Eid Al Adha 2026 ഹിജ്റ വർഷത്തിലെ അവസാന മാസമായ ദുൽ ഹിജ്ജയുടെ തുടക്കം കുറിക്കുന്ന മാസപ്പിറവി തുനീഷ്യയിലും തുർക്കിയിലും സ്ഥിരീകരിച്ചു. ഇരു രാജ്യങ്ങളിലും മെയ് 18 തിങ്കളാഴ്ച ദുൽ ഹിജ്ജ ഒന്നാം തീയതിയായും, മെയ് 27 ബുധനാഴ്ച ബലിപെരുന്നാൾ (ഈദ് അൽ അദ്ഹ) ആയും ഔദ്യോഗികമായി പ്രഖ്യാപിച്ചു. മെയ് 16 ശനിയാഴ്ച ദുൽ ഖഅദ് 29 ആയി പ്രഖ്യാപിച്ച തുനീഷ്യയാണ് ദുൽ ഹിജ്ജ മാസത്തിന്റെ തുടക്കം ആദ്യമായി ഔദ്യോഗികമായി സ്ഥിരീകരിച്ച രാജ്യം.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

നഗ്നനേത്രങ്ങൾ കൊണ്ടുള്ള മാസപ്പിറവി ദർശനത്തിന് പകരം ജ്യോതിശാസ്ത്ര കണക്കുകൂട്ടലുകളെ അടിസ്ഥാനമാക്കിയുള്ള മുൻകൂട്ടി നിശ്ചയിച്ച ഇസ്ലാമിക കലണ്ടർ പിന്തുടരുന്ന തുർക്കിയും മെയ് 18 തിങ്കളാഴ്ച ദുൽ ഹിജ്ജ മാസാരംഭമായി സ്ഥിരീകരിക്കുകയായിരുന്നു. സൗദി അറേബ്യ, യുഎഇ, ഒമാൻ എന്നിവയുൾപ്പെടെയുള്ള ഭൂരിഭാഗം മറ്റ് ഇസ്ലാമിക രാജ്യങ്ങളിലും മെയ് 17 ഞായറാഴ്ചയാണ് ദുൽ ഹിജ്ജ മാസപ്പിറവി നിരീക്ഷിക്കാൻ നിശ്ചയിച്ചിരിക്കുന്നത്. ഈ രാജ്യങ്ങളിലെ അധികൃതർ ഞായറാഴ്ച വൈകുന്നേരം മാസപ്പിറവി നിരീക്ഷിച്ച ശേഷം ഔദ്യോഗിക പെരുന്നാൾ തീയതികൾ പ്രഖ്യാപിക്കും.