മക്ക: തീർത്ഥാടകർക്ക് കൂടുതൽ സൗകര്യപ്രദമായ രീതിയിൽ സൗദി അറേബ്യ പുതിയ ഉംറ വിസ പരിഷ്കാരം പ്രഖ്യാപിച്ചു. ഇതോടെ ഒരു വർഷത്തെ കാലാവധിയുള്ള മൾട്ടിപ്പിൾ എൻട്രി ഉംറ വിസ നിലവിൽ വന്നു. നിലവിലുണ്ടായിരുന്ന മൂന്ന് മാസത്തെ ഉംറ വിസ നിർത്തലാക്കിയാണ് മന്ത്രാലയത്തിന്റെ പുതിയ തീരുമാനം. സഊദി പ്രസ് ഏജൻസിയാണ് (SPA) തിങ്കളാഴ്ച മുതൽ പുതിയ നിയമം പ്രാബല്യത്തിൽ വന്നതായി റിപ്പോർട്ട് ചെയ്തത്.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
സഊദി വിഷൻ 2030-ന്റെ ഭാഗമായി തീർത്ഥാടന അനുഭവങ്ങൾ കൂടുതൽ മെച്ചപ്പെടുത്തുന്നതിനും ഡിജിറ്റൽ സേവനങ്ങൾ സംയോജിപ്പിക്കുന്നതിനുമാണ് ഹജ്ജ്, ഉംറ മന്ത്രാലയത്തിന്റെ ഈ നീക്കം.
90 ദിവസം വരെ തങ്ങാം; നിരക്കുകളിൽ മാറ്റമില്ല
പുതിയ വിസയ്ക്ക് 365 ദിവസത്തെ സാധുതയുണ്ടായിരിക്കുമെങ്കിലും, വിസ കാലാവധിക്കുള്ളിൽ സഞ്ചിതമായി പരമാവധി 90 ദിവസം മാത്രമേ സഊദിയിൽ തങ്ങാൻ അനുവാദമുള്ളൂ. ഒന്നിലധികം സന്ദർശനങ്ങളിലായി രാജ്യത്ത് ചെലവഴിക്കുന്ന ദിവസങ്ങളുടെ എണ്ണം കണക്കാക്കിയായിരിക്കും ഇത് നിശ്ചയിക്കുക.
വിസ നിരക്കുകളിൽ കാര്യമായ മാറ്റമില്ലെന്നാണ് ട്രാവൽ മേഖലയിലുള്ളവർ വ്യക്തമാക്കുന്നത്. ഗ്രൂപ്പ് ഉംറ വിസകൾക്ക് ഏകദേശം 15,500 രൂപയും വ്യക്തിഗത ഉംറ വിസകൾക്ക് 16,500 രൂപയുമാണ് നിലവിലെ നിരക്ക് (സേവന ദാതാക്കളെ ആശ്രയിച്ച് ഇതിൽ ചെറിയ മാറ്റങ്ങൾ വരാം).
പുതിയ വിസയിലെ പ്രധാന നിബന്ധനകൾ
നുസുക് പെർമിറ്റ് നിർബന്ധം: തീർത്ഥാടകർ നുസുക് (Nusuk) പ്ലാറ്റ്ഫോമിലെ അംഗീകൃത ദാതാവിൽ നിന്ന് സർവീസ് പാക്കേജ് വാങ്ങുകയും, ഓരോ സന്ദർശനത്തിന് മുൻപും നുസുക് ആപ്പ് വഴി ഉംറ പെർമിറ്റ് എടുക്കുകയും വേണം.
യാത്രാ നിയന്ത്രണങ്ങൾ: ഓരോ തവണ സഊദിയിൽ നിന്ന് പുറത്തുപോകുമ്പോഴും വിസ താൽക്കാലികമായി നിർജ്ജീവമാകും. അടുത്ത യാത്രയ്ക്ക് മുന്നോടിയായി പുതിയ സർവീസ് പാക്കേജും ഉംറ പെർമിറ്റും എടുക്കുന്നതോടെ വിസ വീണ്ടും ആക്ടീവാകും.
ഹജ്ജ് സീസണിൽ അനുമതിയില്ല: മൾട്ടിപ്പിൾ എൻട്രി വിസ ഉപയോഗിച്ച് ഹജ്ജ് സീസണിൽ ഉംറ നിർവഹിക്കാൻ സാധിക്കില്ല. ഇസ്ലാമിക കലണ്ടറിലെ ദുൽ ഖിഅ്ദ 1 മുതൽ ദുൽ ഹിജ്ജ 13 വരെയുള്ള കാലയളവിൽ ഈ വിസ പ്രവർത്തനരഹിതമായിരിക്കും.
വർഷത്തിൽ ഏത് സമയത്തും നിർവഹിക്കാവുന്ന പുണ്യകർമ്മമാണ് ഉംറ. പുതിയ പരിഷ്കാരം വരുന്നതോടെ ലോകമെമ്പാടുമുള്ള തീർത്ഥാടകർക്ക് കൂടുതൽ തവണ പുണ്യനഗരങ്ങളായ മക്കയും മദീനയും സന്ദർശിക്കാൻ വഴിയൊരുങ്ങും.
യുഎഇ- കുവൈത്ത് വിമാന സര്വീസുകള് റദ്ദാക്കി; യാത്രക്കാര്ക്ക് മുന്നറിയിപ്പ്; റദ്ദാക്കിയ സർവീസുകളുടെ വിവരങ്ങൾ ഇതാ
UAE July 20, 2026
ദുബൈ: ഗള്ഫ് മേഖലയിലെ തുടരുന്ന സംഘര്ഷാവസ്ഥയും പ്രവര്ത്തനപരമായ വെല്ലുവിളികളും കാരണം യുഎഇയില് നിന്ന് കുവൈത്തിലേക്കും തിരിച്ചുമുള്ള നിരവധി വിമാന സര്വീസുകള് എമിറേറ്റ്സ്, ഇത്തിഹാദ് എയര്വേയ്സ്, എയര് അറേബ്യ എന്നീ വിമാനക്കമ്പനികള് റദ്ദാക്കി. യാത്രക്കാര് വിമാനത്താവളത്തിലേക്ക് പുറപ്പെടുന്നതിന് മുമ്പ് തങ്ങളുടെ വിമാനത്തിന്റെ നിലവിലെ സ്ഥിതി പരിശോധിക്കണമെന്ന് കമ്പനികള് അറിയിച്ചു.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
എമിറേറ്റ്സ് സര്വീസുകള് രണ്ട് ദിവസത്തേക്ക് റദ്ദാക്കി
എമിറേറ്റ്സ് പുറത്തിറക്കിയ ഫ്ലൈറ്റ് സ്റ്റാറ്റസ് വിവരമനുസരിച്ച് ഇന്നും നാളെയും (ജൂലൈ 20, 21) ദുബൈ അന്താരാഷ്ട്ര വിമാനത്താവളത്തില് നിന്നും കുവൈത്ത് അന്താരാഷ്ട്ര വിമാനത്താവളത്തിലേക്കും തിരിച്ചുമുള്ള താഴെപ്പറയുന്ന സര്വീസുകളാണ് റദ്ദാക്കിയത്.
ദുബൈ- കുവൈത്ത്:
EK853
EK855
EK857
EK859
കുവൈത്ത്- ദുബൈ:
EK854
EK856
EK858
EK860
കോഡ്ഷെയര് പങ്കാളി എയര്ലൈന്സുകള് നടത്തുന്ന കണക്റ്റിങ് സര്വീസുകളുടെ വിവരങ്ങള് അതത് വിമാനക്കമ്പനികളുടെ വെബ്സൈറ്റില് പരിശോധിക്കണമെന്നും എമിറേറ്റ്സ് അറിയിച്ചു.
ഇത്തിഹാദ് വിമാനങ്ങളും റദ്ദാക്കി
അബുദാബി സായിദ് അന്താരാഷ്ട്ര വിമാനത്താവളത്തില് നിന്ന് കുവൈത്തിലേക്കും തിരിച്ചുമുള്ള EY653, EY654 സര്വീസുകള് റദ്ദാക്കിയതായി ഇത്തിഹാദ് എയര്വേയ്സ് അറിയിച്ചു.
യാത്രക്കാര്ക്ക് ബദല് യാത്രാ സൗകര്യങ്ങള് ഒരുക്കിവരുകയാണെന്നും ഏറ്റവും പുതിയ വിവരങ്ങള് എസ്എംഎസ്, ഇമെയില് എന്നിവ വഴി ലഭിക്കാന് യാത്രക്കാര് തങ്ങളുടെ കോണ്ടാക്ട് വിവരങ്ങള് പുതുക്കി നല്കണമെന്നും കമ്പനി അഭ്യര്ഥിച്ചു.
എയര് അറേബ്യയും സര്വീസുകള് നിര്ത്തിവച്ചു
എയര് അറേബ്യയും ഷാര്ജ, അബുദാബി- കുവൈത്ത് റൂട്ടുകളിലെ നിരവധി സര്വീസുകള് ഇന്നും നാളെയും (ജൂലൈ 20, 21) റദ്ദാക്കി.
റദ്ദാക്കിയ പ്രധാന സര്വീസുകള്:
ഷാര്ജ – കുവൈത്ത്:
G9068
G9124
G9121
കുവൈത്ത്- ഷാര്ജ:
G9069
G9125
G9122
അബുദാബി -കുവൈത്ത്:
3L020
3L022
കുവൈത്ത്- അബുദാബി:
3L021
3L023
യാത്രക്കാര്ക്ക് നിര്ദേശം
വിമാന സര്വീസുകളുടെ സമയക്രമത്തില് അവസാന നിമിഷം വരെ മാറ്റങ്ങള് ഉണ്ടാകാന് സാധ്യതയുള്ളതിനാല് വിമാനത്താവളത്തിലേക്ക് പുറപ്പെടുന്നതിന് മുമ്പ് ബന്ധപ്പെട്ട വിമാനക്കമ്പനികളുടെ ഔദ്യോഗിക വെബ്സൈറ്റിലൂടെയോ കസ്റ്റമര് സര്വീസിലൂടെയോ ഫ്ലൈറ്റ് സ്റ്റാറ്റസ് നിര്ബന്ധമായും പരിശോധിക്കണമെന്ന് അധികൃതര് നിര്ദേശിച്ചു.
