വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
Gold rate in uae:ദുബായ്: യുഎഇയിലുടനീളം സ്വർണവിൽപ്പന വർദ്ധിപ്പിക്കാനായി പണിക്കൂലി കുറച്ച് വ്യാപാരികൾ. വിനോദസഞ്ചാരികളുടെ വരവിൽ കുറവുണ്ടായതോടെയാണ് താമസക്കാരെ കേന്ദ്രീകരിച്ച് വിൽപ്പന വർദ്ധിപ്പിക്കാൻ ഈ നീക്കം. ഏപ്രിൽ 19ന് അക്ഷയ തൃതീയ ആയതും ഓഫറുകൾ നൽകാൻ മറ്റൊരു കാരണമായി.
ഇന്നലെ വൈകിട്ട് 24, 22, 21 കാരറ്റ് സ്വർണത്തിന് യഥാക്രമം 578.0 ദിർഹം (14,697.89 രൂപ), 535.25 ദിർഹം (13,610.81രൂപ), 513.25 ദിർഹം (13,051.37 രൂപ) എന്നിങ്ങനെയായിരുന്നു വിപണിവില. അക്ഷയ തൃതീയ ആയതിനാൽ പല ജുവലറികളും പണിക്കൂലി പൂർണമായും ഒഴിവാക്കിയാണ് സ്വർണവിൽപ്പന നടത്തുന്നത്. ‘സ്വർണത്തിന്റെ വില കുറയ്ക്കാൻ ഞങ്ങൾക്ക് സാധിക്കില്ല, പകരം പണിക്കൂലിയിൽ ഇത്തരം ഓഫറുകൾ നൽകുമ്പോൾ കൂടുതൽപേർ സ്വർണം വാങ്ങും. പൊതുവേ സ്വർണവില കൂടിയതോടെ ആളുകൾ വാങ്ങുന്ന സ്വർണത്തിന്റെ അളവ് കുറഞ്ഞിരിക്കുകയാണ്’- ഒരു ജുവലറി ഉടമ പറഞ്ഞു.
‘കഴിഞ്ഞ രണ്ട് മാസമായി ജിസിസി രാജ്യങ്ങളിൽ ഞങ്ങളുടെ വിപണിയുടെ നട്ടെല്ല് അവിടുത്തെ പ്രവാസികൾ ഉൾപ്പെടെയുള്ള താമസക്കാരാണ്. യുദ്ധസാഹചര്യത്തിൽ വിനോദസഞ്ചാരികളുടെ എണ്ണം കുറഞ്ഞു. മാറ്റമില്ലാതെ തുടരുന്നത് പ്രവാസി ഇന്ത്യക്കാരാണ്. അവർ സ്ഥിരമായി സ്വർണത്തിൽ നിക്ഷേപം നടത്തുന്നുണ്ട്. പ്രത്യേകിച്ച് ഗൾഫ് രാജ്യങ്ങളിൽ സ്ഥിരതാമസമാക്കിയവർ. അക്ഷയ തൃതീയ ദിനത്തിൽ കൂടുതൽ പ്രതീക്ഷിക്കുന്നതും മലയാളികൾ ഉൾപ്പെടെയുള്ള ഇന്ത്യക്കാരായ പ്രവാസികളെയാണ്’ – മറ്റൊരു ജുവലറി ഉടമ പറഞ്ഞു.
watsapp new update : ഫോൺ നമ്പറിന് പകരം യൂസർ നെയിം മതി; സുരക്ഷയൊരുക്കി വാട്സ്ആപ്പിന്റെ പുത്തൻ ഫീച്ചർ
Tech April 16, 2026
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
watsapp new update;സുരക്ഷാ മാറ്റങ്ങളുമായി വാട്സ്ആപ്പ്. ആപ്പിളിന്റെ പുതിയ മെസേജിങ്ങ് ആപ്പിനെ വെല്ലുന്ന മാറ്റങ്ങളുമായാണ് വാട്സ്ആപ്പ് രംഗത്തുവന്നിരിക്കുന്നത്. ഇനി മുതൽ ഫോൺ നമ്പർ നൽകാതെ തന്നെ ഉപയോക്താക്കൾക്ക് വാട്സ്ആപ്പ് ഉപയോഗിക്കാൻ സാധിക്കും. എങ്ങനെയന്നല്ലേ ഇനി ഫോൺ നമ്പറിന് പകരം യൂസർ നെയിം ഉപയോഗിക്കാം.
ഇതുവരെ ഒരാൾക്ക് മെസേജ് അയക്കണമെങ്കിൽ ഫോൺ നമ്പർ അത്യാവശ്യമായിരുന്നു. എന്നാൽ, പുതിയ അപ്ഡേറ്റ് വരുന്നതോടെ ടെലിഗ്രാം, സിഗ്നൽ എന്നീ ആപ്പുകളിലേത് പോലെ ഓരോരുത്തർക്കും പ്രത്യേക യൂസർനെയിം നൽകാം. ഇത് ഉപയോഗിച്ച് മറ്റൊരാളെ കോൺടാക്റ്റിൽ ചേർക്കാം. അപരിചിതർക്ക് ഫോൺ നമ്പർ നൽകാൻ ആഗ്രഹിക്കാത്തവർക്ക് ഈ ഫീച്ചർ വലിയ സുരക്ഷ നൽകും.
നേരത്തെ ചിത്രങ്ങളും വിഡിയോകളും ‘വ്യൂ വൺസ്’ ആയി അയക്കാൻ സാധിക്കുമായിരുന്നു. ഇപ്പോൾ സാധാരണ മെസേജുകൾക്കും ഈ സൗകര്യം വരുന്നു. ഈ ബട്ടൺ ഉപയോഗിച്ച് അയക്കുന്ന മെസേജുകൾ വായിച്ചു കഴിഞ്ഞാലുടൻ തനിയെ ഡിലീറ്റായി പോകും. സംഭാഷണങ്ങൾ സ്ഥിരമായി സൂക്ഷിക്കാൻ ആഗ്രഹിക്കാത്തവർക്ക് ഇത് ഏറെ ഉപകാരപ്പെടും.
വാട്സാപ്പിലെ മെസേജുകൾ സുരക്ഷിതമാണെന്ന് കമ്പനി അവകാശപ്പെടുമ്പോഴും ഗൂഗ്ൾ, ആപ്പിൾ ക്ലൗഡ് സ്റ്റോറേജുകളിൽ സൂക്ഷിക്കുന്ന ബാക്കപ്പുകളെക്കുറിച്ച് വിമർശനം ഉയരുന്നുണ്ട്. ടെലിഗ്രാം മേധാവി പാവൽ ദുറോവ് പറയുന്നത് പ്രകാരം, വാട്സാപ്പിലെ ഏകദേശം 95 ശതമാനം മെസേജുകളും എൻക്രിപ്ഷൻ ഇല്ലാതെയാണ് ക്ലൗഡിൽ സൂക്ഷിക്കപ്പെടുന്നത്. ബാക്കപ്പ് എൻക്രിപ്ഷൻ ഫീച്ചർ ഭൂരിഭാഗം ആളുകളും ഉപയോഗിക്കാത്തത് വലിയ സുരക്ഷ ഭീഷണിയാണെന്നും റിപ്പോർട്ടുകൾ ചൂണ്ടിക്കാട്ടുന്നു.ഐഫോൺ ഉപയോക്താക്കൾക്കായി ആപ്പിൾ പുതിയ സുരക്ഷ ക്രമീകരണങ്ങൾ കൊണ്ടുവരുന്നതിന് തൊട്ടുമുമ്പാണ് വാട്സാപ്പിന്റെ ഈ നീക്കം എന്നത് ശ്രദ്ധേയമാണ്.
