Uae High Exchange Rate Indian Rupee Hits;ദുബായ്: യുഎഇയിലെ ഇന്ത്യൻ പ്രവാസികൾക്ക് ഇത് സുവർണാവസരമാണ്. കാരണം കഴിഞ്ഞ കുറച്ച് ദിവസങ്ങൾ സാമ്പത്തിക ആശ്വാസത്തിന്റെ നാളുകളായിരുന്നു. ഇന്ത്യൻ രൂപയുടെ വിനിമയ മൂല്യം ചരിത്രത്തിലെ ഏറ്റവും താഴ്ന്ന നിലയിലേക്ക് കൂപ്പുകുത്തിയപ്പോൾ ദിർഹത്തിനെതിരെ രൂപയുടെ ഉയർന്ന വിനിമയ നിരക്ക് നാട്ടിലേക്ക് കൂടുതൽ പണം അയയ്ക്കുന്നതിനുള്ള ഒരു സുവർണ്ണാവസരമായി ഇത് മാറി.അതായത്ത് യുഎഇ ദിർഹത്തിന് ഏകദേശം 24.5 വരെ ലഭിക്കുന്ന ഈ സാഹചര്യത്തെ പ്രവാസികൾ ഇരുകൈകളും നീട്ടിയാണ് സ്വീകരിച്ചിരുന്നത്. രൂപയുടെ മൂല്യത്തകർച്ചയെ തുടർന്ന് യുഎഇയിലെ എക്‌സ്‌ചേഞ്ച് ഹൗസുകളിൽ വൻ തിരക്കാണ് അനുഭവപ്പെട്ടത്. സാധാരണ ദിവസങ്ങളേക്കാൾ മൂന്നിരട്ടിയിലധികം ആളുകളാണ് പണം അയയ്ക്കാൻ എത്തിയത്.

ഈ വർധനവിൽ, പ്രത്യേകിച്ചും, മലയാളി പ്രവാസികളാണ് ഏറ്റവും മുന്നിൽ. രൂപയുടെ മൂല്യം കുറഞ്ഞതോടെ ഒരൊറ്റ ദിർഹത്തിന് കൂടുതൽ ഇന്ത്യൻ കറൻസി ലഭിക്കുന്നത് പ്രവാസികൾക്ക് വലിയൊരു നേട്ടമായി മാറി. വിനിമയ നിരക്കിലെ ഈ വർധനവ് മുതലെടുത്ത് മിക്ക പ്രവാസികളും എപ്പോഴും നാട്ടിലേക്ക് അയക്കുന്ന തുകയേക്കാൾ മൂന്നിരട്ടി വരെയാണ് ഒറ്റയടിക്ക് നാട്ടിലേക്ക് അയച്ചത്.

പ്രതിമാസം 1,200 ദിർഹം മുതൽ 1,500 ദിർഹം വരെ അയച്ചിരുന്ന പലരും ഈ അവസരം ഉപയോഗിച്ച് 4,500 ദിർഹത്തിലധികം അയക്കാൻ തുടങ്ങി. സാധാരണ കിട്ടുന്നതിലും വളരെ അധികം രൂപ ലഭിച്ചതായും ഇത് നാട്ടിലെ കുടുംബത്തിന് മൂന്ന് മാസത്തെ പലചരക്ക് സാധനങ്ങളും മറ്റ് ദൈനംദിന ചെലവുകളും നോക്കാൻ മതിയാകുമെന്നും പ്രവാസികൾ പറയുന്നു.

അതേസമയം ഈ ഉയർന്ന വിനിമയ നിരക്ക് പ്രവാസികളുടെ സാമ്പത്തിക ബുദ്ധിമുട്ടുകൾക്ക് താൽക്കാലിക ആശ്വാസം നൽകിയിട്ടുണ്ട്. അതായത് കുട്ടികളുടെ സ്കൂൾ ഫീസ്, വീട്ടു ബില്ലുകൾ, ഇൻഷുറൻസ് പ്രീമിയങ്ങൾ തുടങ്ങിയ അത്യാവശ്യ കാര്യങ്ങൾ എളുപ്പത്തിൽ അടച്ചുതീർക്കാൻ സാധിച്ചു.

