UAE Summer Car Maintenance Tips ദുബായ്: യുഎഇയിൽ വേനൽക്കാലത്ത് താപനില വളരെ ഉയരുന്നതിനാൽ വാഹനങ്ങളുടെ പരിപാലനത്തിൽ കൂടുതൽ ശ്രദ്ധ വേണമെന്ന് വിദഗ്ധർ മുന്നറിയിപ്പ് നൽകുന്നു. ആധുനിക കാറുകൾ ഉയർന്ന ചൂട് താങ്ങുന്ന രീതിയിലാണ് നിർമ്മിച്ചിട്ടുള്ളതെങ്കിലും, പതിവ് അറ്റകുറ്റപ്പണികൾ അവഗണിച്ചാൽ വാഹനം അമിതമായി ചൂടാകുക, വഴിമധ്യേ തകരാറിലാകുക, വലിയ അറ്റകുറ്റപ്പണി ചെലവുകൾ നേരിടുക തുടങ്ങിയ പ്രശ്നങ്ങൾ ഉണ്ടാകാം.

വേനൽക്കാലത്ത് വാഹനം സുരക്ഷിതമായി ഉപയോഗിക്കാൻ ശ്രദ്ധിക്കേണ്ട പ്രധാന കാര്യങ്ങൾ:

1. ബാറ്ററി പരിശോധിക്കുക
കടുത്ത ചൂട് കാർ ബാറ്ററിയുടെ പ്രവർത്തനത്തെ ബാധിക്കും. ബാറ്ററിയുടെ ചാർജ് നിലയും ടെർമിനലുകളിലെ തുരുമ്പും ഇടയ്ക്കിടെ പരിശോധിക്കുക.

2. കൂളന്റ് (Coolant) മതിയായ അളവിൽ ഉറപ്പാക്കുക
എഞ്ചിൻ അമിതമായി ചൂടാകാതിരിക്കാൻ കൂളന്റിന്റെ അളവ് ആവശ്യത്തിന് ഉണ്ടെന്ന് ഉറപ്പാക്കണം. കുറവുണ്ടെങ്കിൽ നിർദേശിച്ച ഗ്രേഡിലുള്ള കൂളന്റ് നിറയ്ക്കുക.

3. ദ്രാവക ചോർച്ചകൾ അവഗണിക്കരുത്
കാറിനടിയിൽ എണ്ണയോ കൂളന്റോ മറ്റ് ദ്രാവകങ്ങളോ ചോർന്നതായി കണ്ടാൽ ഉടൻ സർവീസ് സെന്ററിൽ പരിശോധിക്കണം. ചെറിയ ചോർച്ച പോലും പിന്നീട് വലിയ തകരാറുകൾക്ക് കാരണമായേക്കാം.

4. ടയറുകളുടെ അവസ്ഥ പരിശോധിക്കുക
ഉയർന്ന ചൂട് ടയറുകളെ കൂടുതൽ ബാധിക്കും. ടയർ പ്രഷർ ശരിയായ നിലയിലാണോ, ടയറുകൾക്ക് കേടുപാടുകളുണ്ടോ എന്ന് ഇടയ്ക്കിടെ പരിശോധിക്കണം.

5. എയർ കണ്ടീഷണർ പരിശോധന നടത്തുക
വേനൽക്കാലത്ത് എസി കാര്യക്ഷമമായി പ്രവർത്തിക്കുന്നത് യാത്രാസൗകര്യത്തിനും സുരക്ഷയ്ക്കും പ്രധാനമാണ്. തണുപ്പ് കുറയുകയാണെങ്കിൽ സർവീസ് നടത്തുക.

6. നിശ്ചിത ഇടവേളകളിൽ സർവീസ് ചെയ്യുക
വാഹന നിർമ്മാതാവ് നിർദേശിക്കുന്ന സർവീസ് ഷെഡ്യൂൾ പാലിക്കുന്നത് വേനൽക്കാല തകരാറുകൾ ഒഴിവാക്കാൻ സഹായിക്കും. എഞ്ചിൻ ഓയിൽ, ഫിൽട്ടറുകൾ, ബ്രേക്കുകൾ എന്നിവയും സമയബന്ധിതമായി പരിശോധിക്കണം.

