വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

Drug smuggling scam targeting Malayali youths : തിരുവനന്തപുരം: സൗജന്യ വിദേശയാത്രയും വലിയ തുകയും വാഗ്ദാനം ചെയ്ത് മലയാളി യുവാക്കളെ ലഹരിക്കടത്ത് മാഫിയകൾ കുടുക്കുന്നതായി റിപ്പോർട്ട്. പ്രധാനമായും സാമ്പത്തികമായി പിന്നാക്കമുള്ള യുവാക്കളെയാണ് ഇത്തരം സംഘങ്ങൾ ലക്ഷ്യമിടുന്നത്. ഇങ്ങനെ വഞ്ചനാപരമായി ഒരുക്കുന്ന യാത്രകൾ പലപ്പോഴും ഗൾഫ് രാജ്യങ്ങളിലെ കടുത്ത ജയിൽ ശിക്ഷകളിലേക്കാണ് യുവാക്കളെ എത്തിക്കുന്നതെന്ന് സുരക്ഷാ ഏജൻസികൾ മുന്നറിയിപ്പ് നൽകുന്നു.

വിനോദയാത്രയ്ക്കായി പണമില്ലാത്ത യുവാക്കളെ സമീപിച്ച് വിസ, വിമാന ടിക്കറ്റ്, ഭക്ഷണം, താമസം എന്നിവ സൗജന്യമായി നൽകാമെന്ന് വാഗ്ദാനം ചെയ്യുന്നതാണ് മാഫിയകളുടെ രീതി. യാത്രയ്ക്കിടെ മരുന്നോ ഭക്ഷണമോ എന്ന പേരിൽ ഒരു പൊതി കൈമാറുകയും, അത് വിമാനത്താവളത്തിന് പുറത്തുള്ള ഒരാൾക്ക് എത്തിച്ചുനൽകാൻ ആവശ്യപ്പെടുകയും ചെയ്യും. എന്നാൽ ഈ പൊതികളിൽ വിലയേറിയ മാരക ലഹരിമരുന്നുകളാണ് ഒളിപ്പിച്ചിട്ടുണ്ടാകുന്നത്.

അറിഞ്ഞുകൊണ്ട് ലഹരിക്കടത്തുന്നവർക്കൊപ്പം, ബന്ധുക്കൾക്കോ സുഹൃത്തുക്കൾക്കോ നൽകാനുള്ള സാധനങ്ങളാണെന്ന് വിശ്വസിച്ച് ചതിയിൽപ്പെടുന്നവരും കുടുങ്ങുന്നുണ്ടെന്ന് റിപ്പോർട്ടുകൾ പറയുന്നു. യുഎഇ ഉൾപ്പെടെയുള്ള ഗൾഫ് രാജ്യങ്ങളിലെ വിമാനത്താവളങ്ങളിൽ അത്യാധുനിക പരിശോധനാ സംവിധാനങ്ങളുള്ളതിനാൽ, ചെറിയ സംശയം പോലും കർശന പരിശോധനയ്ക്ക് കാരണമാകുന്നു.

ഗൾഫ് രാജ്യങ്ങളിൽ ലഹരിക്കടത്ത് ഗുരുതര കുറ്റമാണ്. ദീർഘകാല തടവും വലിയ പിഴയും ലഭിക്കുമെന്നതിനൊപ്പം, സൗദി അറേബ്യ, കുവൈത്ത്, ഒമാൻ തുടങ്ങിയ രാജ്യങ്ങളിൽ വധശിക്ഷ വരെ ലഭിക്കാവുന്ന കുറ്റമായാണ് ഇത് കണക്കാക്കുന്നത്. 18 മുതൽ 25 വരെ പ്രായമുള്ള യുവാക്കളാണ് കൂടുതലും ഇത്തരത്തിൽ കുടുങ്ങുന്നത്. ജയിലിലാകുന്ന സാഹചര്യത്തിൽ, ആഴ്ചകൾക്കുശേഷമാണ് കുടുംബങ്ങൾ വിവരം അറിയുന്നതെന്നും റിപ്പോർട്ടിലുണ്ട്.