മുന്നേ 2,000 ദിർഹം അയച്ച പലർക്കും ഇപ്പോൾ ഏകദേശം 8,000 രൂപയോളം അധികമായി ലഭിച്ചു. ഈ അധിക തുക ഉപയോഗിച്ച് വീട്ടിലെ ചെലവുകൾക്കും ചെറിയ വായ്പകൾ അടച്ചുതീർക്കാനും ഇത് വലിയ ഒരു അവസരം തന്നെയാണ് നൽകിയത്. സാമ്പത്തിക ബുദ്ധിമുട്ടുകൾ കാരണം മാസങ്ങളായി നാട്ടിലേക്ക് പണം അയയ്ക്കാൻ സാധിക്കാതിരുന്ന പലർക്കും ഈ അവസരം ഒരു അനുഗ്രഹമായി മാറി.

കൂടാതെ ബുദ്ധിമുട്ടുകൾ ഒന്നുമില്ലാതെ ഇപ്പോൾ ആദ്യമായി വീട്ടിലേക്ക് പണം അയയ്ക്കാൻ സാധിച്ചതിന്റെ സന്തോഷം പങ്കുവെയ്ക്കുകയും ചെയ്തു. ചിലർ അധിക തുക ഭാവി ആവശ്യങ്ങൾക്കായി നീക്കിവയ്ക്കുമ്പോൾ, മറ്റു ചിലർ ഈ തുക ഉപയോഗിച്ച് ഒരു ശൈത്യകാല അവധിക്കാല യാത്ര പോകാൻ പോലും തയ്യാറെടുക്കുന്നു.

കാരണം ഇതിലും മികച്ച ഒരു അവസരം ഇനി വരാനില്ല എന്ന അഭിപ്രായമാണ് അവർക്ക് പറയാനുള്ളത്. അതേസമയം പ്രവാസലോകത്ത് ജോലി ചെയ്യുന്നവരുടെ പ്രധാന ലക്ഷ്യം നാട്ടിലെ കുടുംബത്തിന്റെ സാമ്പത്തിക ഭദ്രത ഉറപ്പാക്കുക എന്നതാണ്. രൂപയുടെ മൂല്യം കുറഞ്ഞപ്പോൾ, അവരുടെ കഠിനാധ്വാനം ചെയ്ത പണത്തിന് നാട്ടിൽ കൂടുതൽ മൂല്യം ലഭിക്കുന്നത് അവരുടെ ത്യാഗങ്ങൾക്ക് ലഭിച്ച ഒരു അംഗീകാരം പോലെയായി മിക്ക ആളുകളും കാണുന്നതായി നേരത്തെ തന്നെ മിക്ക പ്രവാസികളും അഭിപ്രായപ്പെട്ടിരുന്നു.

കൂടാതെ നിലവിലെ രൂപയുടെ മൂല്യത്തകർച്ച പ്രവാസികൾക്ക് താൽക്കാലികമായി വലിയ നേട്ടമാണെങ്കിലും, ഈ സാഹചര്യം ഇന്ത്യയിലെ വർധിച്ചു വരുന്ന ചെലവുകളും പണപ്പെരുപ്പവും എന്ന യാഥാർത്ഥ്യത്തെ ഒരിക്കലും മറച്ചുവെക്കുന്നില്ല. അതിനാൽ, പണം അയയ്ക്കുന്നതിൽ ശ്രദ്ധ പുലർത്തുകയും ലഭിക്കുന്ന അധിക തുക നല്ല ബുദ്ധിപൂർവം കൈകാര്യം ചെയ്യുകയും വേണം.

അതേസമയം ഈ അധിക വരുമാനം ദീർഘകാല നിക്ഷേപങ്ങൾക്കോ, വായ്പകൾ വേഗത്തിൽ അടച്ചുതീർക്കാനോ, അല്ലെങ്കിൽ ഒരു എമർജൻസി ഫണ്ട് ഉണ്ടാക്കാനോ ഉപയോഗിക്കുന്നത് ഭാവിയിൽ ഒരുപാട് ഗുണം ചെയ്യും. അതിനാൽ വിനിമയ നിരക്ക് എപ്പോൾ വേണമെങ്കിലും മാറാനുള്ള സാധ്യത ഉള്ളതിനാൽ, പരമാവധി പ്രയോജനം ലഭിക്കുന്ന സമയത്ത് തന്നെ പണം അയയ്ക്കാൻ ശ്രദ്ധിക്കണമെന്ന് സാമ്പത്തിക വിദഗ്ദ്ധരും പറയുന്നു.

