ഖത്തറിലെ ഏറ്റവും പുതിയ വാർത്തകൾക്ക് ഗ്രൂപ്പ് ഫോളോ ചെയ്യൂ

ദോഹ: ഖത്തർ ഹെലികോപ്റ്റർ അപകടത്തിൽ ഏഴാമത്തെ സൈനികന്‍റെ മൃതദേഹവും കണ്ടെത്തി. ഹെലികോപ്റ്ററിലുണ്ടായിരുന്ന ഏഴു പ‍േരും മരിച്ചതായി സ്ഥിരീകരിച്ചു. നേരത്തെ ആറു പേരുടെ മൃതദേഹങ്ങൾ തെരച്ചിലിൽ കണ്ടെത്തിയിരുന്നു.

വിവിധ സുരക്ഷാ വിഭാഗങ്ങൾ സംയുക്തമായാണ് തെരച്ചിൽ നടത്തിയത്. സൈനിക ഹെലികോപ്റ്റർ കടലിൽ തകർന്നുവീഴുകയായിരുന്നു. സാങ്കേതിക കാരണം മൂലമാണ് അപകടമെന്നാണ് വിശദീകരണം. ഖത്തറിലെ പ്രതിരോധമന്ത്രാലയവും ആഭ്യന്ത്ര മന്ത്രാലയവും ഇക്കാര്യം സ്ഥിരീകരിച്ചിരുന്നു. സാധാരണ ഡ്യൂട്ടിക്കിടെ ഉണ്ടായ സാങ്കേതിക തകരാണ് അപകടത്തിന് കാരണമെന്നാണ് പ്രാഥമികമായി ലഭിച്ച വിവരം.

ഖത്തറിൽ മ്യൂസിയങ്ങൾ സന്ദർശകർക്കായി തുറന്നു; ഈദ് അവധിക്കാലത്തെ സമയക്രമം അറിയാം

Qatar Greeshma Staff Editor — March 22, 2026 · 0 Comment

ഖത്തറിലെ ഏറ്റവും പുതിയ വാർത്തകൾക്ക് ഗ്രൂപ്പ് ഫോളോ ചെയ്യൂ

Qatar Museums Eid holiday : ദോഹ: ഈദാഘോഷങ്ങളുടെ ഭാഗമായി ഖത്തറിലെ പ്രധാന മ്യൂസിയങ്ങളും സാംസ്കാരിക കേന്ദ്രങ്ങളും സന്ദർശകർക്കായി വീണ്ടും തുറക്കുന്നു. ഈദ് രണ്ടാം ദിനമായ മാർച്ച് 21 മുതൽ ദോഹയിലെ ഇൻഡോർ സാംസ്കാരിക കേന്ദ്രങ്ങളിൽ പൊതുജനങ്ങൾക്ക് പ്രവേശനം അനുവദിച്ചു തുടങ്ങി.

പ്രധാന വിവരങ്ങൾ:

• പ്രവർത്തന സമയം: മാർച്ച് 21 മുതൽ 27 വരെ എല്ലാ ദിവസവും മ്യൂസിയങ്ങൾ തുറന്ന് പ്രവർത്തിക്കും. സാധാരണ അവധിയുള്ള ദിവസങ്ങളിലും ഈ കാലയളവിൽ സന്ദർശകർക്ക് പ്രവേശനം ഉണ്ടായിരിക്കും.
• സാധാരണ സമയം: ശനി മുതൽ വ്യാഴം വരെ രാവിലെ 9:00 മുതൽ വൈകുന്നേരം 7:00 വരെയും, വെള്ളിയാഴ്ചകളിൽ ഉച്ചയ്ക്ക് 1:30 മുതൽ വൈകുന്നേരം 7:00 വരെയുമായിരിക്കും പ്രവർത്തന സമയം.
• പ്രത്യേക അവധി ദിവസങ്ങൾ: ഈദ് അവധിക്ക് ശേഷം പഴയ സമയക്രമത്തിലേക്ക് മടങ്ങുമ്പോൾ താഴെ പറയുന്ന ക്രമത്തിൽ അവധി ഉണ്ടായിരിക്കും

