India deepfake rules : ന്യൂഡൽഹി, ഓഗസ്റ്റ് 7: ഡീപ്പ്ഫേക്ക് ഉൾപ്പെടെയുള്ള എഐ സൃഷ്ടിച്ച ഉള്ളടക്കങ്ങൾക്കെതിരെ ഇന്ത്യയിൽ കൂടുതൽ ശക്തമായ നിയന്ത്രണങ്ങൾ. ഭേദഗതി ചെയ്ത ഇൻഫർമേഷൻ ടെക്നോളജി (ഐടി) ചട്ടങ്ങൾ പ്രകാരം, ചില സെൻസിറ്റീവ് ഓൺലൈൻ ഉള്ളടക്കങ്ങൾ നീക്കം ചെയ്യുന്നതിനുള്ള സമയപരിധി 24 മണിക്കൂറിൽ നിന്ന് രണ്ട് മണിക്കൂറായി കുറച്ചതായി സർക്കാർ അറിയിച്ചു.
2026 ഫെബ്രുവരി 10ന് അവതരിപ്പിച്ച ഭേദഗതികൾ പ്രകാരം, സർക്കാർ അധികൃതരിൽ നിന്നോ കോടതികളിൽ നിന്നോ ലഭിക്കുന്ന സാധുവായ നിർദേശങ്ങളുടെ അടിസ്ഥാനത്തിൽ നിയമവിരുദ്ധമായ ഉള്ളടക്കം മൂന്ന് മണിക്കൂറിനുള്ളിൽ നീക്കം ചെയ്യണം. നേരത്തെ ഇത് 36 മണിക്കൂറായിരുന്നു.
പരാതികൾ പരിഹരിക്കുന്നതിനുള്ള സമയപരിധിയും കുറച്ചിട്ടുണ്ട്. നേരത്തെ 72 മണിക്കൂറായിരുന്ന സമയപരിധി 36 മണിക്കൂറായി ചുരുക്കി. നഗ്നതയോ ആൾമാറാട്ടമോ ഉൾപ്പെടുന്ന പരാതികൾ രണ്ട് മണിക്കൂറിനുള്ളിൽ പരിഹരിക്കണമെന്നും പുതിയ ചട്ടങ്ങളിൽ വ്യക്തമാക്കുന്നു.
വലിയ സോഷ്യൽ മീഡിയ പ്ലാറ്റ്ഫോമുകൾക്ക് കൂടുതൽ ഉത്തരവാദിത്തം
ഇന്ത്യയിൽ അഞ്ച് ദശലക്ഷത്തിലധികം ഉപയോക്താക്കളുള്ള സോഷ്യൽ മീഡിയ പ്ലാറ്റ്ഫോമുകളെ ഗണ്യമായ സോഷ്യൽ മീഡിയ ഇടനിലക്കാർ എന്നാണ് പുതിയ ചട്ടങ്ങൾ നിർവചിക്കുന്നത്.
ഇത്തരം പ്ലാറ്റ്ഫോമുകൾ ബലാത്സംഗം, കുട്ടികളെ ലൈംഗികമായി ദുരുപയോഗം ചെയ്യുന്നതുമായി ബന്ധപ്പെട്ട ഉള്ളടക്കം, നേരത്തെ നീക്കം ചെയ്ത സമാനമായ ഉള്ളടക്കം എന്നിവ മുൻകൂട്ടി കണ്ടെത്തുന്നതിനായി ഓട്ടോമേറ്റഡ് സംവിധാനങ്ങൾ ഉൾപ്പെടെയുള്ള സാങ്കേതിക സംവിധാനങ്ങൾ ഉപയോഗിക്കണം.
നിയമങ്ങൾ പാലിക്കുന്നതിൽ വീഴ്ച വരുത്തുന്ന പ്ലാറ്റ്ഫോമുകൾക്ക് ഐടി നിയമത്തിലെ സെക്ഷൻ 79 പ്രകാരമുള്ള നിയമപരമായ സംരക്ഷണം നഷ്ടപ്പെടാം. കൂടാതെ, നിയമലംഘനത്തിന് കൂടുതൽ നിയമനടപടികളും നേരിടേണ്ടിവരുമെന്ന് സർക്കാർ മുന്നറിയിപ്പ് നൽകി.
ഡീപ്പ്ഫേക്ക് ഉൾപ്പെടെയുള്ള എഐ അധിഷ്ഠിത തെറ്റായതോ ഹാനികരമായതോ ആയ ഉള്ളടക്കങ്ങളുടെ വ്യാപനം തടയുകയും ഓൺലൈൻ ഉപയോക്താക്കളുടെ സുരക്ഷ ശക്തമാക്കുകയും ചെയ്യുകയാണ് പുതിയ നടപടികളുടെ ലക്ഷ്യം
ഒരു സംശയവും വേണ്ട!!എല്ലാം സിമ്പിൾ ;യുഎഇയിൽ ഇന്ത്യൻ പാസ്പോർട്ട് പുതുക്കണോ?പ്രവാസികൾ അറിയേണ്ടതെല്ലാം ഒറ്റ ക്ലിക്കിൽ ഇവിടെയുണ്ട്
UAE Nazia Staff Editor — August 7, 2026 · 0 Comment
UAE Indian passport renewal; യുഎഇയിലെ ഇന്ത്യൻ പാസ്പോർട്ട്, കോൺസുലർ സേവനങ്ങൾ മെച്ചപ്പെടുത്തുന്നതിനായുള്ള പുതിയ സംവിധാനം നിലവിൽ വന്നതോടെ പ്രവാസികൾക്കായി സമഗ്രമായ മാർഗനിർദ്ദേശങ്ങൾ പുറത്തിറക്കി. പാസ്പോർട്ട് അപേക്ഷകളിലെ തിരക്ക് കുറയ്ക്കുമെന്നും ഓഗസ്റ്റ് 15-ഓടെ നിലവിലുള്ള ബാക്ക്ലോഗ് (Backlog) പൂർണ്ണമായും പരിഹരിക്കുമെന്നും ഇന്ത്യൻ മിഷൻ അറിയിച്ചു.
പുതിയ കേന്ദ്രങ്ങൾ എവിടെയെല്ലാം?
അൽഹിന്ദ് ടൂർസ് ആൻഡ് ട്രാവൽസിന്റെ നേതൃത്വത്തിൽ യുഎഇയിലുടനീളം 16 ഇന്ത്യൻ കോൺസുലർ ആപ്ലിക്കേഷൻ സെന്ററുകളാണ് (ICAC) പ്രവർത്തിക്കുന്നത്. അബുദാബിയിൽ ആറും, ദുബായിൽ രണ്ടും, ഷാർജയിൽ രണ്ടും കേന്ദ്രങ്ങളുണ്ട്. അജ്മാൻ, ഫുജൈറ, ഉമ്മുൽ ഖുവൈൻ, ഖോർഫക്കാൻ, കൽബ, റാസൽഖൈമ എന്നിവിടങ്ങളിൽ ഓരോ കേന്ദ്രങ്ങൾ വീതവും പ്രവർത്തിക്കുന്നു. ബർ ദുബായിലെ യുഡബ്ല്യു മാളിലുള്ള (UW Mall) ഫ്ലാഗ്ഷിപ്പ് സെന്ററാണ് ഇതിൽ ഏറ്റവും വലുത്. 12,000 ചതുരശ്ര അടി വിസ്തീർണ്ണമുള്ള ഇവിടെ ഒരേസമയം 8000 പേർക്ക് സേവനം നൽകാൻ സാധിക്കും. അപേക്ഷകർക്ക് 30 മിനിറ്റിനുള്ളിൽ നടപടികൾ പൂർത്തിയാക്കി മടങ്ങാൻ കഴിയുന്ന രീതിയിലാണ് ക്രമീകരണം.
APPLY NOW FOR THE LATEST VACANCIES
അടിയന്തര സേവനങ്ങൾ
മുൻകൂട്ടി അപ്പോയിന്റ്മെന്റ് ഇല്ലാതെ തന്നെ താഴെ പറയുന്ന വിഭാഗക്കാർക്ക് അടിയന്തര സാഹചര്യങ്ങളിൽ നേരിട്ട് കേന്ദ്രങ്ങളിൽ എത്താം:
- അടിയന്തര യാത്രയ്ക്കുള്ള തത്കാൽ അപേക്ഷകർ (യാത്രാ രേഖകൾ സഹിതം).
- നവജാത ശിശുക്കളുടെ ആദ്യ പാസ്പോർട്ട് അപേക്ഷ.
- 60 വയസ്സിന് മുകളിലുള്ള മുതിർന്ന പൗരന്മാർ.
- പാസ്പോർട്ട് നഷ്ടപ്പെട്ടവർക്കുള്ള എമർജൻസി സർട്ടിഫിക്കറ്റ് അപേക്ഷകൾ.
അപ്പോയിന്റ്മെന്റ് ബുക്ക് ചെയ്യേണ്ടത് എങ്ങനെ?
ഔദ്യോഗിക പോർട്ടൽ വഴി ലളിതമായി അപ്പോയിന്റ്മെന്റ് എടുക്കാം
- വെബ്സൈറ്റിൽ ഇമെയിൽ ഉപയോഗിച്ച് രജിസ്റ്റർ ചെയ്യുക.
- ലഭിക്കുന്ന ഒടിപി (OTP) ഉപയോഗിച്ച് ലോഗിൻ ചെയ്യുക.
- സേവനവും ഇഷ്ടപ്പെട്ട കേന്ദ്രവും സമയവും തിരഞ്ഞെടുക്കുക.
അപ്പോയിന്റ്മെന്റ് ലഭിക്കാൻ ബുദ്ധിമുട്ടുന്നവർ രാവിലെ 9 മണിക്കും രാത്രി 9 മണിക്കും പോർട്ടൽ പരിശോധിക്കുക. ഈ സമയങ്ങളിലാണ് പുതിയ സ്ലോട്ടുകൾ അനുവദിക്കുന്നത്.
ഫീസ് ഘടന
പുതിയ സംവിധാനത്തിൽ 19 ദിർഹം മാത്രമാണ് സേവന നിരക്ക്. ഇത് കൂടാതെ സർക്കാർ നിശ്ചയിച്ചിട്ടുള്ള പുതുക്കിയ പാസ്പോർട്ട് ഫീസ് താഴെ പറയുന്നതാണ്:
- സാധാരണ പാസ്പോർട്ട് (36 പേജ്): 450 ദിർഹം.
- തത്കാൽ പാസ്പോർട്ട്: 900 ദിർഹം.
ആവശ്യമായ രേഖകൾ
- നിലവിലുള്ള പാസ്പോർട്ടിന്റെ ഒറിജിനലും കോപ്പിയും.
- യുഎഇ റെസിഡൻസ് വിസ കോപ്പി.
- എമിറേറ്റ്സ് ഐഡി (ഒറിജിനലും കോപ്പിയും).
- വെള്ള പശ്ചാത്തലത്തിലുള്ള രണ്ട് പാസ്പോർട്ട് സൈസ് ഫോട്ടോകൾ
പാസ്പോർട്ട് ലഭിക്കാൻ എത്ര ദിവസമെടുക്കും?
തത്കാൽ അപേക്ഷകൾക്ക് ഏകദേശം 3 പ്രവൃത്തി ദിവസത്തിനുള്ളിൽ പാസ്പോർട്ട് ലഭിക്കും. സാധാരണ അപേക്ഷകൾക്ക് പോലീസ് വെരിഫിക്കേഷനും തിരക്കും അനുസരിച്ച് 7 മുതൽ 15 പ്രവൃത്തി ദിവസങ്ങൾ വരെ എടുത്തേക്കാം. അപ്പോയിന്റ്മെന്റുകൾക്കും മറ്റുമായി വൻതുക ഈടാക്കുന്ന അനധികൃത ഏജന്റുമാരെ വിശ്വസിക്കരുതെന്ന് ദുബായ് ഇന്ത്യൻ കോൺസൽ ജനറൽ ഡോ. ഇ. വിഷ്ണു വർധൻ റെഡ്ഡി പ്രവാസികൾക്ക് മുന്നറിയിപ്പ് നൽകി.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
തൂക്കി ത്രിവർണ്ണ കരങ്ങളോടെ അങ്ങ് ദുബായിൽ! യുഎഇയിൽ നിന്ന് യുവതിയെ ‘തൂക്കി’ സിബിഐ; ഇന്ത്യയിലെത്തിച്ചത് ഇന്റർപോളിന്റെ സഹായത്തോടെ, നിർണായക നീക്കം
UAE August 7, 2026
Financial fraud ദുബായ്: സാമ്പത്തിക തട്ടിപ്പുകേസിലെ പ്രതിയായ ഇന്ത്യൻ യുവതിയെ യുഎഇയിൽ നിന്ന് പിടികൂടി. ഇന്റർപോളിന്റെ സഹായത്തോടെ പ്രതിയായ യുവതിയെ സിബിഐ ഇന്ത്യയിലെത്തിച്ചു. വിശാഖ റാത്തോഡ് എന്ന യുവതിയെയാണ് ഈ മാസം മൂന്നിന് ആഭ്യന്തര-വിദേശകാര്യ മന്ത്രാലയങ്ങളുടെ സഹായത്തോടെ ഇന്ത്യയിലെത്തിച്ചത്. അതേസമയം, ഇക്കാര്യത്തെക്കുറിച്ച് യുഎഇ അധികൃതർ പ്രസ്താവന പുറത്തിറക്കിയിട്ടില്ല.
വിവിധ പദ്ധതികളിലേക്കെന്ന് പറഞ്ഞ് വിശ്വസിപ്പിച്ച് ആളുകളിൽ നിന്ന് വൻതുകകൾ യുവതി കൈക്കലാക്കിയെന്നാണ് കേസ്. ഒന്നിലേറെ ബാങ്കുകൾ ഇതിനായി പ്രതി ഉപയോഗപ്പെടുത്തുകയും ചെയ്തു. വിശ്വാസ വഞ്ചന, ഫണ്ട് അനധികൃതമായി കൈകാര്യം ചെയ്യൽ തുടങ്ങിയ കുറ്റങ്ങൾ പ്രതിക്കെതിരെ ചുമത്തിയിട്ടുണ്ട്. വിശാഖയെ യുഎഇയിൽ നിന്ന് പൂണെയിലെത്തിച്ചത് മഹാരാഷ്ട്ര പോലീസ് ആണ്.
.