ലഹരിക്കടത്ത് കേസിൽ ശിക്ഷിക്കപ്പെട്ട് നാടുകടത്തപ്പെടുന്നവർക്ക് പിന്നീട് ഗൾഫ് രാജ്യങ്ങളിൽ പ്രവേശനം നിഷേധിക്കപ്പെടും. അപരിചിതരോ സുഹൃത്തുക്കളോ നൽകുന്ന പൊതികൾ പരിശോധിക്കാതെ വിദേശത്തേക്ക് കൊണ്ടുപോകരുതെന്ന് സുരക്ഷാ ഉദ്യോഗസ്ഥർ ശക്തമായി മുന്നറിയിപ്പ് നൽകുന്നു.

യുഎഇ ആഭ്യന്തര മന്ത്രാലയത്തിന്റെ കണക്കുകൾ പ്രകാരം, 2024ൽ ലഹരിമരുന്നുമായി ബന്ധപ്പെട്ട കേസുകളിൽ 13,513 പേരെ പിടികൂടി. 2020ൽ ഇത് 6,973 ആയിരുന്നു. പരിശോധന ശക്തമാക്കിയതോടെയാണ് കേസുകളുടെ എണ്ണം വർധിച്ചതെന്ന് അധികൃതർ വ്യക്തമാക്കുന്നു.

മുടൽമഞ്ഞും കാറ്റും ശക്തമാകും; യുഎഇയിൽ തണുപ്പ് വർധിക്കും യു എയിലെ ഈ ആഴ്ച്ചത്തെ കാലവസ്ഥ ഇങ്ങനെ

Latest Greeshma Staff Editor — January 12, 2026 · 0 Comment

UAE Weather Forecast : ദുബൈ: വരാനിരിക്കുന്ന ദിവസങ്ങളിൽ യുഎഇയിൽ കാലാവസ്ഥയിൽ മാറ്റങ്ങൾ ഉണ്ടാകുമെന്ന് നാഷണൽ സെന്റർ ഓഫ് മീറ്റിയോറോളജി (NCM) അറിയിച്ചു. താപനില കുറയുക, മൂടൽമഞ്ഞ് രൂപപ്പെടുക, ശക്തമായ കാറ്റ് വീശുക, കടൽക്ഷോഭം വർധിക്കുക എന്നിവയാണ് പ്രധാന പ്രവചനങ്ങൾ.

കിഴക്കുഭാഗത്ത് നിന്നുള്ള ദുർബലമായ ന്യൂനമർദ്ദവും പടിഞ്ഞാറ് ഭാഗത്ത് നിന്നുള്ള ഉയർന്ന മർദ്ദവും രാജ്യത്തെ ഇപ്പോൾ ബാധിച്ചിരിക്കുകയാണ്. ഇതോടൊപ്പം മുകളിലെ അന്തരീക്ഷത്തിലും ദുർബലമായ ന്യൂനമർദ്ദം നിലനിൽക്കുന്നതായി എൻസിഎം വ്യക്തമാക്കി.

ഇന്നത്തെ കാലാവസ്ഥ

ഇന്ന് പൊതുവെ ആകാശം തെളിഞ്ഞതോ ഭാഗികമായി മേഘാവൃതമായതോ ആയിരിക്കും. ദ്വീപുകളിലും ചില വടക്കൻ, കിഴക്കൻ പ്രദേശങ്ങളിലും താഴ്ന്ന മേഘങ്ങൾ രൂപപ്പെടാൻ സാധ്യതയുണ്ട്. രാത്രി മുതൽ ചൊവ്വാഴ്ച രാവിലെ വരെ തീരദേശങ്ങളിലും ഉൾപ്രദേശങ്ങളിലും ഈർപ്പം കൂടുകയും മൂടൽമഞ്ഞ് അല്ലെങ്കിൽ മഞ്ഞുമൂടൽ ഉണ്ടാകാനും സാധ്യതയുണ്ടെന്ന് എൻസിഎം അറിയിച്ചു. കാറ്റ് ലഘുവായിരിക്കും. അറബിക്കടലിലും ഒമാൻ കടലിലും കടൽനില ശാന്തമായിരിക്കും.

ചൊവ്വാഴ്ച

ചൊവ്വാഴ്ചയും സമാനമായ കാലാവസ്ഥ തന്നെയായിരിക്കും. രാവിലെ മൂടൽമഞ്ഞിന് സാധ്യത തുടരും. കാറ്റ് തെക്കുകിഴക്കൻ–വടക്കുകിഴക്കൻ ദിശകളിൽ നിന്ന് വീശും. മണിക്കൂറിൽ 35 കിലോമീറ്റർ വരെ വേഗത കൈവരിക്കാമെന്ന് അറിയിച്ചു. കടൽനില ശാന്തമായിരിക്കും.