ഖത്തറിലെ ഹെലികോപ്റ്റർ അപകടം: 6 പേരുടെ മരണം സ്ഥിരീകരിച്ചു; ഒരാൾക്കായി തിരച്ചിൽ തുടരുന്നു

Qatar Greeshma Staff Editor — March 22, 2026 · 0 Comment

ഖത്തറിലെ ഏറ്റവും പുതിയ വാർത്തകൾക്ക് ഗ്രൂപ്പ് ഫോളോ ചെയ്യൂ

ഖത്തർ : രാജ്യത്തിന്റെ സമുദ്രാതിർത്തിയിൽ ഹെലികോപ്റ്റർ തകർന്നുണ്ടായ അപകടത്തിൽ വിമാനത്തിലുണ്ടായിരുന്ന ഏഴ് പേരിൽ ആറ് പേരുടെ മരണം സ്ഥിരീകരിച്ചതായി ആഭ്യന്തര മന്ത്രാലയം അറിയിച്ചു. കാണാതായവർക്കായി നടത്തിയ വിപുലമായ തിരച്ചിൽ-രക്ഷാപ്രവർത്തനങ്ങൾക്കൊടുവിലാണ് ആറ് പേരുടെ മൃതദേഹങ്ങൾ കണ്ടെടുത്തത്.

ഹെലികോപ്റ്ററിലുണ്ടായിരുന്ന ഏഴാമത്തെ വ്യക്തിയെ കണ്ടെത്തുന്നതിനായി പ്രത്യേക സംഘങ്ങൾ ഇപ്പോഴും സമുദ്രമേഖലയിൽ തീവ്രമായ തിരച്ചിൽ തുടരുകയാണ്. അപകടത്തിൽ മരിച്ചവരുടെ കുടുംബങ്ങളെ ആഭ്യന്തര മന്ത്രാലയം അഗാധമായ അനുശോചനം അറിയിച്ചു. മരിച്ചവരുടെ കുടുംബങ്ങൾക്ക് ഈ വേർപാട് താങ്ങാനുള്ള കരുത്ത് നൽകട്ടെ എന്ന് പ്രാർത്ഥിക്കുന്നതായും മന്ത്രാലയം വാർത്താക്കുറിപ്പിൽ വ്യക്തമാക്കി.

ഖത്തറിൽ ഹെലികോപ്റ്റർ കടലിൽ തകർന്നു വീണു; സമുദ്രാതിർത്തിയിൽ തിരച്ചിലും രക്ഷാപ്രവർത്തനവും തുടരുന്നു

Qatar Greeshma Staff Editor — March 22, 2026 · 0 Comment

Qatar helicopter crash sea search rescue 2026 : ദോഹ: ഖത്തർ സമുദ്രാതിർത്തിയിൽ പതിവ് ദൗത്യത്തിനിടെ ഹെലികോപ്റ്റർ തകർന്നു വീണു. സാങ്കേതിക തകരാറാണ് അപകടത്തിന് കാരണമെന്ന് ഖത്തർ പ്രതിരോധ മന്ത്രാലയം ഞായറാഴ്ച പുറത്തിറക്കിയ പ്രസ്താവനയിൽ അറിയിച്ചു. ഹെലികോപ്റ്ററിലുണ്ടായിരുന്നവർക്കായി കടലിൽ തിരച്ചിൽ ഊർജ്ജിതമാക്കിയിരിക്കുകയാണ്.

പ്രധാന വിവരങ്ങൾ:

• അപകടകാരണം: വിമാനത്തിനുണ്ടായ മെക്കാനിക്കൽ തകരാറാണ് അപകടത്തിലേക്ക് നയിച്ചതെന്നാണ് പ്രാഥമിക നിഗമനം. പതിവ് പറക്കലിനിടെയായിരുന്നു സംഭവം.
• രക്ഷാപ്രവർത്തനം: ആഭ്യന്തര മന്ത്രാലയത്തിന്റെയും പ്രതിരോധ മന്ത്രാലയത്തിന്റെയും കീഴിലുള്ള പ്രത്യേക സംഘങ്ങൾ സംയുക്തമായാണ് തിരച്ചിൽ നടത്തുന്നത്. രാജ്യത്തിന്റെ സമുദ്രാതിർത്തിക്കുള്ളിലെ നിശ്ചിത മേഖല കേന്ദ്രീകരിച്ചാണ് രക്ഷാപ്രവർത്തനം.
• ഏകോപനം: വിവിധ സേനാ വിഭാഗങ്ങൾ തമ്മിൽ കൃത്യമായ ഏകോപനം ഉറപ്പാക്കിയിട്ടുണ്ടെന്നും സന്നദ്ധതയുള്ള യൂണിറ്റുകളെ തിരച്ചിലിനായി നിയോഗിച്ചിട്ടുണ്ടെന്നും അധികൃതർ വ്യക്തമാക്കി.

