Kozhikode to Kuwait flight service നാല് മാസത്തെ ഇടവേളയ്ക്ക് ശേഷം മലബാറിലെ പ്രവാസികള്‍ക്ക് വലിയ ആശ്വാസമായി കുവൈറ്റ് – കോഴിക്കോട് നേരിട്ടുള്ള എയര്‍ ഇന്ത്യ എക്‌സ്പ്രസ് വിമാന സര്‍വ്വീസ് പുനരാരംഭിക്കുന്നു. ജൂലൈ 3 മുതലാണ് സര്‍വ്വീസ് വീണ്ടും പ്രവര്‍ത്തനസജ്ജമാകുന്നത്.

പശ്ചിമേഷ്യയിലെ സംഘര്‍ഷ സാഹചര്യങ്ങളെ തുടര്‍ന്നാണ് സര്‍വ്വീസ് താല്‍ക്കാലികമായി നിര്‍ത്തിവച്ചിരുന്നത്. ബുധന്‍, വെള്ളി, ഞായര്‍ എന്നീ ദിവസങ്ങളിലാണ് സര്‍വ്വീസ് ലഭ്യമാവുക. കുവൈറ്റ് അന്താരാഷ്ട്ര വിമാനത്താവളത്തിലെ ടെര്‍മിനല്‍ 4 വഴിയായിരിക്കും പ്രവര്‍ത്തനങ്ങള്‍ നടക്കുക.

സാധാരണ ദിവസങ്ങളില്‍ കുവൈറ്റില്‍ നിന്ന് രാവിലെ 5:50 ന് പുറപ്പെടുന്ന വിമാനം ഉച്ചയ്ക്ക് 1:35-ന് കോഴിക്കോട് എത്തും. മടക്കയാത്രയില്‍ കോഴിക്കോട് നിന്ന് പുലര്‍ച്ചെ 2:15 ന് പുറപ്പെട്ട് രാവിലെ 4:50-ന് കുവൈറ്റില്‍ എത്തിച്ചേരുന്ന രീതിയിലാണ് സമയക്രമം നിശ്ചയിച്ചിരിക്കുന്നത്.

എന്നാല്‍ സര്‍വ്വീസ് ആരംഭിക്കുന്ന ആദ്യ ദിവസമായ ജൂലൈ 3 ന് സമയക്രമത്തില്‍ ചെറിയ മാറ്റമുണ്ട്. അന്നേദിവസം രാവിലെ 7:30 ന് കോഴിക്കോട് നിന്ന് പുറപ്പെടുന്ന വിമാനം 10:05 ന് കുവൈറ്റില്‍ എത്തും. തുടര്‍ന്ന് 11:05 ന് കുവൈറ്റില്‍ നിന്ന് മടങ്ങി വൈകീട്ട് 6:50 ന് കോഴിക്കോട് എത്തിച്ചേരും. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

കുവൈറ്റിൽ നിന്ന് ഇന്ത്യയിലേക്ക് യാത്ര ചെയ്യുന്നുണ്ടോ? നിങ്ങൾ നിർബന്ധമായും ഇക്കാര്യം ചെയ്യണം, അല്ലെങ്കിൽ യാത്ര മുടങ്ങും, വിശദമായി അറിയാം

Kuwait Greeshma Staff Editor — June 27, 2026 · 0 Comment

Air Suvidha 2.0 Form ന്യൂഡൽഹി: ഇന്ത്യയിലേക്ക് എത്തുന്ന അന്താരാഷ്ട്ര യാത്രക്കാർ ഇനി യാത്രയ്ക്ക് മുമ്പ് Air Suvidha 2.0 Self Declaration Form (SDF) നിർബന്ധമായും പൂരിപ്പിക്കണം. ലോകത്തിന്റെ വിവിധ ഭാഗങ്ങളിൽ എബോള വൈറസ് വ്യാപനത്തെ തുടർന്നുള്ള ആരോഗ്യ ജാഗ്രത ശക്തമാക്കുന്നതിന്റെ ഭാഗമായാണ് പുതിയ നടപടി.

