Qatar winter camping season ഖത്തറിലെ വിവിധ മരുഭൂമി പ്രദേശങ്ങളിൽ അനുമതിയില്ലാതെ സ്ഥാപിച്ച നിരവധി ക്യാമ്പുകൾ അധികൃതർ നീക്കം ചെയ്തു. പരിസ്ഥിതി, കാലാവസ്ഥാ വ്യതിയാന മന്ത്രാലയത്തിന് കീഴിലെ ടെറസ്ട്രിയൽ പ്രൊട്ടക്ഷൻ ഡിപ്പാർട്ട്‌മെന്റും ആഭ്യന്തര സുരക്ഷാ സേനയായ ലെഖ്‌വിയയുടെ പരിസ്ഥിതി സുരക്ഷാ വിഭാഗവും സംയുക്തമായാണ് പരിശോധനയും നടപടികളും നടത്തിയത്.
ശൈത്യകാല ക്യാമ്പിംഗ് സീസണിനായി അധികൃതർ നിശ്ചയിച്ചിട്ടുള്ള തീയതികൾ കർശനമായി പാലിക്കണമെന്ന് വിന്റർ ക്യാമ്പിംഗ് അഫയേഴ്‌സ് ഓർഗനൈസിംഗ് കമ്മിറ്റി അറിയിച്ചു. ഔദ്യോഗികമായി പ്രഖ്യാപിച്ച തീയതിക്ക് മുമ്പ് മരുഭൂമി പ്രദേശങ്ങളിൽ ക്യാമ്പുകൾ സ്ഥാപിക്കാൻ പാടില്ലെന്നും കമ്മിറ്റി വ്യക്തമാക്കി.
നിയമലംഘനങ്ങൾ കണ്ടെത്തുന്നതിനായി വിവിധ മരുഭൂമി മേഖലകളിൽ ഫീൽഡ് പരിശോധനകളും നിരീക്ഷണവും തുടരുമെന്നും അധികൃതർ അറിയിച്ചു. പരിശോധനയ്ക്കിടെ കണ്ടെത്തുന്ന നിയമലംഘനങ്ങൾക്കെതിരെ ആവശ്യമായ നടപടികൾ സ്വീകരിക്കുമെന്നും കമ്മിറ്റി വ്യക്തമാക്കി.
ക്യാമ്പിംഗ് സീസണുമായി ബന്ധപ്പെട്ട നിയമങ്ങളും നിർദേശങ്ങളും പാലിച്ച് ക്യാമ്പുകൾ സ്ഥാപിക്കാനും പരിസ്ഥിതി സംരക്ഷണത്തിന് ആവശ്യമായ മുൻകരുതലുകൾ സ്വീകരിക്കാനും ക്യാമ്പർമാരോട് അധികൃതർ നിർദേശിച്ചു.
1 Comment