ദുബായ്: ജീവനക്കാർക്ക് പുത്തൻ ഐഫോണുകൾ സമ്മാനിച്ച് യു.എ.ഇയിലെ മലയാളി സംരംഭകൻ. യു.എ.ഇ ആസ്ഥാനമായി പ്രവർത്തിക്കുന്ന മാൻപവർ സപ്ലൈ കമ്പനിയായ ‘വേൾഡ് സ്റ്റാർ മാൻപവറിലെ മാനേജിംഗ് ഡയറക്ടറായ നിഷാദ് ഹുസൈൻ ആണ് ജീവനക്കാർക്ക് സമ്മാനം നൽകിയത്. ഇതിന്റെ വീഡിയോ സോഷ്യൽ മീഡിയയിൽ വൈറലാണ്. നിഷാദ് ഹുസൈന്റെ ഭാര്യ ഹസീന നിഷാദാണ് ഇൻസ്റ്റഗ്രാമിലൂടെ വീഡിയോ പങ്കുവച്ചത്.
മേശപ്പുറത്ത് സമ്മാനപ്പൊതികൾ നിരത്തി വച്ചശേഷം ജീവനക്കാർക്ക് ഓരോന്നായി അവ തിരഞ്ഞെടുക്കാൻ അവസരം നൽകുന്നതാണ് വീഡിയോയിലുള്ളത്. സമ്മാനപ്പൊതികളിൽ ചിലത് ഐഫോണായിരുന്നെങ്കിൽ മറ്റുചിലതിൽ ചോക്ലേറ്റ് ബാറുകൾ ആയിരുന്നു. ചോക്ലേറ്റ് ലഭിച്ച ജീവനക്കാർക്ക് പിന്നീട് മറ്റൊരു ജീവനക്കാരൻ ഐഫോണുകൾ സമ്മാനിച്ചതോടെ സമ്മാനവിതരണം കൂടുതൽ സന്തോഷകരമായി.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ജീവനക്കാരുടെ കഠിനാധ്വാനത്തെയും കൂട്ടായ പ്രവർത്തനത്തെയും അഭിനന്ദിച്ചാണ് നിഷാദ് സമ്മാനങ്ങൾ നൽകിയതെന്നാണ് വീഡിയോയ്‌ക്കൊപ്പമുള്ള കുറിപ്പിൽ വ്യക്തമാക്കിയത്. ജീവനക്കാരുടെ കൂട്ടായ ശക്തിയാണ് സ്ഥാപനത്തിന്റെ വളർച്ചയ്ക്ക് പിന്നിലെന്നും അദ്ദേഹം പറഞ്ഞു. ഓരോരുത്തരുടെയും കഴിവിൽ വിശ്വാസമർപ്പിക്കണമെന്നും വളരാനുള്ള അവസരങ്ങൾ പ്രയോജനപ്പെടുത്തണമെന്നും സഹപ്രവർത്തകരെ പിന്തുണച്ച് മുന്നോട്ട് പോകണമെന്നും നിഷാദ് ജീവനക്കാരോട് പറയുന്നു. വെല്ലുവിളികളെ ആത്മവിശ്വാസത്തോടെ നേരിട്ട് സ്ഥാപനത്തെ ഉയരത്തിലെത്തിക്കാൻ കൂട്ടായി പ്രവർത്തിക്കണമെന്നും അദ്ദേഹം പറഞ്ഞു.

വീഡിയോ പുറത്തുവന്നതിന് പിന്നാലെ സോഷ്യൽ മീഡിയയിൽ നിരവധി പേരാണ് പ്രതികരണവുമായി എത്തിയത്. മില്യൺ കണക്കിന് കാഴ്ചക്കാരാണ് ഇതിനകം വീഡിയോ കണ്ടത്. ജീവനക്കാരോട് മാനേജ്‌മെന്റ് കാണിക്കുന്ന പരിഗണനയെ അഭിനന്ദിച്ചായിരുന്നു പലരുടെയും പ്രതികരണം. ‘ജോലി ഒഴിവുണ്ടോ? ഈ കമ്പനിയിൽ ചേരാൻ എനിക്കും ആഗ്രഹമുണ്ട്’ എന്നായിരുന്നു ഒരാളുടെ കമന്റ്. ‘എന്റെ ബോസ് ഇത് എ.ഐ. ആണെന്നാണ് പറയുന്നത്’ മറ്റൊരാൾ കുറിച്ചു. ഐഫോൺ ലഭിച്ചതുകൊണ്ടുമാത്രമല്ല, മാനേജ്‌മെന്റ് ജീവനക്കാരോട് കാണിക്കുന്ന സമീപനമാണ് ഇവരെ ഭാഗ്യവാന്മാരാക്കുന്നതെന്നായിരുന്നു ഒരാളുടെ പ്രതികരണം. ജീവനക്കാരുടെ സംഭാവനകളെ അംഗീകരിച്ചുള്ള ഇത്തരം സമീപനം മാതൃകാപരമാണെന്നും പലരും അഭിപ്രായപ്പെട്ടു.

വർത്തമാനകാലത്ത് അതിവേഗം വളരുമ്പോഴും ആരെയും കൈയൊഴിയത്ത അബുദാബി ; പ്രവാസികളുടെ പ്രിയപ്പെട്ട വീട്

UAE greeshma — September 25, 2026·0 Comment

Why Abu Dhabi Feels Like Home to Expats അബുദാബിയെ സ്വന്തം വീടായി കാണുന്ന പ്രവാസികളുടെ വിശേഷങ്ങൾ പങ്കുവെക്കുകയാണ് ഈ റിപ്പോർട്ട്. നൂറിലധികം രാജ്യങ്ങളിൽ നിന്നുള്ള ആളുകൾ തിങ്ങിപ്പാർക്കുന്ന ഈ നഗരം എല്ലാവർക്കും സുരക്ഷിതത്വവും മികച്ച ഭാവി സാധ്യതകളും നൽകുന്നു.

താമസക്കാരുടെ അനുഭവങ്ങൾ:

• മുഹമ്മദ് മുനവ്വർ (സോഫ്റ്റ്‌വെയർ ഡെവലപ്പർ): അബുദാബിയിൽ ജനിച്ച് വളർന്ന മുനവ്വറിന് ഈ നഗരം ഓർമ്മകൾ നിറഞ്ഞ വീടാണ്. ഉപരിപഠനത്തിന് ശേഷം തിരിച്ചെത്തിയപ്പോൾ ഷവർമയും കരാക്ക് ചായയും കുടിച്ചാണ് താൻ നഗരത്തിലേക്ക് മടങ്ങിയെത്തിയത് ആഘോഷിച്ചതെന്ന് അദ്ദേഹം ഓർക്കുന്നു. ചെറുപ്പത്തിൽ കണ്ട പരിചയക്കാരും കട ഉടമകളും നൽകുന്ന സ്നേഹമാണ് അബുദാബിയുടെ യഥാർത്ഥ ഭംഗിയെന്ന് അദ്ദേഹം പറയുന്നു.
• എലിസവേറ്റ വർത്താനിയൻ (ലക്ചറർ): അർമേനിയയിൽ നിന്ന് ഉപരിപഠനത്തിനായി 2023-ൽ എത്തിയ എലിസവേറ്റ, അബുദാബിയെ “യുഎഇ സ്വപ്നങ്ങൾ സാക്ഷാത്കരിക്കുന്ന സ്ഥലം” എന്നാണ് വിശേഷിപ്പിക്കുന്നത്. മരുഭൂമിയും വൻകിട കെട്ടിടങ്ങളും മാത്രമല്ല, മനോഹരമായ പ്രകൃതിയും കടൽത്തീരങ്ങളും പച്ചപ്പും നിറഞ്ഞ ശാന്തമായ ഒരു അന്തരീക്ഷവും ഇവിടെയുണ്ടെന്ന് അവർ പറയുന്നു. ഒരേ ആഴ്ചയിൽ വിവിധ രാജ്യങ്ങളിലെ ഭക്ഷണവും ആഘോഷങ്ങളും ഭാഷകളും അനുഭവിക്കാൻ കഴിയുന്നത് ഈ നഗരത്തിന്റെ പ്രത്യേകതയാണ്.
• അദ്വൈത് ബാൽ (സൊല്യൂഷൻസ് കൺസൾട്ടന്റ്): രണ്ട് വർഷമായി അബുദാബിയിൽ താമസിക്കുന്ന അദ്വൈതിന് ഇത് വളരെ സമാധാനവും സുരക്ഷിതത്വവുമുള്ള നഗരമാണ്. മാപ്പുകളുടെ സഹായമില്ലാതെ നഗരം ചുറ്റിക്കാണാൻ തുടങ്ങിയതോടെ അബുദാബി തന്റെ സ്വന്തം വീട് പോലെ അനുഭവപ്പെട്ടു എന്ന് അദ്ദേഹം വ്യക്തമാക്കുന്നു.

വർത്തമാനകാലത്ത് അതിവേഗം വളരുമ്പോഴും, വരുന്നവരെല്ലാം തങ്ങളുടെ കുടുംബാംഗങ്ങളെപ്പോലെ ഊഷ്മളമായി സ്വീകരിക്കുന്ന സംസ്കാരമാണ് അബുദാബിക്കുള്ളതെന്ന് താമസക്കാർ അഭിപ്രായപ്പെടുന്നു. ഭാവിയിൽ കൂടുതൽ സുസ്ഥിരവും ആധുനികവുമായ നഗരമായി അബുദാബി വളരുമെന്നാണ് എല്ലാവരുടെയും പ്രതീക്ഷ.