Eid Al Fitr holidays trip; ദുബായ്∙ വരാനിരിക്കുന്ന പെരുന്നാൾ (ഈദ് അൽ ഫിത്ർ) അവധിക്കാലം ആഘോഷിക്കാൻ വിദേശയാത്ര ആസൂത്രണം ചെയ്യുന്നവർക്ക് ബജറ്റിലൊതുങ്ങുന്ന മികച്ച ഓപ്ഷനാണ് ഒമാൻ റോഡ് ട്രിപ്പ്. വിമാനയാത്രയെ അപേക്ഷിച്ച് ചെലവ് കുറവാണെന്നു മാത്രമല്ല, പ്രകൃതിഭംഗി ആസ്വദിച്ചുള്ള യാത്ര പുതിയൊരു അനുഭവവുമായിരിക്കും. യുഎഇ താമസക്കാർക്കും ജിസിസി പൗരന്മാർക്കും അതിർത്തിയിൽ എളുപ്പത്തിൽ വീസ ലഭ്യമാകുമെന്നതാണ് പ്രധാന ആകർഷണം. റമസാൻ വ്രതാനുഷ്ഠാനങ്ങൾക്ക് പിന്നാലെ എത്തുന്ന പെരുന്നാൾ അവധി ഒൻപത് ദിവസം വരെ നീളാൻ സാധ്യതയുള്ളതിനാൽ ഒമാനിലേക്ക് സഞ്ചാരികളുടെ വൻ തിരക്കാണ് പ്രതീക്ഷിക്കുന്നത്

റോഡ് മാർഗം ഒമാനിലേക്ക് തിരിക്കും മുൻപ് ശ്രദ്ധിക്കേണ്ട കാര്യങ്ങൾ
വീസ എങ്ങനെ ലഭിക്കും?– യുഎഇയിൽ താമസവിസയുള്ളവർക്ക് ഒമാനിലേക്ക് പോകാൻ മുൻകൂട്ടി വീസ എടുക്കേണ്ടതില്ല. അതിർത്തിയിലെ ഇമിഗ്രേഷൻ കൗണ്ടറിൽ നിന്ന് നേരിട്ട് വീസ (വീസ ഓൺ അറൈവൽ) ലഭിക്കും.

കാലാവധി: ഇത്തരത്തിൽ ലഭിക്കുന്ന വീസയിൽ 14 ദിവസം വരെ ഒമാനിൽ തങ്ങാം.

കൂടുതൽ ദിവസം താമസിക്കണമെങ്കിൽ: 14 ദിവസത്തിൽ കൂടുതൽ താമസിക്കാൻ പ്ലാൻ ഉണ്ടെങ്കിൽ മുൻകൂട്ടി ‘ഇ-വീസ’ എടുക്കണം. ഇത് 30 ദിവസം വരെ തങ്ങാൻ അനുമതി നൽകും. ഇ-വീസ ലഭിക്കാൻ സാധാരണയായി 4 മുതൽ 5 പ്രവൃത്തിദിവസങ്ങൾ വരെ എടുക്കും.

ചെലവ്: അതിർത്തിയിൽ വീസ ലഭിക്കാൻ 5 ഒമാനി റിയാൽ (ഏകദേശം 47 ദിർഹം) നൽകണം. കൂടാതെ യുഎഇ അതിർത്തി കടക്കുമ്പോൾ 35 ദിർഹം എക്സിറ്റ് ഫീസും നൽകേണ്ടതുണ്ട്.

ആവശ്യമായ രേഖകൾ
∙ ആറുമാസമെങ്കിലും കാലാവധിയുള്ള പാസ്‌പോർട്ട്.
∙ വാലിഡ് ആയ എമിറേറ്റ്സ് ഐഡി.
∙ വാഹനത്തിന്റെ ഇൻഷുറൻസ് രേഖകൾ.
∙ ഡ്രൈവിങ് ലൈസൻസ്.
∙ വാഹനത്തിന്റെ ഉടമസ്ഥാവകാശ രേഖ (മുൽക്കിയ).

വാഹനം ഇൻഷുറൻസ്: ‘ഓറഞ്ച് കാർഡ്’ പ്രധാനം
യുഎഇയിലെ പ്രമുഖ ഇൻഷുറൻസ് കമ്പനികളെല്ലാം ഒമാനിലേക്കും കവറേജ് നൽകാറുണ്ട്. നിങ്ങളുടെ ഇൻഷുറൻസ് പോളിസിയിൽ ഒമാൻ കവറേജ് ഉണ്ടോ എന്ന് മുൻകൂട്ടി പരിശോധിക്കുക. ഇൻഷുറൻസ് ഇല്ലെങ്കിൽ അതിർത്തിയിലെ കിയോസ്കുകളിൽ നിന്ന് അഞ്ചു ദിവസത്തേക്ക് കുറഞ്ഞത് 106 ദിർഹം നൽകി ഇൻഷുറൻസ് എടുക്കാം. ഇതിനെയാണ് ‘ഓറഞ്ച് കാർഡ്’ എന്ന് വിളിക്കുന്നത്. അതിർത്തിയിൽ നിന്ന് ലഭിക്കുന്നത് തേർഡ് പാർട്ടി ഇൻഷുറൻസ് മാത്രമായിരിക്കും.

ശ്രദ്ധിക്കേണ്ട 5 അതിർത്തി കവാടങ്ങൾ
നിങ്ങൾ പോകുന്ന സ്ഥലത്തിനനുസരിച്ച് വേണം അതിർത്തി തിരഞ്ഞെടുക്കാൻ. അൽ ദാറ (റസൽഖൈമ) വഴി മുസന്ദം, ഖസബ് ഭാഗങ്ങളിലേക്ക് പോകുന്നവർക്ക് ഈ വഴി തിരഞ്ഞെടുക്കാം. ഡോൾഫിൻ ക്രൂയിസിനും സ്നോർക്കലിങ്ങിനും പ്രശസ്തമാണിവിടം

മുസന്ദമിന്റെ തെക്ക് ഭാഗങ്ങളിലേക്കുള്ള എളുപ്പവഴി ഫുജൈറ ദിബ്ബ വഴിയാണ്. ഖത്മത് മിലാഹ (ഫുജൈറ)യാണ് മറ്റൊരു വഴി. സോഹാർ, മസ്കറ്റ് നഗരങ്ങളിലേക്ക് പോകാൻ ഈ പാത ഉപയോഗിക്കാം. ഹത്ത/അൽ വജാജ മസ്കത്തിലേക്കുള്ള ഏറ്റവും പ്രധാനപ്പെട്ട കവാടമാണിത്. പ്രശസ്ത വിനോദസഞ്ചാര കേന്ദ്രമായ സലാലയിലേക്ക് പോകുന്നവർ മെസ്യാദ് (അൽ ഐൻ) അതിർത്തിയാണ് ഉപയോഗിക്കേണ്ടത്.

വാഹനം വാടകയ്ക്ക് എടുത്തതാണോ?
സ്വന്തം പേരിലല്ലാത്ത വാഹനം അല്ലെങ്കിൽ റെന്റൽ കാറാണ് ഉപയോഗിക്കുന്നതെങ്കിൽ കാർ ഉടമയുടെയോ റെന്റൽ കമ്പനിയുടെയോ സാക്ഷ്യപ്പെടുത്തിയ എൻഒസി (നോ ഓബ്ജക് ഷൻ സർട്ടിഫിക്കറ്റ്) കൈവശം കരുതണം. ഇത് അറബിക് ഭാഷയിലേക്ക് തർജ്ജമ ചെയ്തതായിരിക്കണം. വാഹനത്തിന്റെ ചേസിസ് നമ്പറും നിങ്ങളുടെ എമിറേറ്റ്സ് ഐഡി നമ്പറും ഇതിൽ കൃത്യമായി രേഖപ്പെടുത്തണം. അതിർത്തിയിലെ പരിശോധനകൾക്ക് ശേഷം കസ്റ്റംസ് ഉദ്യോഗസ്ഥർ നിങ്ങളുടെ വാഹനം പരിശോധിക്കും. ഇതിന് ശേഷമാണ് ഒമാനിലേക്ക് പ്രവേശനം അനുവദിക്കുക.

