Qatar rejects Netanyahu claims : ദോഹ: ഇസ്രയേലിനെതിരെ പൊതുജനാഭിപ്രായം സ്വാധീനിക്കാൻ ഖത്തർ പ്രചാരണം നടത്തുകയാണെന്ന ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ ആരോപണം തള്ളി ഖത്തർ. ഐക്യരാഷ്ട്രസഭയുടെ പൊതുസഭയിൽ നടത്തിയ പ്രസംഗത്തിനിടെ നെതന്യാഹു ഉന്നയിച്ച ആരോപണത്തിന് ഖത്തർ വിദേശകാര്യ മന്ത്രാലയത്തിന്റെ ഔദ്യോഗിക വക്താവും പ്രധാനമന്ത്രിയുടെ ഉപദേഷ്ടാവുമായ ഡോ. മാജിദ് അൽ അൻസാരി എക്സിലൂടെ മറുപടി നൽകി.

ഖത്തറിനെതിരായ ഇത്തരം പ്രസ്താവനകൾ അധിനിവേശ ഫലസ്തീൻ പ്രദേശങ്ങളിൽ ഇസ്രയേൽ സർക്കാർ നടത്തുന്ന നടപടികളിൽനിന്നും അതിന്റെ ഗുരുതരമായ മാനുഷിക പ്രത്യാഘാതങ്ങളിൽനിന്നും ശ്രദ്ധ തിരിക്കാനുള്ള ശ്രമം മാത്രമാണെന്ന് അദ്ദേഹം പറഞ്ഞു.

ലോകജനാഭിപ്രായത്തിൽ, പ്രത്യേകിച്ച് യുവാക്കൾക്കിടയിൽ, ഇസ്രയേലിനെക്കുറിച്ചുള്ള നിലപാടുകളിൽ മാറ്റമുണ്ടാകുന്നത് സ്വാധീന പ്രചാരണങ്ങളുടെ ഫലമായി ചിത്രീകരിക്കുന്നത് പുതിയ തലമുറയുടെ ബോധ്യങ്ങളെയും വിലയിരുത്തലുകളെയും അപമാനിക്കുന്നതാണെന്നും അൽ അൻസാരി വ്യക്തമാക്കി.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക

ആഗോള ജനാഭിപ്രായ മാറ്റത്തിന് കാരണം ജനങ്ങൾ നേരിൽ കാണുന്ന സംഭവങ്ങൾ

ഫലസ്തീൻ പ്രദേശങ്ങളിൽ നടക്കുന്ന സംഭവങ്ങൾ ലോകം നേരിട്ട് കാണുകയും അതിന്റെ അടിസ്ഥാനത്തിൽ ജനങ്ങൾ സ്വന്തം നിലപാടുകൾ രൂപപ്പെടുത്തുകയുമാണെന്ന് ഖത്തർ ചൂണ്ടിക്കാട്ടി.

ആഗോള ജനാഭിപ്രായത്തിൽ ഉണ്ടാകുന്ന മാറ്റത്തിന് ഖത്തറിനെയോ മറ്റേതെങ്കിലും രാജ്യത്തെയോ കുറ്റപ്പെടുത്താനുള്ള ശ്രമങ്ങൾ ഇനി വിശ്വാസയോഗ്യമല്ലെന്നും അൽ അൻസാരി പറഞ്ഞു.

നയങ്ങൾ മാറ്റണമെന്ന് ഖത്തർ

ലോകം ഇസ്രയേലിനെ വ്യത്യസ്തമായി കാണണമെന്ന് ആഗ്രഹിക്കുന്നുവെങ്കിൽ, ഇസ്രയേൽ സർക്കാർ ആദ്യം സ്വന്തം നയങ്ങളിൽ മാറ്റം വരുത്തണമെന്നും അന്താരാഷ്ട്ര നിയമലംഘനങ്ങൾ അവസാനിപ്പിച്ച് അന്താരാഷ്ട്ര നിയമങ്ങളെ മാനിക്കണമെന്നും ഖത്തർ ആവശ്യപ്പെട്ടു.

