Kuwait air raid siren : കുവൈത്ത് സിറ്റി, ജൂലൈ 18: കുവൈത്തിന് നേരെ തുടരുന്ന മിസൈൽ, ഡ്രോൺ ഭീഷണികളുടെ പശ്ചാത്തലത്തിൽ രാജ്യത്തിന്റെ വിവിധ ഭാഗങ്ങളിൽ വീണ്ടും അപായ സൈറണുകൾ മുഴങ്ങി. ഔദ്യോഗിക വാർത്താ ഏജൻസിയായ **കുവൈത്ത് ന്യൂസ് ഏജൻസി (KUNA)**യുടെ റിപ്പോർട്ട് പ്രകാരം, നിലവിലെ സുരക്ഷാ സാഹചര്യത്തിൽ നാലാം തവണയാണ് രാജ്യവ്യാപകമായി അപായ സൈറൺ മുഴക്കിയത്.

രാജ്യത്തിന് നേരെയുള്ള ഭീഷണികളെ നേരിടാൻ പ്രതിരോധ സംവിധാനങ്ങൾ പൂർണ സജ്ജമാണെന്നും ജനങ്ങൾ അധികൃതരുടെ സുരക്ഷാ നിർദേശങ്ങൾ കർശനമായി പാലിക്കണമെന്നും ബന്ധപ്പെട്ട അധികൃതർ അറിയിച്ചു.

ഇതിനിടെ, കുവൈത്തിലെ ഒരു പ്രധാന വൈദ്യുതി-കുടിവെള്ള ഉൽപ്പാദന പ്ലാന്റിന് നേരെയുണ്ടായ ആക്രമണത്തെ തുടർന്ന് പ്ലാന്റിലെ പ്രധാന സംവിധാനത്തിൽ തീപിടിത്തമുണ്ടായതായി വൈദ്യുതി, ജല, പുനരുപയോഗ ഊർജ മന്ത്രാലയം അറിയിച്ചു.

തീപിടിത്തത്തെ തുടർന്ന് മുൻകരുതൽ നടപടിയുടെ ഭാഗമായി ചില വൈദ്യുതി ഉൽപ്പാദന യൂണിറ്റുകൾ താൽക്കാലികമായി നിർത്തിവെച്ചു. ജീവനക്കാരുടെ സുരക്ഷ ഉറപ്പാക്കുന്നതിനും സ്ഥിതിഗതികൾ നിയന്ത്രണവിധേയമാക്കുന്നതിനുമായി മന്ത്രാലയത്തിന്റെ അടിയന്തര പ്രതികരണ സംഘങ്ങളും ജനറൽ ഫയർ ഫോഴ്സും സംയുക്തമായി രക്ഷാപ്രവർത്തനം തുടരുകയാണ്.

വൈദ്യുതി, കുടിവെള്ള വിതരണത്തിൽ വലിയ തടസ്സം ഉണ്ടാകാതിരിക്കാൻ ആവശ്യമായ എല്ലാ അടിയന്തര നടപടികളും സ്വീകരിച്ചിട്ടുണ്ടെന്നും സാങ്കേതിക വിദഗ്ധർ 24 മണിക്കൂറും സ്ഥിതിഗതികൾ നിരീക്ഷിച്ചുകൊണ്ടിരിക്കുകയാണെന്നും മന്ത്രാലയം അറിയിച്ചു.

അതേസമയം, ഏതാനും ദിവസങ്ങൾക്ക് മുമ്പ് കുവൈത്ത് നാവികസേനയുടെ ഒരു കപ്പലിന് നേരെയുണ്ടായ ആക്രമണത്തിൽ നാല് സൈനികർക്ക് പരിക്കേറ്റിരുന്നു. ഇവർക്ക് ചികിത്സ നൽകിയതായും എല്ലാവരുടെയും ആരോഗ്യനില തൃപ്തികരവും സ്ഥിരതയുള്ളതുമാണെന്നും അധികൃതർ അറിയിച്ചു.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

കുവൈത്ത് എയർവേയ്സ് സർവീസുകൾ പുനഃക്രമീകരിച്ചു

സുരക്ഷാ മുൻകരുതലുകളുടെ ഭാഗമായി കുവൈത്ത് അന്താരാഷ്ട്ര വിമാനത്താവളത്തിന്റെ പ്രവർത്തനം താൽക്കാലികമായി നിർത്തിവെച്ചതിനെ തുടർന്ന് കുവൈത്ത് എയർവേയ്സ് ഭൂരിഭാഗം വിമാന സർവീസുകളും പുനഃക്രമീകരിച്ചു.

യാത്രക്കാർ തങ്ങളുടെ ബുക്കിംഗിനൊപ്പം രജിസ്റ്റർ ചെയ്തിരിക്കുന്ന മൊബൈൽ നമ്പറുകളിലേക്ക് ലഭിക്കുന്ന സന്ദേശങ്ങളും അറിയിപ്പുകളും ശ്രദ്ധിക്കണമെന്നും യാത്രയ്ക്ക് മുമ്പ് വിമാനത്തിന്റെ ഏറ്റവും പുതിയ വിവരങ്ങൾ ഔദ്യോഗിക ചാനലുകൾ വഴി പരിശോധിക്കണമെന്നും വിമാനക്കമ്പനി അറിയിച്ചു.

മേഖലയിൽ സുരക്ഷാ സാഹചര്യം തുടരുന്നതിനാൽ, വിമാന സർവീസുകളിൽ കൂടുതൽ മാറ്റങ്ങൾ ഉണ്ടാകാൻ സാധ്യതയുള്ളതിനാൽ യാത്രക്കാർ വിമാനത്താവളത്തിലേക്ക് പുറപ്പെടുന്നതിന് മുമ്പ് ഫ്ലൈറ്റ് സ്റ്റാറ്റസ് നിർബന്ധമായും പരിശോധിക്കണമെന്നും അധികൃതർ വീണ്ടും ഓർമ്മിപ്പിച്ചു.

കുവൈത്തിൽ പിടിച്ചെടുത്ത വാഹനങ്ങൾ വിട്ടുനൽകാൻ പ്രത്യേക സംവിധാനം

Kuwait Drisya Staff Editor — July 18, 2026 · 0 Comment

Kuwait to Release Seized Vehicles Through Special Arrangement കുവൈത്ത് സിറ്റി: കുവൈത്തിൽ പിടിച്ചെടുത്ത വാഹനങ്ങൾ വിട്ടുനൽകുന്നതിനുള്ള അപേക്ഷകൾ സ്വീകരിക്കാൻ പ്രത്യേക സംവിധാനം ഒരുക്കി. ജനറൽ ട്രാഫിക് വകുപ്പ് വെള്ളി, ശനി ദിവസങ്ങളിലാണ് അപേക്ഷകൾ സ്വീകരിക്കുക.

ജലീബ് അൽ-ഷുയൂഖിലെ വാഹന ഇംപൗണ്ട് ഗാരേജിൽ ഉച്ചക്ക് ഒരു മണി മുതൽ രാത്രി ഒൻപത് മണി വരെയാണ് സേവനം ലഭിക്കുക. വാഹനം വിട്ടുകിട്ടുന്നതിന് മുമ്പ് ഡ്രൈവറുടെയും വാഹന ഉടമയുടെയും പേരിലുള്ള എല്ലാ ട്രാഫിക് പിഴകൾ അടക്കണം. സിവിൽ ഐ.ഡി, ഡ്രൈവിംഗ് ലൈസൻസ്, വാഹന ഉടമസ്ഥാവകാശ രേഖ എന്നിവ നിർബന്ധമായും ഹാജരാക്കണമെന്ന് അധികൃതർ അറിയിച്ചു.

Kuwait Airways flight reschedule കുവൈത്ത് വ്യോമാതിർത്തി താൽക്കാലികമായി അടച്ചു ; വിമാന സർവീസുകളിൽ മാറ്റം; യാത്രക്കാർ ഫ്ലൈറ്റ് സ്റ്റാറ്റസ് പരിശോധിക്കണം

Kuwait Greeshma Staff Editor — July 18, 2026 · 0 Comment

Kuwait Airways flight reschedule കുവൈത്ത് സിറ്റി, ജൂലൈ 18: പശ്ചിമേഷ്യയിലെ സുരക്ഷാ സാഹചര്യം മോശമായി തുടരുന്നതിനാൽ കുവൈത്തിന്റെ വ്യോമാതിർത്തി താൽക്കാലികമായി അടച്ച അടച്ചു. തുടർന്ന് നിരവധി വിമാന സർവീസുകൾക്ക് മാറ്റം വരുത്തി. ഇതോടെ കുവൈത്തിൽ നിന്നുള്ളതും കുവൈത്തിലേക്കുള്ളതുമായ യാത്രക്കാർ വിമാനത്താവളത്തിലേക്ക് പുറപ്പെടുന്നതിന് മുമ്പ് ഫ്ലൈറ്റ് സ്റ്റാറ്റസ് നിർബന്ധമായും പരിശോധിക്കണമെന്ന് അധികൃതരും എയർലൈൻ കമ്പനികളും അറിയിച്ചിട്ടുണ്ട്..