ഹെലികോപ്റ്ററിൽ എത്രപേർ ഉണ്ടായിരുന്നു എന്നതിനെക്കുറിച്ചോ അവരുടെ അവസ്ഥയെക്കുറിച്ചോ ഉള്ള ഔദ്യോഗിക വിവരങ്ങൾ മന്ത്രാലയം പുറത്തുവിട്ടിട്ടില്ല.

ഇദുൽ ഫിത്തർ ; റോഡുകളിൽ അതീവ ജാഗ്രത വേണം; ഡ്രൈവർമാർക്ക് കർശന നിർദ്ദേശവുമായി ആഭ്യന്തര മന്ത്രാലയം

Qatar Greeshma Staff Editor — March 20, 2026 · 0 Comment

ഖത്തറിലെ ഏറ്റവും പുതിയ വാർത്തകൾക്ക് ഗ്രൂപ്പ് ഫോളോ ചെയ്യൂ

Ministry of Interior traffic safety alert ഖത്തർ : ഇദുൽ ഫിത്തർ ദിനത്തിതൽ ഗതാഗത നിയമങ്ങൾ കർശനമായി പാലിക്കണമെന്നും റോഡുകളിൽ അതീവ ജാഗ്രത പുലർത്തണമെന്നും ആഭ്യന്തര മന്ത്രാലയം ഡ്രൈവർമാർക്ക് നിർദ്ദേശം നൽകി. പ്രത്യേകിച്ച് ജനവാസ മേഖലകളിലും തിരക്കേറിയ സുപ്രധാന കേന്ദ്രങ്ങളിലും വേഗത കുറയ്ക്കണമെന്നും കാൽനടയാത്രക്കാർക്ക് മുൻഗണന നൽകണമെന്നും അധികൃതർ ഓർമ്മിപ്പിച്ചു.

പ്രധാന നിർദ്ദേശങ്ങൾ:
കാൽനടയാത്രക്കാരുടെ സുരക്ഷ: റോഡ് മുറിച്ചുകടക്കുന്ന സ്ഥലങ്ങളിൽ (Pedestrian Crossings) ഡ്രൈവർമാർ കൂടുതൽ ശ്രദ്ധ ചെലുത്തണം. ജനങ്ങൾ തിങ്ങിപ്പാർക്കുന്ന സ്ഥലങ്ങളിൽ വാഹനങ്ങളുടെ വേഗത പരിമിതപ്പെടുത്തണം.

കൂട്ടംകൂടൽ ഒഴിവാക്കുക: റോഡുകളിൽ വാഹനങ്ങൾ കൂട്ടമായി നിർത്തുന്നതോ ക്രമരഹിതമായി പാർക്ക് ചെയ്യുന്നതോ ഒഴിവാക്കണം. ഇത് ഗതാഗത തടസ്സമുണ്ടാക്കുകയും മറ്റ് യാത്രക്കാരുടെ സുരക്ഷയെ ബാധിക്കുകയും ചെയ്യും.

ജാഗ്രത പാലിക്കുക: ഗതാഗത നിയമങ്ങൾ ലംഘിക്കുന്നത് ഒഴിവാക്കി സുരക്ഷിതമായ ഡ്രൈവിംഗ് രീതികൾ പിന്തുടരണം.

പൊതുസുരക്ഷ: മന്ത്രാലയത്തിന്റെ നിർദ്ദേശങ്ങൾ പാലിക്കുന്നത് അപകടങ്ങൾ കുറയ്ക്കാനും എല്ലാവരുടെയും സുരക്ഷ ഉറപ്പാക്കാനും സഹായിക്കുമെന്ന് അധികൃതർ വ്യക്തമാക്കി.