ബുധനാഴ്ച

ബുധനാഴ്ച രാത്രി ഈർപ്പം തുടരും. പടിഞ്ഞാറൻ പ്രദേശങ്ങളിൽ മഞ്ഞുമൂടൽ ഉണ്ടാകാൻ സാധ്യതയുണ്ട്. കാറ്റ് തെക്കുകിഴക്കൻ ദിശയിൽ നിന്ന് വടക്കുപടിഞ്ഞാറൻ ദിശയിലേക്കു മാറി ശക്തമാകും. മണിക്കൂറിൽ 40 കിലോമീറ്റർ വരെ വേഗതയുണ്ടാകാം. വ്യാഴാഴ്ച രാവിലെ മുതൽ അറബിക്കടലിൽ കടൽക്ഷോഭം വർധിക്കുമെന്നും മുന്നറിയിപ്പുണ്ട്.

വ്യാഴവും വെള്ളിയാഴ്ചയും

വ്യാഴാഴ്ച മുതൽ കാലാവസ്ഥയിൽ വ്യക്തമായ മാറ്റം പ്രതീക്ഷിക്കുന്നു. താപനില കുറയും. ശക്തമായ കാറ്റ് വീശുന്നതോടെ പൊടിയും മണലും ഉയർന്ന് കാഴ്ചപരിധി കുറയാൻ സാധ്യതയുണ്ട്. കാറ്റിന്റെ വേഗത മണിക്കൂറിൽ 50 കിലോമീറ്റർ വരെ എത്താം. അറബിക്കടലിൽ കടൽനില വളരെ മോശമായിരിക്കും. ഒമാൻ കടലിലും ക്ഷോഭം ഉണ്ടാകും.

വെള്ളിയാഴ്ച താപനില കൂടുതൽ കുറയുമെന്നും ശക്തമായ വടക്കുപടിഞ്ഞാറൻ കാറ്റ് തുടരുമെന്നും എൻസിഎം അറിയിച്ചു. കാറ്റിന്റെ വേഗത 55 കിലോമീറ്റർ വരെ എത്താൻ സാധ്യതയുണ്ട്. അറബിക്കടലിൽ കടൽനില അതീവ ക്ഷോഭകരമായിരിക്കും.

ജാഗ്രത നിർദേശം

രാവിലെ മൂടൽമഞ്ഞ് കാരണം യാത്രക്കാർ ജാഗ്രത പാലിക്കണമെന്ന് അധികൃതർ അറിയിച്ചു. കൂടാതെ ആഴ്ചയുടെ അവസാനത്തോടെ ശക്തമായ കാറ്റും കടൽക്ഷോഭവും വാഹനയാത്രയ്ക്കും കടൽയാത്രയ്ക്കും അപകടം സൃഷ്ടിക്കാനിടയുണ്ടെന്നും മുന്നറിയിപ്പുണ്ട്.

അബൂദബി–ദുബൈ അതിർത്തിയിലെ ദാരുണമായ വാഹന അപകടം: സീറ്റ് ബെൽറ്റ് ധരിക്കാത്തതാണ് അഞ്ചുപേരുടെ ജീവൻ കവർന്നതെന്ന് ദൃസാക്ഷികൾ

Latest Greeshma Staff Editor — January 12, 2026 · 0 Comment

Abu Dhabi–Dubai Crash: ദുബൈ: ജനുവരി 2-ന് അബൂദബി–ദുബൈ അതിർത്തിയായ അൽ ഘന്തൂത്തിൽ നടന്ന ഭീകര വാഹനാപകടത്തിന്റെ ദൃശ്യങ്ങൾ ഇപ്പോഴും മനസിൽ നിന്ന് മായുന്നില്ലെന്ന് അപകടത്തിന് സാക്ഷികളായ ദുബൈ സ്വദേശികളായ പിതാവും മകളും പറഞ്ഞു.

