കുവൈറ്റ് സിറ്റി, ഓഗസ്റ്റ് 12: ഹോർമുസ് കടലിടുക്കിലെ ഭൗമരാഷ്ട്രീയ സംഘർഷങ്ങൾ വർധിക്കുന്ന സാഹചര്യത്തിൽ ഗൾഫ് രാജ്യങ്ങൾ എണ്ണ കയറ്റുമതിക്ക് ബദൽ മാർഗങ്ങൾ വികസിപ്പിക്കണമെന്ന് വിദഗ്ധർ. ഹോർമുസിനെ ആശ്രയിക്കുന്നത് കുറയ്ക്കാൻ സൗദി അറേബ്യ, യുഎഇ, ഒമാൻ തുടങ്ങിയ രാജ്യങ്ങളിലെ കര അധിഷ്ഠിത എണ്ണ ഗതാഗത സംവിധാനങ്ങളും പൈപ്പ്ലൈൻ പദ്ധതികളും ശക്തിപ്പെടുത്തേണ്ടതുണ്ടെന്നാണ് വിദഗ്ധരുടെ അഭിപ്രായം.
APPLY NOW FOR THE LATEST VACANCIES
സാമ്പത്തിക വിദഗ്ധനും മുൻ ധനമന്ത്രിയുടെ ഉപദേഷ്ടാവുമായ മുഹമ്മദ് റമദാൻ പറയുന്നത്, ഗൾഫ് രാജ്യങ്ങൾക്ക് ഹോർമുസിന് പകരം ഉപയോഗിക്കാവുന്ന നിരവധി ഭൗമ-ലോജിസ്റ്റിക് മാർഗങ്ങൾ നിലവിലുണ്ടെന്നാണ്. സൗദി അറേബ്യ, യുഎഇ, ഒമാൻ എന്നിവയുടെ പ്രദേശങ്ങളിലൂടെയും തീരപ്രദേശങ്ങളിലൂടെയും ഇത്തരം ബദൽ വഴികൾ വികസിപ്പിക്കാനാകുമെന്ന് അദ്ദേഹം പറഞ്ഞു.
ഇത്തരം പദ്ധതികൾ നടപ്പാക്കുന്നത് ആഗോള എണ്ണ വ്യാപാരത്തിൽ ഹോർമുസ് കടലിടുക്കിന്റെ മേൽക്കോയ്മ കുറയ്ക്കാൻ സഹായിക്കുമെന്നും അദ്ദേഹം ചൂണ്ടിക്കാട്ടി. ഹോർമുസ് പൂർണമായി ഉപേക്ഷിക്കുക എന്നതല്ല ലക്ഷ്യം. എന്നാൽ ഒരു പ്രധാന കയറ്റുമതി പാതയെന്ന നിലയിൽ അതിന്റെ ഏകാധിപത്യ സ്വാധീനം കുറയ്ക്കുകയാണ് വേണ്ടതെന്നും അദ്ദേഹം വ്യക്തമാക്കി.
കുവൈറ്റിന് പുതിയ എണ്ണ വിപണികൾ തേടണം
കുവൈറ്റും പരമ്പരാഗത എണ്ണ കയറ്റുമതി രീതിയിൽ മാറ്റം വരുത്തണമെന്ന് സാമ്പത്തിക-നിയമ വിദഗ്ധനായ സലേം അൽ-കന്ദരി ആവശ്യപ്പെട്ടു.
നിലവിൽ ഏഷ്യൻ വിപണികളെ കൂടുതൽ ആശ്രയിക്കുന്ന കുവൈറ്റ്, യൂറോപ്പിലെയും ആഫ്രിക്കയിലെയും വിപണികളിലേക്ക് എണ്ണ കയറ്റുമതി വർധിപ്പിക്കണമെന്ന് അദ്ദേഹം അഭിപ്രായപ്പെട്ടു.
ഇതിനായി സൗദി അറേബ്യയിലെ കിഴക്ക്-പടിഞ്ഞാറ് എണ്ണ പൈപ്പ്ലൈൻ പ്രധാന ബദൽ മാർഗമാകാമെന്നും അദ്ദേഹം പറഞ്ഞു. ഹോർമുസ് കടലിടുക്കിന് പകരം സൗദിയുടെ പടിഞ്ഞാറൻ തീരത്തുള്ള യാൻബു തുറമുഖം വഴി എണ്ണ കയറ്റുമതി ചെയ്യാൻ ഈ പൈപ്പ്ലൈൻ സഹായിക്കും.
യാൻബു തുറമുഖം പ്രധാന ബദൽ
ഹോർമുസിലെ സംഘർഷ സാധ്യതകൾ ഒഴിവാക്കി എണ്ണ കയറ്റുമതി നടത്താൻ യാൻബു തുറമുഖം സുരക്ഷിതമായ മാർഗമാകുമെന്ന് അൽ-കന്ദരി പറഞ്ഞു.
