെ പരാതി.മാർബിൾ ജോലിയിൽ വിദഗ്ധനാണെന്ന് പരിചയപ്പെടുത്തിയ പ്രതി, 3,300 ദിനാറിന് പദ്ധതി പൂർത്തിയാക്കാമെന്ന് വീട്ടുടമസ്ഥനോട് സമ്മതിച്ചിരുന്നതായി പരാതിയിൽ പറയുന്നു.
കരാർ പ്രകാരം വീട്ടുടമസ്ഥൻ ആദ്യം 2,000 ദിനാറും പിന്നീട് 1,000 ദിനാറും കൈമാറി. പേയ്മെന്റുകളും ബാക്കി തുകയും രേഖപ്പെടുത്തിയ ഇൻവോയ്സും ഇയാൾക്ക് ലഭിച്ചിരുന്നു.
എന്നാൽ 3,000 ദിനാർ ലഭിച്ച ശേഷവും പ്രതി ജോലി നിർത്തിവയ്ക്കുകയും പദ്ധതി പൂർത്തിയാക്കാതിരിക്കുകയും ചെയ്തതായി വീട്ടുടമസ്ഥൻ ആരോപിച്ചു.
ബാങ്ക് ട്രാൻസ്ഫറിന്റെ രേഖകൾ ഉൾപ്പെടെയുള്ള തെളിവുകൾ പരാതിക്കാരൻ സുരക്ഷാ ഉദ്യോഗസ്ഥർക്ക് കൈമാറി. തുടർന്ന് കേസ് വഞ്ചനയുമായി ബന്ധപ്പെട്ട വകുപ്പുകൾ പ്രകാരം രജിസ്റ്റർ ചെയ്ത് തുടർനടപടികൾക്കായി ബന്ധപ്പെട്ട അധികാരികൾക്ക് കൈമാറി. സംഭവത്തിൽ കൂടുതൽ അന്വേഷണം നടത്തുകയും പ്രതിയുടെ മൊഴി രേഖപ്പെടുത്തുകയും ചെയ്യും.
