വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
Chartered Flights:ദുബൈ: പശ്ചിമേഷ്യയിലെ സംഘര്ഷാവസ്ഥയെത്തുടര്ന്ന് വിമാനങ്ങള് റദ്ദാക്കപ്പെട്ടതോടെ യു.എ.ഇയില് കുടുങ്ങിയ മലയാളി പ്രവാസികളെ നാട്ടിലെത്തിക്കാന് ഊര്ജ്ജിത നീക്കം. ചാര്ട്ടേഡ് വിമാനങ്ങള്ക്കും ഒമാന് വഴിയുള്ള ബദല് യാത്രകള്ക്കും പുറമെ, പ്രമുഖ എയര്ലൈനുകള് നിയന്ത്രിതമായി സര്വീസുകള് പുനരാരംഭിച്ചതും പ്രവാസികള്ക്ക് തുണയാകും. നാട്ടിലേക്ക് മടങ്ങാന് അടിയന്തര സാഹചര്യമുള്ളവര്ക്കായി വിവിധ ട്രാവല് ഏജന്സികള് ചാര്ട്ടേഡ് വിമാനങ്ങള് ഏര്പ്പെടുത്തിയിട്ടുണ്ട്. അവ ഇപ്രകാരമാണ്:
* അക്ബര് ട്രാവല്സ്: ഫുജൈറയില് നിന്ന് ഇന്ന് (ബുധന്) രാത്രി കൊച്ചിയിലേക്ക് പ്രത്യേക വിമാനം സര്വീസ് നടത്തും. കൊച്ചി വിമാനത്തില് സീറ്റ് ആവശ്യമുള്ളവര് 050 372 6270 എന്ന നമ്പറില് ബന്ധപ്പെടണം.
* സ്മാര്ട്ട് ട്രാവല്സ്: ഫുജൈറ, ദുബൈ, റാസല്ഖൈമ എന്നിവിടങ്ങളില് നിന്ന് ചാര്ട്ടേഡ് വിമാനങ്ങള് ഒരുക്കിയിട്ടുണ്ട്. ഫുജൈറയില് നിന്ന് കൊച്ചി, ഡല്ഹി, മുംബൈ എന്നിവിടങ്ങളിലേക്ക് സര്വീസുകള് ഉണ്ടാകും. കൂടുതല് വിവരങ്ങള്ക്ക്: 0544474279.
മസ്കത്ത് വഴി നാട്ടിലെത്താം
ദുബൈ, അബുദാബി വിമാനത്താവളങ്ങളിലെ തിരക്ക് ഒഴിവാക്കാന് ഒമാന് എയര് വഴി മസ്കത്തിലെത്തി അവിടെ നിന്ന് ഇന്ത്യയിലേക്ക് പോകാനുള്ള സൗകര്യവും പ്രഖ്യാപിച്ചു. ഷാര്ജ അല് ജുബൈല് ബസ് സ്റ്റേഷനില് നിന്ന് ഒമാന് എയറിന്റെ പ്രത്യേക ബസുകളില് മസ്കത്തിലേക്ക് പോകാം. മെയ് 5 വരെയാണ് ഈ സൗകര്യം. യാത്രക്കാര് ഒമാന് ഈവിസ (evisa.rop.gov.om) മുന്കൂട്ടി കരസ്ഥമാക്കണം.
ബസ് സമയം: രാവിലെ 7:00 നും ഉച്ചയ്ക്ക് 1:00 നും ഷാര്ജയില് നിന്ന് ബസുകള് പുറപ്പെടും.
EaseMyTrip പാക്കേജുകള്: ബസ് യാത്ര, ഹോട്ടല് താമസം, മുംബൈയിലേക്കുള്ള വിമാന ടിക്കറ്റ് എന്നിവ ഉള്പ്പെടുന്ന പ്രത്യേക പാക്കേജുകളും ലഭ്യമാണ്. വിവരങ്ങള്ക്ക്: 800035704519.
വിമാന സര്വീസുകള് പുനരാരംഭിക്കുന്നു
ഇറാന്- ഇസ്റാഈല് സംഘര്ഷത്തെത്തുടര്ന്ന് നിര്ത്തിവെച്ച സര്വീസുകള് എമിറേറ്റ്സ്, ഫ്ലൈ ദുബൈ എന്നിവ ഭാഗികമായി പുനരാരംഭിച്ചു. ഇത്തിഹാദ് എയര്വേയ്സ് കൊച്ചി, ബംഗളൂരു എന്നിവിടങ്ങളിലേക്ക് പ്രത്യേക റീപാട്രിയേഷന് സര്വീസുകള് നടത്തി. എന്നാല്, വിമാനക്കമ്പനികളില് നിന്ന് കൃത്യമായ സ്ഥിരീകരണം ലഭിക്കാതെ യാത്രക്കാര് വിമാനത്താവളങ്ങളിലേക്ക് എത്തരുതെന്ന് അധികൃതര് കര്ശന നിര്ദേശം നല്കിയിട്ടുണ്ട്. നേരത്തെ ടിക്കറ്റ് ബുക്ക് ചെയ്ത് യാത്ര മുടങ്ങിയവര്ക്കായിരിക്കും നിലവില് മുന്ഗണന.
അടിയന്തര സേവനങ്ങള്ക്ക്:
- Toll-free number: 800-46342
- WhatsApp: +971 543 090571
Watch video: ദുബായിലെ അമേരിക്കൻ കോൺസുലേറ്റിന് നേരെ ഡ്രോൺ ആക്രമണം, പിന്നാലെ തീപിടിത്തം
UAE March 4, 2026
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
Watch video; ദുബായ്: ദുബായിലെ അമേരിക്കൻ കോൺസുലേറ്റിന് നേരെ ഇറാൻ്റെ ആക്രമണം. ഡ്രോൺ ആക്രമണത്തിൽ കോൺസുലേറ്റിന് സമീപത്ത് ചെറിയ തോതിൽ തീപിടിത്തമുണ്ടായതായാണ് റിപ്പോർട്ട്. വിവരമറിഞ്ഞ ഉടൻ സ്ഥലത്തെത്തിയ ദുബായ് സിവിൽ ഡിഫൻസ് വിഭാഗം തീ അണച്ചു. സംഭവത്തിൽ ആർക്കും പരിക്കേറ്റിട്ടില്ലെന്ന് ദുബായ് ഗവൺമെന്റ് മീഡിയ ഓഫീസ് അറിയിച്ചു.
ആക്രമണം റിപ്പോർട്ട് ചെയ്ത ഉടൻ തന്നെ ദുബായ് എമർജൻസി ടീമുകൾ സ്ഥലത്തെത്തി തീ നിയന്ത്രണ വിധേയമാക്കി. വൻ ദുരന്തം ഒഴിവാക്കാൻ അതിവേഗത്തിലുള്ള ഇടപെടലിലൂടെ സാധിച്ചതായി അധികൃതർ വ്യക്തമാക്കി. ഡ്രോൺ ആക്രമണത്തിലാണ് തീപിടിത്തമുണ്ടായത്. ഇതുമായി ബന്ധപ്പെട്ട കൂടുതൽ അന്വേഷണങ്ങൾ നടന്നു വരികയാണ്. സംഭവസ്ഥലത്ത് ഉണ്ടായിരുന്നവർക്കോ ഉദ്യോഗസ്ഥർക്കോ പരിക്കേറ്റതായി വിവരമില്ല. ദുബായ് മീഡിയ ഓഫീസ് സോഷ്യൽ മീഡിയ പ്ലാറ്റ്ഫോമുകൾ വഴിയാണ് വിവരം പുറത്തുവിട്ടത്. നിലവിൽ സ്ഥിതിഗതികൾ ശാന്തമാണെന്നും ആശങ്കപ്പെടേണ്ട സാഹചര്യമില്ലെന്നും അധികൃതർ കൂട്ടിച്ചേർത്തു
Sharjah Police:ഷാർജയിൽ അനധികൃത പടക്ക വിൽപ്പന: ഒരാൾ അറസ്റ്റിൽ!
റമദാൻ മാസത്തിന് മുന്നോടിയായി ഷാർജയിൽ അനധികൃതമായി പടക്കങ്ങൾ ശേഖരിക്കുകയും വിൽക്കാൻ ശ്രമിക്കുകയും ചെയ്ത ഏഷ്യൻ വംശജനെ ഷാർജ പോലീസ് അറസ്റ്റ് ചെയ്തു. രഹസ്യവിവരത്തിന്റെ അടിസ്ഥാനത്തിൽ പോലീസ് നടത്തിയ പരിശോധനയിൽ ഇയാളുടെ പക്കൽ നിന്ന് വൻതോതിലുള്ള പടക്കശേഖരം കണ്ടെത്തുകയും അവ കണ്ടുകെട്ടുകയും ചെയ്തു. പ്രതിയെ കൂടുതൽ നിയമനടപടികൾക്കായി പബ്ലിക് പ്രോസിക്യൂഷന് കൈമാറിയിട്ടുണ്ട്. ലൈസൻസില്ലാതെ പടക്കങ്ങൾ വിൽക്കുന്നതും കൈവശം വെക്കുന്നതും യുഎഇയിൽ കടുത്ത ശിക്ഷ ലഭിക്കാവുന്ന കുറ്റമാണെന്നും, പടക്കങ്ങൾ ഉണ്ടാക്കുന്ന അപകടങ്ങളെക്കുറിച്ച് പൊതുജനങ്ങൾ ബോധവാന്മാരായിരിക്കണമെന്നും ഷാർജ പോലീസ് മുന്നറിയിപ്പ് നൽകി
യുഎഇ വിപണികൾ സുരക്ഷിതം; അവശ്യസാധനങ്ങൾക്ക് തടസ്സമുണ്ടാകില്ലെന്ന് മന്ത്രാലയം
UAE March 3, 2026
യുഎഇയിലെ തന്ത്രപ്രധാനമായ കരുതൽ ശേഖരം (Strategic Reserves) പൂർണ്ണമായും സുരക്ഷിതമാണെന്നും വിപണികളിൽ ഉൽപ്പന്നങ്ങളുടെ ലഭ്യതയിൽ യാതൊരു തടസ്സവുമില്ലെന്നും സാമ്പത്തിക മന്ത്രാലയം ഔദ്യോഗികമായി സ്ഥിരീകരിച്ചു. നിലവിലെ പ്രാദേശിക സാഹചര്യങ്ങൾ കണക്കിലെടുത്ത് ഉപഭോക്താക്കൾക്കിടയിൽ ആശങ്കയുടെ ആവശ്യമില്ലെന്നും ഭക്ഷ്യവസ്തുക്കൾ ഉൾപ്പെടെയുള്ള എല്ലാ അവശ്യസാധനങ്ങളും വിപണികളിൽ സുഗമമായി ലഭ്യമാകുമെന്നും അധികൃതർ ഉറപ്പുനൽകുന്നു. രാജ്യത്തെ സപ്ലൈ ചെയിൻ (Supply Chain) സംവിധാനം ശക്തമായി തുടരുന്നതിനോടൊപ്പം തന്നെ, സാധനങ്ങളുടെ വിലക്കയറ്റം തടയുന്നതിനും പൂഴ്ത്തിവെപ്പ് ഒഴിവാക്കുന്നതിനുമായി വിപണികളിൽ മന്ത്രാലയം കർശന നിരീക്ഷണം ഏർപ്പെടുത്തിയിട്ടുണ്ട്. സാധാരണ രീതിയിൽ തന്നെ വിപണികളെ സമീപിക്കാമെന്നും അനാവശ്യമായി സാധനങ്ങൾ വാരിക്കൂട്ടേണ്ട സാഹചര്യം നിലവിലില്ലെന്നും മന്ത്രാലയം പൊതുജനങ്ങളെ അറിയിച്ചു.
