Kuwait Hawala ban : കുവൈറ്റ് സിറ്റി : ഹവാല എന്നറിയപ്പെടുന്ന അനധികൃത പണമിടപാട് സംവിധാനങ്ങൾ (ആൾട്ടർനേറ്റീവ് റെമിറ്റൻസ് സിസ്റ്റം – ARS) ഇനി കുവൈറ്റിൽ ക്രിമിനൽ കുറ്റമായി കണക്കാക്കും. ഇതുമായി ബന്ധപ്പെട്ട പുതിയ നിയമ ഭേദഗതിക്ക് മന്ത്രിസഭ അംഗീകാരം നൽകി. 2013ലെ വാണിജ്യ ലൈസൻസിംഗ് നിയമത്തിൽ പുതിയ ആർട്ടിക്കിൾ (12 ബിസ്) ഉൾപ്പെടുത്തിയാണ് ഈ നീക്കം.

ബാങ്കുകളിലൂടെയോ ലൈസൻസുള്ള എക്സ്ചേഞ്ച് സ്ഥാപനങ്ങളിലൂടെയോ പോകാതെ, അനധികൃത ശൃംഖലകളിലൂടെ പണം കൈമാറ്റം ചെയ്യുന്നതാണ് ഹവാല സംവിധാനം. ഇതുവഴി കള്ളപ്പണം വെളുപ്പിക്കൽ, നിയമവിരുദ്ധ പ്രവർത്തനങ്ങൾക്ക് ധനസഹായം തുടങ്ങിയ അപകടസാധ്യതകൾ ഉണ്ടാകുമെന്ന് മന്ത്രാലയം വ്യക്തമാക്കി.

പുതിയ നിയമപ്രകാരം, ലൈസൻസ് ഇല്ലാതെ കറൻസി വാങ്ങൽ, വിൽപ്പന, കൈമാറ്റം തുടങ്ങിയ എല്ലാ ഇടപാടുകളും കർശനമായി നിരോധിച്ചിട്ടുണ്ട്. നിയമം ലംഘിച്ചാൽ ആറ് മാസം വരെ ജയിൽശിക്ഷയോ 3,000 കുവൈറ്റ് ദിനാർ വരെ പിഴയോ ലഭിക്കും.

വാണിജ്യ സ്ഥാപനങ്ങൾ ആവർത്തിച്ച് നിയമം ലംഘിച്ചാൽ,

• സ്ഥാപനം അടച്ചുപൂട്ടൽ
• ഉപയോഗിച്ച പണവും ഉപകരണങ്ങളും കണ്ടുകെട്ടൽ
• കോടതി വിധി ഔദ്യോഗിക ഗസറ്റിൽ പ്രസിദ്ധീകരിക്കൽ
  എന്നിവയും നടപ്പാക്കും.

ഇത്തരം കേസുകൾ അന്വേഷിക്കാനും കോടതിയിൽ കുറ്റപത്രം നൽകാനും പബ്ലിക് പ്രോസിക്യൂഷന് പൂർണ്ണ അധികാരം നൽകിയിട്ടുണ്ടെന്ന് മന്ത്രാലയം അറിയിച്ചു.

രാജ്യത്തിന്റെ സാമ്പത്തിക സുരക്ഷ ഉറപ്പാക്കാനും അനധികൃത പണമൊഴുക്ക് തടയാനുമുള്ള ശക്തമായ നടപടിയായാണ് ഈ നിയമഭേദഗതിയെ സർക്കാർ കാണുന്നത്.

കുവൈറ്റിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

കുവൈറ്റിൽ അന്തരീക്ഷ ആർദ്രത ഉയരും, വാരാന്ത്യത്തിൽ ചില ഇടങ്ങളിൽ മഴയ്ക്ക് സാധ്യത

Latest Greeshma Staff Editor — December 3, 2025 · 0 Comment

Kuwait weather forecast : കുവൈറ്റ് സിറ്റി: വാരാന്ത്യത്തിൽ കുവൈറ്റിൽ വായുവിലെ ഈർപ്പം (ആർദ്രത) ഗണ്യമായി വർധിക്കുമെന്ന് കാലാവസ്ഥാ നിരീക്ഷകൻ ഇസ്ല റമദാൻ അറിയിച്ചു. ഈ അവസ്ഥ അടുത്ത ആഴ്ചയുടെ ആദ്യ പകുതി വരെ തുടരുമെന്നാണ് പ്രവചനം. തെക്കുകിഴക്കൻ ഭാഗത്ത് നിന്ന് വീശുന്ന ഈർപ്പമുള്ള കാറ്റ് ദൃശ്യപരത കുറയാൻ കാരണമാകും.

രാജ്യത്ത് പൊതുവെ മേഘാവൃതമായ കാലാവസ്ഥയാകും അനുഭവപ്പെടുക. ചില പ്രദേശങ്ങളിൽ ചിതറിയ മഴയ്ക്കും സാധ്യതയുണ്ട്. പ്രത്യേകിച്ച് ഈ മാസം 11, 12 തീയതികളായ വ്യാഴം, വെള്ളി ദിവസങ്ങളിൽ മഴ ശക്തമാകാൻ സാധ്യതയുണ്ടെന്നും അദ്ദേഹം പറഞ്ഞു.

മാസത്തിന്റെ മധ്യത്തോടെ കുവൈറ്റിൽ താപനില ക്രമാനുഗതമായി കുറയാൻ തുടങ്ങുമെന്നും ഇത് ശീതകാലത്തിന്റെ തുടക്കത്തെ സൂചിപ്പിക്കുന്നതാണെന്നും റമദാൻ വ്യക്തമാക്കി. രാജ്യം മഴക്കാലത്തിലേക്ക് കടക്കുന്നതിന്റെ സൂചനകളാണ് നിലവിലെ കാലാവസ്ഥ നൽകുന്നതെന്നും അദ്ദേഹം കൂട്ടിച്ചേർത്തു

കുവൈറ്റിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

PACI ആസ്ഥാനത്തെ പാർക്കിംഗ് പ്രതിസന്ധിക്ക് പരിഹാരം; പുതിയ പദ്ധതി പ്രഖ്യാപിച്ചു, പ്രവാസികൾക്ക് ഏറെ ആശ്വസം

Latest Greeshma Staff Editor — December 3, 2025 · 0 Comment

Kuwait PACI to Introduce New Parking : കുവൈറ്റ് സിറ്റി: സിവിൽ ഐ.ഡി സംബന്ധിച്ച സേവനങ്ങൾക്കായി പബ്ലിക് അതോറിറ്റി ഫോർ സിവിൽ ഇൻഫർമേഷൻ (PACI) ആസ്ഥാനത്ത് എത്തുന്ന സന്ദർശകർക്ക് ആശ്വാസമായി പുതിയ പാർക്കിംഗ് സൗകര്യം ഒരുക്കുമെന്ന് അധികൃതർ അറിയിച്ചു.

നിലവിൽ സൗത്ത് സൂറയിലെ PACI ആസ്ഥാനത്ത് കടുത്ത പാർക്കിംഗ് പ്രശ്നമാണ് അനുഭവപ്പെടുന്നത്. കുവൈറ്റുകാരും പ്രവാസികളും ഏറെകാലമായി പരാതിപ്പെട്ടിരുന്ന ഈ പ്രശ്നത്തിന് ശാശ്വത പരിഹാരം കണ്ടെത്താനാണ് പുതിയ പദ്ധതി.

ദിവസവും ആയിരക്കണക്കിന് ആളുകൾ സിവിൽ ഐ.ഡി. വിതരണം, പുതുക്കൽ, മറ്റ് സേവനങ്ങൾ എന്നിവയ്ക്കായി PACI ഓഫീസിൽ എത്താറുണ്ട്. പാർക്കിംഗ് ലഭിക്കാനില്ലാത്തതിനാൽ ആളുകൾക്ക് ഏറെ സമയം നഷ്ടപ്പെടുകയും ദൂരം നടക്കേണ്ടി വരികയും ചെയ്യുന്ന അവസ്ഥയായിരുന്നു.

ഇത് പരിഹരിക്കാൻ സ്ഥാപനത്തിൽ പൂർണ്ണമായും പുതിയതും വികസിതവുമായ പാർക്കിംഗ് സംവിധാനം നിർമ്മിക്കും. പുതിയ സൗകര്യം ലഭിച്ചതോടെ സന്ദർശകർക്ക് പാർക്കിംഗ് എളുപ്പത്തിൽ കണ്ടെത്താനും സേവനങ്ങൾ വേഗത്തിൽ പൂർത്തിയാക്കാനും സഹായകരമാകും.പുതിയ പദ്ധതി പൂർത്തിയാകുന്നതോടെ PACI-യെ ആശ്രയിക്കുന്ന എല്ലാ വിഭാഗം ജനങ്ങൾക്കും – പ്രത്യേകിച്ച് പ്രവാസികൾക്കും – മെച്ചപ്പെട്ട അനുഭവം ലഭിക്കുമെന്ന് അധികൃതർ അറിയിച്ചു.

കുവൈറ്റിൽ മുട്ടതൊട്ടാൽ പൊള്ളും, തീ വില ; എങ്ങും കിട്ടാനില്ല, അടിയന്തര കർമ പദ്ധതി പ്രഖ്യാപിച്ച് സർക്കാർ

Uncategorized Greeshma Staff Editor — December 3, 2025 · 0 Comment

Kuwait egg shortage : കുവൈത്ത് സിറ്റി: കുവൈത്തിലെ രൂക്ഷമായ മുട്ടക്ഷാമവും പൊള്ളുന്ന മുട്ടവില പ്രശ്നവും പരിഹരിക്കാനായി അടിയന്തര കർമ പദ്ധതി പ്രഖ്യാപിച്ച് സർക്കാർ. വാണിജ്യ വ്യവസായ മന്ത്രാലയത്തിലെ കൊമേഴ്സ്യൽ കൺട്രോൾ ഡയറക്ടർ ഫൈസൽ അൽ അൻസാരി, സാമൂഹ്യകാര്യ മന്ത്രാലയത്തിൽ നിന്നുള്ള യൂണിയൻ ഫിനാൻഷ്യൽ കൺട്രോളർ ദലാൽ അൽ അൻസി, വാണിജ്യ വ്യവസായ മന്ത്രാലയത്തെ പ്രതിനിധീകരിച്ച് കുവൈത്ത് യുണൈറ്റഡ് പൗൾട്രി കമ്പനിയിലെ ജനറൽ സൂപ്പർവൈസർ ദുവൈജ് അൽ ഹുസൈൻ എന്നിവർ പങ്കെടുത്ത ഉന്നതതലയോഗത്തിലാണ് ഇതുസംബന്ധിച്ച തീരുമാനം ഉണ്ടായത്.

സഹകരണ സംഘങ്ങളിലെ മുട്ട ക്ഷാമ പ്രതിസന്ധി പരിഹരിക്കുന്നതിനും അതിന്റെ കാരണങ്ങൾ അവലോകനം ചെയ്യുന്നതിനും ഉപഭോക്താക്കൾക്ക് സ്ഥിരമായ ഉൽപ്പന്ന ലഭ്യത ഉറപ്പാക്കുന്നതിനും യോഗത്തിൽ തരുമാനമായി. അടിയന്തിര പരിഹാരങ്ങൾ വികസിപ്പിക്കുന്നതിനു വേണ്ടിയാണ് യൂണിയൻ ഓഫ് കൺസ്യൂമർ കോഓപ്പറേറ്റീവ് സൊസൈറ്റീസ് മേധാവി മറിയം അൽഅവാദ് കഴിഞ്ഞദിവസം യോഗം വിളിച്ചത്. ഇതുപ്രകാരം ഈ മാസം 10 മുതൽ ഉത്പാദനം ക്രമേണ പുനരാരംഭിക്കുമെന്ന് പൗൾട്രി മേഖല പ്രതിനിധികൾ അറിയിച്ചു. വിതരണ നടപടിക്രമങ്ങൾ പൂർത്തിയാക്കുന്നതിന് ഈ തീയതിക്ക് ശേഷം വിതരണ കമ്പനികൾക്ക് ഗ്രേസ് പിരീഡ് അനുവദിക്കും.

ആവശ്യമായ അളവുകളുടെ ഒഴുക്ക് ഉറപ്പാക്കുന്നതിനും പുതിയ ക്ഷാമം തടയുന്നതിനും ഇടയ്ക്കിടെ നിരീക്ഷണം നടത്തുമെന്നും മറിയം അൽഅവാദ് അറിയിച്ചു. മുട്ടയുടെ വില സ്ഥിരമായി നിലനിർത്തുന്നതിനുള്ള ഫെഡറേഷൻ ഓഫ് അസോസിയേഷനുകളുടെയും വാണിജ്യ മന്ത്രാലയത്തിൻ്റെയും നിർദ്ദേശങ്ങൾ പാലിക്കണമെന്ന് യോഗം ആവശ്യപ്പെട്ടു. ഇൻവെൻ്ററി, ഡിമാൻഡ് ഡാറ്റ എന്നിവയ്ക്കുള്ള സെപ്റ്റംബർ 25 ലെ അഭ്യർത്ഥനയോട് 39 അസോസിയേഷനുകൾ മാത്രമാണ് പ്രതികരിച്ചതെന്ന് മറിയം അൽഅവാദ് പറഞ്ഞു.

കുവൈറ്റിൽ 55 അനധികൃത ക്യാമ്പുകൾ നീക്കം ചെയ്തു; 75 എണ്ണത്തിന് മുന്നറിയിപ്പുകൾ നൽകി

Kuwait Greeshma Staff Editor — December 3, 2025 · 0 Comment

Kuwait illegal camps : കുവൈറ്റ് : സ്പ്രിംഗ് ക്യാംപ് കമ്മിറ്റി രാജ്യത്തെ വിവിധ ക്യാമ്പ് സൈറ്റുകളിൽ നടത്തിയ പരിശോധനാ പ്രവർത്തനത്തിന്റെ ഭാഗമായി ആകെ 55 അനധികൃത ക്യാമ്പുകൾ നീക്കം ചെയ്തു. ലൈസൻസ് ഇല്ലാതെയോ നിയമങ്ങൾ ലംഘിച്ചുകൊണ്ടോ പ്രവർത്തിച്ച ക്യാമ്പുകളെയാണ് നടപടി ലക്ഷ്യമിട്ടത്. കൂടാതെ, ചട്ടങ്ങൾ പാലിക്കാത്ത ക്യാമ്പ് ഉടമകൾക്ക് 75 മുന്നറിയിപ്പുകൾ നൽകി. ലംഘനങ്ങൾ ഉടൻ തിരുത്തണമെന്ന്, ഇല്ലെങ്കിൽ ക്യാമ്പ് നീക്കം ചെയ്യുമെന്ന് കമ്മിറ്റി അറിയിച്ചു.

പരിശോധനയുടെ ഭാഗമായി ക്യാമ്പിംഗ് ഏരിയകളിൽ സ്ഥാപിച്ചിരുന്ന 10 അനധികൃത പലചരക്ക് കടകളും ഇൻസ്പെക്ടർമാർ പൊളിച്ചുമാറ്റി. സ്പ്രിംഗ് ക്യാമ്പിംഗ് സീസണിൽ പൊതുജനങ്ങളുടെ സുരക്ഷ ഉറപ്പാക്കുകയും പരിസ്ഥിതി സംരക്ഷിക്കുകയും ക്രമസമാധാനം നിലനിർത്തുകയും ചെയ്യുന്നതാണ് ഇത്തരം പരിശോധനാ കാമ്പെയിനുകളുടെ പ്രധാന ലക്ഷ്യമെന്ന് അധികാരികൾ വ്യക്തമാക്കി.

കുവൈറ്റിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

ദശലക്ഷക്കണക്കിന് വ്യാജ യു.എസ്. ഡോളർ കടത്തി ; കുവൈത്തിൽ വൻ കള്ളനോട്ട് സംഘം പിടിയിൽ

Latest Greeshma Staff Editor — December 3, 2025 · 0 Comment

Kuwait fake currency racket : കുവൈറ്റിൽ സംഘടിത കുറ്റകൃത്യങ്ങൾക്കെതിരെ കർശനനടപടി തുടരുന്നതിനിടെ ക്രിമിനൽ സെക്യൂരിറ്റി വിഭാഗത്തിലെ കള്ളനോട്ട് വിരുദ്ധ യൂണിറ്റ് വൻ കള്ളനോട്ട് റാക്കറ്റിനെ പിടികൂടി. അറബ് പൗരന്മാർ ഉൾപ്പെട്ട സംഘം ദശലക്ഷക്കണക്കിന് വ്യാജ യു.എസ്. ഡോളർ രാജ്യത്തേക്ക് കടത്തുകയും വിതരണം ചെയ്യാൻ ശ്രമിക്കുകയും ചെയ്തതിനെ തുടർന്ന് ഇവരെ അറസ്റ്റ് ചെയ്തു.

അന്വേഷണത്തിൽ കണ്ടെത്തിയത് വ്യാജ നോട്ടുകൾ മറ്റൊരു അറബ് രാജ്യത്താണ് നിർമ്മിച്ചതെന്നാണ്. ഇവ പ്രാദേശിക വിപണിയിൽ എത്തിച്ച് കുവൈറ്റിന്റെ ദേശീയ സമ്പദ്‌വ്യവസ്ഥയ്ക്ക് വലിയ തിരിച്ചടി നൽകുക എന്നതായിരുന്നു സംഘത്തിന്റെ ലക്ഷ്യമെന്ന് സുരക്ഷാ ഉദ്യോഗസ്ഥർ വ്യക്തമാക്കി.

100,000 യു.എസ്. ഡോളർ വിലമതിക്കുന്ന വ്യാജ നോട്ടുകൾ വെറും 16,000 കുവൈത്തി ദിനാറിന് വിൽക്കാൻ ഒരാൾ ശ്രമിക്കുന്നുവെന്ന രഹസ്യവിവരം ലഭിച്ചതോടെ അന്വേഷണം ആരംഭിച്ചു. രഹസ്യവിവരദാതാവിനെ ഉപയോഗിച്ച് വലയൊരുക്കിയതിന്റെ അടിസ്ഥാനത്തിൽ 1993-ൽ ജനിച്ച എ.എ.സെഡ് (A.A.Z.) എന്ന മുഖ്യപ്രതി പിടിയിലായി. ഇയാളിൽ നിന്ന് വ്യാജ നോട്ടുകൾ പിടിച്ചെടുക്കുകയും ചെയ്തു.

തുടർന്ന് പ്രതിയുടെ വസതിയിൽ നടത്തിയ പരിശോധനയിൽ ലക്ഷങ്ങളുടെ മൂല്യമുള്ള അധിക കള്ളനോട്ടുകളും പൊലീസ് സംഘം കണ്ടെത്തിയതായി അധികൃതർ അറിയിച്ചു.

കുവൈറ്റിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു