ദുബൈ: വിമാന യാത്രയ്ക്കിടെ യാത്രക്കാരുടെ ശ്രദ്ധ തിരിച്ച് മോഷണം നടത്തുന്ന സംഭവങ്ങളില്‍ മുന്നറിയിപ്പുമായി അധികൃതര്‍. ഫിലിപ്പീന്‍സ് ഡിപ്പാര്‍ട്ട്‌മെന്റ് ഓഫ് മൈഗ്രന്റ് വര്‍ക്കേഴ്‌സ് ആണ് യാത്രക്കാര്‍ക്കായി പ്രത്യേക ജാഗ്രതാ നിര്‍ദേശം പുറപ്പെടുവിച്ചതെന്ന് യു.എ.ഇ മാധ്യമമായ ഗള്‍ഫ് ന്യൂസ് റിപ്പോര്‍ട്ട്‌ചെയ്തു. വിമാനത്തിനുള്ളില്‍ നിരീക്ഷണ സംവിധാനങ്ങള്‍ ഉണ്ടെങ്കിലും യാത്രക്കാരുടെ ശ്രദ്ധ അല്‍പമൊന്ന് മാറിയാല്‍ ഇത്തരം തട്ടിപ്പുകാര്‍ അത് മുതലെടുക്കുമെന്ന് മുന്നറിയിപ്പില്‍ പറയുന്നു.

വെറൈറ്റി മോഷണ രീതികള്‍:

* ശ്രദ്ധ തിരിക്കല്‍: മനപ്പൂര്‍വ്വം പാനീയങ്ങളോ ഭക്ഷണങ്ങളോ യാത്രക്കാരുടെ ദേഹത്തേക്ക് വീഴ്ത്തി ശ്രദ്ധ തിരിക്കുക. ഈ സമയത്തെ ആശയക്കുഴപ്പം മുതലെടുത്ത് മോഷണം നടത്തുക.
* സഹായം ചോദിച്ചെത്തല്‍: സംശയങ്ങളോ വഴിയോ ചോദിക്കാനെന്ന വ്യാജേന അടുത്തെത്തി സംസാരത്തില്‍ ഏര്‍പ്പെടുന്നതിനിടെ സാധനങ്ങള്‍ അപഹരിക്കുക.
* തിരക്കുണ്ടാക്കല്‍: യാത്രക്കാരുടെ ദേഹത്ത് മനപ്പൂര്‍വ്വം തട്ടിയും ഉരസിയും തിരക്കുണ്ടാക്കി ശ്രദ്ധ മാറ്റുക.
* ലഗേജ് വയ്ക്കാന്‍ സഹായിക്കല്‍: മുകളിലെ കാബിനില്‍ ബാഗുകള്‍ വയ്ക്കാനും ശരിയാക്കാനും സഹായിക്കാമെന്ന വ്യാജേനയെത്തി വിലപിടിപ്പുള്ള സാധനങ്ങള്‍ കവരുക.
* പുറത്തിറങ്ങാനുള്ള തിരക്ക്: വിമാനം ലാന്‍ഡ് ചെയ്ത ശേഷം പുറത്തിറങ്ങാനുള്ള തിരക്കിനിടയില്‍ യാത്രക്കാരുടെ ശ്രദ്ധമാറുന്നത് മോഷണത്തിനായി ഉപയോഗിക്കുക.

എങ്ങനെ സുരക്ഷിതരാകാം?

* വിലപിടിപ്പുള്ള സാധനങ്ങള്‍ അടങ്ങിയ ബാഗുകള്‍ എപ്പോഴും മുന്‍പിലെ സീറ്റിനടിയിലോ എളുപ്പത്തില്‍ കാണാന്‍ സാധിക്കുന്ന രീതിയിലോ സൂക്ഷിക്കുക.
* സുരക്ഷിതമായ ലോക്കുകളുള്ള ബാഗുകള്‍ ഉപയോഗിക്കുക. സാധ്യമായ ഇടങ്ങളില്‍ ബാഗുകള്‍ ശരീരത്തോട് ചേര്‍ത്ത് വെക്കുക.
* പാസ്‌പോര്‍ട്ട്, പണം, ഇലക്ട്രോണിക് ഉപകരണങ്ങള്‍, മറ്റ് പ്രധാന രേഖകള്‍ എന്നിവ ഒരിക്കലും സീറ്റിന്റെ പോക്കറ്റുകളിലോ എളുപ്പത്തില്‍ എടുക്കാന്‍ കഴിയുന്ന രീതിയിലോ വെറുതെ സൂക്ഷിക്കരുത്.
* വിമാനത്തിനുള്ളില്‍ എന്തെങ്കിലും സംശയാസ്പദമായി തോന്നിയാല്‍ ഉടന്‍ കാബിന്‍ ക്രൂവിനെ വിവരമറിയിക്കുക. സുരക്ഷാ പ്രശ്‌നങ്ങള്‍ കൈകാര്യം ചെയ്യാന്‍ പരിശീലനം ലഭിച്ചവരാണ് വിമാനത്തിലെ ജീവനക്കാര്‍.

Passengers Warned Against In-Flight Ditsraction Thefts

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

സ്വദേശിവൽക്കരണം;യുഎഇയിൽ പുതിയ വേതന നിയമം: സ്വകാര്യ കമ്പനികൾക്ക് മുന്നറിയിപ്പ്, വീഴ്ചയ്ക്ക് കനത്ത പിഴ!

UAE April 26, 2026

ദുബായ് ∙ സ്വകാര്യ കമ്പനികളിൽ ജോലി ചെയ്യുന്ന ഇമാറാത്തികളുടെ കുറഞ്ഞ വേതനം 6000 ദിർഹമാക്കാൻ കമ്പനികൾക്ക് 15 മാസത്തെ സാവകാശം നൽകി. സ്വദേശി തൊഴിലന്വേഷകരുടെ മത്സരക്ഷമത കൂട്ടാനും സ്വകാര്യ മേഖലയിലെ തൊഴിൽ സാധ്യതകൾ കൂട്ടാനുമുള്ള ഫെഡറൽ സംവിധാനമായ നാഫിസിൽ നിന്നു സ്വകാര്യ കമ്പനികൾക്ക് ആനുകൂല്യങ്ങൾ ലഭിക്കാൻ സ്വദേശികളുടെ വേതനം 6000 ദിർഹമായിരിക്കണം. തസ്തിക ഏതായാലും സ്വദേശികളുടെ ഏറ്റവും കുറഞ്ഞ വേതനം ആറായിരം ദിർഹമായിരിക്കുമെന്നും മന്ത്രാലയം അറിയിച്ചു.

എന്നാൽ, മാനവവിഭവശേഷി, സ്വദേശിവൽക്കരണ മന്ത്രാലയത്തിന്റെയും യുഎഇ സെൻട്രൽ ബാങ്കിന്റെയും കീഴിൽ വരാത്ത ഫ്രീ സോണുകളിൽ പ്രവർത്തിക്കുന്ന കമ്പനികൾക്ക് പുതിയ നിയമം ബാധകമല്ല. ഈ സെപ്റ്റംബറിലാണ് വേതനം പുനഃക്രമീകരിക്കുന്നതിനു നടപടി ആരംഭിക്കുക. 15 മാസത്തിനുള്ളിൽ പൂർത്തിയാക്കും. ഇതിൽ വീഴ്ച വരുത്തുന്ന കമ്പനികൾക്കുള്ള നാഫിസ് ആനുകൂല്യങ്ങൾ നിർത്തലാക്കും, പിഴയും ചുമത്തും.

കുറഞ്ഞ ശമ്പള നിബന്ധന കമ്പനികൾക്കു പാലിക്കാൻ കഴിയില്ലെങ്കിൽ സ്വദേശികൾക്കു മെച്ചപ്പെട്ട മറ്റു ജോലിയിലേക്കു മാറാൻ അവസരം നൽകും. നാഫിസിന്റെ ആനുകൂല്യങ്ങൾ നിലയ്ക്കാതിരിക്കാൻ കമ്പനികൾക്കു വേതന നിബന്ധന പാലിച്ചേ മതിയാകൂ. സ്വകാര്യ മേഖലയിൽ ജോലി ചെയ്യുന്ന യുഎഇ പൗരന്മാരുടെ എണ്ണം 176,000 ആയി ഉയർന്നു. 32,000 സ്വകാര്യ കമ്പനികളിലാണ് ഇത്രയും സ്വദേശികൾ ജോലി ചെയ്യുന്നത്. ഈ വർഷം മാർച്ച് വരെ 11000 സ്വദേശികൾ സ്വകാര്യ മേഖലയിൽ തൊഴിൽ നേടി. സ്വദേശിവൽക്കരണവുമായി ബന്ധപ്പെട്ട പരാതികൾ മന്ത്രാലയത്തിന്റെ വെബ്‌സൈറ്റായ www.mohre.gov.ae വഴിയോ മൊബൈൽ ആപ്ലിക്കേഷനായ MOHRE UAE, 6005990000 എന്ന കോൾ സെന്റർ നമ്പർ വഴിയോ നൽകാം. അപേക്ഷാ പ്രക്രിയയിൽ ബുദ്ധിമുട്ടുകൾ നേരിട്ടാൽ നാഫിസ് പരിഹാരം കാണും. www.NAFIS.gov.ae എന്ന വെബ്‌സൈറ്റ്, നഫീസ് ആപ് (NAFIS-UAE), കോൾ സെന്റർ (800-NAFIS), info@nafis.gov.ae.ഇ -മെയിൽ വഴിയും നാഫിസിലേക്കു പരാതി അയയ്ക്കാം.

diesel uae petrol price; ആശങ്കയിൽ വാഹന ഉടമകൾ;യുഎഇയിൽ പെട്രോൾ വില 4 ദിർഹം കടക്കുമോ? ഇന്ധനവില പ്രവചനം ഇങ്ങനെ

diesel uae petrol price; യുഎഇയിലെ താമസക്കാരും പ്രവാസികളും വാഹന ഉടമകളും അതീവ പ്രാധാന്യത്തോടെ ഉറ്റുനോക്കുന്ന ഒന്നാണ് 2026 മെയ് മാസത്തെ ഇന്ധനവില പ്രഖ്യാപനം. ഏപ്രിൽ മാസത്തിൽ പെട്രോൾ, ഡീസൽ വിലകളിൽ ഗണ്യമായ വർദ്ധനവ് രേഖപ്പെടുത്തിയതോടെ, വരും മാസത്തിൽ വില ലിറ്ററിന് 4 ദിർഹം കടക്കുമോ എന്ന വലിയൊരു ആശങ്ക പൊതുജനങ്ങൾക്കിടയിലുണ്ട്. യുഎഇ ഫ്യുവൽ പ്രൈസ് കമ്മിറ്റി (UAE Fuel Price Committee) സാധാരണയായി ഓരോ മാസത്തിന്റെയും അവസാന ദിവസമാണ് അടുത്ത മാസത്തെ പുതുക്കിയ നിരക്കുകൾ പുറത്തുവിടുന്നത്.യുദ്ധം വരുത്തിവെച്ച ഉയർന്ന വില

നിലവിലെ വിപണി സാഹചര്യം പരിശോധിച്ചാൽ, ഏപ്രിൽ മാസത്തിൽ സൂപ്പർ 98 പെട്രോളിന് ലിറ്ററിന് 3.39 ദിർഹവും, സ്പെഷ്യൽ 95-ന് 3.28 ദിർഹവുമാണ് നിരക്ക്. പശ്ചിമേഷ്യൻ സംഘർഷത്തെ തുടർന്ന് ആഗോളതലത്തിൽ ക്രൂഡ് ഓയിൽ വിലയിലുണ്ടായ അസ്ഥിരതയാണ് ഈ വിലക്കയറ്റത്തിന് പ്രധാന കാരണമായത്. ഹോർമുസ് കടലിടുക്ക് ഇറാൻ അടച്ചതും, തന്ത്രപ്രധാനമായ പാതകളിലെ സുരക്ഷാ വെല്ലുവിളികളും എണ്ണ വിതരണത്തെ സാരമായി ബാധിച്ചിട്ടുണ്ട്

മെയ് മാസത്തെ വില പ്രവചനം

ആഗോള വിപണിയിൽ ബ്രെന്റ് ക്രൂഡ് ഓയിൽ വിലയിൽ ചെറിയ തോതിലുള്ള ഇടിവ് രേഖപ്പെടുത്തിയിട്ടുണ്ടെങ്കിലും, യുഎഇയിലെ ഇന്ധനവില ഉടൻ കുറയാൻ സാധ്യതയില്ലെന്നാണ് സാമ്പത്തിക വിദഗ്ധർ വിലയിരുത്തുന്നത്. യുഎഇയിലെ വിലനിർണ്ണയ രീതി മുൻ മാസത്തെ ശരാശരി ആഗോള വിലയെ അടിസ്ഥാനമാക്കിയായതിനാൽ, ഏപ്രിൽ മാസത്തിലെ ഉയർന്ന എണ്ണവിലയുടെ ആഘാതം മെയ് മാസത്തിലും തുടരാൻ സാധ്യതയുണ്ട്.

എങ്കിലും, ഏപ്രിലിലെ വൻ വർദ്ധനവിനെ അപേക്ഷിച്ച് മെയ് മാസത്തിൽ പെട്രോൾ വിലയിൽ വലിയ മാറ്റങ്ങൾ ഇല്ലാതിരിക്കാനോ അല്ലെങ്കിൽ നേരിയ കുറവുണ്ടാകാനോ സാധ്യതയുണ്ടെന്നും ചില റിപ്പോർട്ടുകൾ സൂചിപ്പിക്കുന്നു. അതേസമയം, ഡീസൽ വില ഉയർന്ന നിലയിൽ തന്നെ തുടരാനാണ് സാധ്യത. പണപ്പെരുപ്പവും ജീവിതച്ചെലവും വർദ്ധിക്കുന്ന സാഹചര്യത്തിൽ ഇന്ധനവിലയിലെ നേരിയ മാറ്റം പോലും സാധാരണക്കാരുടെ ബജറ്റിനെ ബാധിക്കും. ഇലക്ട്രിക് വാഹനങ്ങളിലേക്കും പൊതുഗതാഗത സംവിധാനങ്ങളിലേക്കും മാറാൻ പലരെയും പ്രേരിപ്പിക്കുന്ന ഘടകമായി ഈ വിലക്കയറ്റം മാറുന്നുണ്ട്. മെയ് മാസത്തെ കൃത്യമായ നിരക്കുകൾ അറിയാൻ ഏപ്രിൽ 30-ലെ ഔദ്യോഗിക പ്രഖ്യാപനം വരെ കാത്തിരിക്കേണ്ടതുണ്ട്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

പ്രവാസികളെ… ഗൾഫിൽ ജീവിത ചെലവ് കൂടുന്നുണ്ടോ?; നിങ്ങളുടെ പണം ലാഭിക്കാൻ ഇതാ 5 വഴികൾ

UAE April 25, 2026

ആഗോള സാമ്പത്തിക പ്രതിസന്ധിയും ജീവിതച്ചെലവിലെ വർദ്ധനവും യുഎഇയിലെ പ്രവാസി കുടുംബങ്ങളെ കുറച്ചൊന്നുമല്ല വലയ്ക്കുന്നത്. വരുമാനത്തിന്റെ വലിയൊരു ഭാഗം വാടകയ്ക്കും മറ്റ് നിത്യച്ചെലവുകൾക്കുമായി നീക്കിവെക്കേണ്ടി വരുമ്പോൾ സമ്പാദ്യം എന്നത് പലർക്കും ബാലികേറാമലയായി മാറുന്നു. എന്നാൽ കൃത്യമായ പ്ലാനിംഗും ചെറിയ ചില മാറ്റങ്ങളും ഉണ്ടെങ്കിൽ ഈ പ്രതിസന്ധിക്കാലത്തും യുഎഇയിൽ പണം ലാഭിക്കാനും സാമ്പത്തിക അടിത്തറ ഭദ്രമാക്കാനും സാധിക്കും. കുടുംബ ബജറ്റിൽ മാറ്റങ്ങൾ വരുത്തി എങ്ങനെ കടബാധ്യതകളില്ലാതെ മുന്നോട്ട് പോകാമെന്ന് നോക്കാം.സാമ്പത്തിക അച്ചടക്കത്തിന് ’50/30/20′ ഫോർമുല

യുഎഇയിൽ ജീവിക്കുമ്പോൾ ആദ്യം വേണ്ടത് കൃത്യമായ ഒരു ബജറ്റിംഗാണ്. ഇതിനായി ലോകപ്രശസ്തമായ 50/30/20 നിയമം പിന്തുടരാവുന്നതാണ്. നിങ്ങളുടെ വരുമാനത്തിന്റെ 50 ശതമാനം വാടക, സ്കൂൾ ഫീസ്, ഇലക്ട്രിസിറ്റി തുടങ്ങിയ അവശ്യകാര്യങ്ങൾക്കായി മാറ്റിവെക്കുക. 30 ശതമാനം വിനോദങ്ങൾക്കും യാത്രകൾക്കുമായി ഉപയോഗിക്കാം. എന്നാൽ ബാക്കി വരുന്ന 20 ശതമാനം നിർബന്ധമായും സമ്പാദ്യത്തിലേക്കോ നിക്ഷേപങ്ങളിലേക്കോ മാറ്റുക. മാസാവസാനം മിച്ചം പിടിക്കാം എന്ന് കരുതുന്നതിന് പകരം ശമ്പളം കിട്ടുമ്പോൾ തന്നെ ഈ 20 ശതമാനം മാറ്റി വെക്കുന്നത് ശീലമാക്കുക.സ്മാർട്ട് ഷോപ്പിംഗിലൂടെ വലിയ ലാഭം

യുഎഇയിലെ ഹൈപ്പർമാർക്കറ്റുകൾ തമ്മിലുള്ള മത്സരം ഉപഭോക്താക്കൾക്ക് വലിയ ലാഭം നൽകുന്ന ഒന്നാണ്. പലചരക്ക് സാധനങ്ങൾ വാങ്ങുമ്പോൾ പ്രമുഖ ബ്രാൻഡുകൾക്ക് പകരം ‘സ്റ്റോർ ബ്രാൻഡുകൾ’ (ഉദാഹരണത്തിന് ലുലു, യൂണിയൻ കോപ് ലേബലുകൾ) തിരഞ്ഞെടുക്കുന്നത് ഗുണമേന്മ കുറയാതെ തന്നെ പണം ലാഭിക്കാൻ സഹായിക്കും. പ്രമോഷനുകളും ഓഫറുകളും ഉള്ള സമയത്ത് മാസത്തേക്കാവശ്യമായ സാധനങ്ങൾ ‘ബൾക്ക്’ ആയി വാങ്ങുന്നത് വഴി 20 മുതൽ 30 ശതമാനം വരെ ചെലവ് കുറയ്ക്കാം. വാരാന്ത്യങ്ങളിലെ വലിയ ഷോപ്പിംഗുകൾ ഒഴിവാക്കി കൃത്യമായ ലിസ്റ്റ് തയ്യാറാക്കി മാത്രം കടയിൽ പോകുന്നത് അനാവശ്യ വാങ്ങലുകൾ തടയും.

സ്മാർട്ട് ഷോപ്പിംഗിലൂടെ വലിയ ലാഭം

യുഎഇയിലെ ഹൈപ്പർമാർക്കറ്റുകൾ തമ്മിലുള്ള മത്സരം ഉപഭോക്താക്കൾക്ക് വലിയ ലാഭം നൽകുന്ന ഒന്നാണ്. പലചരക്ക് സാധനങ്ങൾ വാങ്ങുമ്പോൾ പ്രമുഖ ബ്രാൻഡുകൾക്ക് പകരം ‘സ്റ്റോർ ബ്രാൻഡുകൾ’ (ഉദാഹരണത്തിന് ലുലു, യൂണിയൻ കോപ് ലേബലുകൾ) തിരഞ്ഞെടുക്കുന്നത് ഗുണമേന്മ കുറയാതെ തന്നെ പണം ലാഭിക്കാൻ സഹായിക്കും. പ്രമോഷനുകളും ഓഫറുകളും ഉള്ള സമയത്ത് മാസത്തേക്കാവശ്യമായ സാധനങ്ങൾ ‘ബൾക്ക്’ ആയി വാങ്ങുന്നത് വഴി 20 മുതൽ 30 ശതമാനം വരെ ചെലവ് കുറയ്ക്കാം. വാരാന്ത്യങ്ങളിലെ വലിയ ഷോപ്പിംഗുകൾ ഒഴിവാക്കി കൃത്യമായ ലിസ്റ്റ് തയ്യാറാക്കി മാത്രം കടയിൽ പോകുന്നത് അനാവശ്യ വാങ്ങലുകൾ തടയും.

ക്രെഡിറ്റ് കാർഡ് കെണികൾ ഒഴിവാക്കുക

യുഎഇയിലെ പല പ്രവാസികളെയും കടക്കെണിയിലാക്കുന്നത് ക്രെഡിറ്റ് കാർഡുകളുടെ അനിയന്ത്രിതമായ ഉപയോഗമാണ്. കാർഡുകൾ വഴി ലഭിക്കുന്ന റിവാർഡുകളും ഓഫറുകളും നല്ലതാണെങ്കിലും കൃത്യസമയത്ത് തിരിച്ചടയ്ക്കാൻ സാധിച്ചില്ലെങ്കിൽ പലിശ നിരക്ക് നിങ്ങളുടെ സമ്പാദ്യത്തെ കാർന്നുതിന്നും. ഉയർന്ന പലിശയുള്ള കടങ്ങൾ ആദ്യം വീട്ടാൻ ശ്രമിക്കുക. അത്യാവശ്യ ഘട്ടങ്ങളിൽ മാത്രം ക്രെഡിറ്റ് കാർഡ് ഉപയോഗിക്കുകയും ഡെബിറ്റ് കാർഡുകൾക്കോ പണത്തിനോ മുൻഗണന നൽകുകയും ചെയ്യുന്നത് കടബാധ്യത കുറയ്ക്കാൻ സഹായിക്കും.യൂട്ടിലിറ്റി ബില്ലുകളിലെ നിയന്ത്രണം

വൈദ്യുതി, വെള്ളം ബില്ലുകളിൽ ചെറിയ മാറ്റങ്ങൾ വരുത്തുന്നത് വഴി വലിയ തുക ലാഭിക്കാം. എസിയുടെ താപനില 24 ഡിഗ്രി സെൽഷ്യസിൽ സ്ഥിരമായി നിലനിർത്തുന്നത് എനർജി ബില്ലുകൾ കുറയ്ക്കാൻ സഹായിക്കും. സ്മാർട്ട് ഹോം ഉപകരണങ്ങൾ ഉപയോഗിക്കുന്നതും എനർജി എഫിഷ്യന്റ് ആയ ലൈറ്റുകൾ സ്ഥാപിക്കുന്നതും ദീർഘകാലാടിസ്ഥാനത്തിൽ ഗുണകരമാണ്. കൂടാതെ നിങ്ങളുടെ മൊബൈൽ, ഇന്റർനെറ്റ് പ്ലാനുകൾ ആവശ്യത്തിന് മാത്രമുള്ളതാണെന്ന് ഉറപ്പുവരുത്തുക. ഇത്തിസലാത്ത് (Etisalat), ഡു (du) എന്നിവ നൽകുന്ന ഫാമിലി പാക്കേജുകൾ ശ്രദ്ധിക്കുന്നത് നല്ലതാണ്.എമർജൻസി ഫണ്ട് എന്ന കരുതൽ

അപ്രതീക്ഷിതമായി ജോലി നഷ്ടപ്പെടുകയോ ആരോഗ്യപ്രശ്നങ്ങൾ വരികയോ ചെയ്താൽ പകച്ചുപോകാതിരിക്കാൻ ഒരു എമർജൻസി ഫണ്ട് അത്യാവശ്യമാണ്. കുറഞ്ഞത് 6 മാസത്തെ ചെലവിനുള്ള തുക ലിക്വിഡ് ക്യാഷ് ആയി കരുതിയാൽ സാമ്പത്തിക അനിശ്ചിതത്വങ്ങളെ ധൈര്യപൂർവ്വം നേരിടാം.

ചെറിയ ലാഭങ്ങൾ വലിയ സമ്പാദ്യത്തിലേക്ക് നയിക്കുമെന്ന തിരിച്ചറിവാണ് യുഎഇയിലെ ഓരോ പ്രവാസിക്കും ഉണ്ടാകേണ്ടത്. ആഡംബരങ്ങൾ പരിമിതപ്പെടുത്തി അത്യാവശ്യങ്ങൾക്കായി പണം മാറ്റിവെച്ചാൽ ഈ മണലാരണ്യത്തിൽ നിങ്ങൾക്ക് വിജയകരമായി മുന്നേറാം