ആശങ്കകൾക്കിടയിലും ആവേശമായി പെരുന്നാൾ; ഖത്തറിൽ വിപണികൾ സജീവം; പൊതുമേഖലയ്ക്ക് 7 ദിവസം അവധി

Qatar Greeshma Staff Editor — March 20, 2026 · 0 Comment

ഖത്തറിലെ ഏറ്റവും പുതിയ വാർത്തകൾക്ക് ഗ്രൂപ്പ് ഫോളോ ചെയ്യൂ

Qatar Eid Al Fitr preparations 2026 ദോഹ: പശ്ചിമേഷ്യയിലെ സങ്കീർണ്ണമായ രാഷ്ട്രീയ സാഹചര്യങ്ങൾക്കിടയിലും ഖത്തറിൽ ഈദുൽ ഫിത്തർ ആഘോഷങ്ങൾക്കുള്ള ഒരുക്കങ്ങൾ പൂർത്തിയായി. രാജ്യത്തെ പ്രമുഖ ഷോപ്പിംഗ് മാളുകളിലും സൂഖുകളിലും വൻ ജനതിരക്കാണ് അനുഭവപ്പെടുന്നത്. സുരക്ഷാ മുൻകരുതലുകൾ നിലനിൽക്കുമ്പോഴും വലിയ ആത്മവിശ്വാസത്തോടെയാണ് രാജ്യം ആഘോഷത്തിലേക്ക് കടക്കുന്നത്.

പ്രധാന വിവരങ്ങൾ:

• ഏഴ് ദിവസത്തെ അവധി: ഈദ് പ്രമാണിച്ച് പൊതുമേഖലാ സ്ഥാപനങ്ങൾക്ക് അമീരി ദിവാൻ മാർച്ച് 17 മുതൽ മാർച്ച് 23 വരെ ഏഴ് ദിവസത്തെ അവധി പ്രഖ്യാപിച്ചു. നിലവിലെ സാഹചര്യം കണക്കിലെടുത്ത് മിക്കവരും വിദേശയാത്രകൾ ഒഴിവാക്കി ഖത്തറിൽ തന്നെ ആഘോഷങ്ങളിൽ പങ്കുചേരാനാണ് തീരുമാനിച്ചിരിക്കുന്നത്.
• വിപണികളിൽ വൻ തിരക്ക്: മാൾ ഓഫ് ഖത്തർ, പ്ലേസ് വെൻഡോം തുടങ്ങിയ ഇടങ്ങളിൽ അർദ്ധരാത്രി വരെ ഷോപ്പിംഗ് നീളുന്നു. ഹൈപ്പർമാർക്കറ്റുകളിൽ 50 ശതമാനം വരെ വിൽപന വർദ്ധിച്ചതായാണ് റിപ്പോർട്ട്. ഈദ് വിഭവങ്ങൾ വാങ്ങാൻ ലുലു, കാരിഫോർ തുടങ്ങിയ ഇടങ്ങളിൽ വലിയ ക്യൂവാണ് അനുഭവപ്പെടുന്നത്.
• രാപ്പകൽ ജോലി: അൽ സദ്ദ്, മൻസൂറ തുടങ്ങിയ സ്ഥലങ്ങളിലെ തയ്യൽ കടകൾ വസ്ത്രങ്ങൾ സമയത്തിന് എത്തിക്കാൻ രാപ്പകൽ പ്രവർത്തിക്കുകയാണ്. തിരക്ക് വർദ്ധിച്ചതോടെ ജീവനക്കാർ അധിക സമയം ജോലി ചെയ്യുന്നു.
• സകാത്തും ഒരുക്കങ്ങളും: വീടുകൾ മോടിപിടിപ്പിക്കുന്നതിനൊപ്പം കുട്ടികൾക്കുള്ള ‘ഈദിയ’ സമ്മാനങ്ങൾ ഒരുക്കുന്നതിലും താമസക്കാർ വ്യാപൃതരാണ്. സകാത്ത് വിതരണമുൾപ്പെടെയുള്ള ജീവകാരുണ്യ പ്രവർത്തനങ്ങളും സജീവമായി നടക്കുന്നു.