24 വയസ്സുള്ള എയ്റോനോട്ടിക്കൽ എഞ്ചിനീയർ എൻഎസും പിതാവ് ആർഎസുമാണ് അപകടം നേരിൽ കണ്ടത്. പുലർച്ചെ 4.30ഓടെ, സായിദ് അന്താരാഷ്ട്ര വിമാനത്താവളത്തിൽ സഹോദരനെ ഇറക്കിവിട്ട ശേഷം ദുബൈയിലേക്ക് മടങ്ങുന്നതിനിടെയാണ് അപകടം.

മുന്നിലുണ്ടായിരുന്ന കാർ പെട്ടെന്ന് നിയന്ത്രണം വിട്ട് മറിഞ്ഞുവീണതായി എൻഎസ് പറഞ്ഞു. ഒരു ടയർ തങ്ങളിലേക്ക് പറന്ന് വന്നതോടെ പിതാവ് ഉടൻ ബ്രേക്ക് ചെയ്തതിനാൽ വലിയ അപകടം ഒഴിവായെന്നും ആർഎസ് പറഞ്ഞു. വാഹനം മൂന്ന് മുതൽ നാല് തവണ വരെ മറിഞ്ഞ ശേഷമാണ് നേരെ നിൽക്കുന്നത്.

ഇവരുടെ ഉടൻ പ്രതികരണത്തോടെ 999-ൽ വിളിച്ച് പൊലീസിനെ വിവരമറിയിച്ചു.

ഭീകര കാഴ്ചകൾ

അപകടസ്ഥലത്തെത്തിയപ്പോൾ റോഡിലും സമീപത്തെ മണൽ പ്രദേശത്തുമായി കുട്ടികളും വീട്ടുജോലിക്കാരിയും അനങ്ങാതെ കിടക്കുന്നത് കണ്ടതായി എൻഎസ് പറഞ്ഞു. കാറിനുള്ളിൽ മുൻസീറ്റിലിരുന്ന മാതാപിതാക്കളെ മാത്രമാണ് ആദ്യം കണ്ടത്. അവർ സീറ്റ് ബെൽറ്റ് ധരിച്ചിരുന്നതിനാൽ പുറത്തേക്ക് തെറിച്ചില്ലെന്നാണ് നിഗമനം.

അഞ്ച് മുതൽ പത്ത് മിനിറ്റിനുള്ളിൽ പൊലീസ്, സിവിൽ ഡിഫൻസ്, ആംബുലൻസ് സംഘങ്ങൾ സ്ഥലത്തെത്തി. കാർ മുറിച്ച് തുറക്കുമ്പോൾ ഒരു കുട്ടിയുടെ കരച്ചിൽ കേട്ടു. 10 വയസ്സുള്ള ഇസ്സയാണ് അകത്ത് കുടുങ്ങിയിരുന്നത്.

പിന്നീട് നടത്തിയ പരിശോധനയിലാണ് മറ്റു കുട്ടികളെ കാറിന് പുറത്തേക്ക് തെറിച്ച നിലയിൽ കണ്ടെത്തിയത്.

അഞ്ച് പേർ മരിച്ചു

അപകടത്തിൽ നാല് ഇന്ത്യൻ സഹോദരങ്ങൾ — അഷാസ് (14), അമ്മാർ (12), അസ്സാം (7), അയ്യാഷ് (5) — എന്നിവരും വീട്ടുജോലിക്കാരി ബുഷ്റ ഫയാസ് യാഹു (49) യും മരിച്ചു. മാതാപിതാക്കളായ അബ്ദുൽ ലതീഫിനും റുഖ്സാനയ്ക്കും ഗുരുതരമായി പരിക്കേറ്റു. ഏക സഹോദരിയായ ഇസ്സ മാത്രമാണ് രക്ഷപ്പെട്ടത്.

പ്രധാന മുന്നറിയിപ്പ്

പിന്നിലിരുന്നവർ സീറ്റ് ബെൽറ്റ് ധരിച്ചിരുന്നില്ലെന്നാണ് എൻഎസിന്റെ അഭിപ്രായം. കാറിന്റെ എല്ലാ ഗ്ലാസുകളും തകർന്നിരുന്നു. സൺറൂഫിലൂടെയോ ജാലകങ്ങളിലൂടെയോ കുട്ടികൾ പുറത്തേക്ക് തെറിച്ചതാകാമെന്നും അവർ പറഞ്ഞു.

“സീറ്റ് ബെൽറ്റ് ധരിച്ചിരുന്നെങ്കിൽ കൂടുതൽ ജീവനുകൾ രക്ഷിക്കാനായേനെ,” എൻഎസ് പറഞ്ഞു.

ഈ ദുരന്തം എല്ലാവർക്കും ഒരു മുന്നറിയിപ്പാകണം എന്നും, മുൻസീറ്റിലും പിന്നിലുമെല്ലാം യാത്ര ചെയ്യുന്നവർ നിർബന്ധമായും സീറ്റ് ബെൽറ്റ് ധരിക്കണമെന്നും സാക്ഷികൾ പറഞ്ഞു.

പ്രവാസികളെ അറിഞ്ഞോ???യുഎഇ കറൻസി നിയമങ്ങൾ ഇനി കർശനം, പ്രവാസികൾക്കായി സെൻട്രൽ ബാങ്കിന്റെ നിർദേശം

UAE Nazia Staff Editor — January 11, 2026 · 0 Comment

Uae Central Bank Rules 2026;ദുബായ്: യുഎഇയിൽ താമസിക്കുന്ന സാധാരണക്കാരായ പ്രവാസികൾക്ക് പലപ്പോഴും നേരിടേണ്ടി വരുന്ന ഒരു പ്രശ്നമാണ് കയ്യിലിരിക്കുന്ന ദിർഹം നോട്ട് കീറിപ്പോകുന്നത്. ഇത്തരം നോട്ടുകൾ കടകളിലോ പെട്രോൾ പമ്പുകളിലോ നൽകിയാൽ അവർ സ്വീകരിക്കാറില്ല, എങ്കിൽ പിന്നെ എന്ത് ചെയ്യും? ഈ കാര്യം ഓർത്തിട്ട് ആശങ്കപ്പെടേണ്ട.കാരണം യുഎഇ സെൻട്രൽ ബാങ്കിന്റെ നിയമപ്രകാരം ഇത്തരം നോട്ടുകൾ മാറ്റി വാങ്ങാൻ ഓരോ പ്രവാസിക്കും അവകാശമുണ്ട്. അതുപോലെ യുഎഇയുടെ കറൻസി വെറുമൊരു പണമല്ല മറിച്ച് രാജ്യത്തിന്റെ പരമാധികാരത്തിന്റെയും സാമ്പത്തിക ഭദ്രതയുടെയും അടയാളമാണെന്നാണ് യുഎഇ സെൻട്രൽ ബാങ്ക് വ്യക്തമാകുന്നത്.

അതിനാൽ നോട്ടുകൾ ശ്രദ്ധയോടെ കൈകാര്യം ചെയ്യേണ്ടത് ഓരോ പ്രവാസിയുടെയും കടമയാണ്. കൂടാതെ നോട്ടുകൾ നശിപ്പിക്കുന്നത് രാജ്യത്തിന്റെ ഐഡന്റിറ്റിയെ ബാധിക്കുന്ന കാര്യമായതിനാൽ ഇത് സംബന്ധിച്ച് കർശനമായ മാർഗ നിർദേശങ്ങൾ കൂടെ അധികൃതർ നൽകിയിട്ടുണ്ട്.

നമ്മുടെ കയ്യിലുള്ള നോട്ടുകൾ കേടുപാടുകൾ കൂടാതെ സൂക്ഷിക്കാൻ ആദ്യം തന്നെ ഓരോ ആളുകളും ശ്രദ്ധിക്കണം. നോട്ടുകളിൽ പേരോ അക്കങ്ങളോ മറ്റ് അടയാളങ്ങളോ യാതൊരു കാരണവശാലും എഴുതാൻ പാടില്ല. ഇത് ഗുരുതര കുറ്റമായാണ് യുഎഇ കാണുന്നത്. കൂടാതെ നോട്ടുകൾ അശ്രദ്ധമായി മടക്കുന്നതും സ്റ്റാപ്പിൾ ചെയ്യുന്നതും നോട്ടുകൾ വേഗത്തിൽ ചീത്തയാകാൻ കാരണമാകുന്നു.

കൂടാതെ വെള്ളം, പെർഫ്യൂം, പശകൾ എന്നിവ നോട്ടിൽ വീഴാതെ സൂക്ഷിക്കുകയും കടുത്ത ചൂടിൽ നോട്ടുകൾ വയ്ക്കാനും പാടില്ല കാരണം അവയുടെ നിറം മാറാനും കേടുവരാനും ഇത് കാരണമാകും. ഇനി നിങ്ങളുടെ കയ്യിൽ ഇത്തരം നോട്ട് ഉണ്ടെങ്കിൽ പരിഭ്രാന്തരാകേണ്ടതില്ല. അതിന്റെ അവസ്ഥ പരിശോധിച്ച് ബാങ്കുകൾ വഴി നിങ്ങൾക്ക് നഷ്ടപരിഹാരം ലഭിക്കും. എന്നാൽ ഇതിന് ചില കൃത്യമായ വ്യവസ്ഥകൾ പാലിക്കണം.

മൂന്നിൽ രണ്ട് ഭാഗമോ അതിലധികമോ സുരക്ഷിതമാണെങ്കിൽ പൂർണ്ണമായ തുക ലഭിക്കും. ഇനി മൂന്നിൽ രണ്ടിൽ താഴെയാണെങ്കിൽ പകുതി തുക മാത്രമേ ലഭിക്കൂ. കൂടാതെ ഇനി മൂന്നിലൊന്നിൽ കുറഞ്ഞ ഭാഗം മാത്രമേ കയ്യിലുള്ളൂ എങ്കിൽ യാതൊരു നഷ്ടപരിഹാരവും ലഭിക്കില്ല. അതേസമയം ഈ നിയമങ്ങൾ യുഎഇ സെൻട്രൽ ബാങ്ക് പുറപ്പെടുവിക്കുന്ന ഔദ്യോഗിക കറൻസി നോട്ടുകൾക്ക് മാത്രമാണ് ബാധകം.

ഓരോ നോട്ടിന്റെയും അവസ്ഥ പരിശോധിച്ച ശേഷമേ ബാങ്കുകൾ പണം കൈമാറുകയുള്ളൂ എന്ന കാര്യം കൂടെ ഓരോ പ്രവാസികളും ഓർക്കണം. ഒപ്പം നോട്ടുകൾ ശ്രദ്ധാപൂർവ്വം കൈകാര്യം ചെയ്യുന്നതിലൂടെ രാജ്യത്തിന്റെ സാമ്പത്തിക വ്യവസ്ഥയിലുള്ള ആത്മവിശ്വാസം ശക്തിപ്പെടുത്താൻ നമ്മളും പങ്കാളികളാകുകയാണ് എന്നും സെൻട്രൽ ബാങ്ക് ഓർമിപ്പിക്കുകയും ചെയ്തു.

അതേസമയം കേടുവന്ന നോട്ടുകൾ എല്ലാ ബാങ്ക് ശാഖകളിലും മാറ്റി നൽകണമെന്നില്ല. നിങ്ങളുടെ അടുത്തുള്ള ഏതെങ്കിലും കൊമേർഷ്യൽ ബാങ്ക് ശാഖയിലോ അല്ലെങ്കിൽ യുഎഇ സെൻട്രൽ ബാങ്കിന്റെ ക്യാഷ് സെന്ററുകളിലോ പോയാൽ മതിയാകും. എന്നാൽ ചില ബാങ്കുകൾ അവരുടെ ഇടപാടുകാർക്ക് മാത്രമേ ഈ സേവനം നൽകാറുള്ളൂ എന്ന കാര്യം കൂടെ ഓർക്കണം.

മിക്ക പ്രവാസികൾക്കും പലപ്പോഴും എടിഎമ്മിൽ നിന്ന് പണം പിൻവലിക്കുമ്പോഴാണ് കീറിയ നോട്ടുകൾ ലഭിക്കാറുള്ളത്. അത്തരം സാഹചര്യത്തിൽ ഉടൻ തന്നെ ആ എടിഎമ്മിന് മുന്നിലുള്ള സിസിടിവി ക്യാമറയ്ക്ക് മുന്നിൽ ആ നോട്ട് ഉയർത്തി കാണിക്കുക. ശേഷം എടിഎം സ്ലിപ്പ് സഹിതം ഉടൻ തന്നെ ബാങ്കിനെ വിവരം അറിയിക്കുകയും ചെയ്യാം ഇത് നിങ്ങൾക്ക് തെളിവായി ഉപയോഗിക്കാം.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക