വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

Uae lottery lucky draw;അബുദാബി∙ യുഎഇയിലെ പ്രവാസി സമൂഹത്തിന്റെ ഭാഗ്യം പരീക്ഷിക്കാനുള്ള അവസരങ്ങൾ വർധിപ്പിച്ചുകൊണ്ട് ‘യുഎഇ ലോട്ടറി’ പുതിയ മാറ്റങ്ങൾ പ്രഖ്യാപിച്ചു. ലോട്ടറിയുടെ മുൻനിര ഗെയിമായ ‘ലക്കി ഡേ’ ഇനി മുതൽ ആഴ്ചയിൽ ഒരു തവണ എന്നതിന് പകരം ബുധൻ, ശനി ദിവസങ്ങളിൽ ആഴ്ചയിൽ രണ്ടുതവണ നടക്കും. ഇതോടെ ഭാഗ്യശാലികൾക്ക് 30 ദശലക്ഷം ദിർഹത്തിന്റെ ബമ്പർ സമ്മാനം സ്വന്തമാക്കാൻ കൂടുതൽ അവസരങ്ങൾ ലഭിക്കും.

എന്തൊക്കെയാണ് പുതിയ മാറ്റങ്ങൾ
∙ആഴ്ചയിൽ രണ്ട് നറുക്കെടുപ്പുകൾ: ഇനി മുതൽ എല്ലാ ബുധനാഴ്ചയും ശനിയാഴ്ചയും നറുക്കെടുപ്പ് നടക്കും.
∙വൻകിട സമ്മാനങ്ങൾ: 30 ദശലക്ഷം ദിർഹത്തിന്റെ ഒന്നാം സമ്മാനവും 5 ദശലക്ഷം ദിർഹത്തിന്റെ രണ്ടാം സമ്മാനവും ആഴ്ചയിൽ രണ്ടുതവണ നേടാൻ അവസരമുണ്ടാകും.
∙ഉറപ്പായ സമ്മാനങ്ങൾ: ഓരോ നറുക്കെടുപ്പിലും 50,000 ദിർഹം വീതം ലഭിക്കുന്ന മൂന്ന് ഉറപ്പായ വിജയികൾ ഉണ്ടാകും.
∙ടിക്കറ്റ് നിരക്ക്: ടിക്കറ്റ് നിരക്കിൽ മാറ്റമില്ല, 50 ദിർഹം തന്നെയായിരിക്കും.
∙സമയക്രമം: ടിക്കറ്റ് വിൽപന രാത്രി 8 ന് അവസാനിക്കും (മുൻപ് 7 ആയിരുന്നു). നറുക്കെടുപ്പ് രാത്രി 9.30ന് ആരംഭിക്കും.

വിശ്വാസ്യതയും സുരക്ഷിതത്വവും
യുഎഇയിലെ ആദ്യത്തെ ഫെഡറൽ ലൈസൻസുള്ള ലോട്ടറിയാണ് ഇത്. ജനറൽ കൊമേഴ്‌സ്യൽ ഗെയിമിങ് റെഗുലേറ്ററി അതോറിറ്റിയുടെ പൂർണമായ മേൽനോട്ടത്തിലും അംഗീകാരത്തിലും പ്രവർത്തിക്കുന്നതിനാൽ നറുക്കെടുപ്പിന്റെ സുതാര്യതയും കൃത്യതയും ഉറപ്പാക്കിയിട്ടുണ്ട്. ‘ദ് ഗെയിം എൽഎൽസി’ ആണ് ഇതിന്റെ നടത്തിപ്പ് ചുമതല വഹിക്കുന്നത്.