ഈദ് ആഘോഷങ്ങൾ വീടിനുള്ളിൽ പരിമിതപ്പെടുത്തണം; കുട്ടികളുടെ സുരക്ഷയിൽ ജാഗ്രത വേണമെന്ന് ആഭ്യന്തര മന്ത്രാലയം

Qatar Greeshma Staff Editor — March 19, 2026 · 0 Comment

ഖത്തറിലെ ഏറ്റവും പുതിയ വാർത്തകൾക്ക് ഗ്രൂപ്പ് ഫോളോ ചെയ്യൂ

Qatar Ministry of Interior Eid safety ദോഹ: ഈദുൽ ഫിത്തർ ആഘോഷവേളയിൽ കുട്ടികളുടെ സുരക്ഷ ഉറപ്പാക്കാൻ രക്ഷിതാക്കൾ പ്രത്യേക ജാഗ്രത പാലിക്കണമെന്ന് ആഭ്യന്തര മന്ത്രാലയം നിർദ്ദേശിച്ചു. കുട്ടികൾ വീടുകൾക്ക് പുറത്ത് പോയി ഈദ് ആശംസകൾ കൈമാറുന്നത് ഒഴിവാക്കണമെന്നും സുരക്ഷാ മുൻകരുതലുകൾ കർശനമായി പാലിക്കണമെന്നും മന്ത്രാലയം അഭ്യർത്ഥിച്ചു.

പ്രധാന നിർദ്ദേശങ്ങൾ:

• വീടിനുള്ളിലെ ആഘോഷം: കുട്ടികൾ കുടുംബ വലയത്തിനുള്ളിൽ തന്നെ ഈദ് ആഘോഷിക്കണം. അപകടസാധ്യതകൾ ഒഴിവാക്കാൻ വീടിന് പുറത്തുള്ള സന്ദർശനങ്ങൾ നിയന്ത്രിക്കണം.
• കൂട്ടംകൂടൽ ഒഴിവാക്കുക: കുടുംബ സന്ദർശനങ്ങളും ആഘോഷ പരിപാടികളും അടുത്ത ബന്ധുക്കൾക്കിടയിൽ മാത്രമായി പരിമിതപ്പെടുത്തണം. ആളുകൾ കൂട്ടംകൂടുന്നത് ഒഴിവാക്കാൻ അധികൃതർ നൽകിയ മാർഗ്ഗനിർദ്ദേശങ്ങൾ പൂർണ്ണമായും പാലിക്കണം.
• പൊതു ഉത്തരവാദിത്തം: സുരക്ഷിതവും സമാധാനപരവുമായ അന്തരീക്ഷത്തിൽ അവധിക്കാലം ചെലവഴിക്കുന്നുണ്ടെന്ന് ഉറപ്പാക്കാൻ എല്ലാവർക്കും ഉത്തരവാദിത്തമുണ്ടെന്ന് മന്ത്രാലയം ഓർമ്മിപ്പിച്ചു.
• സുരക്ഷാ ജാഗ്രത: പൊതു സുരക്ഷ വർദ്ധിപ്പിക്കുന്നതിനും അനിഷ്ട സംഭവങ്ങൾ ഒഴിവാക്കുന്നതിനും മന്ത്രാലയത്തിന്റെ നിർദ്ദേശങ്ങൾ കൃത്യമായി പിന്തുടരണമെന്ന് ആഹ്വാനം ചെയ്തു.

ഖത്തറിലെ ഭീമൻ ദ്രവീകൃത പ്രകൃതിവാതക കയറ്റുമതി പ്ലാന്റിന് നേരെ ഇറാന്റെ മിസൈൽ ആക്രമണം, ​ഗ്യാസ് ലഭ്യതയിൽ പ്രതിസന്ധിയുണ്ടാകും