വിദഗ്ധരുടെ അഭിപ്രായത്തിൽ, ഇത്തരം അടിസ്ഥാന പരിപാലനങ്ങൾ കൃത്യമായി നടത്തിയാൽ യുഎഇയിലെ കടുത്ത വേനൽച്ചൂടിലും വാഹനം സുരക്ഷിതമായും കാര്യക്ഷമമായും ഉപയോഗിക്കാൻ സാധിക്കും.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

UAE Flight Update;യുഎഇയിൽ വിമാന സർവീസുകൾക്ക് വീണ്ടും തടസ്സം; നിരവധി സർവീസുകൾ റദ്ദാക്കി |

UAE Nazia Staff Editor — July 25, 2026 · 0 Comment

ദുബൈ: മേഖലയിലെ സുരക്ഷാ സാഹചര്യത്തെ തുടർന്ന് യുഎഇയിൽ നിന്ന് വിവിധ ഗൾഫ് രാജ്യങ്ങളിലേക്കുള്ള വിമാന സർവീസുകളിൽ ഇന്നും വ്യാപകമായ റദ്ദാക്കലുകളും സമയക്രമ മാറ്റങ്ങളും തുടരുന്നു. എമിറേറ്റ്സ്, ഇത്തിഹാദ് എയർവേയ്‌സ്, ഫ്ലൈദുബൈ, എയർ അറേബ്യ എന്നീ വിമാനക്കമ്പനികൾ കുവൈത്ത്, ബഹ്റൈൻ ഉൾപ്പെടെയുള്ള റൂട്ടുകളിലെ നിരവധി സർവീസുകൾ റദ്ദാക്കിയിട്ടുണ്ട്.

യാത്രക്കാർ വിമാനത്താവളത്തിലേക്ക് പുറപ്പെടുന്നതിന് മുമ്പ് തങ്ങളുടെ വിമാനത്തിന്റെ നിലവിലെ സ്ഥിതി പരിശോധിക്കണമെന്നും എയർലൈൻ അധികൃതർ അറിയിച്ചിട്ടുണ്ട്. ചെക്ക്-ഇൻ, സുരക്ഷാ പരിശോധന, ഇമിഗ്രേഷൻ നടപടികൾ എന്നിവയ്ക്ക് കൂടുതൽ സമയം വേണ്ടിവരാൻ സാധ്യതയുള്ളതിനാൽ നേരത്തെ എത്താനും നിർദേശമുണ്ട്.

APPLY NOW FOR THE LATEST VACANCIES

ഇത്തിഹാദ് എയർവേയ്‌സിന്റെ സർവീസുകൾ

അബുദാബിയിലെ സായിദ് അന്താരാഷ്ട്ര വിമാനത്താവളത്തിൽ നിന്ന് ബഹ്റൈനിലേക്കും തിരിച്ചുമുള്ള സർവീസുകൾ ജൂലൈ 23 മുതൽ 25 വരെ റദ്ദാക്കി.

അബുദാബി–കുവൈത്ത് റൂട്ടിലെ EY653 (അബുദാബി–കുവൈത്ത്), EY654 (കുവൈത്ത്–അബുദാബി) സർവീസുകളും ജൂലൈ 26 വരെ റദ്ദാക്കിയിട്ടുണ്ട്.

യാത്രക്കാർക്ക് എസ്എംഎസ്, ഇ-മെയിൽ വഴി ഏറ്റവും പുതിയ അറിയിപ്പുകൾ ലഭിക്കുന്നതിനായി ബന്ധപ്പെടാനുള്ള വിവരങ്ങൾ പുതുക്കണമെന്ന് ഇത്തിഹാദ് അറിയിച്ചു.

 എമിറേറ്റ്സ് സർവീസുകളിൽ മാറ്റം

ദുബായ്–കുവൈത്ത് റൂട്ടിലെ EK853, EK855, EK857, EK859 എന്നിവയും തിരിച്ചുള്ള EK854, EK856, EK858, EK860 സർവീസുകളും ജൂലൈ 25, 26 തീയതികളിൽ റദ്ദാക്കിയിട്ടുണ്ട്.

ദുബൈ–ബഹ്റൈൻ റൂട്ടിലും ജൂലൈ 25, 26 തീയതികളിൽ നിരവധി സർവീസുകൾ റദ്ദാക്കിയിട്ടുണ്ട്.

ദുബൈ–അമ്മാൻ റൂട്ടിൽ EK903 സർവീസ് ഷെഡ്യൂൾ പ്രകാരം സർവീസ് നടത്തുമ്പോൾ EK905 റദ്ദാക്കി. തിരിച്ചുള്ള ചില സർവീസുകളിലും മാറ്റമുണ്ട്.

യാത്രക്കാർ വിമാനത്താവളത്തിൽ പുറപ്പെടുന്നതിന് കുറഞ്ഞത് മൂന്ന് മണിക്കൂർ മുമ്പ് എത്തുകയും യാത്രയ്ക്ക് മുമ്പ് വിമാനത്തിന്റെ സ്റ്റാറ്റസ് പരിശോധിക്കുകയും വേണമെന്ന് എമിറേറ്റ്സ് നിർദേശിച്ചു.

ഫ്ലൈദുബൈ സർവീസുകൾ

ദുബൈ–ബഹ്റൈൻ റൂട്ടിൽ FZ029 സർവീസ് റദ്ദാക്കിയപ്പോൾ മറ്റ് ചില സർവീസുകൾ നിശ്ചയിച്ച സമയത്തോ വൈകിയോ സർവീസ് നടത്തും.

വേനൽ അവധി തിരക്ക് കണക്കിലെടുത്ത് യാത്രക്കാർ നേരത്തെ വിമാനത്താവളത്തിൽ എത്തണമെന്നും ഫ്ലൈദുബായ് അറിയിച്ചു.

അതേസമയം, നേപ്പിൾസ് അന്താരാഷ്ട്ര വിമാനത്താവളത്തിലെ അറ്റകുറ്റപ്പണികൾ കാരണം നവംബർ 1 മുതൽ 30 വരെ ദുബബൈയിൽ നിന്ന് ഇറ്റലിയിലെ സലെർണോ കോസ്റ്റ ഡി അമാൽഫി വിമാനത്താവളത്തിലേക്കാണ് ഫ്ലൈദുബൈ സർവീസ് നടത്തുക.

 എയർ അറേബ്യ സർവീസുകൾ

അബുദാബി–കുവൈത്ത്, ഷാർജ–കുവൈത്ത്, ഷാർജ–ബഹ്റൈൻ റൂട്ടുകളിലെ നിരവധി സർവീസുകൾ ജൂലൈ 25, 26 തീയതികളിൽ റദ്ദാക്കി. ചില സർവീസുകൾ ഇതുവരെ പുറപ്പെട്ടിട്ടില്ലെന്നും കമ്പനി അറിയിച്ചു.

ദുബൈ വിമാനത്താവളത്തിന്റെ നിർദേശങ്ങൾ

ദുബൈ അന്താരാഷ്ട്ര വിമാനത്താവളം യാത്രക്കാർക്ക് നൽകിയ പ്രധാന നിർദേശങ്ങൾ:

* പുറപ്പെടുന്നതിന് കുറഞ്ഞത് മൂന്ന് മണിക്കൂർ മുമ്പ് വിമാനത്താവളത്തിൽ എത്തുക.

* സുരക്ഷാ പരിശോധനയ്ക്കും ഇമിഗ്രേഷനും കൂടുതൽ സമയം വേണ്ടിവരാമെന്ന് കണക്കാക്കുക.

* ബോർഡിങ് സമയത്തിന് ഒരു മണിക്കൂർ മുമ്പെങ്കിലും ഗേറ്റിൽ എത്തുക.

* റോഡ് ഗതാഗതക്കുരുക്ക് കണക്കിലെടുത്ത് അധിക സമയം അനുവദിക്കുക.

* സാധ്യമായാൽ എമിറേറ്റ്സ് ടെർമിനൽ 3-ലേക്ക് ദുബൈ മെട്രോ ഉപയോഗിക്കുക.

* ഓൺലൈൻ ചെക്ക്-ഇൻ, സെൽഫ് സർവീസ് കിയോസ്കുകൾ, നേരത്തെയുള്ള ബാഗേജ് ഡ്രോപ്പ് തുടങ്ങിയ സൗകര്യങ്ങൾ പ്രയോജനപ്പെടുത്തുക.

വിവിധ രാജ്യങ്ങളുടെ യാത്രാ മുന്നറിയിപ്പ്

പ്രാദേശിക സംഘർഷാവസ്ഥ തുടരുന്നതിനാൽ യുഎസ്, ബ്രിട്ടൻ, കാനഡ, ഓസ്ട്രേലിയ തുടങ്ങിയ രാജ്യങ്ങൾ പൗരന്മാർക്ക് യാത്രാ ജാഗ്രതാ നിർദേശങ്ങൾ നൽകിയിട്ടുണ്ട്. വിമാന റദ്ദാക്കലുകൾ, വ്യോമപാത അടച്ചിടൽ, യാത്രാ തടസ്സങ്ങൾ എന്നിവയ്ക്ക് സാധ്യതയുള്ളതിനാൽ എയർലൈനുകളിൽ നിന്ന് നേരിട്ട് വിവരങ്ങൾ ശേഖരിക്കണമെന്നും നിർദേശിച്ചിട്ടുണ്ട്.

യൂറോപ്യൻ യൂണിയൻ ഏവിയേഷൻ സേഫ്റ്റി ഏജൻസി (EASA) ഗൾഫ് മേഖലയിലെ അപകടസാധ്യത കണക്കിലെടുത്ത് ആഗസ്റ്റ് 31 വരെ മുന്നറിയിപ്പ് നീട്ടിയിട്ടുണ്ട്.

യാത്രക്കാർ ശ്രദ്ധിക്കേണ്ടത്

യാത്രയ്ക്ക് മുമ്പ് ബന്ധപ്പെട്ട വിമാനക്കമ്പനികളുടെ വെബ്‌സൈറ്റിലൂടെയോ മൊബൈൽ ആപ്പിലൂടെയോ വിമാനത്തിന്റെ നിലവിലെ സ്ഥിതി ഉറപ്പാക്കുക. അവസാന നിമിഷം സമയക്രമത്തിൽ മാറ്റം വരാൻ സാധ്യതയുള്ളതിനാൽ വിമാനത്താവള അധികൃതരുടെയും എയർലൈനുകളുടെയും നിർദേശങ്ങൾ കൃത്യമായി പാലിക്കണമെന്നും അധികൃതർ അറിയിച്ചു.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

യുഎഇ വേനൽക്കാല യാത്ര: പ്രവാസികളുടെ അവധിക്കാല പ്ലാനുകൾ പൊള്ളുന്നു;വിമാന ടിക്കറ്റ് നിരക്കിൽ വൻ വർധന; അറിയാം നിരക്കുകൾ

ദുബൈ: വേനൽക്കാല അവധിക്കാലത്ത് വിദേശരാജ്യങ്ങളിലേക്ക് യാത്ര ആസൂത്രണം ചെയ്യുന്ന യുഎഇ നിവാസികളെ കാത്തിരിക്കുന്നത് വൻ സാമ്പത്തിക ബാധ്യത. കേവലം 500 ദിർഹത്തിന് ആകർഷകമായ വിമാന ടിക്കറ്റ് നിരക്കുകൾ കണ്ട് യാത്ര പ്ലാൻ ചെയ്യുന്ന പല കുടുംബങ്ങൾക്കും, യാത്ര പൂർത്തിയാകുമ്പോഴേക്കും ആകെയുള്ള ചെലവ് 10,000 ദിർഹത്തിനും മുകളിലേക്ക് കുതിക്കുന്നതാണ് നിലവിലെ കാഴ്ച.

ലഗേജ് ഫീസ്, വിസ നിരക്കുകൾ, യാത്രാ ഇൻഷുറൻസ്, ഹോട്ടൽ താമസം, ഭക്ഷണ ചെലവുകൾ എന്നിവ ഉൾപ്പെടുന്നതോടെയാണ് പ്രാരംഭ ബജറ്റിന്റെ പലമടങ്ങ് തുക താമസക്കാർക്ക് ചെലവാക്കേണ്ടി വരുന്നത്.

വിസ, ഇൻഷുറൻസ് നിരക്കുകളിലെ വർധനവ്

അവധിക്കാല സീസൺ കടുത്തതോടെ വിസ, ഇൻഷുറൻസ് വിഭാഗത്തിലാണ് പ്രതീക്ഷിക്കാത്ത ചെലവുകൾ ഉയർന്നത്. യൂറോപ്യൻ രാജ്യങ്ങളിലേക്ക് യാത്രക്കാരുടെ തിരക്കേറിയതോടെ ഷെങ്കൻ വിസയ്ക്കായുള്ള ഏജൻസി ഫീസുകളിൽ 40 മുതൽ 50 ശതമാനം വരെ വർധനവുണ്ടായി.

യുഎസ് വിസ: ഉയർന്ന ആവശ്യകതയും എംബസികളിലെ അപ്പോയിന്റ്‌മെന്റ് പരിമിതികളും കാരണം യുഎസ് വിസ അപേക്ഷാ ചെലവ് 1,600 ദിർഹം മുതൽ 1,800 ദിർഹം വരെ ഉയർന്നതായി റിപ്പോർട്ടുകൾ വ്യക്തമാക്കുന്നു.

യാത്രാ ഇൻഷുറൻസ്: മെഡിക്കൽ അടിയന്തരാവസ്ഥകൾക്കും മറ്റ് തടസ്സങ്ങൾക്കും ഇൻഷുറൻസ് നിർബന്ധമാണ്. വൻ തുക കവറേജുള്ള പ്രീമിയം ഇൻഷുറൻസ് പ്ലാനുകളുടെ നിരക്കിൽ 5 മുതൽ 8 ശതമാനം വരെ വർധനവ് രേഖപ്പെടുത്തിയിട്ടുണ്ട്.

വിമാന ടിക്കറ്റ് നിരക്ക് 63% വരെ ഉയർന്നു

സ്‌കൂൾ അവധിക്കാലത്തെ തിരക്കും ഗൾഫ് മേഖലയിലെ സംഘർഷങ്ങൾ കാരണം ഇന്ധനവിലയിലുണ്ടായ വർധനവുമാണ് ടിക്കറ്റ് നിരക്കുകൾ കുത്തനെ ഉയരാൻ കാരണം.

പ്രധാന റൂട്ടുകളിലെ നിരക്ക് മാറ്റങ്ങൾ

ഇന്ത്യൻ ഉപഭൂഖണ്ഡം (മുംബൈ, ഡൽഹി, കൊച്ചി, ഹൈദരാബാദ്): മുൻപ് 1,350 – 1,500 ദിർഹം ഉണ്ടായിരുന്ന ടിക്കറ്റ് നിരക്കുകൾ ഇപ്പോൾ 2,090 – 2,440 ദിർഹത്തിലേക്ക് ഉയർന്നു (49% മുതൽ 63% വരെ വർധനവ്).

ഈജിപ്ത്: ടിക്കറ്റ് നിരക്ക് 1,980 ദിർഹത്തിൽ നിന്ന് 2,670 ദിർഹമായി (35% വർധനവ്).

മൊറോക്കോ: 1,800 ദിർഹത്തിൽ നിന്ന് നിരക്ക് 2,715 ദിർഹത്തിലെത്തി (50% വർധനവ്).

4 അംഗ കുടുംബത്തിന് യുകെ യാത്രയ്ക്ക് എത്ര ചെലവാകും?

മേയ്-ജൂൺ മാസങ്ങളെ അപേക്ഷിച്ച് ജൂലൈ, ഓഗസ്റ്റ് മാസങ്ങളിൽ നാലംഗ കുടുംബത്തിന് ദുബൈയിൽ നിന്ന് യുകെയിലേക്ക് യാത്ര ചെയ്യാൻ ഉണ്ടാകുന്ന അധിക ചെലവ്.

മടക്ക വിമാന ടിക്കറ്റ്: 6,500 – 7,000 ദിർഹത്തിൽ നിന്ന് 8,600 – 9,600 ദിർഹമായി വർദ്ധിച്ചു.

ഹോട്ടൽ താമസം (7 രാത്രികൾ): 6,800 ദിർഹത്തിൽ നിന്ന് 7,500 ദിർഹമായി ഉയർന്നു.

പ്രാദേശിക ഗതാഗതം: യാത്രാ ചെലവുകളിൽ 8 മുതൽ 12 ശതമാനം വരെ വർധനവ്.

വിലകുറഞ്ഞ വിമാന ടിക്കറ്റ് ലഭിച്ചു എന്നത് കൊണ്ട് മാത്രം ഒരു യാത്ര ബജറ്റ് ഫ്രണ്ട്‌ലി ആകണമെന്നില്ലെന്ന് ട്രാവൽ ഏജൻസി വിദഗ്ധർ വ്യക്തമാക്കുന്നു. ലഗേജ് ചാർജ്, ഹോട്ടൽ നിരക്കുകൾ, പ്രാദേശിക യാത്രാച്ചെലവുകൾ എന്നിവ കൃത്യമായി കണക്കൂകൂട്ടി മൊത്തത്തിലുള്ള ബജറ്റ് നിശ്ചയിച്ച ശേഷം മാത്രം യാത്രകൾ ആസൂത്രണം ചെയ്യുന്നതാണ് സാമ്പത്തിക നഷ്ടം ഒഴിവാക്കാൻ ഉചിതം.