തിരഞ്ഞെടുക്കപ്പെട്ട ജനങ്ങളോട് ഉത്തരവാദിത്തം ഏറ്റെടുക്കുന്നതിന് പകരം രാജ്യത്തിന്റെ ആഗോള പ്രതിച്ഛായ മോശമാകുന്നതിന് മറ്റുള്ളവരെ കുറ്റപ്പെടുത്തുന്നത് ശരിയല്ലെന്നും പ്രസ്താവനയിൽ പറഞ്ഞു.

ആഗോളതലത്തിൽ ഇസ്രയേലിനെക്കുറിച്ചുള്ള ജനങ്ങളുടെ നിലപാടുകളിൽ മാറ്റമുണ്ടാകുന്നതിന്റെ ഉത്തരവാദിത്തം ഖത്തറിന്റെ മേൽ ചുമത്താനാകില്ല. ഖത്തറിനെതിരായ ആവർത്തിച്ചുള്ള ആരോപണങ്ങൾ ആഭ്യന്തര രാഷ്ട്രീയ കണക്കുകൂട്ടലുകളുടെ ഭാഗമായാണ് കാണുന്നതെന്നും അൽ അൻസാരി വ്യക്തമാക്കി.

ഭക്ഷ്യസുരക്ഷാ ചട്ടങ്ങൾ ലംഘിച്ചു: അൽ റയ്യാനിലെ പ്രശസ്ത ഹൈപ്പർമാർക്കറ്റ് അടപ്പിച്ചു

Qatar greeshma — September 25, 2026·0 Comment

Al Rayyan hypermarket food safety violations ദോഹ: മനുഷ്യ ഉപഭോഗത്തിനായുള്ള ഭക്ഷ്യ നിയന്ത്രണ നിയമങ്ങൾ ലംഘിച്ചതിനെ തുടർന്ന് അൽ റയ്യാനിൽ പ്രവർത്തിക്കുന്ന പ്രശസ്തമായ ഒരു ഹൈപ്പർമാർക്കറ്റ് മുനിസിപ്പാലിറ്റി മന്ത്രാലയം ഭാഗികമായി അടപ്പിച്ചു.

1990-ലെ എട്ടാം നമ്പർ നിയമവും, 2014-ലെ നാലാം നമ്പർ ഭേദഗതി നിയമവും ലംഘിച്ചതായി കണ്ടെത്തിയതിനെ തുടർന്നാണ് നടപടി. സെപ്റ്റംബർ 20 മുതൽ 25 വരെ അഞ്ച് ദിവസത്തേക്കാണ് സ്ഥാപനം ഭാഗികമായി അടച്ചിടാൻ ഉത്തരവിട്ടത്.

നിയമലംഘനത്തിന്റെ സ്വഭാവവും കാഠിന്യവും കണക്കിലെടുത്താണ് അടച്ചുപൂട്ടൽ കാലയളവ് നിശ്ചയിക്കുന്നതെന്ന് മന്ത്രാലയം വ്യക്തമാക്കി. ഒരു സമയം പരമാവധി 60 ദിവസം വരെ സ്ഥാപനങ്ങൾ അടച്ചിടാൻ അധികൃതർക്ക് അധികാരമുണ്ട്. ലംഘനങ്ങൾ ആവർത്തിച്ചാൽ അടച്ചുപൂട്ടൽ കാലാവധി നീട്ടുന്നതാണ്.

അടച്ചിട്ടിരിക്കുന്ന സമയത്ത് കട തുറന്ന് പ്രവർത്തിക്കാനോ, വിൽപ്പന നടത്താനോ, അറ്റകുറ്റപ്പണികൾ ചെയ്യാനോ പാടില്ല. ഈ നിർദ്ദേശം ലംഘിച്ചാൽ കർശനമായ ക്രിമിനൽ നടപടികൾ സ്വീകരിക്കുമെന്നും മന്ത്രാലയം മുന്നറിയിപ്പ് നൽകി.