കൂടാതെ മറ്റ് ചില കാര്യങ്ങൾ കൂടെ പ്രത്യേകം ശ്രദ്ധിക്കേണ്ടതുണ്ട് അതായത്. വിനിമയ നിരക്കുകൾണ്ഓ രോ മണിക്കൂറിലും മാറിക്കൊണ്ടിരിക്കുന്നതിനാൽ. നിരക്ക് ഏറ്റവും ഉയർന്ന നിലയിൽ നിൽക്കുന്ന സമയം കണ്ടെത്തി പണം അയയ്ക്കാൻ ശ്രമിക്കുക. കാരണം എല്ലാ എക്‌സ്‌ചേഞ്ച് ഹൗസുകളും ബാങ്കുകളും ഒരേ നിരക്കിലായിരിക്കില്ല പണം കൈമാറ്റം ചെയ്യുന്നത്.

പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ

Dubai traffic jam today : ദുബൈ–ഷാർജ റോഡുകളിൽ അപകടങ്ങൾ; കനത്ത ഗതാഗതക്കുരുക്ക്

Latest Greeshma Staff Editor — December 8, 2025 · 0 Comment

Dubai traffic jam today : ദുബൈ: തിങ്കളാഴ്ച രാവിലെ ദുബൈയിലും ഷാർജയിലും ഉണ്ടായ നിരവധി റോഡ് അപകടങ്ങളെ തുടർന്ന് വലിയ ഗതാഗതക്കുരുക്ക് അനുഭവപ്പെട്ടു. ദുബൈയിലേക്ക് പോകുന്ന വാഹനങ്ങളെയാണ് ഇതു കൂടുതലായി ബാധിച്ചത്. ഗൂഗിൾ മാപ്‌സിലെ തത്സമയ വിവരങ്ങളിലും കനത്ത തിരക്ക് രേഖപ്പെടുത്തി.ദുബൈയിലേക്ക് പ്രവേശിക്കുന്ന പ്രധാന റോഡുകളായ അൽ ഇത്തിഹാദ് സ്ട്രീറ്റിലും ഷെയ്ഖ് മുഹമ്മദ് ബിൻ സായിദ് റോഡിലും (E311) വാഹനങ്ങളുടെ നീണ്ട നിര രൂപപ്പെട്ടു. അൽ ഇത്തിഹാദ് സ്ട്രീറ്റിൽ, ഷാർജയിൽ നിന്ന് ദുബൈയിലെ അൽ നഹ്ദ ഫസ്റ്റ് ഭാഗത്തേക്ക് എത്തുന്ന വഴിയിലാണ് കൂടുതൽ ഗതാഗതക്കുരുക്ക് ഉണ്ടായത്. ഇവിടെ ഉണ്ടായ അപകടമാണ് വാഹനങ്ങൾ നീങ്ങുന്നത് മന്ദഗതിയിലാക്കിയത്.

ഷെയ്ഖ് മുഹമ്മദ് ബിൻ സായിദ് റോഡിലെ മുഹൈസിന തേർഡ് ഭാഗത്തുണ്ടായ മറ്റൊരു അപകടവും യാത്ര സാധാരണയേക്കാൾ ബുദ്ധിമുട്ടാക്കി. വാഹനങ്ങൾ വളരെ പതുക്കെ മാത്രമാണ് മുന്നോട്ട് നീങ്ങിയത്.ഷാർജയിലെ ഇൻഡസ്ട്രിയൽ ഏരിയയ്ക്കടുത്തും നാലാം ഇൻഡസ്ട്രിയൽ സ്ട്രീറ്റിലും ഉണ്ടായ അപകടങ്ങൾ തിരക്ക് കൂടുതൽ വർധിപ്പിച്ചു. പലരും വഴിമാറ്റി യാത്ര ചെയ്തതോടെ സമീപ റോഡുകളിലും തിരക്കേറി.

അപകടങ്ങളുടെ പശ്ചാത്തലത്തിൽ ഡ്രൈവർമാർ ജാഗ്രത പാലിക്കണമെന്ന് ദുബൈ പൊലീസ് മുന്നറിയിപ്പ് നൽകി. അപകടസ്ഥലങ്ങളിൽ കൂട്ടം കൂടുന്നത് ഒഴിവാക്കണമെന്നും അത് ഗതാഗതം സുഗമമാക്കുമെന്നും പൊലീസ് അറിയിച്ചു. ആംബുലൻസിനും ഫയർഫോഴ്‌സിനും രക്ഷാപ്രവർത്തനം വേഗത്തിൽ നടത്താൻ പൊതുജനങ്ങളുടെ സഹകരണം ഏറെ പ്രധാനമാണെന്നും പൊലീസ് കൂട്ടിച്ചേർത്തു

യു എയിൽ ഇലക്ട്രോണിക് ഇൻവോയ്‌സിംഗ് സംവിധാനം നിർബന്ധമായും പാലിക്കണം, അല്ലെങ്കിൽ പോക്കറ്റ് കാലിയാകും , അറിഞ്ഞിരിക്കണേ ഈ പുതിയ നിയമം

Latest Greeshma Staff Editor — December 8, 2025 · 0 Comment

UAE e-invoicing fines : ദുബൈ: ഇലക്ട്രോണിക് ഇൻവോയ്‌സിംഗ് സംവിധാനം പാലിക്കാത്തതിൻ്റെ ഫലമായുണ്ടാകുന്ന ലംഘനങ്ങൾക്കും അഡ്‌മിനിസ്ട്രേറ്റിവ് പിഴകൾക്കും പ്രതിദിനം 100 ദിർഹം മുതൽ പ്രതിമാസം 5,000 ദിർഹം വരെ പിഴ ചുമത്തും. ഈ വർഷത്തെ ക്യാബിനറ്റ് തീരുമാനം നമ്പർ 106 അനുസരിച്ച് യു.എ.ഇ നീതിന്യായ മാത്രാലയമാണ് ഇക്കാര്യം പ്രഖ്യാപിച്ചത്.

രാജ്യത്തെ ഇലക്ട്രോണിക് ഇൻവോയ്‌സിംഗ് സംവിധാനത്തിന് കീഴിൽ വാറ്റ്, നികുതിയാനുബന്ധ മറ്റ് പ്രക്രിയകളിലുള്ള കൃത്യത, സുതാര്യത, കാര്യക്ഷമത എന്നിവ മെച്ചപ്പെടുത്താൻ പരമ്പരാഗത കടലാസ്, അല്ലെങ്കിൽ പിഡിഎഫ് ഇൻവോയ്‌സുകൾക്ക് പകരമായി എക്സ്എംഎൽ പോലുള്ള ഘടനാപരമായ മെഷിൻ റീഡബിൾ ഫോർമാറ്റിൽ ഇൻവോയ്‌സുകൾ സൃഷ്‌ടിക്കുകയും കൈമാറ്റം ചെയ്യുകയും ഫെഡറൽ ടാക്‌സ് അതോറിറ്റി(എഫ്.ടി.എ)ക്ക് ഇലക്ട്രോണിക് ആയി റിപ്പോർട്ടിങ് നടത്തുകയും വേണം.
ഈ വർഷം രണ്ടാം പാദത്തിലാണ് യു.എ.ഇ ഇ ഇൻവോയ്‌സിംഗ് നിയന്ത്രണങ്ങൾ അവതരിപ്പിച്ചത്. 2026 ജൂലൈയിൽ രാജ്യത്ത് ഇ ഇൻവോയ്‌സിംഗിന്റെ ആദ്യ ഘട്ടം പ്രാബല്യത്തിൽ വരുന്നതാണ്.

ഈ വർഷം രണ്ടാം പാദത്തിലാണ് യു.എ.ഇ ഇ ഇൻവോയ്‌സിംഗ് നിയന്ത്രണങ്ങൾ അവതരിപ്പിച്ചത്. 2026 ജൂലൈയിൽ രാജ്യത്ത് ഇ ഇൻവോയ്‌സിംഗിന്റെ ആദ്യ ഘട്ടം പ്രാബല്യത്തിൽ വരുന്നതാണ്. മന്ത്രിസഭാ തീരുമാനമനുസരിച്ച് 2025ലെ അനുച്ഛേദം 106ൽ നിർദേശിച്ചിരിക്കുന്ന പിഴകൾ ഇപ്രകാരമാണ്: അംഗീകൃത സേവന ദാതാവിനെ നിയമിക്കാതിരിക്കുന്നതടക്കം ഇ ഇൻവോയ്‌സിംഗ് സംവിധാന നടപ്പാക്കുന്നതിൽ ഇഷ്യൂവർ പരാജയപ്പെട്ടാൽ കാലതാമസത്തിന് ഓരോ മാസമോ, അല്ലെങ്കിൽ അതിന്റെ ഭാഗികമോ ആയി 5,000 ദിർഹം പിഴ നൽകേണ്ടതാണ്.
സമയ പരിധിക്കുള്ളിൽ ഇഷ്യൂവർ ഇലക്ട്രോണിക് ഇൻവോയ്‌സിംഗ് സംവിധാനം വഴി സ്വീകർത്താവിന് ഇലക്ട്രോണിക് ക്രെഡിറ്റ് നോട്ട് നൽകുകയും കൈമാറുകയും ചെയ്യുന്നതിൽ പരാജയപ്പെട്ടാൽ, ഓരോ കലണ്ടർ മാസത്തിലും ഓരോ ഇലക്ട്രോണിക് ക്രെഡിറ്റ് നോട്ടിനും 100 ദിർഹം (പരമാവധി 5,000 ദിർഹം വരെ) പിഴ അടയ്ക്കണം.