Kuwait Airways ശനിയാഴ്ച (ജൂലൈ 18) പുറത്തിറക്കിയ അറിയിപ്പിൽ, വ്യോമാതിർത്തി അടച്ചതിനാൽ ഭൂരിഭാഗം സർവീസുകളും പുനഃക്രമീകരിച്ചതായി പറയുന്നു. യാത്രക്കാരുടെ ബുക്കിംഗിൽ രജിസ്റ്റർ ചെയ്തിരിക്കുന്ന മൊബൈൽ നമ്പറുകളിലേക്ക് എസ്‌എം‌എസ് വഴിയും മറ്റ് അറിയിപ്പുകൾ വഴിയും പുതിയ വിവരങ്ങൾ കൈമാറുമെന്നും കമ്പനി വ്യക്തമാക്കി.

യാത്ര സംബന്ധിച്ച കൂടുതൽ വിവരങ്ങൾക്ക് യാത്രക്കാർക്ക് താഴെ പറയുന്ന നമ്പറുകളിൽ ബന്ധപ്പെടാം:

• കുവൈത്തിനുള്ളിൽ: 171
• കുവൈത്തിന് പുറത്തുനിന്ന്: +965 24345555 / 171
• വാട്ട്സ്ആപ്പ്: +965 1802050

അബഹ റൂട്ടിൽ ഇപ്പോഴും നിയന്ത്രണം

പശ്ചിമേഷ്യയിലെ സുരക്ഷാ സാഹചര്യത്തിന്റെ ഭാഗമായി യുഎഇയിലെയും തെക്കൻ സൗദി അറേബ്യയിലെയും ചില അന്താരാഷ്ട്ര വിമാന സർവീസുകളിലും നിയന്ത്രണം തുടരുകയാണ്. ദുബായ്–അബഹ റൂട്ടിലെ flydubai സർവീസുകളും ഷാർജ–അബഹ റൂട്ടിലെ Air Arabia സർവീസുകളും ഇപ്പോഴും റദ്ദാക്കിയ നിലയിലാണ്.

എന്നാൽ അബഹ വിമാനത്താവളത്തിലെ ആഭ്യന്തര സർവീസുകൾ സാധാരണ പോലെ തുടരുകയാണ്. റിയാദ്, ജിദ്ദ, ദമ്മാം, മദീന, തബൂക്ക് തുടങ്ങിയ നഗരങ്ങളിലേക്കുള്ള സർവീസുകൾക്കും നിലവിൽ തടസമില്ല.

ഇത്തിഹാദ് സർവീസുകൾ വൈകുന്നു

പ്രവർത്തനപരമായ കാരണങ്ങളാൽ അബുദാബിയിൽ നിന്ന് ടൊറന്റോയിലേക്കുള്ള Etihad Airways EY21 സർവീസ് വൈകിയതായി കമ്പനി അറിയിച്ചു. ഏറ്റവും പുതിയ വിവരങ്ങൾ ഔദ്യോഗിക വെബ്‌സൈറ്റിലൂടെയോ മൊബൈൽ ആപ്പിലൂടെയോ പരിശോധിക്കണമെന്ന് യാത്രക്കാരോട് ആവശ്യപ്പെട്ടിട്ടുണ്ട്.

ഇന്ത്യയിലേക്ക് യാത്ര ചെയ്യുന്നവർ ശ്രദ്ധിക്കുക

യുഎഇയിൽ നിന്ന് ഇന്ത്യയിലേക്ക് യാത്ര ചെയ്യുന്നവർ Air Suvidha 2.0 ഡിജിറ്റൽ ഹെൽത്ത് ഡിക്ലറേഷൻ നിർബന്ധമായും സമർപ്പിക്കണമെന്ന് അധികൃതർ വീണ്ടും ഓർമ്മിപ്പിച്ചു. എബോള വൈറസ് വ്യാപനവുമായി ബന്ധപ്പെട്ട മുൻകരുതൽ നടപടികളുടെ ഭാഗമായാണ് ഈ നിർദേശം തുടരുന്നത്.

മറ്റ് എയർലൈൻസുകളുടെ അറിയിപ്പുകൾ

Emirates നിലവിൽ വലിയ തോതിലുള്ള സർവീസ് റദ്ദാക്കലുകൾ പ്രഖ്യാപിച്ചിട്ടില്ല. വേനൽക്കാല തിരക്ക് കണക്കിലെടുത്ത് യാത്രക്കാർ ഓൺലൈൻ ചെക്ക്-ഇൻ പൂർത്തിയാക്കി വിമാന പുറപ്പെടുന്നതിന് നാല് മണിക്കൂർ മുമ്പ് വിമാനത്താവളത്തിൽ എത്തണമെന്ന് കമ്പനി നിർദേശിച്ചു.

Air Arabia റോമിലേക്കും ലണ്ടൻ ഗാറ്റ്‌വിക്കിലേക്കും പുതിയ സർവീസുകൾ ആരംഭിച്ചതായും, ദോഹ–ഫിലാഡൽഫിയ സർവീസ് ഓഗസ്റ്റ് 1 മുതൽ പുനരാരംഭിക്കുമെന്നും അറിയിച്ചു.

അതേസമയം, Oman Air, SalamAir എന്നിവ ഖരീഫ് ടൂറിസം സീസൺ പരിഗണിച്ച് മസ്കറ്റ്–സലാല റൂട്ടിൽ അധിക സർവീസുകളും സീറ്റുകളും ഏർപ്പെടുത്തിയിട്ടുണ്ട്.

യാത്രക്കാർക്ക് നിർദേശം

സുരക്ഷാ സാഹചര്യം മാറിക്കൊണ്ടിരിക്കുന്നതിനാൽ, അന്താരാഷ്ട്ര യാത്രയ്ക്ക് മുമ്പ് ബന്ധപ്പെട്ട എയർലൈനിന്റെ ഔദ്യോഗിക വെബ്‌സൈറ്റിലൂടെയോ മൊബൈൽ ആപ്പിലൂടെയോ ഫ്ലൈറ്റ് സ്റ്റാറ്റസ് നിർബന്ധമായും പരിശോധിക്കണം. യാത്രാസമയത്തിലും റൂട്ടുകളിലും മാറ്റം വരാൻ സാധ്യതയുള്ളതിനാൽ എയർലൈൻ നൽകുന്ന ഏറ്റവും പുതിയ അറിയിപ്പുകൾ ശ്രദ്ധിക്കണമെന്നും അധികൃതർ നിർദേശിച്ചു.

യാത്രക്കാരുടെ ശ്രദ്ധയ്ക്ക്, കുവൈറ്റിലെ ഈ പ്രധാന ഇന്റര്‍സെക്ഷന്‍ ഒരാഴ്ച അടച്ചിടും; ഗതാഗത ക്രമീകരണത്തില്‍ മാറ്റം

Kuwait Merlin Staff Editor — July 18, 2026 · 0 Comment

This major intersection in Kuwait will be closed for a week കുവൈറ്റിലെ പ്രധാന ഗതാഗത പാതകളിലൊന്നായ ഫഹാഹീല്‍ ഇന്റര്‍സെക്ഷന്‍ ശനിയാഴ്ച മുതല്‍ ഒരാഴ്ചത്തേക്ക് താല്‍ക്കാലികമായി അടച്ചിടുമെന്ന് ജനറല്‍ ട്രാഫിക് ഡിപ്പാര്‍ട്ട്‌മെന്റ് അറിയിച്ചു. റോഡ് വികസന-പരിപാലന പ്രവര്‍ത്തനങ്ങളുടെ ഭാഗമായാണ് ഈ നിയന്ത്രണം ഏര്‍പ്പെടുത്തുന്നത്. അടച്ചിടല്‍ കാലയളവില്‍ ബന്ധപ്പെട്ട ജംഗ്ഷനിലൂടെയുള്ള വാഹനഗതാഗതം പൂര്‍ണമായോ ഭാഗികമായോ നിയന്ത്രിക്കപ്പെടും. ഇതുമൂലം ഫഹാഹീല്‍ ഭാഗത്തേക്കും തിരിച്ചും യാത്ര ചെയ്യുന്നവര്‍ക്ക് ബദല്‍ റോഡുകള്‍ ഉപയോഗിക്കണമെന്ന് ട്രാഫിക് അധികൃതര്‍ നിര്‍ദേശിച്ചിട്ടുണ്ട്. റോഡില്‍ സ്ഥാപിക്കുന്ന ദിശാസൂചന ബോര്‍ഡുകളും ട്രാഫിക് പോലീസിന്റെ നിര്‍ദേശങ്ങളും കര്‍ശനമായി പാലിക്കണമെന്നും അഭ്യര്‍ഥിച്ചു. വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