ഖത്തറിൽ നിന്ന് എൽഎൻജി കപ്പൽ നീക്കം വീണ്ടും സജീവം; ഹോർമുസ് വഴിയുള്ള ഗതാഗതം ഉയർന്ന നിലയിൽ

Qatar drisya — September 25, 2026·0 Comment

Qatar Resumes LNG Shipments Through the Strait of Hormuz ദോഹ: ആഗോള പ്രകൃതിവാതക വിപണിയിൽ വിതരണക്ഷാമം രൂക്ഷമാകുന്നതിനിടെ ഹോർമുസ് കടലിടുക്കിലൂടെയുള്ള ദ്രവീകൃത പ്രകൃതിവാതക (എൽഎൻജി) കയറ്റുമതി വീണ്ടും വർധിപ്പിച്ച് ഖത്തർ. കഴിഞ്ഞ രണ്ടുമാസത്തിലേറെയുള്ള കാലയളവിലെ ഏറ്റവും ഉയർന്ന നിലയിലാണ് ഖത്തറിൽ നിന്നുള്ള എൽഎൻജി കപ്പൽ നീക്കം.

കഴിഞ്ഞ ഒരാഴ്ചയ്ക്കിടെ ചരക്കുമായി കുറഞ്ഞത് നാല് എൽഎൻജി കപ്പലുകൾ ഹോർമുസ് കടലിടുക്ക് കടന്നുപോയതായി ബ്ലൂംബെർഗ് റിപ്പോർട്ട് ചെയ്തു. രണ്ട് കപ്പലുകൾ ഗൾഫ് മേഖലയിലേക്ക് പ്രവേശിക്കുകയും ചെയ്തു. ഇതിൽ ഒരു എൽഎൻജി കപ്പൽ വ്യാഴാഴ്ച ഇന്ത്യയുടെ പടിഞ്ഞാറൻ തീരത്ത് എത്തിയതായും റിപ്പോർട്ടിൽ പറയുന്നു.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക

കയറ്റുമതി വീണ്ടും സജീവമാകുന്നു

ജൂലൈ ആദ്യം ഖത്തറിന്റെ ഒരു എൽഎൻജി കപ്പലിന് നേരെയുണ്ടായ ആക്രമണത്തെ തുടർന്ന് ഹോർമുസ് കടലിടുക്ക് വഴിയുള്ള കയറ്റുമതി ഖത്തർ വലിയ തോതിൽ നിർത്തിവച്ചിരുന്നു. കപ്പലുകൾക്ക് നേരെയുണ്ടായ നിരവധി ആക്രമണങ്ങളെ തുടർന്ന് ഈ പ്രധാന കപ്പൽപാതയിലൂടെയുള്ള ഗതാഗതം സുരക്ഷാ ആശങ്കകൾ നിറഞ്ഞതായിരുന്നു.

യുദ്ധത്തിന് മുമ്പ് ആഗോള എൽഎൻജി വിതരണത്തിന്റെ ഏകദേശം അഞ്ചിലൊന്ന് ഹോർമുസ് കടലിടുക്ക് വഴിയായിരുന്നു. നിലവിൽ കപ്പൽ നീക്കം വർധിച്ചിട്ടുണ്ടെങ്കിലും യുദ്ധത്തിന് മുമ്പുണ്ടായിരുന്ന നിലവാരത്തിലേക്ക് എത്തിയിട്ടില്ല.

ആഗോള വാതകവിപണിക്ക് ആശ്വാസമാകുമോ?

ഹോർമുസ് വഴിയുള്ള എൽഎൻജി കയറ്റുമതി വീണ്ടും വർധിക്കുന്നത് ആഗോള പ്രകൃതിവാതക വിതരണത്തിലെ സമ്മർദം കുറയ്ക്കാൻ സഹായിച്ചേക്കുമെന്നാണ് വിലയിരുത്തൽ. ശൈത്യകാലത്തേക്കുള്ള ആവശ്യകത ഉയരുന്നതിനിടെ യൂറോപ്പിലെയും ഏഷ്യയിലെയും വാതകവില 2022ന് ശേഷമുള്ള ഉയർന്ന നിലയിലെത്തിയിട്ടുണ്ട്.

യുദ്ധത്തിന് മുമ്പ് ഹോർമുസ് കടലിടുക്ക് വഴി പ്രതിദിനം ശരാശരി മൂന്ന് എൽഎൻജി കയറ്റുമതികൾ നടന്നിരുന്നു. ഇപ്പോഴത്തെ കപ്പൽ നീക്കം അതിനേക്കാൾ വളരെ കുറവാണെങ്കിലും കയറ്റുമതി പുനരാരംഭിക്കുന്നത് വിപണിക്ക് ആശ്വാസം നൽകുമെന്നാണ് റിപ്പോർട്ടുകൾ.

കപ്പലുകളുടെ കൃത്യമായ സ്ഥാനം സ്ഥിരീകരിക്കാൻ ബുദ്ധിമുട്ട്

ഹോർമുസ് കടലിടുക്ക് കടന്നുപോകുന്നതിനിടെ അഞ്ച് കപ്പലുകളിൽ നിന്നുള്ള സിഗ്നൽ ലഭ്യമാകാത്ത സാഹചര്യമുണ്ടായതായും റിപ്പോർട്ടുണ്ട്. മേഖലയിലെ ആശയവിനിമയ തടസ്സങ്ങളും വിവിധ ഇടപെടലുകളും പതിവായതിനാൽ കപ്പലുകളുടെ കൃത്യമായ സ്ഥാനം സ്ഥിരീകരിക്കുന്നതിൽ ബുദ്ധിമുട്ടുണ്ടെന്നാണ് വിവരം.

എൽഎൻജി അതിശീതാവസ്ഥയിൽ സൂക്ഷിക്കേണ്ടതിനാൽ ഒരു കപ്പലിൽ നിന്ന് മറ്റൊന്നിലേക്ക് ചരക്ക് മാറ്റുന്നതിലും സാങ്കേതിക ബുദ്ധിമുട്ടുകളുണ്ട്. അതുകൊണ്ടുതന്നെ എണ്ണക്കപ്പലുകളെപ്പോലെ കപ്പലുകൾ മാറ്റിമാറ്റി ചരക്ക് നീക്കുന്നത് എൽഎൻജിക്ക് കൂടുതൽ സങ്കീർണമാണെന്നും റിപ്പോർട്ട് ചൂണ്ടിക്കാട്ടുന്നു.

റാസ് ലഫാൻ പ്ലാന്റ് നിർണായകം

ഹോർമുസ് കടലിടുക്ക് വീണ്ടും പൂർണമായി തുറന്നാൽ ലോകത്തിലെ ഏറ്റവും വലിയ എൽഎൻജി കയറ്റുമതി കേന്ദ്രമായ ഖത്തറിലെ റാസ് ലഫാൻ പ്ലാന്റിന്റെ കേടുപാടുകൾ സംഭവിക്കാത്ത ഭാഗങ്ങളിൽ ഏതാനും ആഴ്ചകൾക്കുള്ളിൽ പൂർണതോതിലുള്ള പ്രവർത്തനം പുനരാരംഭിക്കാൻ കഴിയുമെന്ന് ഖത്തർ ഊർജമന്ത്രി സഅദ് ഷെരീദ അൽ കഅ്ബി നേരത്തെ വ്യക്തമാക്കിയിരുന്നു.

ആഗോള എൽഎൻജി വിതരണത്തിൽ ഖത്തറിന് നിർണായക സ്ഥാനമുള്ളതിനാൽ ഹോർമുസ് വഴിയുള്ള കയറ്റുമതി പുനരാരംഭിക്കുന്നത് യൂറോപ്പ്, ഏഷ്യ തുടങ്ങിയ പ്രധാന വിപണികളിലും സ്വാധീനം ചെലുത്തിയേക്കാം.

Qatar Customs Duty Increase on Chicken ഖത്തറിൽ ഇറക്കുമതി തീരുവ വർധന; അറബ് രാജ്യങ്ങളിൽ നിന്നുള്ള കോഴിക്കും കാർഷിക ഉൽപ്പന്നങ്ങൾക്കും ഇളവ്

Qatar greeshma — September 25, 2026·0 Comment

Qatar Customs Duty Increase on Chicken ദോഹ: കോഴിയിറച്ചിയുടെയും ചില കാർഷിക ഉൽപ്പന്നങ്ങളുടെയും ഇറക്കുമതി തീരുവ വർധിപ്പിക്കുന്ന പുതിയ ഉത്തരവിൽ ഇളവ് ലഭിക്കുന്ന രാജ്യങ്ങളെ വ്യക്തമാക്കി ഖത്തർ ജനറൽ അതോറിറ്റി ഓഫ് കസ്റ്റംസ്. നിലവിലുള്ള മുൻഗണനാ വ്യാപാര കരാറുകളുടെ പരിധിയിൽ വരുന്ന രാജ്യങ്ങളിൽ നിന്നുള്ള ഉൽപ്പന്നങ്ങൾക്ക് തീരുവ വർധന ബാധകമാകില്ലെന്ന് അധികൃതർ അറിയിച്ചു.

2026ലെ അമീരി ഉത്തരവ് നമ്പർ 45 പ്രകാരമാണ് ചില ഇനം കോഴിയിറച്ചിക്കും കാർഷിക ഉൽപ്പന്നങ്ങൾക്കും ഇറക്കുമതി തീരുവ വർധിപ്പിക്കുന്നത്. എന്നാൽ, നിലവിലുള്ള മുൻഗണനാ വ്യാപാര കരാറുകൾ പ്രകാരം ഇളവിന് അർഹതയുള്ള രാജ്യങ്ങളിൽ നിന്നുള്ള ഉൽപ്പന്നങ്ങളെ ഈ വർധനയിൽ നിന്ന് ഒഴിവാക്കിയിട്ടുണ്ട്.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക

കസ്റ്റംസ് അതോറിറ്റി എക്സിലൂടെയാണ് (X) ഇക്കാര്യം അറിയിച്ചത്.

കോഴിയിറച്ചിക്ക് തീരുവ ഇളവ് ലഭിക്കുന്ന രാജ്യങ്ങൾ

ശീതീകരിച്ച കോഴിയിറച്ചി ഇറക്കുമതി ചെയ്യുമ്പോൾ തീരുവ വർധനയിൽ നിന്ന് ഒഴിവാക്കിയ രാജ്യങ്ങളുടെ പട്ടികയിൽ ഗൾഫ് സഹകരണ കൗൺസിൽ (ജിസിസി) രാജ്യങ്ങളും തുർക്കിയും ഉൾപ്പെടുന്നു.

അറബ് രാജ്യങ്ങളിൽ നിന്ന് താഴെപ്പറയുന്ന രാജ്യങ്ങൾക്കും ഇളവ് ലഭിക്കും:

• ജോർദാൻ
• മൊറോക്കോ
• ഫലസ്തീൻ
• ടുണീഷ്യ
• ഇറാഖ്
• സുഡാൻ
• യെമൻ
• ഈജിപ്ത്
• സിറിയ
• അൾജീരിയ
• ലിബിയ
• ലെബനൻ

ഈ രാജ്യങ്ങളിൽ നിന്നുള്ള ശീതീകരിച്ച കോഴിയിറച്ചിക്ക് നിലവിലുള്ള മുൻഗണനാ കരാറുകൾ പ്രകാരം തീരുവ വർധന ബാധകമാകില്ല.

കാർഷിക ഉൽപ്പന്നങ്ങൾക്കും ഇളവ്

തക്കാളി, വഴുതന, പടവലങ്ങയോട് സാമ്യമുള്ള പടിപ്പുരയ്ക്ക (സുക്കിനി) തുടങ്ങിയ കാർഷിക ഉൽപ്പന്നങ്ങളുടെ ഇറക്കുമതിക്കും ചില രാജ്യങ്ങൾക്ക് തീരുവ ഇളവ് അനുവദിച്ചിട്ടുണ്ട്.

ജിസിസി രാജ്യങ്ങൾക്കും മുകളിൽ പരാമർശിച്ച അറബ് രാജ്യങ്ങൾക്കും പുറമെ തുർക്കി, നോർവേ, സിംഗപ്പൂർ, ലിച്ചൻസ്റ്റൈൻ, സ്വിറ്റ്സർലൻഡ്, ഐസ്‌ലൻഡ് എന്നീ രാജ്യങ്ങളും ഈ പട്ടികയിൽ ഉൾപ്പെടുന്നു.

മറ്റ് രാജ്യങ്ങളിൽ നിന്നുള്ള ഇറക്കുമതിക്ക് വർധന ബാധകം

നിലവിലുള്ള മുൻഗണനാ വ്യാപാര കരാറുകളുടെ പരിധിയിൽ വരാത്ത രാജ്യങ്ങളിൽ നിന്ന് ഇറക്കുമതി ചെയ്യുന്ന ഉൽപ്പന്നങ്ങൾക്കാണ് പുതിയ തീരുവ വർധന ബാധകമാകുക.

അതേസമയം, ഓരോ ഉൽപ്പന്നത്തിനും ബാധകമായ കൃത്യമായ തീരുവ നിരക്കും മറ്റ് വ്യവസ്ഥകളും ബന്ധപ്പെട്ട കസ്റ്റംസ് ചട്ടങ്ങൾ അനുസരിച്ചായിരിക്കും.

ഇറക്കുമതി വ്യാപാരികൾ ഉൽപ്പന്നത്തിന്റെ ഉത്ഭവരാജ്യവും അതിന് ബാധകമായ വ്യാപാര കരാറുകളും പരിശോധിച്ച ശേഷമായിരിക്കണം കസ്റ്റംസ് നടപടികൾ പൂർത്തിയാക്കേണ്ടത്.

സമുദ്ര മേഖലയിൽ കൂടുതൽ ശ്രദ്ധ; സുരക്ഷയും സുസ്ഥിരതയും ഉറപ്പാക്കാൻ ഖത്തർ

Qatar greeshma — September 25, 2026·0 Comment

Qatar maritime sector safety and sustainability ദോഹ: കൂടുതൽ സുസ്ഥിരവും കാര്യക്ഷമവുമായ ഭാവിയിലേക്ക് രാജ്യത്തിന്റെ വികസനത്തെ പിന്തുണയ്ക്കുന്നതിനൊപ്പം സമുദ്ര സുരക്ഷയും സംരക്ഷണവും ശക്തിപ്പെടുത്തുന്നതിന് ഖത്തർ സമുദ്ര മേഖലയ്ക്ക് പ്രത്യേക പ്രാധാന്യം നൽകുന്നതായി ഗതാഗത മന്ത്രാലയം അറിയിച്ചു.

ലോക സമുദ്ര ദിനത്തോടനുബന്ധിച്ചാണ് മന്ത്രാലയം ഖത്തറിന്റെ സമുദ്ര മേഖലയുമായി ബന്ധപ്പെട്ട പ്രവർത്തനങ്ങൾ വിശദീകരിച്ചത്.

അന്താരാഷ്ട്ര സമുദ്ര നിയമങ്ങളും കരാറുകളും നടപ്പാക്കുന്നതിലൂടെ സമുദ്ര സുരക്ഷയും സംരക്ഷണവും കൂടുതൽ ശക്തിപ്പെടുത്തുകയാണ് ഖത്തറിന്റെ ലക്ഷ്യം. ഇതിനൊപ്പം രാജ്യത്തിന്റെ സമുദ്ര നയങ്ങളും തന്ത്രങ്ങളും പ്രായോഗിക പ്രവർത്തനങ്ങളിലേക്കും നടപടിക്രമങ്ങളിലേക്കും മാറ്റുന്നതിനും ശ്രദ്ധ നൽകുന്നുണ്ട്.

ആഗോള നിലവാരത്തിലുള്ള മാനദണ്ഡങ്ങൾ പാലിക്കുന്നതും വിവിധ വെല്ലുവിളികളെ നേരിടാൻ കഴിയുന്നതുമായ സുരക്ഷിതവും സുസ്ഥിരവും കാര്യക്ഷമവുമായ സമുദ്ര മേഖല വികസിപ്പിക്കാനാണ് ഖത്തർ ശ്രമിക്കുന്നത്.

സമുദ്ര മേഖലയിലെ ഈ വികസനം രാജ്യത്തിന്റെ സാമ്പത്തിക വളർച്ചയ്ക്കും പിന്തുണ നൽകുമെന്ന് ഗതാഗത മന്ത്രാലയം വ്യക്തമാക്കി. സമുദ്ര സുരക്ഷ, കാര്യക്ഷമത, സുസ്ഥിരത എന്നിവ ഒരുമിച്ച് മുന്നോട്ട് കൊണ്ടുപോകുന്നതിനുള്ള നടപടികൾ തുടരുമെന്നും മന്ത്രാലയം അറിയിച്ചു.

ഖത്തറിലെ കൂടുതൽ തൊഴിൽ ഒഴിവുകൾ അറിയാൻ ലിങ്ക് ക്ലിക്ക് ചെയ്യുക