സമയ പരിധിക്കുള്ളിൽ സിസ്റ്റം പരാജയം അധികാരിയെ അറിയിക്കുന്നതിൽ ഇഷ്യൂവർ പരാജയപ്പെട്ടാൽ ഓരോ ദിവസത്തിനുമായോ അല്ലെങ്കിൽ അതിൻ്റെ ഭാഗികമായോ 1,000 ദിർഹം പിഴ ഒടുക്കേണ്ടതാണ്.

UAE Weather Update: യുഎഇയിൽ ഭാഗികമായി മേഘാവൃതമായ കാലാവസ്ഥ; ഈ മേഖലയിൽ മഴസാധ്യത

UAE Weather Update: അബൂദബി: യുഎഇയിൽ ഇന്ന് ആകാശം പൊതുവേ തെളിഞ്ഞതും ഇടയ്ക്കിടെ മേഘാവൃതവുമായിരിക്കും ദേശീയ കാലാവസ്ഥാ കേന്ദ്രം (NCM) അറിയിച്ചു. ദ്വീപുകളിലും പടിഞ്ഞാറൻ മേഖലകളിലും താഴ്ന്ന മേഘങ്ങൾ ദൃശ്യമാകാനാണ് സാധ്യത. പകൽ സമയത്ത് താപനിലയിൽ നേരിയ വർധനവുണ്ടാകും. രാത്രിയോടെ ഈർപ്പം കൂടും. പ്രത്യേകിച്ച് പടിഞ്ഞാറൻ തീരപ്രദേശങ്ങളിലാണ് ഈർപ്പം കൂടുതൽ അനുഭവപ്പെടുക. കാറ്റ് തെക്ക്-കിഴക്കു മുതൽ വടക്ക്-കിഴക്കു വരെ മണിക്കൂറിൽ 10 മുതൽ 20 കിലോമീറ്റർ വേഗതയിൽ വീശും. ചില സമയങ്ങളിൽ ഇത് 30 കിലോമീറ്റർ വരെ എത്താം. അറബിക്കടലിലും ഒമാൻ കടലിലും തിരമാലകൾ സാധാരണ നിലയിലായിരിക്കും.

ചൊവ്വാഴ്ച രാവിലെയും ഈർപ്പം കൂടുതലായിരിക്കും. തീരപ്രദേശങ്ങളിലും അകപ്രദേശങ്ങളിലും നേരിയ മൂടൽമഞ്ഞിന് സാധ്യതയുണ്ട്. പകൽ ആകാശം പൊതുവേ തെളിഞ്ഞതും ചില ഭാഗങ്ങളിൽ മേഘാവൃതവുമായിരിക്കും. താപനില സാധാരണയെക്കാൾ ഉയർന്ന നിലയിൽ തുടരും.
ബുധനാഴ്ചയും കാലാവസ്ഥയിൽ വലിയ മാറ്റമില്ല. ആകാശം ഭാഗികമായി മേഘാവൃതമായിരിക്കും. പടിഞ്ഞാറൻ പ്രദേശങ്ങളിൽ മേഘങ്ങൾ വർധിക്കാനിടയുണ്ട്. രാത്രിയോടെ ഈർപ്പം വീണ്ടും കൂടും. വ്യാഴാഴ്ച രാവിലെ മൂടൽമഞ്ഞ് രൂപപ്പെടാനും സാധ്യതയുണ്ട്.
വ്യാഴാഴ്ച ഭാഗികമായി മേഘാവൃതവും ചില ഇടങ്ങളിൽ മഴയ്ക്കും സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു.