പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ

Dubai RTA road closures : പുതുവത്സരാഘോഷങ്ങൾ (2026) സുരക്ഷിതവും സുഗമവുമായി നടത്തുന്നതിനായി ദുബായ് അധികൃതർ പൂർണ സജ്ജത പ്രഖ്യാപിച്ചു. സുരക്ഷ, ഗതാഗതം, പൊതുസേവനങ്ങൾ എന്നിവ ഏകോപിപ്പിച്ചാണ് ക്രമീകരണങ്ങൾ ഒരുക്കിയിരിക്കുന്നത്.

റോഡ് അടച്ചിടലുകൾ ഘട്ടംഘട്ടമായി

ദുബായ് ആർ.ടി.എ (RTA) അറിയിച്ചതനുസരിച്ച് ഡൗൺടൗൺ ദുബായിൽ ചില റോഡുകൾ സമയക്രമത്തിൽ അടയ്ക്കും.

• വൈകിട്ട് 4 മുതൽ: അൽ ഇസ്തിഖ്‌ലാൽ സ്ട്രീറ്റ്, അൽ മുസ്തഖ്ബൽ സ്ട്രീറ്റ്, ലോവർ ഫിനാൻഷ്യൽ സെന്റർ റോഡ്, ഷെയ്ഖ് മുഹമ്മദ് ബിൻ റാഷിദ് ബൂൾവാർഡ്, ബുർജ് ഖലീഫ സ്ട്രീറ്റ്
• വൈകിട്ട് 8 മുതൽ: അൽ മുലൂക്ക് (അൽ മുല്തഖ) സ്ട്രീറ്റ്
• വൈകിട്ട് 9 മുതൽ: അപ്പർ ഫിനാൻഷ്യൽ സെന്റർ റോഡ്
• വൈകിട്ട് 11 മുതൽ: ഷെയ്ഖ് സായിദ് റോഡിൽ ഭാഗിക നിയന്ത്രണം

ഡിസംബർ 31 രാവിലെ 6 മുതൽ ജനുവരി 2 രാവിലെ 2 വരെ ഷെയ്ഖ് സായിദ് റോഡ് പൂർണമായും അടച്ചിടും. വാഹനയാത്രക്കാർ ബദൽ മാർഗങ്ങൾ ഉപയോഗിക്കണമെന്ന് അധികൃതർ അറിയിച്ചു.

പൊതു ഗതാഗതം ശക്തമാക്കി

ദുബായ് മെട്രോ 43 മണിക്കൂർ തുടർച്ചയായി സർവീസ് നടത്തും. എമിറേറ്റ്സ് ടവേഴ്സ്, ഫിനാൻഷ്യൽ സെന്റർ, ബിസിനസ് ബേ, ബുർജ് ഖലീഫ/ദുബായ് മാൾ തുടങ്ങിയ സ്റ്റേഷനുകളിൽ അധിക സർവീസുകൾ ഉണ്ടാകും. പൊതുഗതാഗതം പരമാവധി ഉപയോഗിക്കണമെന്ന് അധികൃതർ അഭ്യർഥിച്ചു.

40 കേന്ദ്രങ്ങളിൽ 48 കരിമരുന്ന് പ്രയോഗങ്ങൾ

ദുബായിലെ 40 പ്രധാന കേന്ദ്രങ്ങളിലായി 48 കരിമരുന്ന് പ്രയോഗങ്ങൾക്ക് അനുമതി നൽകിയിട്ടുണ്ട്.
ബുർജ് ഖലീഫ, ഡൗൺടൗൺ ദുബായ്, പാം ജുമൈറ, ദുബായ് ഫെസ്റ്റിവൽ സിറ്റി, ദുബായ് ക്രീക്ക് ഹാർബർ, ബ്ലൂവാട്ടേഴ്സ്, ബുർജ് അൽ അറബ്, എക്‌സ്‌പോ സിറ്റി, ഗ്ലോബൽ വില്ലേജ്, അറ്റ്ലാന്റിസ് ദ പാം, പാം ജെബൽ അലി എന്നിവ പ്രധാന കേന്ദ്രങ്ങളാണ്.

ജനക്കൂട്ടം നിയന്ത്രിക്കുന്നതിനും സുരക്ഷ ഉറപ്പാക്കുന്നതിനുമായാണ് കരിമരുന്ന് പ്രയോഗങ്ങൾ വിവിധ ഭാഗങ്ങളിലായി ക്രമീകരിച്ചിരിക്കുന്നതെന്ന് അധികൃതർ വ്യക്തമാക്കി. എല്ലാവരും സുരക്ഷാനിർദേശങ്ങൾ പാലിക്കണമെന്നും ഔദ്യോഗിക അറിയിപ്പുകൾ അനുസരിക്കണമെന്നും അധികൃതർ അറിയിച്ചു.

ശൈത്യകാല വിനോദയാത്രകൾ: പ്രവാസികൾക്ക് യുഎഇ ഭക്ഷ്യസുരക്ഷ വകുപ്പിന്റെ കർശന മുന്നറിയിപ്പ്

Latest Greeshma Staff Editor — December 26, 2025 · 0 Comment

പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ

UAE food safety warning ദുബായ്: യുഎഇയിൽ ശൈത്യകാലം ശക്തമായതോടെ മരുഭൂമികളിലും പാർക്കുകളിലും സമയം ചെലവഴിക്കുന്നവരുടെ എണ്ണം വർധിക്കുകയാണ്. ഇതോടൊപ്പം പുറം സ്ഥലങ്ങളിൽ ഭക്ഷണം പാകം ചെയ്യുകയും സൂക്ഷിക്കുകയും ചെയ്യുമ്പോൾ പാലിക്കേണ്ട സുരക്ഷാ നിർദേശങ്ങൾ അബുദാബി കൃഷി, ഭക്ഷ്യ സുരക്ഷാ അതോറിറ്റി പുറത്തിറക്കി.

ക്രിസ്മസ്–പുതുവത്സര അവധിക്കാലത്ത് കുടുംബങ്ങളായും സുഹൃത്തുക്കളായും നിരവധി പേർ മരുഭൂമികളിലും തുറന്ന സ്ഥലങ്ങളിലും എത്താൻ സാധ്യതയുണ്ടെന്ന് അധികൃതർ വ്യക്തമാക്കി. അശ്രദ്ധയായി ഭക്ഷണം കൈകാര്യം ചെയ്യുന്നത് ഭക്ഷ്യവിഷബാധ പോലുള്ള ആരോഗ്യ പ്രശ്നങ്ങൾക്ക് കാരണമാകുമെന്നും മുന്നറിയിപ്പ് നൽകി.

പെട്ടെന്ന് കേടാകുന്ന ഭക്ഷണസാധനങ്ങൾ ആവശ്യമായ ഐസ് ഉപയോഗിച്ചുള്ള കൂളറുകളിൽ മാത്രമേ സൂക്ഷിക്കാവൂ. അസംസ്കൃത മാംസം പാകം ചെയ്ത ഭക്ഷണങ്ങളിൽ നിന്നോ പഴങ്ങൾ, പച്ചക്കറികൾ എന്നിവയിൽ നിന്നോ വേർതിരിച്ച് പ്രത്യേകം പാത്രങ്ങളിൽ സൂക്ഷിക്കണം. മാംസത്തിൽ നിന്നുള്ള വെള്ളം മറ്റ് ഭക്ഷണങ്ങളിൽ കലരാതിരിക്കാൻ പ്രത്യേകം ശ്രദ്ധിക്കണമെന്നും നിർദേശം നൽകി.

പാചകത്തിനായി പ്രകൃതിദത്തമായ കരിയോ മരമോ മാത്രം ഉപയോഗിക്കണം. കരി കത്തുമ്പോൾ ഉണ്ടാകുന്ന പുക പൂർണമായി മാറിയ ശേഷം മാത്രമേ ഗ്രില്ലിംഗ് നടത്താവൂ. പാചകം ചെയ്യുന്ന സ്ഥലം ആളുകൾ ഒത്തുകൂടുന്ന ഇടങ്ങളിൽ നിന്നും ടെന്റുകളിൽ നിന്നും സുരക്ഷിത അകലം പാലിച്ചായിരിക്കണമെന്നും അധികൃതർ അറിയിച്ചു.

ചൂടുള്ള ഭക്ഷണം സൂക്ഷിക്കാൻ പ്ലാസ്റ്റിക് പാത്രങ്ങൾ ഉപയോഗിക്കരുതെന്നും, സ്റ്റീൽ അല്ലെങ്കിൽ ഗ്ലാസ് പാത്രങ്ങൾ ഉപയോഗിക്കുന്നതാണ് ഉചിതമെന്നും നിർദേശിച്ചു. ഭക്ഷണം കഴിച്ച ശേഷമുള്ള അവശിഷ്ടങ്ങൾ കവറുകളിലാക്കി ബിന്നുകളിൽ നിക്ഷേപിക്കണം. ഭക്ഷണാവശിഷ്ടങ്ങൾ പരിസരത്ത് ഉപേക്ഷിക്കുന്നത് മൃഗങ്ങളെ ആകർഷിക്കുമെന്നും, ഇത് കനത്ത പിഴയ്ക്ക് കാരണമാകുമെന്നും അതോറിറ്റി മുന്നറിയിപ്പ് നൽകി.

പുതുവർഷാഘോഷങ്ങൾക്ക് ദുബായ് സജ്ജം; 40 ഇടങ്ങളിൽ കരിമരുന്ന് പ്രയോഗങ്ങൾ, വൻ സുരക്ഷാ ക്രമീകരണങ്ങൾ

Latest Greeshma Staff Editor — December 26, 2025 · 0 Comment

പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ

Dubai New Year 2026 fireworks ദുബായ്: പുതുവർഷമായ 2026നെ വരവേൽക്കാൻ ദുബായ് ഒരുക്കങ്ങൾ പൂർത്തിയാക്കി. നഗരത്തിന്റെ വിവിധ ഭാഗങ്ങളിലായി 40 ഇടങ്ങളിൽ 48 കരിമരുന്ന് പ്രയോഗങ്ങൾ നടത്തുമെന്ന് അധികൃതർ അറിയിച്ചു. കഴിഞ്ഞ വർഷത്തെ അപേക്ഷിച്ച് കൂടുതൽ കേന്ദ്രങ്ങളിലാണ് ഇത്തവണ ആഘോഷങ്ങൾ സംഘടിപ്പിക്കുന്നത്.

ഇവന്റ് സെക്യൂരിറ്റി കമ്മിറ്റി നടത്തിയ വാർത്താസമ്മേളനത്തിലാണ് വിശദാംശങ്ങൾ പുറത്തുവിട്ടത്. പുതുവർഷ രാവിൽ ലക്ഷക്കണക്കിന് ആളുകൾ പങ്കെടുക്കുമെന്ന് പ്രതീക്ഷിക്കുന്നതിനാൽ 23,000-ത്തിലധികം സുരക്ഷാ ഉദ്യോഗസ്ഥരെ വിന്യസിക്കും. ഇതിൽ 9,884 ദുബായ് പോലീസ് ഉദ്യോഗസ്ഥരും 13,502 സ്വകാര്യ സുരക്ഷാ ജീവനക്കാരും ഉൾപ്പെടും.

ഗതാഗതവും സുരക്ഷയും

ഗതാഗത സൗകര്യങ്ങൾ ഉറപ്പാക്കാൻ ദുബായ് ആർടിഎ (RTA) പ്രത്യേക ക്രമീകരണങ്ങൾ ഒരുക്കിയിട്ടുണ്ട്. 14,000 ടാക്സികൾ, 1,300 ബസുകൾ, 107 മെട്രോ ട്രെയിനുകൾ സർവീസിനുണ്ടാകും. ഗതാഗത നിയന്ത്രണത്തിന് 5,565 ജീവനക്കാരെ നിയോഗിക്കും.

സുരക്ഷയ്ക്കായി 1,625 പട്രോൾ വാഹനങ്ങൾ, സൈക്കിൾ പട്രോളുകളും കുതിരസേനയും വിന്യസിക്കും. കടലിൽ 53 മെറൈൻ റെസ്ക്യൂ ബോട്ടുകൾ നിരീക്ഷണത്തിനുണ്ടാകും.

ആരോഗ്യവും അടിയന്തര സേവനങ്ങളും

അപകടസാഹചര്യങ്ങൾ നേരിടാൻ 236 ആംബുലൻസുകൾ, 635 പാരാമെഡിക്കുകൾ, 1,900 മെഡിക്കൽ സ്റ്റാഫ് എന്നിവരെ സജ്ജമാക്കിയിട്ടുണ്ട്. 12 ആശുപത്രികളും ഔട്ട്‌ഡോർ ക്ലിനിക്കുകളും തയ്യാറാണ്.
സിവിൽ ഡിഫൻസിന്റെ ഭാഗമായി 1,754 ഉദ്യോഗസ്ഥരും 165 അഗ്നിശമന വാഹനങ്ങളും മുൻകരുതലായി വിന്യസിക്കും.

ബുർജ് ഖലീഫ, ബുർജ് അൽ അറബ്, ഗ്ലോബൽ വില്ലേജ് അടക്കം ദുബായിലെ പ്രധാന കേന്ദ്രങ്ങൾ പുതുവർഷ രാവിൽ വർണാഭമായ കരിമരുന്ന് പ്രയോഗങ്ങളോടെ ആഘോഷമാകും.

പ്രവാസികൾക്ക് സന്തോഷവാർത്ത; അൽഹിന്ദ് എയറിന് അനുമതി; കുറഞ്ഞ നിരക്കിൽ വിമാനയാത്ര ഉടൻ സാധ്യമാകും

UAE admin — December 26, 2025 · 0 Comment

പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ

Alhind Air operations:ന്യൂഡൽഹി/ദുബായ്: യുഎഇയിലെ പ്രവാസികൾക്കും യാത്രക്കാർക്കും ആശ്വാസമായി പുതിയ വിമാനക്കമ്പനി വരുന്നു. ദുബായ് ആസ്ഥാനമായി പ്രവർത്തിക്കുന്ന പ്രമുഖ ട്രാവൽ ഗ്രൂപ്പായ അൽഹിന്ദ് ഗ്രൂപ്പിന്റെ ഉടമസ്ഥതയിലുള്ള ‘അൽഹിന്ദ് എയറിന്’ (Al Hind Air) ഇന്ത്യയിൽ സർവീസ് നടത്താനുള്ള കേന്ദ്ര വ്യോമയാന മന്ത്രാലയത്തിന്റെ അനുമതി (No Objection Certificate – NOC) ലഭിച്ചു.

ഇന്ത്യൻ വ്യോമയാന വിപണിയിലെ കുത്തക അവസാനിപ്പിക്കാനും യാത്രക്കാർക്ക് കൂടുതൽ അവസരങ്ങൾ നൽകാനുമാണ് പുതിയ വിമാനക്കമ്പനികൾക്ക് അനുമതി നൽകിയിരിക്കുന്നത്. അൽഹിന്ദ് എയറിനൊപ്പം ‘ഫ്ലൈ എക്സ്പ്രസ്’ (FlyExpress), ‘ശങ്ക് എയർ’ (Shankh Air) എന്നീ കമ്പനികൾക്കും അനുമതി ലഭിച്ചിട്ടുണ്ട്.

Apply for the latest job vacancies

പ്രധാന വിവരങ്ങൾ:

• തുടക്കം കൊച്ചിയിൽ നിന്ന്: കൊച്ചി വിമാനത്താവളം (CIAL) ആസ്ഥാനമായാണ് അൽഹിന്ദ് എയർ പ്രവർത്തിക്കുക. തുടക്കത്തിൽ ദക്ഷിണേന്ത്യയിലെ പ്രധാന നഗരങ്ങളായ ബെംഗളൂരു, തിരുവനന്തപുരം, ചെന്നൈ, കൊച്ചി എന്നിവിടങ്ങളെ ബന്ധിപ്പിച്ചാകും സർവീസ്.
• വിമാനങ്ങൾ: എടിആർ 72-600 (ATR 72-600) ടർബോപ്രോപ്പ് വിമാനങ്ങളാണ് ആദ്യഘട്ടത്തിൽ സർവീസിനായി ഉപയോഗിക്കുക.
• ലക്ഷ്യം ഗൾഫ് സർവീസ്: ആഭ്യന്തര സർവീസുകൾ ആരംഭിച്ച് അധികം വൈകാതെ തന്നെ അന്താരാഷ്ട്ര സർവീസുകളിലേക്ക് കടക്കാനാണ് കമ്പനിയുടെ തീരുമാനം. 20 വിമാനങ്ങൾ എന്ന കടമ്പ കടന്നാൽ ഉടൻ യുഎഇയിലേക്കുള്ള സർവീസുകൾ ആരംഭിക്കും. ഇത് പ്രവാസികൾക്ക് കുറഞ്ഞ നിരക്കിൽ നാട്ടിലെത്താൻ സഹായിക്കും.
• പ്രവാസികൾക്ക് ഗുണകരം: 30 വർഷത്തിലധികമായി ട്രാവൽ രംഗത്തുള്ള അൽഹിന്ദ് ഗ്രൂപ്പിന് യുഎഇയിൽ ശക്തമായ സാന്നിധ്യമുണ്ട്. ടിക്കറ്റ് നിരക്ക് കുറയ്ക്കുന്നതിലൂടെ പ്രവാസികൾക്ക് വലിയാരു ആശ്വാസമാകാൻ അൽഹിന്ദ് എയറിന് സാധിക്കുമെന്നാണ് വിലയിരുത്തൽ.

നിലവിൽ ഇൻഡിഗോ, എയർ ഇന്ത്യ എന്നിവയുടെ ആധിപത്യമുള്ള ഇന്ത്യൻ ആകാശത്ത് പുതിയ കമ്പനികൾ വരുന്നത് ടിക്കറ്റ് നിരക്ക് കുറയാനും സേവനങ്ങൾ മെച്ചപ്പെടാനും കാരണമാകുമെന്ന് വ്യോമയാന മന്ത്രി റാം മോഹൻ നായിഡു അറിയിച്ചു. അടുത്ത വർഷം (2026) ആദ്യത്തോടെ സർവീസുകൾ ആരംഭിക്കാനാണ് അൽഹിന്ദ് എയർ ലക്ഷ്യമിടുന്നത്.