ലക്ഷപ്രഭുവാകാം! ദുബൈയിൽ ഭാഗ്യശാലികളെ കാത്തിരിക്കുന്നത് 4 ലക്ഷം ദിർഹം; എങ്ങനെയെന്നറിയണ്ടേ?അറിയാം

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ദുബൈ: ഈ റമദാനിൽ നിങ്ങളുടെ സർഗ്ഗാത്മകതയ്ക്ക് ലക്ഷങ്ങൾ പ്രതിഫലം ലഭിച്ചാൽ എങ്ങനെയിരിക്കും ? ദുബൈ നിവാസികൾക്കായി വൻ സമ്മാനത്തുകയുമായി ‘ബെസ്റ്റ് ഡെക്കറേറ്റഡ് റമദാൻ ഹോംസ്’ മത്സരം നടത്തുന്നു. വീടിന്റെ മുൻഭാഗം റമദാൻ ശോഭയിൽ മനോഹരമായി അലങ്കരിക്കുന്നവർക്കായി 400,000 ദിർഹം (ഏകദേശം 90 ലക്ഷത്തിലധികം ഇന്ത്യൻ രൂപ) ആണ് ആകെ സമ്മാനമായി നൽകുന്നത്. ബ്രാൻഡ് ദുബൈ, എമറാത്ത് അൽ യൂം പത്രവുമായി സഹകരിച്ച് സംഘടിപ്പിക്കുന്ന മത്സരത്തിൽ 15 വിജയികളെയാണ് തിരഞ്ഞെടുക്കുന്നത്. ആരെല്ലാം വിജയിക്കും? സമ്മാനത്തുക ഇങ്ങനെ വിവിധ വിഭാഗങ്ങളിലായി 15 കുടുംബങ്ങൾക്കാണ് ക്യാഷ് പ്രൈസുകൾ ലഭിക്കുക ഒന്നാം സ്ഥാനം: 100,000 ദിർഹം രണ്ടാം സ്ഥാനം: 80,000 ദിർഹം മൂന്നാം സ്ഥാനം: 60,000 ദിർഹം നാലാം സ്ഥാനം: 40,000 ദിർഹം അഞ്ചാം സ്ഥാനം: 20,000 ദിർഹം കൂടാതെ മികച്ച രീതിയിൽ അലങ്കരിക്കുന്ന മറ്റ് 10 പേർക്ക് 10,000 ദിർഹം വീതവും ലഭിക്കും. എങ്ങനെ പങ്കെടുക്കാം? ദുബൈയിൽ താമസിക്കുന്ന ഏതൊരാൾക്കും ഈ മത്സരത്തിൽ പങ്കാളികളാകാം. അതിനായി ചെയ്യേണ്ടത് ഇത്രമാത്രം: നിങ്ങളുടെ വീടിന്റെ മുൻഭാഗം റമദാൻ തീമിലുള്ള ലൈറ്റുകളും അലങ്കാരങ്ങളും ഉപയോഗിച്ച് ആകർഷകമാക്കുക. അലങ്കരിച്ച വീടിന്റെ മനോഹരമായ ഒരു വീഡിയോ ചിത്രീകരിക്കുക. ഈ വീഡിയോ നിങ്ങളുടെ ഇൻസ്റ്റാഗ്രാം അക്കൗണ്ടിൽ (Public Account) അപ്‌ലോഡ് ചെയ്യുക. പോസ്റ്റ് ചെയ്യുമ്പോൾ #Dubai_Best_Decorated_Ramadan_Homes_2026 എന്ന ഹാഷ്‌ടാഗ് ഉപയോഗിക്കാനും @branddubai ടാഗ് ചെയ്യാനും മറക്കരുത്.

മത്സരത്തിൽ പങ്കെടുക്കാനുള്ള അവസാന തീയതി 2026 മാർച്ച് 11 ആണ്. റമദാൻ മാസത്തിന്റെ പവിത്രതയും ഐക്യവും വിളിച്ചോതുന്ന തരത്തിലുള്ള അലങ്കാരങ്ങൾക്കാണ് മുൻഗണന നൽകുക. വ്യക്തിപരമായ ഒരു പാരമ്പര്യത്തെ നഗരത്തിന്റെ കൂട്ടായ ആഘോഷമാക്കി മാറ്റാനാണ് പദ്ധതിയിലൂടെ ലക്ഷ്യമിടുന്നതെന്ന് ബ്രാൻഡ് ദുബൈ ഡയറക്ടർ ഷൈമ അൽ സുവൈദി പറഞ്ഞു. ഓരോ വീടും പ്രകാശിക്കുമ്പോൾ അത് ആ അയൽപക്കത്തിന്റെ മുഴുവൻ ഊർജ്ജമായി മാറുമെന്നും അവർ കൂട്ടിച്ചേർത്തു. റമദാൻ പ്രമാണിച്ച് വീട് അലങ്കരിക്കാൻ പ്ലാൻ ചെയ്യുന്നവർക്ക് ഇത് ഒരു മികച്ച അവസരമാണ്.  

റിച്ചാർഡിന്റെ കോൾ വന്ന നിമിഷം ഞാൻ ഏതാണ്ട് ഊഹിച്ചു ; എന്നാൽ ഇത് അതുക്കും മെലെ, ബിഗ് ടിക്കറ്റ് – മൂന്നാം ഇ-ഡ്രോയിൽ രണ്ട് ഇന്ത്യക്കാർക്ക് 50,000 ദിർഹം സമ്മാനം

Two Indians Win AED 50,000 Each in Big Ticket ബിഗ് ടിക്കറ്റ് ഫെബ്രുവരി മാസത്തിലെ ഇ-ഡ്രോകൾ തുടരുകയാണ്. മൂന്നാമത്തെ ഇ-ഡ്രോയിൽ നാല് വിജയികളെ പ്രഖ്യാപിച്ചു. ഇന്ത്യയിലും ബംഗ്ലാദേശിൽ നിന്നുമുള്ളവരാണ് സമ്മാനം നേടിയത്. ഓരോരുത്തരും 50,000 വീതം സ്വന്തമാക്കി. ഇന്ത്യയിൽ നിന്നുള്ള വിജയികളിൽ ഒരാൾ ഗോപകുമാർ ദിവാകരൻ പിള്ളയാണ്. ഓൺലൈൻ ആയി എടുത്ത 369813 എന്ന ടിക്കറ്റിലൂടെയാണ് അദ്ദേഹം ഡ്രോയിൽ സമ്മാനം നേടിയത്. ഇന്ത്യയിൽ നിന്നുള്ള രണ്ടാമത്തെ വിജയി ഹൈദരാബാദ് സ്വദേശിയായ സന്ധ്യ പ്രദീപ് ആണ്. ഷാർജയിൽ കുടുംബത്തോടൊപ്പം ഒരു ദശകത്തിന് മുകളിലായി താമസിക്കുകയാണ് സന്ധ്യ. സുഹൃത്തുക്കളായ 20 പേർക്കൊപ്പമാണ് സന്ധ്യ ബിഗ് ടിക്കറ്റിൽ പങ്കെടുത്തത്.

“റിച്ചാർഡിന്റെ കോൾ എടുത്ത നിമിഷംതന്നെ എനിക്ക് എന്താണ് സംഭവിക്കുന്നതെന്ന് മനസ്സിലായി. പക്ഷേ, അത് പൂർണമായും അറിഞ്ഞപ്പോൾ ഞെട്ടിപ്പോയി. ഞാൻ വീണ്ടും വെബ്സൈറ്റ് പരിശോധിച്ചു. ലൈവ് വീഡിയോ വീണ്ടും കണ്ടു.” – സന്ധ്യ പറയുന്നു. ബംഗ്ലാദേശിൽ നിന്നുള്ളവരാണ് മറ്റു രണ്ടു വിജയികളും. അജ്മാനിൽ കട നടത്തുന്ന മുഹമ്മദ് റാണയാണ് ഒരു വിജയി. തനിച്ച് എടുത്ത ബിഗ് ടിക്കറ്റിലൂടെയാണ് അദ്ദേഹത്തിന് സമ്മാനം ലഭിച്ചത്. സമ്മാനത്തുക എന്തിനുവേണ്ടി ചെലവഴിക്കും എന്നതിൽ ഇതുവരെ അദ്ദേഹം തീരുമാനം എടുത്തിട്ടില്ല.