Qatar Greeshma Staff Editor — March 19, 2026 · 0 Comment

ഖത്തറിലെ ഏറ്റവും പുതിയ വാർത്തകൾക്ക് ഗ്രൂപ്പ് ഫോളോ ചെയ്യൂ

Iran missile attack Qatar Ras Laffan ദോഹ: പേർഷ്യൻ ഗൾഫിലുടനീളമുള്ള ഊർജ്ജ സൗകര്യങ്ങൾക്ക് നേരെയുള്ള ആക്രമണങ്ങൾ വർധിപ്പിച്ച് ഇറാൻ. ലോകത്തിലെ ഏറ്റവും വലിയ ദ്രവീകൃത പ്രകൃതിവാതക കയറ്റുമതി പ്ലാന്റ് സ്ഥിതി ചെയ്യുന്ന ഖത്തറി സമുച്ചയത്തിന് നേരെയുണ്ടായ ആക്രമണത്തിൽ വ്യാപകമായ നാശനഷ്ടം സംഭവിച്ചുവെന്ന് റിപ്പോർട്ട് ചെയ്തു. ഈ മാസം ആദ്യം ഉത്പാദനം നിർത്തലാക്കുന്നതിനുമുമ്പ് ആഗോള വിതരണത്തിന്റെ അഞ്ചിലൊന്ന് ഭാഗത്തോളം നൽകിയിരുന്ന എൽഎൻജി പ്ലാന്റ് സ്ഥിതി ചെയ്യുന്ന റാസ് ലഫാൻ ഇൻഡസ്ട്രിയൽ സിറ്റിയിലാണ് ഇറാന്റെ മിസൈൽ ആക്രമണമുണ്ടായത്. നാല് മിസൈലുകളെ തടഞ്ഞെങ്കിലും ഒന്ന് നിർവീര്യമാക്കാൻ സാധിച്ചില്ലെന്ന് അധികൃതർ ബുധനാഴ്ച വൈകി അറിയിച്ചു. മണിക്കൂറുകൾക്ക് ശേഷം, അബുദാബിയിലെ ഹബ്ഷാൻ ഗ്യാസ് പ്ലാന്റുകളിൽ മിസൈൽ അവശിഷ്ടങ്ങൾ വീണതിനെത്തുടർന്ന് അവ അടച്ചുപൂട്ടി.

-വ്യാഴാഴ്ച പുലർച്ചെ റാസ് ലഫാനിൽ ഉണ്ടായ ആക്രമണത്തെ തുടർന്ന് തീപിടുത്തമുണ്ടായി. തീ നിയന്ത്രണവിധേയമായെന്ന് ഖത്തർ അധികൃതർ പറഞ്ഞു. ഇറാനിലെ ഭീമൻ സൗത്ത് പാർസ് ഗ്യാസ് ഫീൽഡ് ഇസ്രായേൽ ആക്രമിച്ചതിനെത്തുടർന്ന് അസംസ്കൃത വസ്തുക്കളുടെയും പ്രകൃതി വാതകത്തിന്റെയും വില ഇന്നലെ രാവിലെ കുതിച്ചുയർന്നു. ഖത്തർ, സൗദി അറേബ്യ, യുണൈറ്റഡ് അറബ് എമിറേറ്റ്സ് എന്നിവിടങ്ങളിലെ നിരവധി ഊർജ്ജ കേന്ദ്രങ്ങൾ ലക്ഷ്യമിടുമെന്ന് ഇറാൻ മുന്നറിയിപ്പ് നൽകി. റാസ് ലഫാനെതിരെയുള്ള പ്രതികാര ആക്രമണം പ്രതിസന്ധി സൃഷ്ടിക്കുമെന്ന് വുഡ് മക്കെൻസി ലിമിറ്റഡിന്റെ കൺസൾട്ടൻസിയിലെ യൂറോപ്പ് ഗ്യാസ് ആൻഡ് എൽഎൻജി ഡയറക്ടർ ടോം മാർസെക്-മാൻസർ പറഞ്ഞു. വ്യാവസായിക സമുച്ചയത്തിന്റെ ഏത് ഭാഗമാണ് തകർന്നതെന്ന് ഞങ്ങൾക്ക് ഇതുവരെ അറിയില്ല, പക്ഷേ വ്യാഴാഴ്ച വിപണി തുറക്കുമ്പോൾ ഗ്യാസ് വില എന്താകുമെന്ന് പറയാനാകില്ലെന്നും അ​ദ്ദേഹം പറഞ്ഞു. ആക്രമണത്തിനു ശേഷം എണ്ണവില 8% ഉയർന്ന് ബാരലിന് 111.90 ഡോളറിലെത്തി.

ആക്രമണത്തെ തുടർന്നുണ്ടായ തീപിടുത്തം നിയന്ത്രണവിധേയമാണെന്ന് ഖത്തർ ആഭ്യന്തര മന്ത്രാലയം അറിയിച്ചു. ആക്രമണത്തിന് പിന്നാലെ, ഇറാനിയൻ സൈനിക, സുരക്ഷാ അറ്റാഷുമാരോടും അനുബന്ധ ജീവനക്കാരോടും 24 മണിക്കൂറിനുള്ളിൽ രാജ്യം വിടാൻ ഉത്തരവിട്ടു.

24 മണിക്കൂറിനുള്ളിൽ രാജ്യം വിടണം; ഖത്തറിലെ ഇറാൻ നയതന്ത്ര ഉദ്യോഗസ്ഥർക്കെതിരെ നടപടി, ‘പേഴ്സൺ നോൺ ഗാറ്റ’ പ്രഖ്യാപിച്ചു

Qatar Greeshma Staff Editor — March 19, 2026 · 0 Comment

Qatar expels Iranian diplomats : ഖത്തർ: ഖത്തറിലെ ഇറാൻ നയതന്ത്ര ഉദ്യോഗസ്ഥർക്കെതിരെ നടപടി. സെക്യൂരിറ്റി അറ്റാഷേ, മിലിട്ടറി അറ്റാഷേ, ജീവനക്കാർ എന്നിവർ 24 മണിക്കൂറിനുള്ളിൽ രാജ്യം വിടണമെന്ന് ഖത്തർ വിദേശകാര്യ മന്ത്രാലയം ഉത്തരവിട്ടു. എംബസിയിലെ സൈനിക അറ്റാഷെയും സുരക്ഷാ അറ്റാഷെയും, രണ്ട് അറ്റാഷെ ഓഫീസുകളിലെയും ജീവനക്കാർ എത്രയും വേഗം രാജ്യം വിടണമെന്ന് വിദേശകാര്യ മന്ത്രാലയം ഇസ്ലാമിക് റിപ്പബ്ലിക് ഓഫ് ഇറാൻ എംബസിക്ക് അയച്ച ഔദ്യോഗിക കുറിപ്പിൽ വ്യക്തമാക്കി. ഇറാൻ എംബസി ജീവനക്കാരെ ‘പേഴ്സൺ നോൺ ഗാറ്റ’ ആയി പ്രഖ്യാപിച്ചു.

വിദേശകാര്യ മന്ത്രാലയത്തിലെ പ്രോട്ടോക്കോൾ ഡയറക്ടർ എച്ച്ഇ ഇബ്രാഹിം യൂസിഫ് ഫഖ്‌റോയും സ്റ്റേറ്റിലെ ഇസ്ലാമിക് റിപ്പബ്ലിക് ഓഫ് ഇറാൻ അംബാസഡർ അലി സലേഹബാദിയും ബുധനാഴ്ച നടന്ന കൂടിക്കാഴ്ചക്ക് പിന്നാലെയാണ് നടപടി. ഖത്തറിൽ ഇറാൻ നടത്തുന്ന ആക്രമങ്ങളും, ജ്യത്തിന്റെ പരമാധികാരവും സുരക്ഷയും ലംഘിച്ചതിനും മറുപടിയായാണ് ഈ തീരുമാനം എടുത്തതെന്ന് മന്ത്രാലയം വിശദീകരിച്ചു. അന്താരാഷ്ട്ര നിയമ തത്വങ്ങളുടെയും ഐക്യരാഷ്ട്രസഭ സുരക്ഷാ കൗൺസിൽ പ്രമേയത്തിന്‍റെയും ലംഘനമാണ് ഇറാൻ നടത്തുന്നത്. ഇറാൻ ശത്രുതാപരമായ സമീപനം തുടരുന്നത് ഖത്തറിന്റെ പരമാധികാരം, സുരക്ഷ, ദേശീയ താൽപ്പര്യങ്ങൾ എന്നിവയെ ചോദ്യം ചെയ്യുന്നതാണെന്നും വിദേശകാര്യ മന്ത്രാലയം പറയുന്നു.