സൗദിയുടെ ഈ പൈപ്പ്ലൈനിന് നിലവിൽ പ്രതിദിനം ഏഴ് മില്യൺ ബാരൽ വരെ എണ്ണ കൈകാര്യം ചെയ്യാനുള്ള ശേഷിയുണ്ടെന്ന് അദ്ദേഹം വ്യക്തമാക്കി.
അതിൽ ഏകദേശം അഞ്ച് മില്യൺ ബാരൽ യാൻബു തുറമുഖം വഴി കയറ്റുമതി ചെയ്യാനും ശേഷിക്കുന്ന രണ്ട് മില്യൺ ബാരൽ സൗദിയുടെ പടിഞ്ഞാറൻ മേഖലയിലെ റിഫൈനറികൾക്കും ആഭ്യന്തര ആവശ്യങ്ങൾക്കും ഉപയോഗിക്കാനുമാകും.
ഷിപ്പിംഗ് ചെലവും അപകടസാധ്യതയും കുറയ്ക്കാം
ഹോർമുസിന് പകരം പൈപ്പ്ലൈൻ ഉപയോഗിക്കുന്നതിലൂടെ എണ്ണ ഗതാഗതത്തിനുള്ള ചിലവ് കുറയ്ക്കാൻ കഴിയുമെന്നാണ് വിലയിരുത്തൽ. കടൽമാർഗം അറേബ്യൻ ഉപദ്വീപിനെ ചുറ്റിപ്പോകേണ്ട സാഹചര്യം കുറയുന്നതോടെ യാത്രാ സമയവും കുറയ്ക്കാനാകും.
അതോടൊപ്പം യുദ്ധങ്ങളും സൈനിക സംഘർഷങ്ങളും മൂലമുള്ള കപ്പൽ ഗതാഗത അപകടസാധ്യതയും കുറയുമെന്ന് വിദഗ്ധർ ചൂണ്ടിക്കാട്ടുന്നു.
ഗൾഫ് രാജ്യങ്ങളുടെ സഹകരണം ശക്തമാകും
എണ്ണ കയറ്റുമതിക്ക് ബദൽ പൈപ്പ്ലൈൻ ശൃംഖല വികസിപ്പിക്കുന്നത് ഗൾഫ് രാജ്യങ്ങൾ തമ്മിലുള്ള സാമ്പത്തിക സഹകരണത്തിനും സഹായകരമാകുമെന്ന് അൽ-കന്ദരി പറഞ്ഞു.
പ്രത്യേകിച്ച് കുവൈറ്റും സൗദി അറേബ്യയും തമ്മിലുള്ള ലോജിസ്റ്റിക്, സാമ്പത്തിക ബന്ധങ്ങൾ കൂടുതൽ ശക്തിപ്പെടുത്താൻ ഇത്തരം പദ്ധതികൾക്ക് കഴിയും. ഭാവിയിൽ ഗൾഫ് രാജ്യങ്ങളെ ബന്ധിപ്പിക്കുന്ന ഒരു ഏകീകൃത ഊർജ പൈപ്പ്ലൈൻ ശൃംഖല വികസിപ്പിക്കുന്നതിനും ഇത് വഴിയൊരുക്കുമെന്നാണ് വിലയിരുത്തൽ.
ഹോർമുസ് കടലിടുക്കിലെ ഭൗമരാഷ്ട്രീയ സംഘർഷങ്ങൾ തുടരുന്ന സാഹചര്യത്തിൽ എണ്ണ കയറ്റുമതിക്ക് സുരക്ഷിതവും വിശ്വസനീയവുമായ ബദൽ മാർഗങ്ങൾ കണ്ടെത്തുന്നത് ഗൾഫ് രാജ്യങ്ങളുടെ സാമ്പത്തിക സുരക്ഷയ്ക്ക് നിർണായകമാണെന്നും വിദഗ്ധർ അഭിപ്രായപ്പെട്ടു.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
പ്രവാസികള്ക്ക് പരാതികളൊക്കെ ഇനി ഓണ്ലൈനായി നല്കാം, വെബസൈറ്റ് റെഡി
UAE Nazia Staff Editor — August 13, 2026 · 0 Comment
തിരുവനന്തപുരം: പ്രവാസികള്ക്ക് ഇനി ഓണ്ലൈനായി നല്കാം. ഭാരതീയര് (കേരളീയര്) പ്രവാസി ഭാരതീയര് (കേരളീയര്) കമ്മീഷന്റെ നവീകരിച്ച വെബ്സൈറ്റിന്റെയും ഓണ്ലൈന് പരാതി പരിഹാര സംവിധാനത്തിന്റെയും ഉദ്ഘാടനം മുഖ്യമന്ത്രി വി ഡി സതീശന് നിര്വഹിച്ചു.
APPLY NOW FOR THE LATEST VACANCIES
കേരളീയരുടെ താത്പര്യങ്ങള് സംരക്ഷിക്കുന്നതിനും സുരക്ഷിതത്വം ഉറപ്പാക്കുന്നതിനും ക്ഷേമത്തിനാവശ്യമായ പരിഹാരമാര്ഗങ്ങള് നിര്ദേശിക്കുന്നതിനുമാണ് പ്രവാസി ഭാരതീയര് കമ്മീഷന് രൂപീകരിച്ചത്.
2015ലെ പ്രവാസി ഭാരതീയര് (കേരളീയര്) കമ്മീഷന് ആക്ട് പ്രകാരമാണ് കമ്മീഷന് രൂപീകരിച്ചത്. പുതിയ വെബ്സൈറ്റ് https://nricommission.kerala.gov.in/ നിലവില് വന്നതോടെ പ്രവാസികളായ കേരളീയര്ക്കും അവരുടെ ആശ്രിതര്ക്കും കമ്മീഷനില് പരാതികള് ഓണ്ലൈനായി സമര്പ്പിക്കാനും പരാതി പരിഹാര സംവിധാനത്തിന്റെ സേവനം പ്രയോജനപ്പെടുത്താനും കഴിയും.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
കണ്ണീരോടെ ഷാർജയിലെ ഇന്ത്യൻ സമൂഹം; പ്രവാസി വിദ്യാർത്ഥിനി മരണപ്പെട്ടു
ഷാർജ: തമിഴ്നാട് സ്വദേശിയായ പ്രവാസി വിദ്യാർത്ഥിനി യുഎഇയിൽ അന്തരിച്ചു. ഷാർജ ജെംസ് ഔർ ഓൺ ഇംഗ്ലീഷ് ഹൈസ്കൂളിലെ പന്ത്രണ്ടാം ക്ലാസ് സിബിഎസ്ഇ വിദ്യാർത്ഥിനിയായിരുന്ന ഗ്ലോവിൻ ചെൽ (18) ആണ് കാൻസർ രോഗബാധയെ തുടർന്ന് വിയോഗത്തിന് കീഴടങ്ങിയത്. ചൊവ്വാഴ്ച തമിഴ്നാട്ടിൽ ചികിത്സയിലിരിക്കെയായിരുന്നു അന്ത്യം.
കന്യാകുമാരി ജില്ലയിലെ മാർത്താണ്ഡത്ത് നടന്ന സംസ്കാര ചടങ്ങുകളിൽ ഷാർജയിൽ നിന്നുള്ള അടുത്ത സുഹൃത്തുക്കളും അഭ്യുദയകാംക്ഷികളും അടക്കം നിരവധിയാളുകൾ പങ്കെടുത്തു.
കഴിഞ്ഞ വർഷം ഓഗസ്റ്റിൽ പന്ത്രണ്ടാം ക്ലാസ്സിൽ പഠിക്കുമ്പോഴാണ് ഗ്ലോവിന് ക്യാൻസർ സ്ഥിരീകരിക്കുന്നത്. തുടർന്ന് രോഗാവസ്ഥ കാരണം താൽക്കാലികമായി പഠനം നിർത്തിവെക്കേണ്ടി വന്നു. രോഗാവസ്ഥയിൽ ചെറിയ മാറ്റം വന്നപ്പോൾ വീണ്ടും സ്കൂളിലെത്തിയെങ്കിലും ആരോഗ്യം വഷളായതോടെ പഠനം തുടരാനായില്ല.
ജൂണിൽ ഷാർജയിലെ ആശുപത്രിയിൽ പ്രവേശിപ്പിച്ച ഗ്ലോവിനെ പിന്നീട് വിദഗ്ദ്ധ ചികിത്സയ്ക്കായി വെല്ലൂരിലെ ക്രിസ്ത്യൻ മെഡിക്കൽ കോളേജിലേക്ക് (സിഎംസി) മാറ്റുകയായിരുന്നു. ദുബൈയിലെ ഉന്നത വിദ്യാഭ്യാസ സ്ഥാപനത്തിൽ ഓഫീസറായ അച്ഛൻ ഡോ. വിജയകുമാറും ഗണിത അധ്യാപികയായിരുന്ന അമ്മ ശുഭമലറും മകളുടെ ചികിത്സയ്ക്കായി പൂർണ്ണ സമയവും കൂടെയുണ്ടായിരുന്നു.
ഒരു വയസ്സുള്ളപ്പോൾ യുഎഇയിലെത്തിയ ഗ്ലോവിൻ, അധ്യാപകർക്കും സഹപാഠികൾക്കും ഒരുപോലെ പ്രിയങ്കരിയായിരുന്നു. മകളുടെ വേർപാടിൽ കടുത്ത ദുഃഖത്തിലാണ് കുടുംബവും വിദ്യാലയവും. പ്രിയപ്പെട്ട വിദ്യാർത്ഥിനിയുടെ വിയോഗത്തിൽ ജെംസ് ഔർ ഓൺ ഇംഗ്ലീഷ് ഹൈസ്കൂൾ അധികൃതരും സഹപാഠികളും ആദരാഞ്ജലികൾ അർപ്പിച്ചു.