ഭാഗ്യം പരീക്ഷിക്കാൻ
യുഎഇ ലോട്ടറി ആരംഭിച്ചതിനുശേഷം ഇതുവരെ 175 ദശലക്ഷം ദിർഹത്തിലധികം സമ്മാനത്തുകയായി വിതരണം ചെയ്തുകഴിഞ്ഞു. 18 വയസ്സിന് മുകളിൽ പ്രായമുള്ള താമസക്കാർക്ക് www.theuaelottery.ae  എന്ന ഔദ്യോഗിക വെബ്സൈറ്റിലൂടെ ലക്കി ഡേ ടിക്കറ്റുകൾ സ്വന്തമാക്കാം. കൂടുതൽ വിവരങ്ങൾക്കും അപ്ഡേറ്റുകൾക്കുമായി സോഷ്യൽ മീഡിയ പ്ലാറ്റ്‌ഫോമുകളിൽ @theuaelottery എന്ന അക്കൗണ്ട് പിന്തുടരാവുന്നതാണ്.

UAE residents;ബലിപെരുന്നാൾ: യുഎഇയിൽ ആറ് ദിവസത്തെ അവധിക്ക് സാധ്യത

UAE April 8, 2026

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

UAE residents:ദുബായ്∙ യുഎഇ നിവാസികൾക്ക് ഈ വർഷത്തെ ഏറ്റവും ദൈർഘ്യമേറിയ അവധിക്കാലങ്ങളിലൊന്ന് അടുത്ത മാസം ലഭിച്ചേക്കും. അറഫാ ദിനവും ബലിപെരുന്നാളും (ഈദ് അൽ അദ്ഹ) പ്രമാണിച്ച് ആറ് ദിവസത്തെ പൊതുഅവധിക്ക് സാധ്യതയുണ്ടെന്നാണ് കണക്കുകൂട്ടലുകൾ സൂചിപ്പിക്കുന്നത്.

എമിറേറ്റ്‌സ് അസ്‌ട്രോണമിക്കൽ സൊസൈറ്റി ചെയർമാൻ ഇബ്രാഹിം അൽ ജർവാൻ നൽകുന്ന വിവരമനുസരിച്ച്, മേയ് 27ന് ബലിപെരുന്നാളിന്  സാധ്യത. ഇതിന് തൊട്ടുമുമ്പുള്ള ദിവസമായ 26 നാണ് ഹജ് കർമങ്ങളിലെ ഏറ്റവും പ്രധാനപ്പെട്ട അറഫാ ദിനം. എങ്കിലും മാസപ്പിറവി കാണുന്നതിനനുസരിച്ച് മാത്രമേ ഔദ്യോഗിക തീയതികളിൽ മാറ്റമുണ്ടാകൂ.

യുഎഇ കാബിനറ്റ് അംഗീകരിച്ച അവധി പട്ടിക പ്രകാരം അറഫാ ദിനത്തിന് ഒരു ദിവസവും ബലിപെരുന്നാളിന് മൂന്ന് ദിവസവുമാണ് പൊതുഅവധി ലഭിക്കുക. 26 മുതൽ 29 വരെയാണ് ഈ അവധികൾ വരുന്നത്. ഇതിനുശേഷം വരുന്ന ശനി, ഞായർ (മേയ് 30, 31) വാരാന്ത്യ അവധികൾ കൂടി ചേരുമ്പോൾ തുടർച്ചയായി ആറ് ദിവസത്തെ വിശ്രമം താമസക്കാർക്ക് ലഭിക്കും. അവധിദിനങ്ങൾ പ്രയോജനപ്പെടുത്തി കുറഞ്ഞ ലീവ് എടുത്ത് ദീർഘിച്ച യാത്രകൾ ആസൂത്രണം ചെയ്യുന്നവർക്ക് 25 ന് ഒരു ദിവസം കൂടി അവധി എടുത്താൽ 23 മുതൽ 31 വരെ നീളുന്ന 9 ദിവസത്തെ അവധിക്കാലം ആഘോഷിക്കാനാകും. ഹജ് തീർഥാടനം 25 ന് ആരംഭിക്കുമെന്നാണ് കണക്കാക്കുന്നത്.

ഇസ്‌ലാമിലെ അഞ്ചാമത്തെ തൂണായ ഹജ് കർമങ്ങൾ ദുൽഹജ് എട്ടിന് (മേയ് 25) ആരംഭിച്ച് 29-30 ന് അവസാനിക്കാനാണ് സാധ്യത. 26 നാണ് അറഫാ സംഗമം. ഹജിന് പോകാൻ സാധിക്കാത്തവർക്ക് ഈ ദിവസം പ്രാർഥനകൾക്കും ഉപവാസത്തിനും ഏറെ പ്രാധാന്യമുള്ളതാണ്. ലോകത്തെങ്ങുമുള്ള മുസ്‌ലിംകൾക്കിടയിൽ ഐക്യത്തിന്റെയും ആത്മീയതയുടെയും സന്ദേശം പകരുന്നതാണ് ഈ ദിനങ്ങൾ. കൂടുതൽ വിവരങ്ങൾ മാസപ്പിറവി സ്ഥിരീകരിക്കുന്നതോടെ അധികൃതർ ഔദ്യോഗികമായി അറിയിക്കും.

iran ceasefire trump relaxes;ഇറാനിൽ രണ്ടാഴ്ചത്തേക്ക് വെടിനിർത്തൽ; ട്രംപിന്റെ അന്ത്യശാസനത്തിൽ അയവ്, നിർണ്ണായകമായത് ഈ രാജ്യത്തിന്റെ ഇടപെടൽ

UAE April 8, 2026

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

iran ceasefire trump relaxes;

വാഷിംഗ്ടൺ: പശ്ചിമേഷ്യയെ മുൾമുനയിൽ നിർത്തിയ യുദ്ധഭീതിക്ക് താൽക്കാലിക ആശ്വാസം. ഇറാനെതിരെ പ്രഖ്യാപിച്ച അന്ത്യശാസനം നീട്ടണമെന്ന പാകിസ്ഥാന്റെ നിർദ്ദേശം അമേരിക്കൻ പ്രസിഡന്റ് ഡൊണാൾഡ് ട്രംപ് അംഗീകരിച്ചു. ഇതനുസരിച്ച് ഇറാനിൽ രണ്ടാഴ്ചത്തേക്ക് വെടിനിർത്തൽ പ്രാബല്യത്തിൽ വരും. പാക് പ്രധാനമന്ത്രി ഷെഹബാസ് ഷെരീഫുമായി നടത്തിയ ചർച്ചകൾക്ക് പിന്നാലെയാണ് ട്രംപ് തന്റെ കടുത്ത നിലപാടിൽ മാറ്റം വരുത്തിയത്.

ട്രംപിന്റെ പ്രഖ്യാപനം ഇങ്ങനെ:

ഇറാനുനേരെയുള്ള ബോംബാക്രമണങ്ങളും മറ്റ് സൈനിക നടപടികളും രണ്ടാഴ്ചത്തേക്ക് നിർത്തിവെക്കാൻ താൻ സമ്മതിച്ചതായി ട്രംപ് സാമൂഹ്യ മാധ്യമങ്ങളിലൂടെ വ്യക്തമാക്കി.

“ഇതൊരു ഇരുപക്ഷ വെടിനിർത്തലായിരിക്കും. അമേരിക്കയുടെ സൈനിക ലക്ഷ്യങ്ങൾ നിലവിൽ വിജയകരമായി പൂർത്തീകരിച്ചു. ഇറാനുമായി ദീർഘകാല സമാധാന കരാറിനായുള്ള ചർച്ചകളിൽ വലിയ പുരോഗതിയുണ്ട്,” ട്രംപ് കുറിച്ചു.മിക്ക തർക്കവിഷയങ്ങളിലും ഇരുരാജ്യങ്ങളും തമ്മിൽ ധാരണയായതായും അദ്ദേഹം അവകാശപ്പെട്ടു.

ഹോർമുസ് കടലിടുക്ക് തുറക്കണം; കർശന നിബന്ധന

വെടിനിർത്തൽ പ്രഖ്യാപിച്ചെങ്കിലും ഇറാനു മുന്നിൽ ട്രംപ് കർശനമായ ഉപാധി വെച്ചിട്ടുണ്ട്. ലോകത്തെ പ്രധാന വ്യാപാര പാതയായ ഹോർമുസ് കടലിടുക്ക് (Strait of Hormuz) പൂർണ്ണമായും ഉടനടിയും സുരക്ഷിതമായും തുറന്നുകൊടുക്കാൻ ഇറാൻ തയ്യാറാകണം എന്നതാണ് പ്രധാന നിബന്ധന. ട്രംപ് നിശ്ചയിച്ചിരുന്ന സമയപരിധി അവസാനിക്കാൻ വെറും ഒരു മണിക്കൂർ ബാക്കിനിൽക്കെയാണ് ഈ സുപ്രധാന നീക്കമുണ്ടായത്.

മധ്യസ്ഥനായി പാകിസ്താൻ; പങ്കാളിയായി ഇസ്രായേലും
അമേരിക്കയും ഇറാനും തമ്മിലുള്ള കടുത്ത പോരാട്ടത്തിൽ അപ്രതീക്ഷിതമായ ഒരു മധ്യസ്ഥന്റെ റോളിലാണ് പാകിസ്താൻ എത്തിയത്. പാക് പ്രധാനമന്ത്രി ഷെഹബാസ് ഷെരീഫ്, ഫീൽഡ് മാർഷൽ അസീം മുനീർ എന്നിവരുമായി ട്രംപ് ആശയവിനിമയം നടത്തിയിരുന്നു. സമാധാന ചർച്ചകളിൽ ഷെരീഫിന്റെ പങ്കിനെ ട്രംപ് പ്രത്യേകം പ്രശംസിക്കുകയും ചെയ്തു.

അതേസമയം, ഈ വെടിനിർത്തലിൽ ഇസ്റാഈലും പങ്കാളിയാണെന്ന് വൈറ്റ് ഹൗസ് വക്താവ് സ്ഥിരീകരിച്ചു. ഹോർമുസ് കടലിടുക്ക് തുറന്നില്ലെങ്കിൽ ഇറാന്റെ അടിസ്ഥാന സൗകര്യങ്ങൾ തകർക്കുമെന്ന ഭീഷണി നിലനിൽക്കെയാണ്, ചർച്ചകൾക്ക് സമയം അനുവദിച്ചുകൊണ്ട് ഇസ്റാഈലും താൽക്കാലികമായി പിന്മാറാൻ സമ്മതിച്ചത്

three injured in vehicle accident;ദുബൈ അൽ ഖൈൽ റോഡിൽ വാഹനാപകടം; മൂന്ന് പേർ‌ക്ക് പരുക്ക്

three injured in vehicle accident;ദുബായ്: അൽ ഖൈൽ റോഡിലുണ്ടായ വാഹനാപകടത്തിൽ മൂന്ന് പേർക്ക് പരിക്കേറ്റു. ഇന്ന് വൈകുന്നേരം അബുദബിയിലേക്കുള്ള ദിശയിലാണ് അപകടം നടന്നത്. റോഡിന് നടുവിൽ അശ്രദ്ധമായി വാഹനം നിർത്തിയതാണ് അപകടത്തിന് കാരണമായതെന്ന് ദുബൈ പൊലിസ് അറിയിച്ചു. ഇത്തരത്തിൽ സുരക്ഷാ മാനദണ്ഡങ്ങൾ പാലിക്കാതെ റോഡിന് മധ്യത്തിൽ വാഹനം നിർത്തുന്നവർക്കെതിരെ കർശന നടപടി സ്വീകരിക്കുമെന്നും പൊലിസ് മുന്നറിയിപ്പ് നൽകി.

മറ്റൊരു വാഹനത്തിന്റെ നമ്പർ പ്ലേറ്റ് കുറിച്ചെടുക്കാനായി ഒരു ഡ്രൈവർ പെട്ടെന്ന് റോഡിന് നടുവിൽ വാഹനം നിർത്തുകയായിരുന്നു. പിന്നാലെ വന്ന വാഹനം ഇത് ശ്രദ്ധിക്കാതെ വന്ന് ഇടിക്കുകയും, നിയന്ത്രണം വിട്ട മൂന്നാമതൊരു വാഹനം കൂടി ഇവയിൽ ഇടിക്കുകയുമായിരുന്നു. പരുക്കേറ്റ ഒരാളുടെ നില ഗുരുതരമാണ്. പരുക്കേറ്റവരെ ഉടൻ തന്നെ ആശുപത്രിയിലേക്ക് മാറ്റി.

നിയമം ലംഘിച്ചാൽ കടുത്ത പിഴ

റോഡിന്റെ മധ്യത്തിൽ വാഹനം നിർത്തുന്നത് ഏറ്റവും അപകടകരമായ ട്രാഫിക് നിയമലംഘനമായാണ് ദുബൈ പൊലിസ് കണക്കാക്കുന്നത്. 

ഇത്തരത്തിൽ റോഡിന് നടുവിൽ വാഹനം നിർത്തുന്നവർക്ക് 1,000 ദിർഹം പിഴയും 6 ട്രാഫിക് പോയിന്റുകളും ലഭിക്കും. കൂടാതെ, ട്രാഫിക് നിയമത്തിലെ ആർട്ടിക്കിൾ 98 പ്രകാരം ഗതാഗത തടസ്സം സൃഷ്ടിക്കുന്നതിന് 500 ദിർഹം പ്രത്യേക പിഴയും ഈടാക്കുന്നതാണ്. അതായത്, സുരക്ഷാ മാനദണ്ഡങ്ങൾ പാലിക്കാതെ റോഡിൽ തടസ്സം സൃഷ്ടിച്ചാൽ ആകെ 1,500 ദിർഹം വരെ പിഴയായി നൽകേണ്ടി വരും. 

വാഹനം തകരാറിലായാൽ എന്തുചെയ്യണം?

യാത്ര പുറപ്പെടുന്നതിന് മുമ്പ് ഇന്ധനവും ടയറുകളും കൃത്യമാണെന്ന് ഉറപ്പുവരുത്തണമെന്ന് ട്രാഫിക് ഡയറക്ടർ ബ്രിഗേഡിയർ ജുമാ സലേം ബിൻ സുവൈദാൻ നിർദ്ദേശിച്ചു. അഥവാ റോഡിൽ വെച്ച് വാഹനം തകരാറിലായാൽ താഴെ പറയുന്ന സുരക്ഷാ മുൻകരുതലുകൾ സ്വീകരിക്കുക:

മുന്നറിയിപ്പ് ലൈറ്റുകൾ (Hazard Lights): ഉടൻ തന്നെ പ്രവർത്തിപ്പിക്കുക.

വാണിം​ഗ് ട്രയാം​ഗിൾ (Warning Triangle): വാഹനത്തിന് പിന്നിൽ മതിയായ അകലത്തിൽ സ്ഥാപിക്കുക.

സുരക്ഷിത സ്ഥാനത്തേക്ക് മാറുക: വാഹനത്തിനുള്ളിലോ റോഡിലോ നിൽക്കാതെ സുരക്ഷിതമായ സ്ഥലത്തേക്ക് മാറി നിൽക്കുക.

പൊലിസിനെ ബന്ധപ്പെടുക: വാഹനം നീക്കാൻ കഴിയാത്ത സാഹചര്യമാണെങ്കിൽ ഉടൻ തന്നെ പൊലിസിന്റെ സഹായം തേടുക