ഇന്ത്യൻ സിവിൽ ഏവിയേഷൻ മന്ത്രാലയവും ഡൽഹി അന്താരാഷ്ട്ര വിമാനത്താവള അധികൃതരും ചേർന്നാണ് നവീകരിച്ച Air Suvidha 2.0 സംവിധാനം അവതരിപ്പിച്ചത്. രാജ്യത്തേക്കുള്ള യാത്രക്കാരുടെ ആരോഗ്യ വിവരങ്ങൾ മുൻകൂട്ടി ശേഖരിക്കുകയും വിമാനത്താവളങ്ങളിലെ പരിശോധനകൾ കൂടുതൽ കാര്യക്ഷമമാക്കുകയും ചെയ്യുകയാണ് ലക്ഷ്യം.

യാത്രക്കാർ ഇന്ത്യയിലെത്തുന്നതിന് 24 മണിക്കൂർ മുമ്പ് ഓൺലൈനായി Self Declaration Form പൂരിപ്പിക്കണം. വെബ് ചെക്ക്-ഇൻ സമയത്ത് തന്നെ ഫോം സമർപ്പിക്കുന്നത് ഉചിതമാണെന്ന് അധികൃതർ അറിയിച്ചു. ഇന്ത്യയിൽ എത്തിയ ശേഷം ഡൗൺലോഡ് ചെയ്ത ഫോം International Travel Health Desk അല്ലെങ്കിൽ ഇമിഗ്രേഷൻ കൗണ്ടറിൽ കാണിക്കേണ്ടതായിരിക്കും.

പുതിയ പോർട്ടലിൽ യാത്രക്കാരുടെ കഴിഞ്ഞ 21 ദിവസത്തെ യാത്രാ ചരിത്രം, രോഗബാധിതരുമായി സമ്പർക്കമുണ്ടായിട്ടുണ്ടോ എന്ന വിവരങ്ങൾ, ആരോഗ്യ ലക്ഷണങ്ങൾ എന്നിവ രേഖപ്പെടുത്തേണ്ടതുണ്ട്. ഈ വിവരങ്ങൾ വിമാനത്താവള ആരോഗ്യ വിഭാഗം, ഇമിഗ്രേഷൻ വകുപ്പ്, Integrated Disease Surveillance Programme (IDSP), സംസ്ഥാന ആരോഗ്യ നിരീക്ഷണ ഏജൻസികൾ എന്നിവരുമായി തത്സമയം പങ്കുവെക്കും.

ഡെമോക്രാറ്റിക് റിപ്പബ്ലിക് ഓഫ് കോൺഗോയിലും ഉഗാണ്ടയിലും റിപ്പോർട്ട് ചെയ്ത എബോള/ബുണ്ടിബുഗ്യോ വൈറസ് രോഗബാധയെ ലോകാരോഗ്യ സംഘടന (WHO) അന്താരാഷ്ട്ര പൊതുജനാരോഗ്യ അടിയന്തരാവസ്ഥയായി പ്രഖ്യാപിച്ചതിനെ തുടർന്നാണ് ഇന്ത്യ ഈ മുൻകരുതൽ നടപടികൾ ശക്തമാക്കിയിരിക്കുന്നത്.

Indians in Kuwait workforce കുവൈത്തിലെ ഏറ്റവും വലിയ തൊഴിൽശക്തി ഇന്ത്യക്കാർ; പുതിയ കണക്കുകളിലും പിന്നോട്ടില്ല

Kuwait Greeshma Staff Editor — June 27, 2026 · 0 Comment

Indians in Kuwait workforce കുവൈത്ത് സിറ്റി: 2025-ലും കുവൈത്തിലെ ഏറ്റവും വലിയ പ്രവാസി തൊഴിലാളി സമൂഹമെന്ന സ്ഥാനം ഇന്ത്യക്കാർ നിലനിർത്തിയതായി ഏറ്റവും പുതിയ ലേബർ മാർക്കറ്റ് ഇൻഫർമേഷൻ സിസ്റ്റം (LMIS) റിപ്പോർട്ട് വ്യക്തമാക്കുന്നു. ഗാർഹിക തൊഴിലാളികളെ ഒഴിവാക്കിയുള്ള കണക്കുകൾ പ്രകാരം രാജ്യത്ത് നിലവിൽ 5.78 ലക്ഷം ഇന്ത്യൻ തൊഴിലാളികളുണ്ട്. ഇത് കുവൈത്തിലെ ആകെ പ്രവാസി തൊഴിലാളികളുടെ 25.5 ശതമാനമാണ്.