ബംഗ്ലാദേശിൽ നിന്നുള്ള എം.ഡി ജമിൽ ഹൊസൈനാണ് രണ്ടാമത്തെ വിജയി. 14 പേർക്കൊപ്പമാണ് ഇത്തവണ അദ്ദേഹം ബിഗ് ടിക്കറ്റിൽ പങ്കെടുത്തത്.

ഉറക്കത്തിലായിരുന്ന ഹൊസൈൻ കോൾ മിസ് ചെയ്തു. പിന്നീട് നമ്പർ തിരിച്ചറിഞ്ഞപ്പോൾ, ഉടൻതന്നെ ഫലം പരിശോധിച്ചു. “വലിയൊരു ഞെട്ടലായിരുന്നു അത്. ഇപ്പോഴും വിശ്വസിക്കാൻ കഴിയുന്നില്ല.” – 29 വയസ്സുകാരനായ ഹൊസൈൻ പറഞ്ഞു. ഫെബ്രുവരിയിലെ 15 മില്യൺ ദിർഹം ഗ്രാൻഡ് പ്രൈസിന്റെ ലൈവ് ഡ്രോ മാർച്ച് മൂന്നിന് നടക്കും. ഇത് കൂടാതെ 100,000 ദിർഹംവീതം അഞ്ച് പേർക്ക് ലഭിക്കും. നാല് ഇ-ഡ്രോകളും ഈ മാസം ഉണ്ടാകും. നാല് വിജയികൾക്ക് ആഴ്ച്ചതോറും 50,000 ദിർഹംവീതം നേടാം. ഇനി ഒരു വീക്കിലി ഇ-ഡ്രോ മാത്രമേ അവശേഷിക്കുന്നുള്ളൂ.

ബിഗ് വിൻ മത്സരം അവസാനിച്ചു. പക്ഷേ, ബിഗ് ടിക്കറ്റ് ഡ്രീം കാർ സീരീസ് തുടരും. മാർച്ച് മൂന്നിന് റേഞ്ച് റോവ‍ർ വെലാർ, ഏപ്രിൽ മൂന്നിന് മസെരാറ്റി ഗ്രെക്കാലേ എന്നിവയാണ് സമ്മാനങ്ങൾ. ബിഗ് ടിക്കറ്റിലും ഡ്രീം കാർ ടിക്കറ്റിലും ബൈ 2 ഗെറ്റ് 2 ഓഫറുകൾ ലഭ്യമാണെന്നും ബിഗ് ടിക്കറ്റ് അറിയിച്ചു.

കനത്ത മൂടൽമഞ്ഞിൽ കുടുങ്ങി ദുബായ്, അപകടങ്ങളും വർധിക്കുന്നു, പ്രവാസികൾക്ക് ജാഗ്രത നിർദേശം

UAE Greeshma Staff Editor — February 26, 2026 · 0 Comment

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

Dubai fog alert today ദുബായ്: യുഎഇയിൽ വരും ദിവസങ്ങളിൽ കാലാവസ്ഥയിൽ വലിയ മാറ്റമുണ്ടാകുമെന്ന് അറിയിപ്പ്. നാഷണൽ സെന്റർ ഓഫ് മെറ്റീരിയോളജിയുടെ പുതിയ റിപ്പോർട്ടിലാണ് ഈ വിവരം. താപനില കുറയുന്നതിനൊപ്പം രാജ്യത്തിന്റെ വിവിധ ഭാഗങ്ങളിൽ ശക്തമായ മൂടൽമഞ്ഞിനും കടൽ പ്രക്ഷുബ്ധമാകാനും സാധ്യതയുണ്ട്. അതിനാൽ പ്രവാസികൾ ജാഗ്രത പാലിക്കണമെന്നും അധികൃതർ നൽകുന്ന നിർദേശങ്ങൾക്ക് അനുസരിച്ച് കാര്യങ്ങൾ നീക്കണമെന്നും അറിയിച്ചു. അടുത്ത ദിവസങ്ങളിൽ രാത്രിയിലും പുലർച്ചെയും അന്തരീക്ഷത്തിൽ ഈർപ്പം വർധിക്കുകയും ഇത് കനത്ത മൂടൽമഞ്ഞിന് കാരണമാകുകയും ചെയ്യും.

എന്നാൽ പകൽ സമയങ്ങളിൽ ആകാശം ഭാഗികമായി മേഘാവൃതമായിരിക്കുമെന്നാണ് അറിയിപ്പ്. കൂടാതെ തീരദേശങ്ങളിൽ 24°C മുതൽ 29°C വരെയും ഉൾനാടൻ പ്രദേശങ്ങളിൽ 27°C മുതൽ 32°C വരെയാണ് നിലവിൽ രേഖപ്പെടുത്തുന്ന താപനില. മണിക്കൂറിൽ 40 കിലോമീറ്റർ വരെ വേഗതയിൽ കാറ്റ് വീശാനും സാധ്യതയുണ്ട്.

അതേസമയം ശനിയാഴ്ച താപനിലയിൽ നേരിയ വർധനവ് ഉണ്ടാകുമെങ്കിലും തിങ്കളാഴ്ചയോടെ വീണ്ടും തണുപ്പ് കൂടുമെന്നാണ് അറിയിപ്പ്. ഈ കാലാവസ്ഥ മാറ്റത്തിനൊപ്പം അറേബ്യൻ ഗൾഫിൽ കടൽ അതീവ പ്രക്ഷുബ്ധമായിരിക്കുകയും ചെയ്യും. വൈകുന്നേരത്തോടെ തിരമാലകൾ ശക്തമാകാൻ സാധ്യതയുള്ളതിനാൽ കടലിൽ പോകുന്നവരും വിനോദസഞ്ചാരികളും ജാഗ്രത പാലിക്കണമെന്നും അറിയിച്ചു.

അതേസമയം കനത്ത മൂടൽമഞ്ഞിനെ തുടർന്ന് ദുബായ് പോലീസിന് 8,263 അടിയന്തര കോളുകളാണ് ഹോട്ട്‌ലൈൻ വഴി ലഭിച്ചത്. മൂടൽമഞ്ഞ് കാരണം കാഴ്ചപരിധി കുറഞ്ഞത് അപകടങ്ങൾക്കും തിരക്കിനും കാരണമാകുകയും ചെയ്തു. കൂടാതെ തിങ്കൾ, ചൊവ്വ ദിവസങ്ങളിൽ പുലർച്ചെ 3 മണി മുതൽ രാവിലെ 10 മണി വരെയുള്ള സമയത്താണ് കൂടുതൽ കോളുകളും ലഭിച്ചത്.

റമദാൻ മാസത്തിൽ യുഎഇയിൽ പാർട്ട് ടൈം ജോലി ചെയ്യാമോ? ഇതാ മിക്ക പ്രവാസികളുടെയും സംശയത്തിനുള്ള മറുപടി

UAE Greeshma Staff Editor — February 26, 2026 · 0 Comment

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

Part-time job UAE Ramadan 2026 ദുബായ്: റമദാൻ മാസത്തിൽ യുഎഇയിൽ പാർട്ട് ടൈം ജോലി ചെയ്യാമോ? ഈ സംശയം മിക്ക പ്രവാസികൾക്കും ഉണ്ടാകും എന്നാൽ യുഎഇയിൽ അനുവദിക്കുമെങ്കിലും നിയമങ്ങൾ കൃത്യമായി പാലിക്കണം. കാരണം യുഎഇ ലേബർ ലോ പ്രകാരം നിയമങ്ങൾ പാലിച്ചില്ലെങ്കിൽ നാടുകടത്തൽ വരെ നേരിടേണ്ടി വന്നേക്കാം. കൂടാതെ മാനവ വിഭവശേഷി മന്ത്രാലയത്തിൽ നിന്ന് പാർട്ട് ടൈം വർക്ക് പെർമിറ്റ് നേടണം. പക്ഷെ ഇതിന് മുന്നേ നിങ്ങളുടെ നിലവിലുള്ള സ്പോൺസറുടെയോ കമ്പനിയുടെയോ സമ്മതം ആവശ്യമാണ്. അവർ സമ്മതിച്ചില്ലെങ്കിൽ ഒന്നും നടക്കില്ല. ഇനി സമ്മതിച്ചാൽ നിങ്ങൾക്ക് വൈകുന്നേരങ്ങളിൽ പാർട്ട് ടൈം ആയി ജോലി ചെയ്യാൻ സാധിക്കും.

ഇനി ഇത് ഒന്നും പാലിക്കാതെ ജോലിക്ക് കേറിയാൽ ചിലപ്പോൾ വലിയ തുക പിഴയും നാടുകടത്തലും വരെ നേരിടേണ്ടി വരികയും ചെയ്യും. അതേസമയം കൂടുതൽ ആളുകളും ഡെലിവറി, ഫ്രീലാൻസ് ജോലികൾ ചെയ്യാനാണ് താത്പര്യപെടുന്നത്. ഇനി നിങ്ങൾക്ക് സ്കില്ലുകൾ ഉണ്ടെങ്കിൽ ഗ്രാഫിക് ഡിസൈനിംഗ്, അക്കൗണ്ടിംഗ്, അല്ലെങ്കിൽ ഡ്രൈവിംഗ് തുടങ്ങിയ കൂടെ ചെയ്യാൻ സാധിക്കും.

പക്ഷെ നിയമം പാലിക്കണം കൂടാതെ ലേബർ കാർഡ് ഇല്ലാതെ മറ്റൊരു സ്ഥാപനത്തിൽ ജോലി ചെയ്യുന്നത് നിയമവിരുദ്ധമാണ് എന്ന കാര്യം മറക്കരുത്. റമദാൻ കാലത്ത് പരിശോധനകൾ കർശനമാകാൻ സാധ്യതയുള്ളതിനാൽ നിയമപരമായ പെർമിറ്റുകൾ ഉണ്ടെന്ന് ഉറപ്പുവരുത്തേണ്ടത് അത്യാവശ്യമാണ്. ഇനി അതല്ല നിങ്ങൾക്ക് സ്വന്തമായി ഭക്ഷണം, വസ്ത്രം, അല്ലെങ്കിൽ കരകൗശല വസ്തുക്കൾ തുടങ്ങിയവ വിൽക്കാനോ ഓൺലൈൻ വഴി സെയിൽ ആണ് ഉദ്ദേശിക്കുന്നതെങ്കിൽ യുഎഇയിൽ അതിന് ഇതിന് ഇ ട്രേഡർ ലൈസൻസ് നിർബന്ധമാണ്. ഇത് വഴി നിങ്ങൾക്ക് ഓഫീസ് എടുക്കാതെ തന്നെ വീട്ടിലിരുന്ന് സോഷ്യൽ മീഡിയ വഴി ബിസിനസ്സ് ചെയ്യാം.

ഇനി ഇപ്പോൾ നിങ്ങൾ ഒരു കമ്പനിയിലും ജോലി ചെയ്യുന്നില്ല, അല്ലെങ്കിൽ നിങ്ങൾക്ക് സ്വതന്ത്രമായി ജോലി ചെയ്യണമെന്നുണ്ടെങ്കിൽ യുഎഇയിൽ ‘ഫ്രീലാൻസ് പെർമിറ്റുകൾ’കൂടെ ലഭ്യമാണ്. ദുബായ് മീഡിയ സിറ്റി, നോളജ് പാർക്ക് തുടങ്ങിയ ഫ്രീ സോണുകൾ ഇത്തരം പെർമിറ്റുകൾ നൽകുന്നുണ്ട്.

അതേസമയം ഈകാര്യത്തിൽ ചില കാര്യങ്ങൾ കൂടെ ശ്രദ്ധിക്കണം. അതായത് നിങ്ങളുടെ പാർട്ട് ടൈം ജോലി നിങ്ങളുടെ നിലവിലെ ജോലിയെ ഒരിക്കലും ബാധിക്കാൻ പാടില്ല. കൂടാതെ സ്പോൺസറുടെ അറിവില്ലാതെ സൈഡ് ബിസിനസ്സ് ചെയ്യുന്നതും കരാർ ലംഘനത്തിന് കാരണമായേക്കാം