Kuwait Introduces New Media Regulation Law കുവൈത്ത് സിറ്റി: രാജ്യത്തെ മാധ്യമമേഖലയുടെ പ്രവർത്തനം പുനഃസംഘടിപ്പിക്കുന്നതിനും ആധുനികവൽക്കരിക്കുന്നതിനുമായി കുവൈത്ത് പുതിയ മാധ്യമ നിയന്ത്രണ നിയമം പ്രഖ്യാപിച്ചു. പുതിയ നിയമം നിലവിൽ വരുന്നതോടെ പ്രസിദ്ധീകരണം, ഓഡിയോ-വിഷ്വൽ മീഡിയ, ഇലക്ട്രോണിക് മീഡിയ എന്നിവ നിയന്ത്രിച്ചിരുന്ന മൂന്ന് നിയമങ്ങൾ റദ്ദാക്കും.

2026ലെ ഡിക്രി-ലോ നമ്പർ 102 പ്രകാരമാണ് പുതിയ Media Regulation Law പുറത്തിറക്കിയത്. 2006ലെ Publications and Publishing Law, 2007ലെ Audiovisual Media Law, 2016ലെ Electronic Media Law എന്നിവയാണ് റദ്ദാക്കുന്നത്. പുതിയ നിയമവുമായി പൊരുത്തപ്പെടാത്ത മറ്റ് വ്യവസ്ഥകളും ഇതോടെ അസാധുവാകും.

ആറുമാസത്തിനകം എക്സിക്യൂട്ടീവ് ചട്ടങ്ങൾ

നിയമം ഔദ്യോഗിക ഗസറ്റിൽ പ്രസിദ്ധീകരിച്ച തീയതി മുതൽ ആറുമാസത്തിനകം ബന്ധപ്പെട്ട മന്ത്രി എക്സിക്യൂട്ടീവ് ചട്ടങ്ങൾ പുറത്തിറക്കണം. നിലവിൽ മാധ്യമ പ്രവർത്തനങ്ങൾ നടത്തുന്ന സ്ഥാപനങ്ങൾ ഈ ചട്ടങ്ങൾ പുറത്തിറങ്ങിയതിന് ശേഷം ആറുമാസത്തിനകം പുതിയ നിയമപ്രകാരമുള്ള വ്യവസ്ഥകൾ പാലിച്ച് പ്രവർത്തനം ക്രമീകരിക്കണം. ഇതിൽ വീഴ്ച വരുത്തിയാൽ ലൈസൻസ് റദ്ദാക്കപ്പെടും.

പുതിയ നിയമം ഔദ്യോഗിക ഗസറ്റിൽ പ്രസിദ്ധീകരിച്ച് ആറുമാസത്തിന് ശേഷം പ്രാബല്യത്തിൽ വരും.

ഡിജിറ്റൽ മാധ്യമങ്ങൾക്കും നിയന്ത്രണം

പത്രങ്ങളും പ്രസിദ്ധീകരണങ്ങളും മാത്രമല്ല, ഓഡിയോ-വിഷ്വൽ മീഡിയ, ബ്രോഡ്കാസ്റ്റിങ്, ഇലക്ട്രോണിക് മീഡിയ, സോഷ്യൽ മീഡിയ പരസ്യദാതാക്കളും പ്രമോട്ടർമാരും, വാർത്താ ഏജൻസികൾ, വിദേശ മാധ്യമങ്ങളുടെ പ്രതിനിധികൾ, സിനിമാ-കലാ മേഖല, പരസ്യ പ്രവർത്തനങ്ങൾ തുടങ്ങിയവയും പുതിയ നിയമത്തിന്റെ പരിധിയിൽ വരും.

അതിവേഗം മാറുന്ന സാങ്കേതികവിദ്യയും ഡിജിറ്റൽ മാധ്യമങ്ങളുടെ വളർച്ചയും കണക്കിലെടുത്ത് കൂടുതൽ ഏകീകൃതവും ആധുനികവുമായ നിയമപരമായ ചട്ടക്കൂട് ഒരുക്കുകയാണ് പുതിയ നിയമത്തിന്റെ ലക്ഷ്യമെന്ന് വിശദീകരണക്കുറിപ്പിൽ വ്യക്തമാക്കുന്നു.

കുവൈറ്റിലെ പുതിയ തൊഴിൽ അവസരങ്ങൾ അറിയാൻ ഇവിടെ ക്ലിക്ക് ചെയ്യൂ