2025-ൽ കുവൈത്തിലെ തൊഴിൽ വിപണി സ്ഥിരതയാർന്ന വളർച്ചയാണ് രേഖപ്പെടുത്തിയത്. 2024-ൽ 29.5 ലക്ഷം ആയിരുന്ന തൊഴിലാളികളുടെ എണ്ണം 3.3 ശതമാനം വർധിച്ച് 2025 അവസാനത്തോടെ 30.4 ലക്ഷമായി ഉയർന്നു.തൊഴിലാളികളുടെ എണ്ണത്തിൽ ഇന്ത്യ ഒന്നാം സ്ഥാനത്താണ്. 4.67 ലക്ഷം തൊഴിലാളികളുമായി ഈജിപ്ത് രണ്ടാം സ്ഥാനത്തും 4.41 ലക്ഷം തൊഴിലാളികളുമായി കുവൈത്ത് പൗരന്മാർ മൂന്നാം സ്ഥാനത്തുമാണ്. ബംഗ്ലാദേശ്, നേപ്പാൾ, സിറിയ, പാകിസ്ഥാൻ, ഫിലിപ്പീൻസ്, ശ്രീലങ്ക, ജോർദാൻ എന്നീ രാജ്യങ്ങളും ആദ്യ പത്ത് സ്ഥാനങ്ങളിലുള്ള തൊഴിൽ സമൂഹങ്ങളായി റിപ്പോർട്ടിൽ ഉൾപ്പെട്ടിട്ടുണ്ട്.

പ്രവാസി തൊഴിലാളികളുടെ എണ്ണം വർധിച്ചിട്ടുണ്ടെങ്കിലും സ്വകാര്യ മേഖലയിലെ അവരുടെ പങ്കാളിത്തത്തിൽ നേരിയ കുറവ് രേഖപ്പെടുത്തി. നിലവിൽ രാജ്യത്തെ ആകെ തൊഴിലുകളുടെ 58.8 ശതമാനവും സ്വകാര്യ മേഖലയിലാണ്. ഏകദേശം 17.9 ലക്ഷം തൊഴിലവസരങ്ങളാണ് ഈ മേഖലയിൽ ഉള്ളത്.

ഹോൾസെയിൽ-റീട്ടെയിൽ വ്യാപാര മേഖലയിലാണ് ഏറ്റവും കൂടുതൽ പ്രവാസികൾ ജോലി ചെയ്യുന്നത്. തുടർന്ന് നിർമാണ മേഖലയും അക്കോമഡേഷൻ-ഫുഡ് സർവീസ് മേഖലയുമാണ് പ്രധാന തൊഴിൽ മേഖലകൾ.

പൊതുമേഖലയിലും പ്രവാസികളുടെ സാന്നിധ്യം ശ്രദ്ധേയമാണ്. ആരോഗ്യ മന്ത്രാലയത്തിൽ 46,700 പ്രവാസികളും വിദ്യാഭ്യാസ മന്ത്രാലയത്തിൽ 33,100 പ്രവാസികളും ജോലി ചെയ്യുന്നുണ്ട്.

ഗാർഹിക തൊഴിലാളികളുടെ കണക്കുകളിലും ഇന്ത്യക്കാർ തന്നെയാണ് മുന്നിൽ. കുവൈത്തിലെ 7.73 ലക്ഷം ഗാർഹിക തൊഴിലാളികളിൽ 3.10 ലക്ഷം പേരും ഇന്ത്യക്കാരാണ്. ഇത് ആകെ ഗാർഹിക തൊഴിലാളികളുടെ 40.2 ശതമാനമാണ്. 1.37 ലക്ഷം തൊഴിലാളികളുമായി ശ്രീലങ്ക രണ്ടാം സ്ഥാനത്തും 1.34 ലക്ഷം തൊഴിലാളികളുമായി ഫിലിപ്പീൻസ് മൂന്നാം സ്ഥാനത്തുമാണെന്ന് റിപ്പോർട്ട് വ്യക്തമാക്കുന്നു.