പ്രവര്‍ത്തനങ്ങള്‍ വേഗത്തില്‍ പൂര്‍ത്തിയാക്കി നിശ്ചിത സമയത്തിനുള്ളില്‍ റോഡ് വീണ്ടും തുറക്കാനാണ് ലക്ഷ്യമിടുന്നതെന്ന് അധികൃതര്‍ അറിയിച്ചു. അതിനാല്‍ യാത്രക്കാര്‍ മുന്‍കൂട്ടി യാത്രാസമയം ക്രമീകരിക്കുകയും തിരക്കേറിയ സമയങ്ങളില്‍ സാധ്യമായിടത്തോളം ബദല്‍ മാര്‍ഗങ്ങള്‍ തിരഞ്ഞെടുക്കുകയും ചെയ്യുന്നത് ഗതാഗതക്കുരുക്ക് ഒഴിവാക്കാന്‍ സഹായകരമാകും. 

കുവൈത്തിൽ ഡ്രോൺ ആക്രമണശ്രമം; വ്യോമ പ്രതിരോധ സംവിധാനം സജീവം, പൊട്ടിത്തെറി ശബ്ദങ്ങളിൽ ആശങ്കപ്പെടേണ്ടെന്ന് സൈന്യം

Kuwait Greeshma Staff Editor — July 18, 2026 · 0 Comment

Kuwait hostile drone attack : കുവൈത്ത് സിറ്റി, ജൂലൈ 18: കുവൈത്തിനെ ലക്ഷ്യമിട്ട് എത്തിയ ശത്രു ഡ്രോണുകളെ രാജ്യത്തിന്റെ വ്യോമ പ്രതിരോധ സംവിധാനം നിലവിൽ തടഞ്ഞുനിർത്തുകയാണെന്ന് കുവൈത്ത് സായുധ സേനയുടെ ജനറൽ സ്റ്റാഫ് അറിയിച്ചു.

ഡ്രോണുകളെ വ്യോമ പ്രതിരോധ സംവിധാനം തടയുന്നതിന്റെയും നശിപ്പിക്കുന്നതിന്റെയും ഭാഗമായാണ് ചില പ്രദേശങ്ങളിൽ പൊട്ടിത്തെറി ശബ്ദങ്ങൾ കേൾക്കാൻ സാധ്യതയുള്ളതെന്നും, ജനങ്ങൾ ഇതിൽ ആശങ്കപ്പെടേണ്ടതില്ലെന്നും അധികൃതർ വ്യക്തമാക്കി.

സുരക്ഷാ സാഹചര്യങ്ങൾ കണക്കിലെടുത്ത് ബന്ധപ്പെട്ട സർക്കാർ ഏജൻസികൾ പുറത്തിറക്കുന്ന എല്ലാ സുരക്ഷാ നിർദേശങ്ങളും കർശനമായി പാലിക്കണമെന്ന് കുവൈത്ത് സൈന്യം പൊതുജനങ്ങളോട് അഭ്യർഥിച്ചു.

സ്ഥിതിഗതികൾ സൈന്യം സൂക്ഷ്മമായി നിരീക്ഷിച്ചുവരികയാണെന്നും ആവശ്യമായ എല്ലാ പ്രതിരോധ നടപടികളും സ്വീകരിച്ചിട്ടുണ്ടെന്നും അധികൃതർ അറിയിച്ചു.

മരിച്ചയാള്‍ക്ക് ആശ്രിതര്‍ 53, കുവൈറ്റിലെ വമ്പന്‍ പൗരത്വ തട്ടിപ്പ് വലയില്‍ കൂടുതല്‍ പേര്‍

Kuwait Merlin Staff Editor — July 17, 2026 · 0 Comment

Citizenship scam in Kuwait കുവൈറ്റ്; രാജ്യം കണ്ട ഏറ്റവും വലിയ പൗരത്വ തട്ടിപ്പ് കേസുകളിലൊന്നില്‍ അന്വേഷണം തുടരുന്നതിനിടെ, കുവൈറ്റ് പൗരത്വ അന്വേഷണത്തിനായുള്ള സുപ്രീം കമ്മിറ്റി പുതിയ നടപടികള്‍ സ്വീകരിച്ചു. ഒരു യഥാര്‍ത്ഥ കുവൈറ്റ് പൗരന്റെ ഫയലില്‍ വ്യാജമായി ഉള്‍പ്പെടുത്തിയതായി കണ്ടെത്തിയ മരിച്ച വ്യക്തിയുടെയും അദ്ദേഹത്തിന്റെ പേരില്‍ രജിസ്റ്റര്‍ ചെയ്തിരുന്ന 53 ആശ്രിതരുടെയും പൗരത്വം റദ്ദാക്കാന്‍ കമ്മിറ്റി തീരുമാനിച്ചു.

ഇതിന് മുമ്പ് നടന്ന അന്വേഷണങ്ങളില്‍ 467 പേരുടെ പൗരത്വം റദ്ദാക്കിയിരുന്നു. പുതിയ തീരുമാനത്തോടെ, ഈ ഒരൊറ്റ പൗരത്വ ഫയലുമായി ബന്ധപ്പെട്ട് പൗരത്വം നഷ്ടപ്പെട്ടവരുടെ എണ്ണം 520 ആയി ഉയര്‍ന്നു. അന്വേഷണത്തില്‍, ഈ യഥാര്‍ത്ഥ പൗരത്വ ഫയലിന്റെ ഉടമയുടെ യഥാര്‍ത്ഥ വ്യക്തിത്വം കണ്ടെത്താനുള്ള നടപടികള്‍ ഇപ്പോഴും തുടരുകയാണെന്ന് അധികൃതര്‍ അറിയിച്ചു. ലഭ്യമായ വിവരങ്ങള്‍ പ്രകാരം, അഞ്ച് ഭാര്യമാരുണ്ടായിരുന്ന ഒരാളുടേതാണ് ഈ പൗരത്വ ഫയല്‍. ഇയാളുടെ മൂന്ന് ഭാര്യമാരുടെ പേരില്‍ രജിസ്റ്റര്‍ ചെയ്തിരുന്ന കുട്ടികള്‍ക്ക് ഫയല്‍ ഉടമയുമായി ജീവശാസ്ത്രപരമായ ബന്ധമില്ലെന്ന് മുന്‍ അന്വേഷണങ്ങളില്‍ വ്യക്തമായിരുന്നു. കൂടാതെ, നാലാമത്തെ ഭാര്യയുടെ ഫയലിലും മറ്റൊരു മകനെ വ്യാജമായി ഉള്‍പ്പെടുത്തിയതായും അന്വേഷണ സംഘം കണ്ടെത്തി.

മുന്‍ഘട്ട അന്വേഷണങ്ങളുടെ അടിസ്ഥാനത്തില്‍ മുന്‍ പാര്‍ലമെന്റ് അംഗം, മുന്‍ സര്‍ക്കാര്‍ ഉപദേഷ്ടാവ് ഉള്‍പ്പെടെ നൂറുകണക്കിന് പേരുടെ പൗരത്വം ഇതിനകം റദ്ദാക്കിയിട്ടുണ്ട്. ഏറ്റവും പുതിയ അന്വേഷണത്തില്‍, ഫയല്‍ ഉടമയുടെ മകനായി വ്യാജമായി രജിസ്റ്റര്‍ ചെയ്തിരുന്ന 1947-ല്‍ ജനിച്ച, നിലവില്‍ മരണപ്പെട്ട ഒരാളുടെ രേഖകളില്‍ 53 ആണ്‍-പെണ്‍ മക്കളെ നിയമവിരുദ്ധമായി ചേര്‍ത്തിരുന്നതായും കണ്ടെത്തി. ഇതോടെയാണ് ഇവരുടെയെല്ലാം പൗരത്വം റദ്ദാക്കാനുള്ള നടപടി സ്വീകരിച്ചത്. വ്യാജ പൗരത്വ ശൃംഖലയുമായി ബന്ധപ്പെട്ട മുഴുവന്‍ വിവരങ്ങളും പുറത്തുകൊണ്ടുവരാന്‍ അന്വേഷണം തുടരുകയാണെന്ന് ബന്ധപ്പെട്ട അധികൃതര്‍ അറിയിച്ചു.