കുവൈറ്റിൽ റോഡ് നവീകരണ പ്രവർത്തനങ്ങൾ പുരോഗമിക്കുന്നു; പ്രധാന പാത ഗതാഗതത്തിനായി തുറന്നു

Kuwait Greeshma Staff Editor — June 27, 2026 · 0 Comment

Kuwait road renovation project : കുവൈത്ത് സിറ്റി: രാജ്യത്തെ റോഡുകൾ കൂടുതൽ സുരക്ഷിതവും മെച്ചപ്പെട്ടതുമാക്കുന്നതിനുള്ള റോഡ് നവീകരണ പ്രവർത്തനങ്ങൾ തുടരുകയാണെന്ന് പൊതുമരാമത്ത് മന്ത്രാലയം അറിയിച്ചു. പുതിയ റോഡ് വികസന പദ്ധതിയുടെ ഭാഗമായി വിവിധ പ്രദേശങ്ങളിൽ അറ്റകുറ്റപ്പണികളും അടിസ്ഥാന സൗകര്യ വികസന പ്രവർത്തനങ്ങളും വേഗത്തിൽ നടപ്പിലാക്കുന്നുണ്ട്.

ഇതിന്റെ ഭാഗമായി സബാഹ് അൽ-സലേം, അൽ-മസായേൽ മേഖലകളെ ഫഹാഹീൽ റോഡുമായി ബന്ധിപ്പിക്കുന്ന പ്രധാന റോഡിലെ നവീകരണ പ്രവർത്തനങ്ങൾ പൂർത്തിയാക്കി ഗതാഗതത്തിനായി വീണ്ടും തുറന്നു.വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

റോഡിലെ കേടായ ഭാഗങ്ങൾ നീക്കം ചെയ്ത് പുതിയ അസ്ഫാൽറ്റ് പാളി വിരിക്കുകയും അടിത്തറ കൂടുതൽ ശക്തിപ്പെടുത്തുകയും ചെയ്തു. കൂടാതെ റോഡ് ഷോൾഡറുകൾ, ലെയിൻ മാർക്കിംഗുകൾ, ട്രാഫിക് സൈനുകൾ എന്നിവയും ആധുനിക നിലവാരത്തിൽ നവീകരിച്ചു.

രാജ്യത്തുടനീളം നടപ്പിലാക്കുന്ന ഈ പദ്ധതിയിലൂടെ റോഡുകളുടെ ഗുണനിലവാരം ഉയർത്തുകയും ഗതാഗത സുരക്ഷ മെച്ചപ്പെടുത്തുകയും വിവിധ മേഖലകൾ തമ്മിലുള്ള യാത്ര കൂടുതൽ സുഗമമാക്കുകയും ചെയ്യുകയാണ് ലക്ഷ്യമെന്ന് മന്ത്രാലയം വ്യക്തമാക്കി.

കുവൈത്തിലെ ഉയർന്ന ചൂടിനെയും കാലാവസ്ഥാ വ്യതിയാനങ്ങളെയും പ്രതിരോധിക്കാൻ കഴിയുന്ന മികച്ച നിർമാണ സാമഗ്രികളാണ് റോഡ് നവീകരണത്തിന് ഉപയോഗിക്കുന്നതെന്ന് അധികൃതർ അറിയിച്ചു. ഇതിലൂടെ റോഡുകളുടെ ആയുസ്സ് വർധിപ്പിക്കാനും അറ്റകുറ്റപ്പണികളുടെ ആവർത്തനം കുറയ്ക്കാനും സാധിക്കും.

റോഡ് നവീകരണ പ്രവർത്തനങ്ങൾ നിശ്ചിത സമയക്രമം അനുസരിച്ച് പുരോഗമിക്കുകയാണെന്നും ജോലികൾ പൂർത്തിയാകുന്ന ഭാഗങ്ങൾ ഘട്ടംഘട്ടമായി ഗതാഗതത്തിനായി തുറന്നുകൊടുക്കുമെന്നും മന്ത്രാലയം അറിയിച്ചു.

അതേസമയം, റോഡ് നിർമാണ പ്രവർത്തനങ്ങൾ നടക്കുന്ന പ്രദേശങ്ങളിലൂടെ യാത്ര ചെയ്യുന്ന വാഹനമോടിക്കുന്നവർ ട്രാഫിക് നിയമങ്ങളും വേഗപരിധിയും കർശനമായി പാലിക്കണമെന്നും എല്ലാവരുടെയും സുരക്ഷയ്ക്കായി സഹകരിക്കണമെന്നും പൊതുമരാമത്ത് മന്ത്രാലയം അഭ്യർഥിച്ചു.

കുവൈറ്റിൽ മയക്കുമരുന്ന് കേസിൽ പ്രവാസി അറസ്റ്റിൽ

Kuwait Greeshma Staff Editor — June 27, 2026 · 0 Comment

Bangladeshi expat arrested in Kuwait : കുവൈറ്റ് സിറ്റി: മയക്കുമരുന്ന് കടത്താൻ ശ്രമിച്ച കേസിൽ ഒരു ബംഗ്ലാദേശി പ്രവാസിയെ കുവൈറ്റ് അധികൃതർ അറസ്റ്റ് ചെയ്തു. ജനറൽ അഡ്മിനിസ്ട്രേഷൻ ഫോർ ഡ്രഗ് കൺട്രോളും കസ്റ്റംസ് വകുപ്പും ചേർന്ന് നടത്തിയ പ്രത്യേക ഓപ്പറേഷനിലാണ് അറസ്റ്റ്. ഒരു ഷിപ്പിംഗ് കമ്പനി വഴി സംശയാസ്പദമായ പാഴ്സൽ എത്തിയതായി സുരക്ഷാ ഉദ്യോഗസ്ഥർ കണ്ടെത്തി. പാഴ്സൽ സ്വീകരിക്കാൻ എത്തിയപ്പോഴാണ് പ്രതിയെ പിടികൂടിയത്. പരിശോധനയിൽ മയക്കുമരുന്ന് രാസവസ്തുവിൽ മുക്കിയ 80 പേപ്പറുകൾ കണ്ടെത്തി.

തുടർന്ന് പ്രതിയുടെ താമസസ്ഥലത്ത് നടത്തിയ പരിശോധനയിൽ സമാന രീതിയിൽ മയക്കുമരുന്ന് അടങ്ങിയ ഏഴ് പേപ്പറുകളും കണ്ടെത്തി.അന്വേഷണത്തിൽ, വിദേശത്ത് താമസിക്കുന്ന ഒരാളുടെ നിർദേശപ്രകാരമാണ് പ്രതി മയക്കുമരുന്ന് ശേഖരിച്ച് വിവിധ സ്ഥലങ്ങളിലേക്ക് വിതരണം ചെയ്യാൻ ശ്രമിച്ചതെന്ന് വ്യക്തമായി.

പ്രതിയെയും പിടിച്ചെടുത്ത വസ്തുക്കളെയും തുടർ നിയമനടപടികൾക്കായി ബന്ധപ്പെട്ട വകുപ്പുകൾക്ക് കൈമാറിയതായി ആഭ്യന്തര മന്ത്രാലയം അറിയിച്ചു. മയക്കുമരുന്ന് കടത്ത് തടയുന്നതിനും സമൂഹത്തെ ഇത്തരം കുറ്റകൃത്യങ്ങളിൽ നിന്ന് സംരക്ഷിക്കുന്നതിനുമായി സുരക്ഷാ നടപടികൾ ശക്തമായി തുടരുമെന്നും മന്ത്രാലയം വ്യക്തമാക്കി.

പൊതു വൈ-ഫൈ ഉപയോഗിക്കുമ്പോള്‍ ഇങ്ങനെ സംഭവിക്കാതിരിക്കാന്‍ ശ്രദ്ധിക്കുക

Kuwait Merlin Staff Editor — June 27, 2026 · 0 Comment

Be careful when using public Wi-Fi hackers can steal your data കുവൈറ്റ്: വിമാനത്താവളങ്ങള്‍, കഫേകള്‍, മാളുകള്‍ എന്നിവിടങ്ങളിലെ പൊതു വൈ-ഫൈ ഉപയോഗിക്കുമ്പോള്‍ ശ്രദ്ധിക്കുക. ഇതില്‍ അപകടസാധ്യതകളുണ്ടെന്ന് നാഷണല്‍ ബാങ്ക് ഓഫ് കുവൈറ്റ് മുന്നറിയിപ്പ് നല്‍കി.

പൊതു വൈ-ഫൈ ഉപയോഗിക്കുന്ന ഘട്ടത്തില്‍ ബാങ്കിങ് ഇടപാടുകള്‍ ഒഴിവാക്കണം. ഇത്തരം വൈ-ഫൈ വഴി ഹാക്കര്‍മാര്‍ ബാങ്കിങ് വിവരങ്ങള്‍ മോഷ്ടിക്കാമെന്ന് ബാങ്ക് ചൂണ്ടിക്കാട്ടി. യഥാര്‍ഥ നെറ്റ്വര്‍ക്കിന് സമാനമായ പേരുള്ള വ്യാജ വൈ-ഫൈ ഉണ്ടാക്കി ഉപയോക്താക്കളെ ഹാക്കര്‍മാര്‍ക്ക് കബളിപ്പിക്കാമെന്നും ബാങ്ക് മുന്നറിയിപ്പ് നല്‍കി.

എല്ലാ സമയത്തും സുരക്ഷിതമായ ഇന്റര്‍നെറ്റ് മാത്രം ഉപയോഗിക്കണമെന്നും ടു-ഫാക്ടര്‍ ഓതന്റിക്കേഷന്‍ സജീവമാക്കണമെന്നും നാഷണല്‍ ബാങ്ക് നിര്‍ദേശിച്ചു. ഉപയോഗത്തിലില്ലാത്തപ്പോള്‍ വൈ-ഫൈ ഓഫ് ചെയ്യണമെന്നും സംശയാസ്പദമായ ലിങ്കുകളില്‍ ക്ലിക് ചെയ്യരുതെന്നും ബാങ്ക് മുന്നറിയിപ്പു നല്‍കി. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ആശ്വാസം ; ഹോർമുസ് കടലിടുക്ക് വഴിയുള്ള കപ്പൽ ഗതാഗതം പുനരാരംഭിച്ചു, ഗൾഫിൽ എണ്ണവില താഴേക്കിറങ്ങി

Kuwait Greeshma Staff Editor — June 26, 2026 · 0 Comment

Brent crude oil price ആഗോള വിപണിയിൽ എണ്ണവില ഇന്ന് ഏകദേശം 2 ശതമാനം കുറഞ്ഞു. പശ്ചിമേഷ്യയിലെ സംഘർഷങ്ങളെക്കുറിച്ചുള്ള ആശങ്കകൾ കുറഞ്ഞതോടെയാണ് വിലയിൽ ഇടിവ് രേഖപ്പെടുത്തിയത്.ബ്രെന്റ് ക്രൂഡ് ഓയിൽ ഫ്യൂച്ചേഴ്സ് ബാരലിന് 1.50 ഡോളർ (1.99%) കുറഞ്ഞ് 73.76 ഡോളറിലെത്തി.വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

അതേസമയം, യുഎസ് വെസ്റ്റ് ടെക്സസ് ഇന്റർമീഡിയറ്റ് (WTI) ക്രൂഡ് ഫ്യൂച്ചേഴ്സും ബാരലിന് 1.49 ഡോളർ (2.07%) ഇടിഞ്ഞ് 70.43 ഡോളറിലെത്തി.

തുടർച്ചയായ വിലക്കുറവിനെ തുടർന്ന് ഈ ആഴ്ച എണ്ണവിലയിൽ ശ്രദ്ധേയമായ നഷ്ടമാണ് രേഖപ്പെടുത്തിയിരിക്കുന്നത്. ആഗോള വിപണിയിലെ അനിശ്ചിതത്വം കുറയുകയും വിതരണത്തെക്കുറിച്ചുള്ള ആശങ്കകൾ ശമിക്കുകയും ചെയ്തതാണ് വില ഇടിയാൻ പ്രധാന കാരണമായി വിലയിരുത്തപ്പെടുന്നത്.

കുവൈത്തിൽ ലഹരിവേട്ട ശക്തം; ആറുമാസത്തിനിടെ 323 കിലോ ലഹരിമരുന്നുമായി ആയിരത്തിലധികം പേർ പിടിയിൽ

Uncategorized Greeshma Staff Editor — June 26, 2026 · 0 Comment

Kuwait Drug Crackdown കുവൈത്ത്: രാജ്യത്ത് ലഹരിമരുന്ന് കടത്ത്, വിൽപ്പന, ഉപയോഗം എന്നിവയ്ക്കെതിരായ ശക്തമായ നടപടികളുടെ ഭാഗമായി 2026-ലെ ആദ്യ ആറുമാസത്തിനിടെ 323 കിലോഗ്രാം ലഹരിമരുന്നും 6.35 ലക്ഷം മയക്കുമരുന്ന് ഗുളികകളും പിടിച്ചെടുത്തതായി കുവൈത്ത് ആഭ്യന്തര മന്ത്രാലയം അറിയിച്ചു.ഇക്കാലയളവിൽ 1,200 ലഹരിമരുന്ന് കേസുകളിലായി 1,564 പേരെ അറസ്റ്റ് ചെയ്തതായും മന്ത്രാലയം വ്യക്തമാക്കി. ആഭ്യന്തര മന്ത്രി ഷെയ്ഖ് ഫഹദ് അൽ യൂസഫിന്റെ നിർദേശപ്രകാരമാണ് രാജ്യവ്യാപകമായി പരിശോധനകളും റെയ്ഡുകളും ശക്തമാക്കിയത്.

ഓപ്പറേഷനുകളിൽ 323 കിലോഗ്രാം ലഹരിവസ്തുക്കൾ, 6,35,000 മയക്കുമരുന്ന് ഗുളികകൾ, 9,000 മദ്യക്കുപ്പികൾ എന്നിവ പിടിച്ചെടുത്തു. രാജ്യത്തേക്ക് ലഹരിമരുന്ന് കടത്തുന്ന സംഘങ്ങളെയും വിതരണക്കാരെയും ലക്ഷ്യമിട്ടാണ് ഈ നടപടികൾ നടത്തിയതെന്ന് അധികൃതർ അറിയിച്ചു.

നിയമലംഘനങ്ങളിൽ ഉൾപ്പെട്ട 614 പ്രവാസികളെ രാജ്യത്ത് നിന്ന് നാടുകടത്തുകയും ചെയ്തു. ലഹരി ഉപയോഗവുമായി ബന്ധപ്പെട്ട് 346 കേസുകൾ രജിസ്റ്റർ ചെയ്തിട്ടുണ്ട്. ഇതിൽ 305 പുരുഷന്മാരും 41 സ്ത്രീകളും ഉൾപ്പെടുന്നു. ഈ കാലയളവിൽ മൂന്ന് ലഹരി ഉപയോക്താക്കൾ മരിച്ചതായും റിപ്പോർട്ടിൽ പറയുന്നു.

അന്വേഷണത്തിനിടെ ചില പ്രതികൾക്ക് ആയുധക്കടത്തും മറ്റ് ഗുരുതര കുറ്റകൃത്യങ്ങളുമായും ബന്ധമുണ്ടെന്ന് കണ്ടെത്തി. പരിശോധനകളിൽ 26 തോക്കുകളും 1,423 വെടിയുണ്ടകളും പിടിച്ചെടുത്തു. പിസ്റ്റളുകൾ, റൈഫിളുകൾ, കലാഷ്നിക്കോവ് തോക്കുകൾ, എംപി5 ഓട്ടോമാറ്റിക് ആയുധങ്ങൾ എന്നിവയും ഇതിൽ ഉൾപ്പെടുന്നു.

സംഘടിത കുറ്റകൃത്യ സംഘങ്ങളും ആയുധക്കടത്തും തമ്മിലുള്ള ബന്ധം ഇതിലൂടെ വ്യക്തമായതായി ആഭ്യന്തര മന്ത്രാലയം ചൂണ്ടിക്കാട്ടി. സമൂഹത്തെ ലഹരിമരുന്നിന്റെ ഭീഷണിയിൽ നിന്ന് സംരക്ഷിക്കുന്നതിനുള്ള നടപടികൾ തുടരുമെന്നും ലഹരിമരുന്ന് കടത്തുന്നവർക്കും വിതരണക്കാർക്കും ഉപയോക്താക്കൾക്കുമെതിരെ ശക്തമായ നടപടി ഇനിയും തുടരുമെന്നും അധികൃതർ അറിയിച്ചു.

കുവൈത്തിൽ കടുത്ത ചൂട് മുന്നറിയിപ്പ്; താപനില 55°C വരെ ഉയരാം, ജാഗ്രത നിർദേശം

Kuwait Greeshma Staff Editor — June 25, 2026 · 0 Comment

Kuwait Heat Warning കുവൈത്ത് സിറ്റി: അടുത്ത ദിവസങ്ങളിൽ കുവൈത്തിലെ താപനില 47 മുതൽ 55 ഡിഗ്രി സെൽഷ്യസ് വരെ ഉയരാൻ സാധ്യതയുണ്ടെന്ന് ജനറൽ അഡ്മിനിസ്ട്രേഷൻ ഓഫ് സിവിൽ ഡിഫൻസ് മുന്നറിയിപ്പ് നൽകി. അതിശക്തമായ ചൂട് അനുഭവപ്പെടാനിടയുള്ളതിനാൽ പൗരന്മാരും പ്രവാസികളും ആവശ്യമായ മുൻകരുതലുകൾ സ്വീകരിക്കണമെന്ന് അധികൃതർ അഭ്യർഥിച്ചു.താഴ്ന്ന മർദ്ദ സംവിധാനത്തിന്റെ സ്വാധീനത്തെ തുടർന്ന് രാജ്യത്തിന്റെ വിവിധ ഭാഗങ്ങളിൽ കാലാവസ്ഥയിൽ മാറ്റം അനുഭവപ്പെടുമെന്നും സിവിൽ ഡിഫൻസ് അറിയിച്ചു. വാഹനങ്ങളിൽ സ്പ്രേ കാനുകൾ, പെർഫ്യൂമുകൾ, ബാറ്ററികൾ, പാനീയങ്ങൾ തുടങ്ങിയ ചൂട് മൂലം അപകടസാധ്യതയുള്ള വസ്തുക്കൾ സൂക്ഷിക്കരുതെന്ന് മുന്നറിയിപ്പ് നൽകിയിട്ടുണ്ട്.

ഇന്ധന ടാങ്കുകൾ പൂർണമായി നിറയ്ക്കുന്നത് ഒഴിവാക്കുക, വാഹനങ്ങൾ കഴിയുന്നത്ര തണലുള്ള സ്ഥലങ്ങളിൽ പാർക്ക് ചെയ്യുക, അനാവശ്യ യാത്രകൾ കുറയ്ക്കുക തുടങ്ങിയ നിർദേശങ്ങളും അധികൃതർ നൽകിയിട്ടുണ്ട്. ദീർഘദൂര യാത്രകളിൽ വാഹന ടയറുകളിൽ അമിതഭാരം ഒഴിവാക്കണമെന്നും മുന്നറിയിപ്പുണ്ട്.

അമിത ചൂട് കാരണം തേൾ, പാമ്പ് തുടങ്ങിയ ജീവികൾ തണുത്ത ഇടങ്ങൾ തേടി വീടുകളിലേക്കും ഫാമുകളിലേക്കും എത്താൻ സാധ്യതയുണ്ടെന്നും അധികൃതർ വ്യക്തമാക്കി. ജനങ്ങൾ ധാരാളം വെള്ളവും മറ്റ് ദ്രാവകങ്ങളും കുടിക്കണമെന്നും ഗ്യാസ് സിലിണ്ടറുകൾ നേരിട്ട് സൂര്യപ്രകാശത്തിൽ വെക്കരുതെന്നും നിർദേശിച്ചു.

വൈദ്യുതി ഉപയോഗം നിയന്ത്രിക്കുന്നതിനായി ആവശ്യമായ മുറികളിൽ മാത്രം എയർ കണ്ടീഷണറുകൾ പ്രവർത്തിപ്പിക്കാനും നിർദേശമുണ്ട്. പ്രത്യേകിച്ച് രാവിലെ 10 മണി മുതൽ ഉച്ചയ്ക്ക് 3 മണിവരെ നേരിട്ട് സൂര്യപ്രകാശത്തിൽ കഴിയുന്നത് പരമാവധി ഒഴിവാക്കണമെന്ന് സിവിൽ ഡിഫൻസ് ഓർമ്മിപ്പിച്ചു. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക